Magtubu di Pol wal bɨn̰ kalaŋ ga Rɔm 1:21 - Gabri Maja

²¹ Kalaŋ solge gɨ Kumu woy nee hage, ama kan̰ge dɨbe gusoŋ-tɔgɛ cayi leen̰ Kumu bɨ, looyi ho’o bɨ. Gɨ ɗe kan na lee hɨn̰ wo̰ na kan laage naŋ, ama kan ɗe ɨrɨmedɨge gɨ kalɨn̰ wo̰ dugo le, orɨn̰ danage dɨbɨge coŋ.

Magtubu di Pol wal bɨn̰ kalaŋ ga Rɔm 1:21 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 3:19

Sɨlagɨŋ, te kɔl gɨ ban ba kɨya bon̰ kɔl cay kalaŋ le ba kɛ: Kɨɗɨn̰ ga asɨn̰ ɨrga cay gɨsəŋ gaŋ, ama kalaŋ geyge na dɨlɨm ɗɨn̰ kɨɗɨn̰ ga asɨn̰, kɨya wa gɨye-lɔɔdɨge ɨsɨn.

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Magtubu di Pol wal bɨn̰ kalaŋ ga Rɔm 1:19

Kɨya wa hɨnga ga ojɨ cay Kumu ga kalaŋ ɓal sɔlɛ le duroyge woy arɨn̰ kol cayge. Kumu gusi koyi dor toyge daa waŋ bɨge.

Magtubu di Pol wal bɨn̰ kalaŋ ga Rɔm 1:28

Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

Magtubu di Pol wal bɨn̰ kalaŋ ga Rɔm 11:10

Kuɗa gɨ cɨndɨge dɨba ɨndi; Ɗe solɨn̰ge kɨɗɨn̰ naŋ bɨrɨŋ ɨni bɨ, Laa gɨ ɗe kan gɨlge-cɨn̰ bɨrɨŋ, Gɨ kardɨge gongɨrdɨn̰ toy nee bɨ.»

Magtubu di Pol wal bɨn̰ kalaŋ ga Rɔm 15:9

Ban ɨrga na ɗe gɨ kalaŋ ga toyge na Jubɨ naŋ kalɨn̰ ma na dɨbɨn̰ge gusoŋ-tɔgɛ a cay Kumu kɨya cayi sɔlɛ cɨn̰-n̰age toyi bɨ, hɨn̰ gɨ ba walge a duroy Magtubu di da Kumu dɨŋ ye hɨn̰: «Ay Kumu, na toy di hɨn̰ wo̰ ma, Ɨŋ mɨlawɨn̰ a duroy te labar gɨ da kalaŋ ga ɗaŋ bɨ, Ɨŋ kɨbɨ kɨra hɨramɨn̰ gusondɨn̰ bɨ.»

2 Timote 3:2

Kɨya wa kalaŋ kɨya bɨləŋge ka-kɨndare bɨ, kɨya lɔɔge te gursu tɔgɨ bɨ, kɨya gɨlege gusɨge bɨ, kɨya dɔgɛge-jorgɨyge bɨ, kɨya yagɨdege Kumu bɨ, kɨya bɨlege ka-baa ga da ka-wɔɔdɨge bɨ, kɨya sɔlɛge ɗarwa di ungo lee danage naŋ bɨ, kɨya hundɔrɔge kardi hɨnga ga woy dan̰ cɨndɨge ojɨn̰ cay Kumu naŋ bɨ.

1 Pɨyɛr 1:18

Sɨlagɨŋ, hɨnga ga Kumu bee kɨya bon̰ caygɨŋ duroy gɨye-lɔɔ gɨ ɨsɨni gɨ ban̰an̰gɨŋ ɗege bɨgɨŋ, hɨn̰ hɨnga ga ni ban̰di-gulɔŋ wo̰ le, ban dɨragɨŋ na dan̰ hɨnga ga lam wo̰ ga kardi nee kɨya mundoŋ hɨn̰ nare gɨ ni arja̰ bɨ, lɔr bɨ wo̰ naŋ.

1 Pɨyɛr 2:9

Ama kogɨŋ kɨŋ-gandi na, kɨŋ na te wɨn̰je ga Kumu torgɨŋ bɨ, kɨŋ na ka-bɔgɛ kɨbar ga da kɨlma bɨ, te kalaŋ ga torgege ɗege dan̰ cɨndɨge bɨ. Kɨŋ na te kalaŋ ga Kumu torge ɗe agɨŋ na teen̰ bɛrnɛ di da hɨnga ga ɗadɨrdaŋ ga ban lee. Kumu təgɨŋ ɗe agɨŋ na andɨn̰ duroy dɨlɨm dɨŋ coŋ bɨ, ɗe gɨ agɨŋ na ɨrgan̰ duroy asɨn̰a toyi di kuɗa tɔgɨ dɨŋ bɨ.

Wasɨn̰a 14:7

Ba-ƴɔbɛ gɨ daa gɨ nee le ye dan̰ te tumoyi di daa pəŋ ye hɨn̰: «Hɨndaragɨŋ Kumu bɨ, dɨbɨgɨŋ gusoŋ-tɔgɛ cayi bɨ, kɨya wa tɨwa toyi di ni bon̰ kɔl ɓal. N̰ɨrgɨŋ ba-lɔɔ gɨɗɨgɨ-Kumu bɨ, cay gɨsəŋ bɨ, kuray gɨ gumu taa taa bɨ, cɨn̰-kaŋ ga andaŋ gɨre bɨ.»

Wasɨn̰a 15:4

Ay Ba-gulɔŋ, Kɛ na mɨna ma ungo gɨ hundɔrɔ gusondɨn̰ naŋ ga? Kɛ na mɨna ma ungo gɨ dɨbɨn̰ gusoŋ-tɔgɛ can̰ naŋ ga? Kɨya gɨ ji-bandi kan̰dɨn̰ han̰ ba wɔyɛ dan̰ cɨndɨn̰. Te kalaŋ nɔm kɨya ɨrgage bɔyɛ mɨregi tumon̰, Kɨya gɨ kan solge gɨye-lɔɔdɨn̰ nɔm Gɨ dan̰ durɔ ɗɨngar a duroy hɨnga ga ji lee.»