Magtubu di Pol wal bɨn̰ kalaŋ ga Rɔm 1:20 - Gabri Maja

²⁰ Ungo sɨla Kumu dan̰ tɨdi cay pɨna naŋ, ama an̰ toy jɨne ɓɨrag a te ɗɔɔ gɨ da cay gɨsəŋ le, dɔnɔ toyi di woy dan̰ tumɔɔ bɨ, Kumu gusi bɨ le, woy cɨn̰ tɨwa dɨŋ ɗen̰ ɗen̰ dan̰ gɨyəŋ gɨ da hɨnga se kayi. Na toy di hɨn̰ wo̰ ma, kɨɗɨn̰ ga ni an̰ jɨba unɔ ɨni.

Magtubu di Pol wal bɨn̰ kalaŋ ga Rɔm 1:20 ပူးပေါင်းရင်းမြစ်များ

Matɨyo 5:45

Ɗe gɨ agɨŋ bɨlɨn̰ karɨn̰ Baygɨŋ gɨ woy a daa le, kɨya gɨ ban lee gɨ tɨwa toy say cay ka-lɔɔ ɨsɨna bɨ, cay ka-lɔɔ ɗarwa bɨ. Ban lee gɨ kumu ongɨ cay kalaŋ ga dan̰ durɔ ɗɨngar bɨ, cay kalaŋ ga dan̰ durɔ ɗɨngar naŋ bɨ.

Marg 10:6

Ama tumɔ ɓɨragɨ, kɨɗɨn̰ ga Kumu ɗe cay gɨsəŋ na, ban ɗe na bara bɨ tama bɨ.

Kɔl-gɨ-Ɗari gɨ Ja̰ wal 1:18

Ungo wo̰, gɨ sol Kumu dan̰ cɨndi unɔ bɨrɨŋ. Ama na Kurɨn̰-Kumu gɨ pɨna hayi kəɗ kəɗ, gɨ som durdi Bay le. Na ban ba lɔɔ gɨ ɗe kalaŋ na sɨlan̰ge Kumu.

Kɔl-gɨ-Ɗari gɨ Ja̰ wal 15:22

Tumɔ ɨŋ ni na ɨre yage kɔl naŋ na, ɨsɨna ni kɨya ƴɔmɛ cayge naŋ. Ama haw kɛ na, kol ɨsɨna koge kɨya duroŋ cayge naŋ.

Gɨye-lɔɔ 17:29

«Hɨn̰ gɨ na naa kongɨn̰i Kumu na, ojɨ gɨ na kɨya ɗɔɔ boy ɨrɨmedɨnagɨŋ gɨŋ gɨ Kumu na gɨlɨn̰ naa hɨn̰ kula lɔr naŋ bɨ, wala kula nare gɨ ni arja̰ naŋ bɨ, wala kula garma gɨ ni marbɨr gɨ kan dosdege dan̰ kobɨge dan̰ gɨyəŋ gɨ da ɨrɨme gɨ da ungo naŋ bɨ.

Gɨye-lɔɔ 22:1

Ban yege hɨn̰: «Karmɨnɨ bɨ, ban̰anɨ bɨ, Jagɨŋ kɔl gɨ ɨŋ ba kɨya yogɨŋ haw kɛ dorɨn̰ kɔl canɨ coŋ.»

Magtubu di Pol wal bɨn̰ kalaŋ ga Rɔm 1:19

Kɨya wa hɨnga ga ojɨ cay Kumu ga kalaŋ ɓal sɔlɛ le duroyge woy arɨn̰ kol cayge. Kumu gusi koyi dor toyge daa waŋ bɨge.

Magtubu di Pol wal bɨn̰ kalaŋ ga Rɔm 16:26

Ama haw kɛ na, Kɔl-gɨ-Ɗari le woy a cɨn̰-tɨwa dɨŋ waŋ. Na toy di hɨn̰ wo̰ ma, kalaŋ nɔm ga toyge na Jubɨ naŋ le, solɨn̰ge Kɔl-gɨ-Ɗari gɨ da Kɨris dan̰ gɨyəŋ gɨ da Kɔl gɨ walge a duroy Magtubun̰əŋ di da ka-yɔɔ-kɔl-gɨ-Kumu-ba-yɔɔ gaŋ. Kumu gɨ ba-sɔmɛ dan̰ tumoyi ay te tumɔ di kɛ le hɨn̰ wo̰, ɗe kalaŋ nɔm na ayan̰ge kuduroyge bɨ, jan̰ge kɔl kɨbi bɨ.

Magtubu di Pol wal bɨn̰ kalaŋ ga Rɔm 2:1

Ji gɨ ba bɔyɛ kɔl cay kalaŋ le, ko ji naa waŋ waŋ kalɨn̰ ma, ungo kɨya ɗɔ kardi kɔl le bɨn̰ naŋ. Kɨya wa ji ɨre boy kɔl a cay kalaŋ ga ka-lɔɔ hɨnga ga ɨsɨn, ama gɨye-lɔɔdɨn̰ gɨlɨn̰ na hɨn̰ koge kan wo̰ bɨ. Lee gɨ kɔl gɨ ji ɨre boy le, ji ɨre boy na cay gusɨn̰ kon̰ gɨŋ gaŋ hɨn̰ wo̰ bɨ.

Magtubu di Pol wal bɨn̰ kalaŋ ga Rɔm 2:15

Na hɨn̰ wo̰ ma kan gɨl gɨ gɨye-lɔɔ gɨ gasɨn̰-kɔl ba gey gɨ kan na laa le, na hɨnga ga kan walge na a kuduroyge ɨni bɨ, ɨrɨmedɨge na lee tɨmon̰di cay nee bɨge bɨ. Kɨya wa ɨrɨmedɨge gɨlge hɨnga ga ɗari bɨ, ga ɨsɨn bɨ.

1 Korɛ̰t 1:20

Haw kɛ na, ba cɨn̰-muɗɔlɛ le ba ani ga? Ba-gɨlɨn̰ kalaŋ gasɨn̰-kɔl gɨ da Moyis le ba ani ga? Ba man̰de kɔl gɨ kalaŋ ga a cay gɨsəŋ gaŋ geyge le ba ani ga? Kɛ, Kumu gɨl gɨ cɨn̰-muɗɔlɛ di a cay gɨsəŋ gaŋ kɛ naa hɨnga ga ni dɨngale naŋ ga?

Kɔlɔs 1:15

Kɨris le na gɨlɨn̰a gɨ da Kumu, Gɨ ungo ɓala solii dan̰ cɨndi naŋ. Ban woy na hɨn̰ kɨye ba cay wase, Gɨ da hɨnga nɔm ga Kumu ɗe.

Kɔlɔs 2:9

Jɔɔgɨŋ kɔl koge naŋ kɨya wa hɨnga nɔm ga wandɨn̰ gusi Kumu tɛlɛlɛ tɛlɛlɛ le, wandɨn̰ gusi Kɨris tɛlɛlɛ tɛlɛlɛ bɨ.

1 Timote 1:17

Kɨlma gɨ ba-sɔmɛ ɨlge dan̰ ɨlge, Gɨ na Kumu gɨ kɨya mare naŋ bɨ, Ungo kɨya sɔlɛ cɨndi naŋ bɨ, Ban gɨ na pɨna hayi kəɗ kəɗ bɨ le, Kuɗa gɨ kalaŋ ayage cayi daa bɨ, Dɨbɨge gusoŋ-tɔgɛ cayi bɨ, Ɨlge dan̰ ɨlge. Ɗa-ɗe-woy-hɨn̰-wo̰.

1 Timote 6:16

Na Ban ƴɔbɨ ma na ungo gɨ kɨya mare naŋ. Ban som na boy kɨɗɨn̰ ga asɨn̰ ɗen̰ ɗen̰ gaŋ, Ga ungo kɨya ɓale sɔlɛ naŋ bɨ, Ɓale ɔrɛ nee naŋ bɨ. Gusoŋ-tɔgɛ na koyi bɨ, Dɔnɔ di woy dan̰ cɨndo na toyi bɨ. Ɗa-ɗe-woy-hɨn̰-wo̰.

Əbɨro 11:27

Na dan̰ gɨyəŋ gɨ da aye kudurɔ ma, ban say ɗe cay gɨsəŋ ga Ejɨpt coŋ, dɨle hundɔrɔ kuduroy-hɔmɛ da kɨlma. Ban ɨre osu kobɨn̰ Kumu hɨn̰ ungo gɨ ɨre sol Kumu gɨ ungo ɓala solii dan̰ tɨdi naŋ wo̰.

Əbɨro 9:14

Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.