Magtubu di Pol wal bɨn̰ kalaŋ ga Rɔm 1:28 - Gabri Maja

²⁸ Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

Magtubu di Pol wal bɨn̰ kalaŋ ga Rɔm 1:28 ပူးပေါင်းရင်းမြစ်များ

Gɨye-lɔɔ 17:23

Kɨya wa kɨɗɨn̰ ga ɨŋ gor a cay ƴaa togɨŋ di gumu dɨŋ na, ɨŋ sol kɨɗɨn̰ ga kɨŋ n̰ɨrɨn̰ hɨnga nee bɨ, ɨŋ or bɨrɨŋ wɔɔ kɨɗɨn̰ n̰ɨre hɨnga kagɨŋ ga pɨna wo̰, ga kan walge kɔl gɨ kɛ le cay nee yege hɨn̰: “Na kɨya cay kumu gɨ pɨna wo̰, gɨ ni sɨlay naŋ.” Kuɗa! Hɨnga ga kɨŋ n̰ɨrge dɨle solge le, na ban ma maŋ ɨrga kɨya tɔgɛ bɛrnɛdɨge bɨgɨŋ.

Gɨye-lɔɔ 17:32

Kɨɗɨn̰ ga kan je kol mare bɨ, bɔyɛ lɨbe bɨ ɨni na, kan ga pɨna sogiige bɨ, kan ga ɗaŋ yege hɨn̰: «Wɔlɛ gɨ ɗaŋ gɨŋ dɨm ma, ma ni gɨ jɔɔ kɔl kon̰ a cay kɔl gɨ nee le ƴee.»

Magtubu di Pol wal bɨn̰ kalaŋ ga Rɔm 1:18

Kuduroy-hɔmɛ da Kumu sayga gɨɗɨgɨ-Kumu gɨŋ baa a cay ka-baa ga da Kumu bɨ, a cay ka-lɔɔ gɨye gɨ dan̰ durɔ ɗɨngar naŋ bɨ, kɨya wa gɨye-lɔɔdɨge gɨ dan̰ durɔ ɗɨngar naŋ le tɨlɨm cay kɔl gɨ cɨndi dugo.

Magtubu di Pol wal bɨn̰ kalaŋ ga Rɔm 1:21

Kalaŋ solge gɨ Kumu woy nee hage, ama kan̰ge dɨbe gusoŋ-tɔgɛ cayi leen̰ Kumu bɨ, looyi ho’o bɨ. Gɨ ɗe kan na lee hɨn̰ wo̰ na kan laage naŋ, ama kan ɗe ɨrɨmedɨge gɨ kalɨn̰ wo̰ dugo le, orɨn̰ danage dɨbɨge coŋ.

Magtubu di Pol wal bɨn̰ kalaŋ ga Rɔm 1:24

Na toy di hɨn̰ wo̰ ma, Kumu ɗege a duroy tabɨlaŋdi hɨnga ga lee kɨni ga a kuduroyge, lee gɨ kan dɨbɨn̰ge dasi cay kuyoŋdi-gusɨge koge gɨŋ gaŋ.

Magtubu di Pol wal bɨn̰ kalaŋ ga Rɔm 1:26

Na toy di hɨn̰ wo̰ ma, Kumu ɗege a kobi tabɨlaŋdi hɨnga nɔm ga lee dasi ga leege le. Na hɨn̰ wo̰ ma, kandiige malage na ban̰aŋ naŋ ama malge na kamdɨge kandɨ.

1 Korɛ̰t 15:34

Jɨgegɨŋ a te gɨyəŋ gɨ ɗari gɨŋ gɨ kɨŋ ɗe coŋ bɨ, kɨŋ ɗɔɔ ba lɔɔ ɨsɨna bɨ. Ɨŋ yəgɨŋ kɔl gɨ nee le kɨya gɨ kalaŋ ga pɨna duroygɨŋ sɨlage Kumu naŋ, gɨ nee le na dasi kol caygɨŋ.

2 Korɛ̰t 10:5

ni mondɨ hɨnga nɔm ga ɨrgan̰ dan̰ dɔgɛ jɔrgɔ gɨ narɨn̰ kalaŋ sɔlɛ Kumu le bɨ. Ni kɨya ƴɔmɛ cay tɨban̰ ɨrɨme gɨ da kalaŋ nɔm guyɔŋdu, ɗe kalaŋ ga nee le beege kɔl cay Kɨris.

Epɛs 5:4

Yɔɔgɨŋ kɔl ga ni karma naŋ bɨ, ga ni matɨr naŋ bɨ, ga ni dasi naŋ bɨ. Kɔl ga nee le, na kɔl ga wɨyan̰ ga ni yɔɔ naŋ. Ban̰di kɔl ga nee le laagɨŋ na ɔlɛ gɨ ni ho’o bɨn̰ Kumu.

2 Tesalonigɨ 1:8

Ban kɨya ɨrga na duroy tɨwa di ƴee dɨŋ, kɨya gɔjɛ-baa cay kalaŋ ga sɨlage Kumu naŋ gaŋ bɨ, dan̰ kan ga ka-kan̰e bɔgɛ kɔl a cay Kɔl-gɨ-Ɗari gɨ da Ba-gulondɨna Jesu bɨ.

2 Timote 3:8

Hɨn̰ gɨ naa Janɛs dan̰ Jambɨrɛs ba kan̰in̰ge kɔl kardi Moyis wo̰ bɨ le, kalaŋ ga kɛ le kalɨn̰ ma kan̰ge kɔl gɨ cɨndi bɨ. Kan na kalaŋ ga ɨrɨmedɨge wɨya dan̰ durɔ naŋ bɨ, aye kudurɔ koge andaŋ hɨnga naŋ bɨ.

Titɨ 1:16

Kan yege gɨ ke na sol Kumu ama gɨye-lɔɔdɨge gɨl gɨ kan sɨlage Kumu naŋ leen̰ cɨndi. Kalaŋ ga gɨlɨn̰ge hɨn̰ wo̰ le, na kalaŋ ga ɨsɨnge tɔgɨ bɨ, na ka-mɨn̰e daa bɨ, ɓalage lɔɔ hɨnga ga ɗari pɨna wo̰ dɨbe daa naŋ bɨ.

Pilemo 1:8

Na toy di hɨn̰ wo̰ ma, ɨŋ gey ɔlɛ hɨnga pɨna gusɨn̰. Ɨŋ orɨn̰ dan̰ gɨyəŋ a te bugoŋ pɨna dan̰ Kɨris kona gɨ ni aye nonɨ bɨn̰ gɨ ji na laa hɨnga ga ɨŋ gey.

2 Pɨyɛr 3:5

Hɨnga ga kuduroyge hal gɨybəŋ cay nee ba kɛ: Tumɔ ɓɨragɨ le, Kumu ɗe gɨɗɨgɨ-Kumu bɨ cay gɨsəŋ bɨ na dan̰ kɔl gɨ andaŋ kɨbi. Cay gɨsəŋ andaŋ na duroy kaŋ gaŋ bɨ, Kumu lee cay gɨsəŋ na dan̰ kaŋ bɨ.