Magtubu di Pol wal bɨn̰ kalaŋ ga Rɔm 11:14 - Gabri Maja

¹⁴ Bɨ ɨŋ lee gɨye gɨ nee le ɨrɨmɨn̰ gɨ karmɨnɨ ga ni kɨbarnɨ ga na Jubɨ na laan̰ge jangɨ koldi, aŋ na poɗɨn̰ kan ga pɨna duroyge.

Magtubu di Pol wal bɨn̰ kalaŋ ga Rɔm 11:14 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 10:19

Hɨn̰ gɨ naa hɨn̰ wo̰ na, ɨŋ kɨya ɨngɨre kɔl ɗaŋ coŋ: Kɛ, te wɨn̰je gɨ da Ɨsɨrayɛl sɨla duroy kɔl le naŋ leen̰ cɨndi ga? Sɨlagɨŋ kɔl gɨ tumɔ Moyis ba ye cay nee ba kɛ: «Ɨŋ kɨya lɔɔ gɨ jangɨ na laagɨŋ, Cay kalaŋ ga ungo sɨla toyge naŋ bɨ, Ɨŋ kɨya lɔɔ gɨ kuduroy-hɔmɛ na laagɨŋ gɨɗaŋ A cay kalaŋ ga na kalaŋ ga hɨnga-sɔlɛ kage unɔ bɨ.»

Magtubu di Pol wal bɨn̰ kalaŋ ga Rɔm 11:11

Aŋ ɨngɨrgɨŋ ɗaŋ coŋ sol: Dɔgɛ gɨ te wɨn̰je gɨ da Ɨsɨrayɛl ba de tɨbayige a gundi sɨya gɨŋ le, na ɗe gɨ ban na baa yɔd dan̰ cɨndi ga? Cə, na hɨn̰ wo̰ naŋ bɨrɨŋ! Ama dan̰ gɨyəŋ gɨ da hɨnga ga dan̰ gɨyəŋdɨge naŋ ga Jubɨn̰əŋ leege le, kalaŋ ga toyge na Jubɨ naŋ wan̰ge pɔɗɛ ɨni, ɗe jangɨ na leen̰ Jubɨn̰əŋ.

Magtubu di Pol wal bɨn̰ kalaŋ ga Rɔm 9:3

Ho’o, ɨŋ orɨn̰ dan̰ n̰age gɨ Kumu na ɓɨsəŋ ɨŋ-bandi bɨ, pɨyaŋ ɨŋ-bandi gusɨnɨ dan̰ Kɨris bɨ, hɨn̰ gɨ dan̰ gɨyəŋ gɨ nee le na, karmɨnɨ ga a te wɨn̰je hɨnge gɨŋ na kɨya pɔɗɛge.

1 Korɛ̰t 1:21

Na cɨndi, kɨɗɨn̰ ga Kumu gɨl cay cɨn̰-muɗɔlɛ toy nee le, kalaŋ ɓalage solii dan̰ gɨyəŋ gɨ da hɨnga-sɔlɛ ga da kalaŋ ga a cay gɨsəŋ gaŋ naŋ. Na toy di hɨn̰ wo̰ ma, Kumu poɗɨ kalaŋ na dan̰ gɨyəŋ gɨ da bɔgɛ kudurɔ a cay tɔgɛ bɛrnɛ di da Kɔl-gɨ-Ɗari gɨ kalaŋ solge leen̰ hɨnga ga ni dɨngale.

1 Korɛ̰t 10:33

Na toy di hɨn̰ wo̰ ma ɨŋ-bandi kalɨn̰ ma ɨŋ ƴom gusɨnɨ osu leen̰ hɨnga nɔm ɗe na mon̰ kalaŋ le. Kɨya gɨ ɨŋ mal na hɨnga ga da ɗarwa tɨnge naŋ ama na ɗarwa di da kalaŋ ga dan̰ kondiige, ɗe kan na poɗɨn̰ge.

1 Korɛ̰t 7:16

Me-hɨndi tama, gajanaŋ kudurɛɛ gɨ wɔɔ pɔɗɛ kol cɛɛ. Ji bara, gajanaŋ tamdin̰ gɨ wɔɔ pɔɗɛ kol can̰.

1 Timote 1:15

Kɔl gɨ kɛ le, na kɔl gɨ cɨndi gɨ ojɨ gɨ ungo na bɨga kuduroy cay nee bɨ, na kɔl gɨ ɓal gɨ kalaŋ nɔm na ƴage mɨlaŋ bɨ: Jesu-Kɨris ɨrga a cay gɨsəŋ gaŋ na kɨya pɔɗɛ ka-lɔɔ ɨsɨna. Ama ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm.

1 Timote 2:4

Ban gey gɨ kalaŋ nɔm na pɨɗage bɨ, ɨran̰ge bɨrɨŋ sɨlan̰ge kɔl gɨ cɨndi kuɗa bɨ.

1 Timote 4:16

Ɗa cɨndɨn̰ kardi gusɨn̰ kon̰ bɨ, kardi gɨle kɔl kon̰ bɨ. Ƴɨma gusɨn̰ usa cay hɨnga nɔm ga nee le. Kɨɗɨn̰ ga ji na laa hɨn̰ wo̰ na, ji kɨya pɔɗɛ gusɨn̰ kon̰ bɨ, ji kɨya pɔɗɛ kan ga jege kɔl kɨbɨn̰ bɨ.

2 Timote 1:9

Na Kumu ba pɔɗɨna bɨ, tɔgɨna gɨ na na bɨləŋ kalaŋ kayi bɨ. Bɨ hɨn̰ gɨ Ban na laa na, ban laa na kɨya cay gɨye-lɔɔdɨna gɨ dan̰ durɔ naŋ. Ama na kɨya gɨ ban ojɨ hɨn̰ wo̰ dan̰ kuduroy geye koyi, kɨya cay ɗarwa toyi. Ɗarwa di nee le, ban bɨna na tumɔ ɓɨragɨ pa dɨm ma ban ɗen̰ hɨnga nɔm ƴee, dan̰ bugoŋ gɨ na bugoŋgɨŋ pɨna dan̰ Jesu-Kɨris.

2 Timote 2:10

Na toy di hɨn̰ wo̰ ma, maŋ ƴom kuduronɨ osu duroy tabɨ dɨŋ, kɨya cay kan ga Kumu torge le, ɗe gɨ kan na poɗɨn̰ge te bugoŋ pɨna dan̰ Jesu-Kɨris bɨ, wan̰ hɨnga nɔm ga na gusoŋ-tɔgɛ gɨ dan̰ cɨndi bɨ.

Titɨ 3:5

ban pɔɗɨnagɨŋ na kɨya gɨye-lɔɔ gɨ dan̰ durɔ ɗɨngar gɨ na leegɨŋ naŋ. Ama na kɨya sɔlɛ gɨ ban sol cɨn̰-n̰age tɔnagɨŋ. Ban pɔɗɨnagɨŋ na dan̰ gɨyəŋ gɨ da pɨle gɨ da wɔɔ gɨ hɨrɨwa bɨ, na dan̰ gɨyəŋ gɨ da Turnɔ ɗe-kuduroy-bɛrɛ bɨ.

Pilemo 1:12

Ɨŋ jogɨ gɨyɨn̰ danayi bɨn̰, ban gɨ na kɨway gusɨnɨ le.

Əbɨro 1:14

Ka-ƴɔbɛ ga daa nii nɔm na turnɔn̰əŋ ƴɔbɨ ga ka-lɔɔ gɨye gɨ da Kumu bɨ, Kumu gɨygɨge ɗe kan na laa gɨye kol cay kalaŋ ga ka-wɔɔ pɔɗɛ bɨ.

Əbɨro 2:3

Pɔɗɛ gɨ gumu gɨ nee le, hɨn̰ gɨ na na sɨla laan̰ hɨnga naŋ na, kɛ kɔl gɨ ƴɔmɛ cayna naŋ na mɨna ga? Pɔɗɛ gɨ gumu gɨ nee le, Ba-gulɔŋ ban gusi koyi ay te tɔgɛ bɛrnɛdi tumɔ pa dɨm ma, kan ga jege koldi dan̰ sɨmayge yenige, lee gɨ or kɨɗɨn̰di gaŋ.

Magtubu di Jag wal 5:20

kuɗa gɨ ban hɨn a cay kɔl gɨ ba kɛ: Waŋ waŋ gɨ na jɨgen̰ dan̰ ka-lɔɔ ɨsɨna a te gɨyəŋ gɨ ɗari gɨŋ na, ban ƴeege na kɨbɨ tɨma dɨŋ bɨ, kɨya cay hɨnga ga ban lee le, Kumu kɨya ɗɔɔ kuduroyi jalɨwa cay ɨsɨnan̰əŋ tɔgɨ bɨ.