Magtubu di Pol wal bɨn̰ kalaŋ ga Rɔm 1:3 - Gabri Maja

³ Kɔl-gɨ-Ɗari gɨ nee le kan walge ojɨn̰ na cay Ba-gulondɨna Jesu-Kɨris Kurɨn̰-Kumu. Kɨɗɨn̰ ga ban lee gusi leen̰ ungo gɨ ɨndi na, kan wooyge na a te wɨn̰je gɨ da kɨlma Dabid gɨŋ.

Magtubu di Pol wal bɨn̰ kalaŋ ga Rɔm 1:3 ပူးပေါင်းရင်းမြစ်များ

Matɨyo 1:1

Magtubu da te mon̰ gɨ da Jesu-Kɨris ba kɛ: Ban na kungan̰ Dabid dan̰ kungan̰ Abɨraham.

Matɨyo 1:16

Jagob wɔɔ Jɨsɛb Mari kudurɔ, bɨ Mari wɔɔ Jesu, kan teeyige na Kɨris.

Matɨyo 1:6

Jese wɔɔ kɨlma Dabid. Dabid dan̰ tam Uri wɔɔge Salomo.

Matɨyo 12:23

Dɨmdɨrdi kalaŋ nɔm ga ɨrege nee le, kɔl kayge sɛl sɛl, lee gɨ kan yen̰ge hɨn̰: «Ungo gɨ nee le, gɨ lɔɔ na Kurɨn̰ Dabid le naŋ ga?»

Matɨyo 15:22

Bɨ ga ma, tama di pɨna wo̰ di a cay gɨsəŋ ga ɗaŋ gaŋ ga Kana ɨrga gusii, ɨle guso gan̰ gɔsɛ ye hɨn̰: «Ba-gulɔŋ, Kungay Dabid, sɨla cɨn̰-n̰age tɨnge! Turnɔ di ɨsɨni di pɨna wo̰, leen̰ tɨrɨmonɨ mɨrɨn̰tɨn̰i gɨɗaŋ.»

Matɨyo 26:63

Ama Jesu som kɨbi munduŋ. Ɨni na, mangɨl gɨ da ka-cay ka-bɔgɛ kɨbar yeyi hɨn̰: «Ɨŋ olɨn̰, dɨra gusɨn̰ dan̰ guson̰ Kumu gɨ som-bɨra, yani kɛ ji na Kɨris ban gɨ Kumu dorii, Kurɨn̰-Kumu le ga?»

Matɨyo 27:43

Ban bee kuduroy a cay Kumu cɔb cɔb bɨ ye hɨn̰: “Ɨŋ na Kurɨn̰-Kumu le!” Hɨn̰ gɨ Kumu na geyii na, ɗa ɗe dorii kobɨ tɨma dɨŋ haw kɛ.»

Matɨyo 3:17

Bɨ ga ma, noy ungo ye a gɨɗɨgɨ-Kumu gɨŋ hɨn̰: «Ban gɨ kɛ le na Kuronɨ, ɨŋ lee-toyi tɔgɨ, gusɨnɨ mɔŋ cayi na ase naŋ.»

Matɨyo 9:27

Jesu say ɗe kɨɗɨn̰ ga nee le ɨni na, ka-bɨbe won̰ge sɔɔ kobɨge kardi wɨlalge yen̰ge hɨn̰: «Ay! Kungay Dabid, sɨla cɨn̰-n̰age toni!»

Kɔl-gɨ-Ɗari gɨ Lug wal 1:35

Ba-ƴɔbɛ gɨ daa nii le, jɨga dɨboo cay nee yo hɨn̰: «Turnɔ ɗe-kuduroy-bɛrɛ kɨya gɨsɨne cɛɛ bɨ, dɔnɔ di da Kumu di ɗɨn̰ cay hɨnga nɔm kɨya umboŋ cɛɛ hɨn̰ turnɔ wo̰ bɨ. Na toy di wo̰ ma, kɨye gɨ woy dan̰ cɨndi gɨ me kɨya wooyi le, kan kɨya togii Kurɨn̰-Kumu.

Kɔl-gɨ-Ɗari gɨ Lug wal 1:69

Ban andɨn̰ dan̰ ba-pɔɗɛ kalaŋ pɨna gɨ orɨn̰ dan̰ dɔnɔ bɨna. Ban andɨn̰ danayi na duroy te wɨn̰je gɨ da Dabid gɨŋ.

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:34

Ɨŋ-bandi ɨŋ sol dan̰ cɨnɨ bɨ, ɨŋ lee tɨmon̰ kol cayi bɨ, gɨ ban na Kurɨn̰-Kumu.»

Kɔl-gɨ-Ɗari gɨ Ja̰ wal 1:49

Ɨni na, Natanɨyɛl jɨga yey hɨn̰: «Ba-gɨlɨn̰ kalaŋ hɨnga, ji na Kurɨn̰-Kumu, ji na Kɨlma gɨ da karɨn̰ Ɨsɨrayɛl.»

Kɔl-gɨ-Ɗari gɨ Ja̰ wal 10:30

Ɨŋ-bandi dan̰ Banɨ le, ni na pɨna hani.»

Kɔl-gɨ-Ɗari gɨ Ja̰ wal 10:36

Banɨ ba dɔrɔŋ gɨyigəŋ a cay gɨsəŋ gaŋ. Na mɨna ma magɨŋ yəŋ gɨ ɨŋ na yagɨde naa Kumu, kɨya gɨ ɨŋ ye gɨ ɨŋ naa Kurɨn̰-Kumu le ga?

Kɔl-gɨ-Ɗari gɨ Ja̰ wal 20:28

Tomas dɨbi cay nee yeyi hɨn̰: «Ba-gulonɨ bɨ, Kumu hɨnge bɨ.»

Kɔl-gɨ-Ɗari gɨ Ja̰ wal 20:31

Ama hɨnga ga ni belin̰əŋ ga ɨŋ ba ye koldɨge duroy magtubu di kɛ dɨŋ le, ɨŋ ye na gɨ ɗe agɨŋ na been̰ kuduroygɨŋ cay Jesu, gɨ ban naa Kɨris Kurɨn̰-Kumu. Bɨ hɨn̰ gɨ kɨŋ na bɨga kuduroygɨŋ cayi na, kɨŋ kɨya wɔɔ sɔmɛ-bɨra kol cayi bɨ.

Kɔl-gɨ-Ɗari gɨ Ja̰ wal 5:25

Jagɨŋ ɨŋ yəgɨŋ na kɔl gɨ cɨndi, tɨwa di kalaŋ ga madɨrdaŋ kɨya jen̰ge noy Kurɨn̰-Kumu le bugoŋ ɨni bɨ, caga ɨni bɨ. Bɨ kan ga kɨya jɔɔge tumoyi boy wɔlɛdi gɨ nee le, kan ga ba kɨya jɔɔge noy le, kɨya sɔmɛge dan̰ cɨndɨge.

Kɔl-gɨ-Ɗari gɨ Ja̰ wal 7:42

Kɛ Magtubu di da Kumu di kan walge le, ya hɨn̰: «Ban na kɨya andaŋ na a te wɨn̰je gɨ da Dabid bɨ, ban na kɨya sɔɔ naa Bɛdɨlɛhɛm cay gulɔŋ gɨ Dabid malgɨn̰ nee gɨŋ bɨ naŋ ga?»

Gɨye-lɔɔ 2:30

Ama ban na ba-yɔɔ-kɔl-gɨ-Kumu-ba-yɔɔ bɨ, ban sol gɨ Kumu ay noyi dorɨn̰ gusi bii gɨ ɗi na kɨya dɔrɛ ungo pɨna duroy kongɨn̰ii gaŋ ɗoyi a cay kali-tɨrɨmbala toyi dɨŋ bɨ.

Gɨye-lɔɔ 3:13

Kumu gɨ da mon̰inagɨŋ le, na Kumu gɨ da Abɨraham bɨ, Isag bɨ, Jagob bɨ, ban dɨbɨ gusoŋ-tɔgɛ cay marɨna ba-gɨye koyi Jesu, ban gɨ kɨŋ ba dobii kobɨ Piladɨ bɨ, kɨŋ kan̰ii tumoy Piladɨ kɨɗɨn̰ ga Piladɨ ba gey ɗoyi daa le.

Gɨye-lɔɔ 8:36

Kɨɗɨn̰ ga kan ayge gɨyəŋ orge na, kan bugoŋge a kɨɗɨn̰ ga kaŋ woy nee gaŋ ɨni na, ungo gɨ kan dorge toyi le yey hɨn̰: «Sɨla kaŋ ba kɛ, na wa ba kɨya nare ɗe gɨ ji gɨ looŋ batɛm ga?»

Gɨye-lɔɔ 9:20

Sol gama naŋ bɨ, ban ay te tɔgɛ bɛrnɛ a duroy ƴaa-daye-di-da-Jubɨn̰əŋ gaŋ yen̰ kalaŋ gɨ Jesu naa Kurɨn̰-Kumu.

Magtubu di Pol wal bɨn̰ kalaŋ ga Rɔm 1:9

Kumu gɨ ɨŋ lee gɨye bii dan̰ kuyoŋdi-gusɨnɨ nɔm a te tɔgɛ bɛrnɛ di da Kɔl-gɨ-Ɗari gɨ ojɨ cay Kurondi le, ɓal lɔɔ tɨmon̰ hɨnge gɨ ɨŋ na woy te ɨrɨme kol caygɨŋ daa daa bɨ, ɨŋ ol Kumu kol caygɨŋ

Magtubu di Pol wal bɨn̰ kalaŋ ga Rɔm 4:1

Naa hɨn̰ wo̰ na, kɛ na koldi wa ma mani kɨya yɔ ojɨn̰ cay mon̰dɨni Abɨraham ga? Kɛ ban way na wa dan̰ cay gusi koyi ga?

Magtubu di Pol wal bɨn̰ kalaŋ ga Rɔm 9:3

Ho’o, ɨŋ orɨn̰ dan̰ n̰age gɨ Kumu na ɓɨsəŋ ɨŋ-bandi bɨ, pɨyaŋ ɨŋ-bandi gusɨnɨ dan̰ Kɨris bɨ, hɨn̰ gɨ dan̰ gɨyəŋ gɨ nee le na, karmɨnɨ ga a te wɨn̰je hɨnge gɨŋ na kɨya pɔɗɛge.

Magtubu di Pol wal bɨn̰ kalaŋ ga Rɔm 9:5

Na kan ɗaŋ coŋ ma na kongɨn̰i mon̰ina Abɨraham. Kɨɗɨn̰ ga Kɨris bɨləŋ ungo gɨ ɨndi le, kan wooyge na a te wɨn̰je koge kan gaŋ. Ban som a cay hɨnga nɔm bɨ, ban na Kumu gɨ kalaŋ nɔm kɨya hɨramiige dan̰ tumoyge bɨ. Ɗa-ɗe-woy-hɨn̰-wo̰!

1 Korɛ̰t 1:9

Kumu gɨ ba togɨgɨŋ ɗe agɨŋ na bugoŋ pɨna dan̰ Kurondi Jesu-Kɨris gɨ na Ba-gulondɨna le, na Kumu gɨ ba ɨre a cay gasɨndi gaŋ.

1 Korɛ̰t 10:18

Ɨrɨmgɨŋ a cay te wɨn̰je gɨ da Ɨsɨrayɛl. Kalaŋ ga diige kuyoŋ gɨ been̰ge kɨbar le kɛ bugoŋge pɨna dan̰ kɨɗɨn̰ ga kan gaɗɨge kɨya bogɨn̰ kɨbar le naŋ ga?

Galad 4:4

Ama kɨɗɨn̰ ga wɔlɛdi ɓal ɨni na, Kumu gɨygɨ kurondi. Tama ba wooyi. Kan wooyge na kɨɗɨn̰ ga gasɨn̰-kɔl na Ba-gulondi hɨnga ga da kalaŋ ga na Jubɨ le,

1 Tesalonigɨ 1:10

bɨ amɨn̰ Kurondi gɨ kɨya sɔ gɨɗɨgɨ-Kumu gɨŋ ɨrga le bɨ. Kurondi le na Jesu gɨ ban boyi lɨbɨ le. Kuduroy-hɔmɛ di ba kɨya caga le Kurondi gɨ nee le boɗɨni kɨbɨ nee coŋ.

1 Timote 2:5

Kɨya wa Kumu na pɨna hayi kəɗ kəɗ bɨ, Ba-ɨre duroy Kumu dan̰ kalaŋ kalɨn̰ ma, Na pɨna hayi kəɗ kəɗ. Ungo gɨ nee le, Na Jesu-Kɨris.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

2 Timote 2:8

Kuɗa gɨ ji hɨn cay Jesu-Kɨris ban na a te wɨn̰je gɨ da Dabid gɨ boy lɨbɨ duroy kalaŋ ga madɨrdaŋ gaŋ, hɨn̰ gɨ Kɔl-gɨ-Ɗari gɨ ɨŋ ba tee bɛrnɛ di le ba gɨlna.

1 Ja̰ 1:3

Hɨnga ga ni ba sol dan̰ cɨndɨni bɨ, je koldɨge dan̰ sɨmayni bɨ le, ni te bɛrnɛdɨge bɨgɨŋ, kɨya gɨ ni gey gɨ kɨŋ-gandi kalɨn̰ ma kɨŋ na bugoŋ pɨna danani te bugoŋ pɨna gɨ nee gɨŋ le bɨ. Bugoŋ pɨna gɨ na ba orɨn̰gɨŋ le, na bugoŋ pɨna dan̰ Bayna bɨ, dan̰ Kurondi Jesu-Kɨris bɨ.

1 Ja̰ 3:23

Kɔl gɨ ban ye dan̰ gɨyəŋ gɨ da te tumoyi le ba kɛ: Kuɗa gɨ nana bɨgagɨŋ kuduroynagɨŋ cay guson̰ Kurondi Jesu-Kɨris bɨ, nana geygɨŋ gusɨnagɨŋ hɨn̰ gɨ Kɨris ba an̰ te tumoyi bɨnagɨŋ wo̰ bɨ.

1 Ja̰ 3:8

Waŋ waŋ gɨ na laa ɨsɨna na, na ungo gɨ da Haban̰, kɨya wa Haban̰ na ɗe-lɔɔ ɨsɨna a toyi dɨŋ ɓɨrag. Na toy di hɨn̰ wo̰ ma Kurɨn̰-Kumu ɨrga a cay gɨsəŋ gaŋ kɨya mondɨn̰ gɨye-lɔɔ gɨ da Haban̰.

1 Ja̰ 4:15

Waŋ waŋ gɨ na ya Jesu gusi naa Kurɨn̰-Kumu na, Kumu bugoŋ pɨna danayi bɨ, ban kalɨn̰ ma bugoŋ pɨna dan̰ Kumu bɨ.

1 Ja̰ 5:1

Waŋ waŋ gɨ na bɨga kuduroy cay Jesu gɨ ban naa Kɨris ban gɨ Kumu dorii na, ungo gɨ nee le bɨləŋ na kurɨn̰ Kumu. Waŋ waŋ gɨ na gey Baynagɨŋ Kumu na, gey karɨndi nɔm bɨ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

1 Ja̰ 5:5

Kɛ, na waŋ ba bɔyɛ kɨmbɨl a cay dɔnɔ ga a cay gɨsəŋ gaŋ ga? Kɛ, na ungo gɨ bee kuduroy cay Jesu gɨ ban naa Kurɨn̰-Kumu le naŋ ga?

2 Ja̰ 1:7

Ka-nare cɨn̰-kɨɗɨn̰ kondɨ andaŋge a cay gɨsəŋ gaŋ. Kan kan̰ge yɔ daa pɨraŋ hɨn̰ gɨ Jesu-Kɨris na ɨrga naa hɨn̰ ungo gɨ ɨndi wo̰ a cay gɨsəŋ gaŋ. Ungo gɨ na ya kɔl gɨ hɨn̰ wo̰ na, ban na ba nare kɨɗɨn̰ bɨ na ba-baa gɨ da Kɨris bɨ.

Wasɨn̰a 2:18

Ungo gɨ ɨŋ ba solii le, jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Tɨyatir. «Kurɨn̰-Kumu gɨ cɨndi ƴeede tɨwa hɨn̰ kɨlen̰ tɨwa wo̰ bɨ, gondii jɨran̰de hɨn̰ nare gɨ yɨle wo̰ bɨ le, ye hɨn̰: