Magtubu di Pol wal bɨn̰ kalaŋ ga Rɔm 10:2 - Gabri Maja

² Ho’o, ɨŋ ɓal lɔɔ tɨmon̰ kol cayge gɨ gusɨge na hɨmbalge a te gɨye gɨ da Kumu gɨŋ hage, ama gusi-hɨmbalwa toge di nee le, ɗa sarnayge na a cay hɨnga-sɔlɛ ga leen̰ cɨndi gaŋ naŋ.

Magtubu di Pol wal bɨn̰ kalaŋ ga Rɔm 10:2 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 16:2

Kan kɨya taygɨŋge a duroy ƴaa-daye-di-da-Jubɨn̰əŋ gaŋ coŋ. Na cɨndi, wɔlɛ kɨya caga gɨ waŋ waŋ gɨ na dɨɗɨgɨŋ na, kɨya ɨrɨme gɨ ɗi naa lee na gɨye bɨn̰ Kumu.

Gɨye-lɔɔ 21:20

Kɨɗɨn̰ ga kan jege kɔl koyi coŋ ɨni na, kan hɨramge Kumu bɨ, jɨgage yen̰ge Pol hɨn̰: «Kurɨndɨni, ji sɨla, a kɛ kalaŋ ga ni Jubɨ dubu kondɨ ayge kuduroyge bɨ, kan nɔm kobɨge na gasɨn̰-kɔl gɨ da Moyis dan̰ ɗugoyge ga pɨna bɨ.

Gɨye-lɔɔ 21:28

Kan dege sɨle yege hɨn̰: «Gɨrnigɨŋ daa, kalaŋ ga Ɨsɨrayɛl! Sɨlagɨŋ ungo gɨ ba gɔrɛ dan̰ kɨɗɨn̰ kɨɗɨn̰ nɔm gɨlɨn̰ kalaŋ nɔm ɗe na kayɨn̰ge te wɔɔ gɨ da kalaŋ kana bɨ, gasɨn̰-kɔl gɨ da Moyis bɨ, ƴaa-di-da-Kumu di ba woy kɛ bɨ le, ban ba kɛ! Bɨ haw kɛ kalaŋ ga toyge na Jubɨ naŋ kalɨn̰ ma, ban dorge andɨn̰ danage boy ƴaa-di-da-Kumu di woy dan̰ cɨndo dɨŋ le, say bɨloo leen̰ kɨɗɨn̰ ga lee kɨni.»

Gɨye-lɔɔ 22:22

Kalaŋ kondɨ ɨrege nee jege kɔl gɨ da Pol bɨrɨŋ andɨn̰ cay kɔl gɨ nee gɨŋ le. Ayge te dɔgɛ sɨle tɔgɨ yen̰ge hɨn̰: «Ungo gɨ hɨn̰ wo̰ le, na ungo gɨ ni ɗoyi sɔmɛ cay gɨsəŋ gaŋ naŋ! Kuɗa gɨ ni ɗoyi sɔmɛ dan̰ cɨndi naŋ! Kɨŋ dɨɗii coŋ!»

Gɨye-lɔɔ 22:3

«Ɨŋ na Jubɨ, wɔɔŋge na Tars, a cay gɨsəŋ ga Sɨlisi gaŋ bɨ, ama na a cay ƴaa-di-gumu di Jerusalɛm dɨŋ kɛ ma abaŋge nee bɨ, na Gamalɨyɛl, ma na ba gɨləŋ hɨnga bɨ. Ban gɨləŋ gasɨn̰-kɔl gɨ da mon̰inagɨŋ, lee gɨ ɨŋ sol gɨyəŋ gɨ ni ɨre a cay gasɨn̰-kɔl kage gaŋ, dan̰ gɨyəŋdɨge gɨyəŋdɨge. Kɨya wa tumɔ le gusɨnɨ-hɨmbalaŋ tɔgɨ a cay hɨnga ga da Kumu gaŋ, na hɨn̰ gɨ kɨŋ ba leen̰ nɔm labɨde wo̰ bɨ.

Magtubu di Pol wal bɨn̰ kalaŋ ga Rɔm 10:1

Ay karmɨnɨ ga ban̰aŋ dan̰ ga kandɨ, hɨnga ga ɨŋ or n̰agedɨge dan̰ kuduronɨ nɔm na, na gɨ karmɨnɨ ga ni Jubɨ na pɨɗage bɨ, na hɨnga ga nee le ma maŋ olɨn̰ Kumu dan̰ wɔlɛ pɨna pɨna bɨ.

Magtubu di Pol wal bɨn̰ kalaŋ ga Rɔm 10:3

Na cɨndi, kan sɨlage gɨyəŋ gɨ Kumu bɨlɨn̰ kalaŋ leen̰ ga dan̰ durɔ ɗɨngar le naŋ, lee gɨ kan gey bɨle kalaŋ ga dan̰ durɔ ɗɨngar dan̰ gɨyəŋ koge gɨ kan ojɨ. Na hɨn̰ wo̰ ma, kan kan̰ɨn̰ge an̰ɨn̰ gɨyəŋ gɨ Kumu haŋgɨ kɨya bɨlɨn̰ kalaŋ leen̰ ga dan̰ durɔ ɗɨngar le.

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

2 Korɛ̰t 4:6

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.

2 Korɛ̰t 8:3

Hɨnga ga kan beege le na hɨnga ga ojɨ cay togɨyge, lee gɨ ɨŋ ɓal lɔɔ tɨmon̰ toge. Kan beege ɗɨn̰ cay togɨyge bɨ, leege na dan̰ kuduroy geye koge bɨ.

Galad 1:14

Karmɨnɨ Jubɨ ga ɨlge di ni ɓalɨn̰ le, ɨŋ lee gɨye bɨn̰ Kumu dan̰ gɨyəŋ gɨ da kalaŋ ga ni Jubɨ ɗige. Kɨya wa gusɨnɨ-hɨmbalaŋ tɔgɨ a cay hɨnga ga ni te mon̰ ga da mon̰inagɨŋ ɗɨn̰ ga pɨna kondɨ.

Galad 4:15

Boy wɔlɛ gɨ nee le, gusɨgɨŋ moogɨŋ tɔgɨ. Ama haw kɛ na, kol gusi-mɔwa togɨŋ le andaŋ na ani ga? Ɨŋ yəgɨŋ na kɔl gɨ cɨndi, boy wɔlɛdi gɨ nee le, hɨn̰ gɨ kɨŋ na ɓala dɔrɛ tɨdɨgɨŋ bəŋ na, kɨŋ ni kɨya dɔrɛ.

Pilib 1:9

Sɨlagɨŋ hɨnga ga ɨŋ ba ɨngɨrɨn̰ Kumu a duroy ɔlɛ Kumu hɨnge gɨŋ kol caygɨŋ le ba kɛ: Ɗa gɨ geye kogɨŋ na sa cay mɨgay gɨŋ jɨn̰ tumɔ tumɔ bɨ, gɨ cɨn̰ hangɨwa bɨ, ca di woy bɨra bɨ, wɨyage a duroy geye kogɨŋ gɨŋ bɨ,

Pilib 3:6

Gɨ ojɨ cay gusi-hɨmbalwa na, ɨŋ lun̰doŋ kardi gasɨn̰-kɔl osu bɨrɨŋ gɨ ɨŋ gɨlɨn̰ Ka-Daye cɨn̰-gɨle-cɨn̰ gɨɗaŋ. Ungo wo̰ kɨya ɓale dɨbe kɔl canɨ gɨ ɨŋ na hangɨɗɨ cay gasɨn̰-kɔl naŋ, kɨya wa ɨŋ bee kɔl cay nee ɗəndəŋ.

Kɔlɔs 4:13

Ɨŋ ye kɔl gɨ ɗari kol cay Epapəras gɨ ban gɨlal tɔgɨ kol caygɨŋ bɨ, kol kan ga woyge a cay ƴaa-di-gumu di Lawdise dɨŋ dan̰ Hɨyerapolis dɨŋ bɨ.