Magtubu di Pol wal bɨn̰ kalaŋ ga Rɔm 1:7 - Gabri Maja

⁷ Na toy di hɨn̰ wo̰ ma, ɨŋ wal magtubu di kɛ le bɨgɨŋ kɨŋ-gandi ga a Rɔm ga Kumu lee-toygɨŋ. Ban ba togɨgɨŋ gɨ kɨŋ na bɨl wɨya dan̰ cɨndɨgɨŋ. Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Magtubu di Pol wal bɨn̰ kalaŋ ga Rɔm 1:7 ပူးပေါင်းရင်းမြစ်များ

Matɨyo 5:16

Ɗagɨŋ gɨ asɨn̰a kogɨŋ ɗe asɨn̰ cɨn̰ kalaŋ hɨn̰ wo̰ bɨ, ɗe gɨ kan solɨn̰ge gɨye-lɔɔdɨgɨŋ gɨ kuɗa bɨ, ɗe kan hɨramɨn̰ge Baygɨŋ gɨ som a daa nii bɨ.

Kɔl-gɨ-Ɗari gɨ Ja̰ wal 20:17

Jesu jɨga yoo hɨn̰: «Ɨsɨbəŋ naŋ, kɨya wa ɨŋ ɨra a gusi Banɨ naŋ ƴee. Kɛɛ me-hɨndi na, ɨra wayan̰ karmɨnɨ bɨ, yage gɨ ɨŋ or na gusi Banɨ gɨ na Baygɨŋ bɨ, gusi Kumu hɨnge gɨ na Kumu kogɨŋ bɨ le.»

Gɨye-lɔɔ 15:23

Kan say walge magtubu bɨge kobɨge. Walge boy nee yege hɨn̰: «Ka-gɨre-gɨye bɨ, ga muɗoldoŋ bɨ, kan ga na karmɨgɨŋ bɨ, leen̰ge karmɨge ga na te kalaŋ ga toyge na Jubɨ naŋ ga somge a Antɨyɔs cay gɨsəŋ ga Siri gaŋ bɨ, Sɨlisi gaŋ bɨ le lapɨya.

Gɨye-lɔɔ 9:13

Ananɨyas jɨga dɨbii cay nee ye hɨn̰: «Ba-gulɔŋ, kalaŋ kondɨ yəŋge kol hɨnga nɔm ga ungo gɨ nee le lee bɨ, yege gɨ ban na leen̰ kalaŋ kan̰ ga woyge dan̰ cɨndɨge ɨsɨna tɔgɨ a cay ƴaa-di-gumu di Jerusalɛm dɨŋ bɨ.

Magtubu di Pol wal bɨn̰ kalaŋ ga Rɔm 1:6

Kɨŋ-gandi kalɨn̰ ma, kɨŋ na duroy kalaŋ ga nee le bɨ. Na Kumu ba togɨgɨŋ ɗe agɨŋ na bɨləŋ kalaŋ ga da Jesu-Kɨris.

Magtubu di Pol wal bɨn̰ kalaŋ ga Rɔm 5:1

Ho’o, na bɨle kalaŋ ga dan̰ durɔ ɗɨngar cɨn̰ Kumu na dan̰ gɨyəŋ gɨ da aye kudurɔ kona ɨni. Lee gɨ haw kɛ na gusi-dɔbɛ woy duroyna dan̰ Kumu na dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 5:5

Ama ɨrɨmedɨna gɨ na ba bee a cay Kumu le, kɨya ɨrgan̰ dan̰ dasi cayna naŋ, kɨya wa Kumu gɨygɨn̰ dan̰ geye koyi a kuduroyna dan̰ gɨyəŋ gɨ da Turnɔ ɗe-kuduroy-bɛrɛ di ban bɨna.

Magtubu di Pol wal bɨn̰ kalaŋ ga Rɔm 8:28

Na sol kuɗa, gɨ kan ga geyge Kumu ga na kan ga Kumu teege dan̰ gɨyəŋ gɨ da ɔjɛ gɨ ban ba gɨse tumɔ hayi le, hɨnga nɔm ga ba leege le, Kumu kɨya lɔɔ gɨ na bɨl wɨya hɨnga ga ɗari kol cayge.

Magtubu di Pol wal bɨn̰ kalaŋ ga Rɔm 8:39

tɔgɨn̰əŋ ga a gɨɗɨgɨ-Kumu gaŋ naŋ bɨ, ga a cay gɨsəŋ gaŋ naŋ bɨ, hɨnga se ga da Kumu pɨna wo̰ naŋ bɨ, hɨnga pɨna wo̰ ga ba kɨya ɓale poyina dugo dan̰ geye gɨ Kumu gɨl doŋ kol cayna dan̰ gɨyəŋ gɨ da Jesu-Kɨris Ba-gulondɨna gɨ na bugoŋ pɨna danayi le, unɔ bɨrɨŋ.

Magtubu di Pol wal bɨn̰ kalaŋ ga Rɔm 9:25

Na kɔl gɨ nee le ma, Kumu ye a duroy magtubu di da ba-yɔɔ-kɔl-gɨ-Kumu-ba-yɔɔ Oje dɨŋ ye hɨn̰: «Kan ga naa, na te kalaŋ kange naŋ le, Ɨŋ teege te kalaŋ kange bɨ, Kan ga naa, ɨŋ laa-toyige naŋ le, Ɨŋ teege ɨŋ lee-toyige bɨ.»

1 Korɛ̰t 1:24

Ama ojɨn̰ cay kan ga Kumu teege le, kan naa Jubɨn̰əŋ wala, kan naa Gɨrɛgn̰əŋ kalɨn̰ ma, Kɨris le na dɔnɔ di da Kumu bɨ cɨn̰-muɗɔlɛ da Kumu bɨ.

1 Korɛ̰t 16:23

Ɗa gɨ Ba-gulɔŋ Jesu laa ɗarwa danagɨŋ.

Galad 6:18

Karmɨnɨ ga ban̰aŋ dan̰ ga kandɨ, ɗa gɨ ɗarwa di da Ba-gulondɨna Jesu-Kɨris baa danagɨŋ bɨ, baa dan̰ turnoygɨŋ bɨ. Ɗa-ɗe-woy-hɨn̰-wo̰.

Epɛs 1:2

Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Epɛs 6:23

Kuɗa gɨ Kumu Bayna bɨ Ba-gulondɨna Jesu-Kɨris bɨ, bɨn̰ karmɨni ga ban̰aŋ dan̰ ga kandɨ gusi-dɔbɛ bɨ, geye bɨ, aye kudurɔ bɨ.

Pilib 1:2

Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Pilib 4:13

Ɨŋ ɓal lɔɔ hɨnga nɔm dan̰ gɨyəŋ gɨ da Kɨris gɨ ba bəŋ dɔnɔ.

Pilib 4:20

Kuɗa gɨ gusoŋ-tɔgɛ wɨya na kɨya cay Bayna Kumu ɨlge dan̰ ɨlge! Ɗa-ɗe-woy-hɨn̰-wo̰.

Pilib 4:23

Kuɗa gɨ Ba-gulɔŋ Jesu-Kɨris laa kuduroy-ɗarwa danagɨŋ bɨ, baa dan̰ turnoygɨŋ bɨ.

Kɔlɔs 1:2

ni-gandi ni ləgɨŋ lapɨya kɨŋ-gandi ka-karme ga ban̰aŋ dan̰ ga kandɨ ga bugoŋge pɨna dan̰ Kɨris ga woyge dan̰ cɨndɨge bɨ, ga ɨrege a cay tɨbayge dɨŋ bɨ, ga somge a cay ƴaa-di-gumu di Kɔlɔs dɨŋ. Ɗe gɨ Bayna Kumu laa ɗarwa danagɨŋ bɨ bɨgɨŋ gusi-dɔbɛ bɨ.

Kɔlɔs 3:12

Ay, kalaŋ ga Kumu torgɨŋ, kɨŋ bɨle na kalaŋ kayi ga woyge dan̰ cɨndɨge bɨ, ga ban geyge bɨ. Na toy di hɨn̰ wo̰ ma, kuɗa gɨ kɨŋ dɨba sɔlɛ cɨn̰-n̰age da gusɨgɨŋ a gusɨgɨŋ hɨn̰ badɨge wo̰ ɗe agɨŋ bɨlɨn̰ ka-lɔɔ ɗarwa bɨ, ka-dɔgɛ jɔrgɔ naŋ bɨ, kalaŋ ga kaledɨge jal bɨ, ka-dɨbe ɗugɔ bɨ.

Kɔlɔs 3:15

Ɗe gɨ gusi-dɔbɛ da Kɨris da-ƴaa a kuduroygɨŋ. Kɨya wa Kumu təgɨŋ na gɨ agɨŋ na som naa dan̰ gusi-dɔbɛ, ɗe agɨŋ na bɨle kuyoŋ-gusu gɨ pɨna bɨ. Wɨyagɨŋ na ka-loon̰ Kumu ho’o bɨ.

1 Tesalonigɨ 1:1

Na ɨŋ-bandi Pol bɨ, Silbɛ̰ bɨ Timote bɨ, ba gɨyɨn̰ dan̰ magtubu di kɛ le bɨn̰ Ka-Daye ga da Kumu ga a cay ƴaa-di-gumu di Tesalonigɨ, ga bugoŋge pɨna dan̰ Bayna Kumu bɨ, dan̰ Ba-gulɔŋ Jesu-Kɨris bɨ. Kuɗa gɨ Kumu laa ɗarwa danagɨŋ bɨ, bɨgɨŋ gusi-dɔbɛ bɨ.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Tesalonigɨ 1:4

Ay, karmɨnɨ ga ban̰aŋ dan̰ ga kandɨ, ni sol gɨ Kumu geygɨŋ bɨ, torgɨŋ ɗe agɨŋ na won̰ na kayi bɨ.

1 Tesalonigɨ 4:7

Na cɨndi, Kumu tɨgani na gɨ ni na laa naa hɨnga ga ni dasi naŋ, ama ɗe gɨ ni na wɨya naa kalaŋ ga gɨye-lɔɔdɨge woy dan̰ cɨndi.

1 Tesalonigɨ 5:28

Kuɗa gɨ Ba-gulɔŋ Jesu-Kɨris laa kuduroy-ɗarwa danagɨŋ bɨ.

2 Tesalonigɨ 1:2

Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

2 Tesalonigɨ 3:16

Kuɗa gɨ Ba-gulɔŋ gɨ ba gusi-dɔbɛ bɨgɨŋ gusi-dɔbɛ dan̰ tɨwa nɔm bɨ, boy hɨnga nɔm bɨ. Kuɗa gɨ Ba-gulɔŋ baa danagɨŋ nɔm.

2 Tesalonigɨ 3:18

Kuɗa gɨ ɗarwa di da Ba-gulondɨna Jesu-Kɨris baa danagɨŋ nɔm.

1 Timote 1:2

Ba gɨyɨn̰ dan̰ magtubu di kɛ le bɨn̰ ji-bandi Timote. Ji na kuronɨ gɨ cɨndi, kɨya wa na ɨŋ-bandi ba lɔɔ gɨ ji ayɨn̰ kuduron̰. Kuɗa gɨ Bayna Kumu dan̰ Ba-gulondɨna Jesu-Kɨris leege ɗarwa danan̰ bɨ, sɨlage cɨn̰-n̰age ton̰ bɨ, bɨn̰ge gusi-dɔbɛ bɨ.

1 Timote 6:2

Kan ga ka-gulondɨge na ka-aye kudurɔ le, ɗɔɔ gɨ kan ɗɔɔ gusɨge kardi tɔgɛ gɨ na teen̰ gusɨnagɨŋ karme bɨ, kan̰ɨn̰ hɨndarɨn̰ turnoy ka-gulondɨge le naŋ bɨ. Ama kɨɗɨn̰ ga kan ga kan lee gɨye bɨge le, naa ka-aye kudurɔ bɨ, ka-wandɨ bɨ le, kuɗa gɨ kan laa gɨye kuɗa ɗɨn̰ gɨ tumɔ coŋ, bɨge. Na hɨnga ga nee le ma kuɗa gɨ ji tɨraban̰ kalaŋ bɨ, dɨbage bandɨ kuduroyge, ɗe ayge leen̰ gɨye bɨ.

2 Timote 1:2

Na ji-bandi kuronɨ Timote gɨ ɨŋ geyɨn̰ tɔgɨ, ma maŋ wal magtubu di kɛ le bɨn̰. Kuɗa gɨ Bayna Kumu dan̰ Ba-gulondɨna Jesu-Kɨris laage ɗarwa danan̰ bɨ, sɨlage cɨn̰-n̰age ton̰ bɨ, bɨn̰ge gusi-dɔbɛ bɨ.

2 Timote 4:22

Kuɗa gɨ Ba-gulɔŋ baa dan̰ turnon̰ bɨ, kuɗa gɨ ɗarwa di da Kumu baa danagɨŋ nɔm bɨ.

Titɨ 1:4

Ɨŋ wal magtubu di kɛ le, gɨyɨn̰ bɨn̰ na ji-bandi Titɨ, kuronɨ gɨ cɨndi a te aye kudurɔ gɨ pɨna gɨ na dayaŋ cay nee. Kuɗa gɨ Bayna Kumu dan̰ Jesu-Kɨris ba-pɔɗɨna bɨn̰ge ɗarwa bɨ gusi-dɔbɛ bɨ.

Pilemo 1:25

Kuɗa gɨ Ba-gulɔŋ Jesu-Kɨris laa ɗarwa danagɨŋ.

Pilemo 1:3

Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Magtubu di Jag wal 1:1

Na ɨŋ-bandi Jag, marɨna ba-gɨye gɨ da Kumu bɨ, gɨ da Ba-gulɔŋ Jesu-Kɨris bɨ, ba gɨyɨn̰ dan̰ magtubu di kɛ le. Bɨn̰ dan̰ te wɨn̰je ga mɔjɨ-cayge-sɔɔ ga sugdoŋge a cay gɨsəŋ gaŋ. Ɨŋ leegɨŋ lapɨya.

1 Pɨyɛr 1:15

Kumu gɨ ba togɨgɨŋ le woy dan̰ cɨndi. Na toy di hɨn̰ wo̰ ma, kuɗa gɨ kɨŋ-gandi kalɨn̰ ma kɨŋ wɨya dan̰ cɨndɨgɨŋ te gɨye-lɔɔdɨgɨŋ gɨŋ nɔm bɨ.

1 Ja̰ 3:1

Sɨlagɨŋ, kɛ na geye gɨ mɨna ma Baynagɨŋ gɨlnagɨŋ hɨn̰ wo̰ ga? Geye gɨ da Kumu kol cay nagɨŋ gumu tɔgɨ bɨrɨŋ gɨ ban teenagɨŋ «karɨndi». Na bɨlegɨŋ karɨn̰ Kumu leen̰ cɨndi. Kalaŋ ga a cay gɨsəŋ gaŋ sɨlanagɨŋge naŋ kɨya gɨ kan sɨla Kumu naŋ bɨ.

2 Ja̰ 1:3

Kuɗa gɨ ɗarwa bɨ, sɔlɛ cɨn̰-n̰age bɨ, gusi-dɔbɛ bɨ, ga ba sayga gusi Baynagɨŋ Kumu bɨ, gusi Jesu-Kɨris gɨ na Kurɨn̰ Baynagɨŋ Kumu bɨ, baa dananagɨŋ dan̰ kɔl gɨ cɨndi bɨ, dan̰ geye bɨ.

Wasɨn̰a 2:1

Ungo gɨ ɨŋ ba solii le, ye ɗaŋ coŋ ye hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Epɛs dɨŋ. «Ban gɨ ba ƴɔmɛ dɛsɨɗɛŋ ga jurgum a kobi gɨ bara gɨŋ bɨ, gɨ ba gɔrɛ duroy lamban̰əŋ ga jurgum ga leege dan̰ nare gɨ ni lɔr le, ye hɨn̰:

Wasɨn̰a 2:12

Ungo gɨ ɨŋ ba soli le, jogɨ yɔ ɗaŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Pɛrgam. «Ban gɨ orɨn̰ dan̰ pəlɨm di haɗɨge gasɨndo sɔɗɨmɔŋ le, ye hɨn̰:

Wasɨn̰a 2:18

Ungo gɨ ɨŋ ba solii le, jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Tɨyatir. «Kurɨn̰-Kumu gɨ cɨndi ƴeede tɨwa hɨn̰ kɨlen̰ tɨwa wo̰ bɨ, gondii jɨran̰de hɨn̰ nare gɨ yɨle wo̰ bɨ le, ye hɨn̰:

Wasɨn̰a 2:29

«Waŋ waŋ gɨ sɨmayi na wɨya nee na, kuɗa gɨ ban dɨra sɨmayi jan̰ kɔl gɨ Turnɔ di da Kumu ba yen̰ Ka-Daye le.»

Wasɨn̰a 2:8

Ungo gɨ ɨŋ ba solii le, ye ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Simirnɨ dɨŋ. «Ban gɨ cay wase cɨg cɨg dan̰ ban gɨ karu gɛs gɛs bɨ, ban gɨ ma pa dɨm ma jɨga som-bɨra bɨ le, ye hɨn̰:

Wasɨn̰a 22:21

Kuɗa gɨ Ba-gulɔŋ Jesu laa ɗarwa danagɨŋ nɔm.

Wasɨn̰a 3:14

Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Lawdise. «Ban gɨ na Amɛn bɨ, ban gɨ na tɨmon̰ gɨ ɨre a cay tɨbayidɨŋ bɨ, ban gɨ na ungo gɨ hɨnde bɨ, ban gɨ danayi le Kumu ɗen̰ hɨnga nɔm bɨ, ye hɨn̰:

Wasɨn̰a 3:22

«Waŋ waŋ gɨ sɨmayi na wɨya nee na, kuɗa gɨ ban dɨra sɨmayi jan̰ kɔl gɨ Turnɔ di da Kumu yen̰ Ka-Daye le.»

Wasɨn̰a 3:7

Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Piladelpi. «Ban gɨ woy dan̰ cɨndi bɨ, ban gɨ na ungo gɨ hɨnde bɨ, ban gɨ ƴom lakɨle ga da kɨlma Dabid kobi bɨ. Ban gɨ na hanga kɨbɨ-ƴaa na, ungo pɨna wo̰ kalɨn̰ ma kɨya ɓale lɨge naŋ bɨ, ban gɨ na lɨgɨ kɨbɨ-ƴaa na, ungo pɨna wo̰ kalɨn̰ ma kɨya ɓale hange naŋ bɨ le, ye hɨn̰: