Magtubu di Pol wal bɨn̰ kalaŋ ga Rɔm 10:17 - Gabri Maja

¹⁷ Lee gɨ hɨnga ga ɨrgan̰ dan̰ aye kudurɔ le, na jɔɔ kɔl gɨ dorge bɨ, kɔl gɨ dorge le, na kɔl gɨ da Kɨris bɨ.

Magtubu di Pol wal bɨn̰ kalaŋ ga Rɔm 10:17 ပူးပေါင်းရင်းမြစ်များ

Marg 4:24

Ban yege ɗaŋ coŋ hɨn̰: «Ɗagɨŋ muɗɔlɛ a cay gusɨgɨŋ gɨŋ ojɨ cay kɔl gɨ kɨŋ ba je le. Kumu kɨya gɨse hɨnga bɨgɨŋ na a boy hɨnga ga kɨŋ gɨsɨn̰ hɨnga nee bɨn̰ kamdɨgɨŋ dan̰ wɔlɛ pɨna pɨna bɨ, kardi nee ban kɨya bɨgɨŋ ɗaŋ cay nee bɨ.»

Kɔl-gɨ-Ɗari gɨ Lug wal 11:28

Ama Jesu jɨga dɨboo cay nee yoo hɨn̰: «Ho’o, na kalaŋ ga ba jege kɔl gɨ da Kumu ayge leen̰ge gɨye dɨm ma, tumoy wolwa woy kol cayge ƴee.»

Kɔl-gɨ-Ɗari gɨ Lug wal 8:11

«Sɨlagɨŋ te kɨradi-kɔl le ba kɛ: Gasi gɨse le na kɔl gɨ da Kumu.

Kɔl-gɨ-Ɗari gɨ Lug wal 8:21

Ama Jesu yege hɨn̰: «Na kan ga ba jege kɔl gɨ da Kumu bɨ ayge leen̰ gɨye bɨ le, kan ma na ƴonɨ dan̰ karmɨnɨ.»

Kɔl-gɨ-Ɗari gɨ Ja̰ wal 1:37

Kɨɗɨn̰ ga ka-aye-cay-tɨbay Ja̰ ga sɔɔ ga nee le, jege kɔl gɨ ban ba ye le ɨni na, kan kobɨge kardi Jesu.

Magtubu di Pol wal bɨn̰ kalaŋ ga Rɔm 1:16

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

Magtubu di Pol wal bɨn̰ kalaŋ ga Rɔm 10:14

Ama hɨn̰ gɨ ungo na bɨga kuduroy a cay Ba-gulɔŋ naŋ na, kɛ ban kɨya tɔgɛ gusondi na mɨna ga? Hɨn̰ gɨ ungo na ja kɔl gɨ da Ba-gulɔŋ naŋ na, kɛ ban kɨya bɔgɛ kuduroy cayi na mɨna ga? Hɨn̰ gɨ ungo na tɨga bɛrnɛ di da Kɔl-gɨ-Ɗari bɨn̰ ungo naŋ na, kɛ kan gɨ jɔɔ kɔl gɨ da Ba-gulɔŋ na mɨna ga?

2 Korɛ̰t 2:17

Kalaŋ kondɨ ayge kɔl gɨ da Kumu leen̰ge hɨnga ga ni gɨyaw, ama ni-gandi ni laa hɨn̰ wo̰ naŋ. Dan̰ bugoŋ gɨ ni bugoŋ pɨna dan̰ Kɨris le, ni dor kɔl gɨ sayga gusi Kumu dɨle orɨn̰ dan̰ ɨrɨme gɨ ɗaŋ a kuduroyni tumoy Kumu.

Galad 3:2

Na kɔl gɨ ba kɛ pɨna hayi ma maŋ gey gɨ kɨŋ dɨbəŋ cay nee. Kɔl le ba kɛ: Kɨŋ way Turnɔ di da Kumu, na kɨya lɔɔ gɨ kɨŋ lee hɨnga ga gasɨn̰-kɔl ye gɨ kɨŋ na laa wala, na kɨya jɔɔ gɨ kɨŋ je Kɔl-gɨ-Ɗari ma magɨŋ been̰ kuduroygɨŋ cay nee ga?

Galad 3:5

Ban gɨ ba bɨgɨŋ Turnɔ bɨ, lee hɨnga ga ni beli duroygɨŋ bɨ le, ban lee na kɨya gɨ kɨŋ lee hɨnga ga gasɨn̰-kɔl ye gɨ kɨŋ na laa wala, na kɨya jɔɔ gɨ kɨŋ je Kɔl-gɨ-Ɗari bɨ, kɨŋ bee kuduroygɨŋ cay nee le ga?

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

1 Tesalonigɨ 2:13

Toy di ni ba leen̰ Kumu ho’o, kol caygɨŋ dan̰ tumoyni le ba kɛ: Kɨɗɨn̰ ga ni ba tee bɛrnɛ kɔl gɨ da Kumu bɨgɨŋ le, kɨŋ je bɨ, kɨŋ ƴee bɨ, kɨŋ ƴa na hɨn̰ gɨ naa kɔl gɨ da ungo gɨ ɨndi wo̰ naŋ, ama na hɨn̰ kɔl gɨ da Kumu gusi. Na cɨndi, na kɔl gɨ da Kumu, ban lee gɨye kuduroygɨŋ kɨŋ-gandi ka-aye kudurɔ.

Əbɨro 4:2

Kɨya wa na-gandi kalɨn̰ ma, kan tee bɛrnɛ Kɔl-gɨ-Ɗari bɨna hɨn̰ wɔlɛ gɨ kan ba teen̰ bɛrnɛ bɨn̰ kalaŋ ga a duroy daldɨŋ wo̰ bɨ. Ama kɔl gɨ kan ba je le, laa danage naŋ. Kɨya wa kɨɗɨn̰ ga kan ba jege le, kan ƴage dan̰ aye kudurɔ naŋ.

1 Pɨyɛr 1:23

Kɨŋ bɨləŋ kalaŋ ga hɨrɨwa na dan̰ wɔɔ gɨ hɨrɨwa bɨ. Wɔɔ gɨ nee le, saya na a te wɔɔ gɨ ni tɨma dɨŋ naŋ. Ama na a te kɔl gɨ da Kumu gɨ woy bɨra gɨ kɨya mare naŋ bɨrɨŋ.

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.