Pilib 4:6 - Gabri Maja

⁶ Sɔlɛgɨŋ hɨnga pɨna naŋ, ama a duroy hɨnga nɔm na, laan̰gɨŋ Kumu ho’o bɨ, ɨren̰gɨŋ dan̰ hɨnga ga kɨŋ or n̰agedɨge a tumoyi dan̰ ɔlɛ bɨ, dan̰ lɔɗɨdɛ bɨ.

Pilib 4:6 ပူးပေါင်းရင်းမြစ်များ

Matɨyo 10:19

Kɨɗɨn̰ ga kan kɨya ƴomgɨŋge orɨn̰ge danagɨŋ kɨɗɨn̰ bɔyɛ kɔl gaŋ na, ɗɔɔgɨŋ ɗugoygɨŋ algɨŋ kɛ na koldi wa ma magɨŋ kɨya yɔ ga, naŋ bɨ, cay jɨba di ni yon̰ naŋ bɨ, kɨya wa Kumu kɨya bɨgɨŋ kɔl gɨ ni yɔ a tɨwadi di nee dɨŋ le.

Matɨyo 13:22

Gasi-gɨse ga bugoŋ duroy gɨsɨmn̰əŋ gaŋ le, na kalaŋ ga jege kɔl gɨ da Kumu, ama ɨrɨme a cay hɨnga ga cay gɨsəŋ gaŋ bɨ, kurɔŋdi wɔɔ gursu bɨ ƴee cay kɔl gɨ nee le coŋ. Lee gɨ andaŋ hɨnga bɨge naŋ.

Matɨyo 6:34

Hɨn̰ wo̰ na, kɨŋ ɗɔɔ ba sɔlɛ kɨya cay wɔlɛ gɨ wan̰do: Wɔlɛ gɨ wan̰do le kɨya sɔlɛ cay gusi koyi gɨŋ. Tabe gɨ ojɨ cay wɔlɛ gɨ labɨde le, ɓal cay wɔlɛ gɨ labɨde.

Matɨyo 6:8

Naa hɨn̰ wo̰ na, gɨlɨn̰agɨŋ danage naŋ, kɨya gɨ hɨnga ga kɨŋ or n̰agedɨge le, Baygɨŋ sol tumɔ pa hayi dɨm ma magɨŋ olii ƴee.

Kɔl-gɨ-Ɗari gɨ Lug wal 10:41

Ba-gulɔŋ jɨga dɨboo cay nee yo hɨn̰: «Mart, Mart, me ɗa ɗugɛ ba dugo naŋ bɨ, me gɨlal guse cay hɨnga kondɨ bɨ.

Kɔl-gɨ-Ɗari gɨ Lug wal 12:22

Ɨni na, Jesu yen̰ ka-aye-cay-tɨbayi hɨn̰: «Sɨlagɨŋ! Na toy di hɨn̰ wo̰ ma maŋ yəgɨŋ: Sɔlɛgɨŋ kɨya cay hɨnga ga ni dɔɔ poɗɨn̰ bɨ, kɨya cay badɨge ga ni tɔbɛ tolɨn̰ gusɨgɨŋ bɨ naŋ.

Kɔl-gɨ-Ɗari gɨ Lug wal 12:29

Ama kɨŋ-gandi na, kɨŋ ɗɔɔ ba sɔlɛ kɨya cay hɨnga ga ni dɔɔ bɨ, sɔɔ bɨ naŋ, bɨ kun̰degɨŋ kol cayge naŋ.

Kɔl-gɨ-Ɗari gɨ Lug wal 18:1

Jesu say dor kɨradi-kɔl gɨ pɨna wo̰, kɨya gɨlge gɨ kuɗa gɨ kan na ula Kumu daa daa, dɨle dɔrɛ gɨlale.

Kɔl-gɨ-Ɗari gɨ Lug wal 18:7

A boy ɨrɨme kogɨŋ gɨŋ kɛ, Kumu kɨya bɔyɛ kɔl bɨn̰ kalaŋ kayi ga Ban torge ɗege dan̰ cɨndɨge ga ɨlege kɨbi duroy son̰do dan̰ kɨɗɨn̰ ga woli bɨ naŋ ga? Kɛ Ban kɨya aye cay gɨ ni dɨle jɨbe toyge ga

1 Korɛ̰t 7:21

Hɨn̰ gɨ ji naa guyɔŋ kɨɗɨn̰ ga Kumu ba teen̰ na, ji ɗɔɔ sɔlɛ koldo naŋ. Ama hɨn̰ gɨ kan na bɨn̰ gɨyəŋ gɨ ni andaŋ coŋ guyɔŋdu dɨŋ na, ya əw cay nee dan̰ gɨre gɨ daa.

1 Korɛ̰t 7:32

Ɨŋ gey gɨ kɨŋ na gɨ sɔlɛ a cay hɨnga ga a cay gɨsəŋ gaŋ kɛ naŋ. Ungo gɨ na gura ƴaa naŋ na, sol na a cay gɨye gɨ da Ba-gulɔŋ bɨ, ban mal na gɨyəŋ gɨ ni ƴɔɔ cɨn̰ Ba-gulɔŋ bɨ.

2 Korɛ̰t 1:11

Kɨŋ-gandi kalɨn̰ ma ojɨ gɨ kɨŋ na jɨbɨ toyni dan̰ ɔlɛ Kumu kogɨŋ. Kumu kɨya jɔɔ ɔlɛ kogɨŋ nɔm gɨ kondɨwadi kalaŋ olge bɨ, kol cay ɔlɛ nɔm gɨ nee le na, ban kɨya tɔrɛ kɨbi cayni bɨ kondɨwadi kalaŋ kɨya loon̰ge Kumu ho’o kol cayni bɨ.

Epɛs 5:20

Laan̰gɨŋ Kumu Kɨye Bay ho’o dan̰ tɨwa nɔm, kɨya cay hɨnga nɔm, dan̰ guson̰ Ba-gulondɨna Jesu-Kɨris.

Epɛs 6:18

Ɗagɨŋ Turnɔ ɗe-kuduroy-bɛrɛ ɗe dor tumoy ɔlɛ Kumu kogɨŋ bɨ, dan̰ tɨwa nɔm ɨngɨrɨn̰gɨŋ Kumu dan̰ gɨyəŋ gɨ da ɔlɛ bɨ, ɨngɨre bɨ gɨ toy kan̰di kan̰di. Naa hɨn̰ wo̰ na sɨmagɨŋ dan̰ toygɨŋ daa bɨ, dɔrɛgɨŋ gɨlale a cay ɔlɛ Kumu gɨŋ naŋ bɨ, ulayigɨŋ kɨya cay kan ga woyge dan̰ cɨndɨge nɔm bɨ.

Kɔlɔs 3:15

Ɗe gɨ gusi-dɔbɛ da Kɨris da-ƴaa a kuduroygɨŋ. Kɨya wa Kumu təgɨŋ na gɨ agɨŋ na som naa dan̰ gusi-dɔbɛ, ɗe agɨŋ na bɨle kuyoŋ-gusu gɨ pɨna bɨ. Wɨyagɨŋ na ka-loon̰ Kumu ho’o bɨ.

Kɔlɔs 3:17

Hɨnga ga ani ani ga kɨŋ kɨya lɔɔ, naa kɔl yɔdɨgɨŋ naŋ le gɨye-lɔɔdɨgɨŋ kalɨn̰ ma, laagɨŋ na dan̰ guson̰ Ba-gulɔŋ Jesu. Dan̰ gɨyəŋ gɨ da gusondi na laan̰gɨŋ Bayna Kumu ho’o.

Kɔlɔs 4:2

Ay karmɨnɨ, ƴɨmagɨŋ te ɔlɛ bɨ, sɨmagɨŋ-bɨra toy nee bɨ, laan̰gɨŋ Kumu ho’o jɨn̰ tumɔ tumɔ bɨ.

1 Timote 2:1

Tumoy hɨnga nɔm na, ɨŋ dobɨ bandɨ kuduroygɨŋ gɨ ɗe kalaŋ ɨngɨrɨn̰ge Kumu hɨnga bɨ, ulan̰ge Kumu hɨnga bɨ, ɨlge cayi bɨ, laayige ho’o bɨ, kɨya cay kalaŋ nɔm.

1 Timote 5:5

Tama di kudurɔ ma di ungo kɔɔ unɔ bɨ, som kan̰do bɨ le, ɗe ɨrɨmedo na cay Kumu bɨ, ol Kumu bɨ, loɗɨde toyi daa daa duroy son̰do dan̰ tɨwa di ɨni bɨ.

1 Pɨyɛr 4:7

Wɔlɛ gɨ te hɨnga nɔm kɨya ayaŋ le woy mɨnde. Na toy di hɨn̰ wo̰ ma sɨmagɨŋ dan̰ cɨn̰-muɗɔlɛ bɨ, ƴɨmagɨŋ gusɨgɨŋ usa a cay hɨnga nɔm bɨ, ɗe gɨ agɨŋ ɓal olɨn̰ Kumu dan̰ tɨwa nɔm.

1 Pɨyɛr 5:7

Hɨnga nɔm ga kɨŋ sol cay nee le, kɨŋ dɨra ɨrɨmedɨge caygɨŋ coŋ bɨ, kɨya gɨ ban na ba sɔlɛ kardɨgɨŋ.