Magtubu di Pol wal bɨn̰ kalaŋ ga Rɔm 1:30 - Gabri Maja

³⁰ Kan na ka-mɔndɛ guson̰ kamdɨge bɨ, na ka-baa ga da Kumu bɨ, ka-dɔrɛ n̰ərə bɨ, ka-dɔgɛ jorgɨyge bɨ, ka-gɨle gusɨge bɨ, ka-male jɨba di ni loon̰ ɨsɨna bɨ, ka-jɔɔ kɔl kɨbɨ ka-wɔɔdɨge naŋ bɨ.

Magtubu di Pol wal bɨn̰ kalaŋ ga Rɔm 1:30 ပူးပေါင်းရင်းမြစ်များ

Matɨyo 15:4

Kɨya wa Kumu ye hɨn̰: “Ji aya cay ban̰ bɨ ƴon̰ bɨ daa.” Ban ye ɗaŋ coŋ hɨn̰: “Waŋ waŋ gɨ na ɓɨsɨ bay naŋ le ƴoyi na, kan na dɨɗiige coŋ.”

Matɨyo 16:21

Jesu ay te yon̰ ka-aye-cay-tɨbayi boy tɨwado di nee dɨŋ le waŋ daa ye hɨn̰: «Na wa wa kalɨn̰ ma ɨŋ kɨya ɔrɛ Jerusalɛm, ɗe aŋ wan̰ cɨn̰-n̰age tɔgɨ kobɨ ga muɗoldoŋ bɨ, ka-cay ka-bɔgɛ kɨbar bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, kan kɨya dɨɗəŋge bɨ. Ama wɔlɛ sɨbɨdi gɨŋ na, ɨŋ kɨya bɔyɛ lɨbe.»

Kɔl-gɨ-Ɗari gɨ Lug wal 21:16

Kandɨgɨŋ ga ka-woogɨŋ bɨ, karmɨgɨŋ bɨ, kandɨgɨŋ bɨ, ka-pogɨn̰igɨŋ bɨ, kɨya aye caygɨŋ bɨn̰ ka-dɔɔ cay ƴaa bɨ, ka-dɔɔ-ƴaa kɨya dɨɗe ga pɨna kondɨwa duroygɨŋ bɨ.

Kɔl-gɨ-Ɗari gɨ Ja̰ wal 7:7

Kɨŋ le kalaŋ ga cay gɨsəŋ gaŋ ƴɨmagɨŋge dan̰ kuduroyge naŋ. Ama ɨŋ-bandi na kalaŋ ga cay gɨsəŋ gaŋ ƴɔmɔŋge dan̰ kuduroyge, kɨya wa ɨŋ sɨɗɨgɨ te gɨye lɔɔdɨge gɨ ɨsɨni daa.

Gɨye-lɔɔ 5:36

Hɨngɨŋ kɨya cay Tedas, kɨya wa wɔlɛ gɨ pɨde gɨŋ le, ban say dan̰ cay gusi koyi lee gusi leen̰ ungo gɨ gumu. Na toy di hɨn̰ wo̰ ma, ban̰aŋ ɓal hɨn̰ aru poɗɨn̰ wo̰ bugoŋge kardi. Ama kɨɗɨn̰ ga kan dɨɗii coŋ ɨni na, kalaŋ ga bugoŋge kardi le, busdoŋge pɨna pɨna coŋ, lee gɨ hɨnga ga ban ba si toyge le, bɨle na hɨnga ga kalɨn̰ wo̰.

Magtubu di Pol wal bɨn̰ kalaŋ ga Rɔm 2:17

Ama ja, ji gɨ gusoŋ gɨ ni Jubɨ ye can̰ le, ji ɗe togɨn̰ na a cay gasɨn̰-kɔl gɨŋ bɨ, ji de jorgɨn̰ na a cay Kumu bɨ.

Magtubu di Pol wal bɨn̰ kalaŋ ga Rɔm 2:23

Ji gɨ ji de jorgɨn̰ kɨya cay gasɨn̰-kɔl le na kɨya wa man̰ hangɨɗɨ cay gasɨn̰-kɔl mondɨn̰ guson̰ Kumu ga?

Magtubu di Pol wal bɨn̰ kalaŋ ga Rɔm 3:27

Naa hɨn̰ wo̰ na, kɛ kɨɗɨn̰ ga ungo kɨya dogɨn̰ jorgii woy nee ga? Kɨɗɨn̰di unɔ. Na kɨya wa ma kɨɗɨn̰ ga ungo kɨya ɓale dogɨn̰ jorgii nee unɔ ga? Na kɨya gɨ ban kɨya ɓale bɨle durɔ ɗɨngar dan̰ gɨyəŋ gɨ da gɨye-lɔɔdi naŋ, ama na dan̰ gɨyəŋ gɨ da aye kudurɔ.

2 Korɛ̰t 10:15

Ni-gandi ni kɨya hɨngɨɗe cay kɨɗɛlɛ koni ɗɔɔ dugo ojɨn̰ cay kɔl gɨ ni ba kɨya yɔ a cay gɨyəŋ gɨ nɔm naŋ, na gɨ ni kɨya gɨle gusɨni a cay gɨye gɨ kalaŋ ga ɗaŋ leege naŋ. Ama ni bee ɨrɨmedɨni cay nee gɨ aye kudurɔ kogɨŋ kɨya sɔ cay mɨgay gɨŋ jɨn̰ tumɔ tumɔ bɨ, gɨye koni gɨ a duroygɨŋ le kalɨn̰ ma kɨya sɔ cay mɨgay gɨŋ jɨn̰ tumɔ tumɔ bɨ.

2 Korɛ̰t 12:20

Haw kɛ na ɨŋ hɨndar gɨ kɨɗɨn̰ ga ɨŋ na bugoŋ gusɨgɨŋ na, kɨŋ da wɔyɛ hɨn̰ gɨ ɨŋ gey wo̰ naŋ bɨ, ɨŋ-bandi kalɨn̰ ma ɨŋ da wɔyɛ hɨn̰ gɨ kɨŋ gey wo̰ naŋ bɨ. Gajanaŋ ɨŋ da wɔɔ duroygɨŋ bɔjɨn̰ɛ bɨ, cɨn̰-pɨɗɨma bɨ, kuduroy-hɔmɛ bɨ, jangɨ bɨ, yɔdɔ kɔl gɨ ɨsɨni kardi ungo bɨ, yɨle kɨɗɨn̰ bɨ, dɔgɛ-jɔrgɔ bɨ, lɔɔdɔ hɨnga ga dan̰ gɨyəŋdɨge naŋ bɨ.

2 Tesalonigɨ 2:4

Ban na ba baa gɨ da hɨnga nɔm ga kalaŋ solge leen̰ kumu koge. Ban lee gusi leen̰ gumu a cay hɨnga nɔm ga kalaŋ n̰ɨrege. Ban kɨya ɗɔɔ kali toyi a duroy ƴaa-di-da-Kumu dɨŋ bɨ yɔɔ hɨn̰: «Ɗi naa Kumu.»

2 Timote 3:2

Kɨya wa kalaŋ kɨya bɨləŋge ka-kɨndare bɨ, kɨya lɔɔge te gursu tɔgɨ bɨ, kɨya gɨlege gusɨge bɨ, kɨya dɔgɛge-jorgɨyge bɨ, kɨya yagɨdege Kumu bɨ, kɨya bɨlege ka-baa ga da ka-wɔɔdɨge bɨ, kɨya sɔlɛge ɗarwa di ungo lee danage naŋ bɨ, kɨya hundɔrɔge kardi hɨnga ga woy dan̰ cɨndɨge ojɨn̰ cay Kumu naŋ bɨ.

Titɨ 3:3

Na-gandi kalɨn̰ ma, tumɔ le na na kalaŋ ga dɨngaldaŋ bɨ, na na ka-mɨn̰e daa bɨ, kalaŋ ga kayaŋ bɨ. Na na gɔyɔŋ ga da tabɨlaŋdi hɨnga ga toyge kan̰dɨge kan̰dɨge bɨ, ga bɨn̰ ungo gusi-mɔwa bɨ. Na leede gɨŋ na kuduroy-ɨndɨwa bɨ, na somgɨŋ na kɨya lɔɔ kurɔŋdi hɨnga ga toyge kan̰dɨge kandɨge bɨ. Na leegɨŋ terɨn̰ tɔgɨ bɨ, na ƴomgɨŋ gusɨnagɨŋ dan̰ kuduroyna bɨ.

Magtubu di Jag wal 3:5

Kɨləndɨna kalɨn̰ ma, woy na hɨn̰ wo̰ bɨ. Ban na dḛ wo̰ a kɨbɨna, ama tɨwan̰ gusi lɔɔ hɨnga ga gɨmdəŋ. Ɨrɨmgɨŋ cay kurji tɨwa di dḛ wo̰, di na ba ba kɨɗɨn̰ gaŋ na, guboŋ ul gɔlɛ gɨ wol həndəŋ həndəŋ.

Magtubu di Jag wal 4:16

Ama haw kɛ, kɨŋ say dan̰ cay gusɨgɨŋ been̰ gusɨgɨŋ kogɨŋ gaŋ tɨwan̰e den̰ jorgɨygɨŋ. Dɔgɛ jorgɨygɨŋ gɨ hɨn̰ wo̰ le kuɗa naŋ.

2 Pɨyɛr 2:18

Kɔl yɔɔdɨge na kɔl gɨ ni gɨlɨn̰ gusɨge bɨ, na kɔl ga gɨmdəŋ kalɨn̰ wo̰ bɨ. Tabɨlaŋ di ni lɔɔ hɨnga ga ɨsɨni ga woy kuduroyge le, kan gɨybɨge boy toge dan̰ hɨnga ga ni ƴomɨn̰ kalaŋ ga andaŋge kobɨ kalaŋ ga ka-lɔɔ hɨnga ga dan̰ gɨyəŋdɨge naŋ ga haw kɛ ƴee le.

Magtubu di Jud wal 1:16

Kalaŋ ga hɨn̰ wo̰ le gusɨge mooge naŋ bɨ, na ka-ɨle gusɨge dan̰ wɔlɛ pɨna pɨna bɨ, na ka-kɔbɛ hɨnga ga kuduroyge gey bɨ, na ka-yɔɔ-kɔl gɨ ni dogɨn̰ jɔrgɔ bɨ, na ka-nare cɨn̰ kalaŋ gɨ ni won̰ hɨnga bɨ.