Magtubu di Pol wal bɨn̰ kalaŋ ga Rɔm 1:2 - Gabri Maja

² Kɔl-gɨ-Ɗari gɨ nee le, naa Kumu ye koldi na jɨne hayi, dan̰ gɨyəŋ gɨ da ka-yɔɔ-kɔl-gɨ-Kumu-ba-yɔɔ gɨ walge a duroy Magtubu di da Kumu dɨŋ.

Magtubu di Pol wal bɨn̰ kalaŋ ga Rɔm 1:2 ပူးပေါင်းရင်းမြစ်များ

Matɨyo 1:22

Hɨnga ga nee le nɔm, ɨrga hɨn̰ wo̰ ɗe kɔl gɨ Ba-gulɔŋ ba ye dan̰ gɨyəŋ gɨ da ba-yɔɔ-kɔl-gɨ-Kumu-ba-yɔɔ le, na or kɨɗɨn̰dɨge gaŋ. Kɔl gɨ ban ba ye le ba kɛ:

Kɔl-gɨ-Ɗari gɨ Lug wal 1:70

Na hɨnga ga nee le ma, Ban naa ye koldɨge jɨne hayi ni ba je le. Ban ɗe kɔl le na kɨbɨ ka-yɔɔ-kɔl-gɨ-Kumu-ba-yɔɔ Ga na kalaŋ kayi ga woyge dan̰ cɨndɨge.

Gɨye-lɔɔ 10:43

Ka-yɔɔ-kɔl-gɨ-Kumu-ba-yɔɔ nɔm leege tɨmon̰ toyi yege hɨn̰: Waŋ waŋ gɨ na bɨga kuduroy cayi na, naa dan̰ gɨyəŋ gɨ da gusondi ma Kumu na kɨya ɗɔɔ kuduroyi jalɨwa cay ɨsɨna koyi gɨŋ.

Gɨye-lɔɔ 13:32

«Haw kɛ na, ni-gandi na, ni tee na bɛrnɛ Kɔl-gɨ-Ɗari gɨ nee le bɨgɨŋ: Na hɨnga ga Kumu ye gɨ ɗi na kɨya lɔɔ bɨn̰ mon̰inagɨŋ.

Gɨye-lɔɔ 26:6

Bɨ hɨn̰ gɨ kan na ɨren̰ danaŋ kɨɗɨn̰ bɔyɛ kɔl gaŋ kɨya bɔyɛ kɔl canɨ labɨde na, na kɨya cay bɔgɛ gɨ ɨŋ bee ɨrɨmenɨ cay kɔl gɨ Kumu ye gɨ ɗi na kɨya lɔɔ bɨn̰ mon̰inagɨŋ le.

Magtubu di Pol wal bɨn̰ kalaŋ ga Rɔm 16:26

Ama haw kɛ na, Kɔl-gɨ-Ɗari le woy a cɨn̰-tɨwa dɨŋ waŋ. Na toy di hɨn̰ wo̰ ma, kalaŋ nɔm ga toyge na Jubɨ naŋ le, solɨn̰ge Kɔl-gɨ-Ɗari gɨ da Kɨris dan̰ gɨyəŋ gɨ da Kɔl gɨ walge a duroy Magtubun̰əŋ di da ka-yɔɔ-kɔl-gɨ-Kumu-ba-yɔɔ gaŋ. Kumu gɨ ba-sɔmɛ dan̰ tumoyi ay te tumɔ di kɛ le hɨn̰ wo̰, ɗe kalaŋ nɔm na ayan̰ge kuduroyge bɨ, jan̰ge kɔl kɨbi bɨ.

Magtubu di Pol wal bɨn̰ kalaŋ ga Rɔm 3:2

Ho’o, Jubɨn̰əŋ wayge hɨnga dan̰ kondiige! Cay wase na, na kan ma Kumu beege kɔl koyi kobɨge ɗe kan na gama.

Magtubu di Pol wal bɨn̰ kalaŋ ga Rɔm 3:21

Ama haw kɛ na, Kumu wasɨn̰ gɨyəŋ gɨ ban bɨlɨn̰ kalaŋ leen̰ kalaŋ ga dan̰ durɔ ɗɨngar a cɨndi dɨle gasɨn̰-kɔl. Gɨyəŋ gɨ nee le gasɨn̰-kɔl gɨ da Moyis bɨ, magtubu da ka-yɔɔ-kɔl-gɨ-Kumu-ba-yɔɔ bɨ, naa leege tɨmon̰di.

Titɨ 1:2

ɗe kan na been̰ ɨrɨmedɨge a cay sɔmɛ-bɨra gɨ dan̰ tumoyi. Kumu gɨ ya poy naŋ le, ye gɨ ɗi na kɨya bɨge sɔmɛ-bɨra gɨ dan̰ tumoyi gɨ nee le naa tumɔ ɓɨragɨ.