Pilib 4:18 - Gabri Maja

¹⁸ Hɨnga ga kɨŋ ba gɨyɨn̰ bəŋ le ɨŋ way nɔm. Hɨnga le ɗɨn̰ cay hɨnga ga n̰agedɨge ləŋ coŋ. Kɨɗɨn̰ ga Epapərodit bəŋ hɨnga ga kɨŋ ba bii ɗe na bəŋ le na, hɨnga nɔm ga n̰agedɨge ləŋ le ɨŋ way. Hɨnga ga kɨŋ ba bəŋ le, woy gɨlɨn̰ hɨn̰ hɨnga ga ni bogɨn̰ kɨbar ga walge bɨn̰ Kumu ga tɨnadɨge ɗo̰ kuɗa bɨ, ga Kumu gey bɨ ƴee cɨndi bɨ.

Pilib 4:18 ပူးပေါင်းရင်းမြစ်များ

Gɨye-lɔɔ 10:4

Kɔrney si cɨndi cay solii gəɗəɗə bɨ, hundɔrɔ leeyi bɨ, lee gɨ ban ye hɨn̰: «Na wa ga Ba-gulɔŋ?» Ba-ƴɔbɛ gɨ daa nii le yey hɨn̰: «Kumu je ɔlɛ kon̰ nɔm bɨ, gey hɨnga kan̰ nɔm ga ji ba lee dan̰ ka-n̰age le bɨ, ban halan̰ gɨybəŋ naŋ bɨ.

Magtubu di Pol wal bɨn̰ kalaŋ ga Rɔm 12:1

Ay karmɨnɨ ga ban̰aŋ dan̰ ga kandɨ, ɨŋ dobɨ bandɨ kuduroygɨŋ na kol sɔlɛ cɨn̰-n̰age da Kumu di kɨŋ way, waŋ waŋ kalɨn̰ ma duroygɨŋ aya gusi bɨn̰ Kumu, hɨn̰ hɨnga ga ni bogɨn̰ kɨbar ga woy bɨra bɨ, ga woy dan̰ cɨndɨge bɨ, ga ƴee cɨn̰ Kumu bɨ. Gɨ nee le mana n̰ɨre Kumu gɨ dan̰ gɨyəŋdi.

2 Korɛ̰t 11:8

Hay! Ɨŋ ƴee hɨnga ga ni jibin̰ tonɨ kobɨ Ka-Daye ga ɗaŋ kɨya leen̰ gɨye bɨgɨŋ. Woy gɨlɨn̰ hɨn̰ gɨ ɨŋ na nɨn̰ge kol caygɨŋ wo̰.

2 Korɛ̰t 9:12

Kɨya wa gɨye gɨ ba woy kɛ gɨ kɨŋ ba woy te lɔɔ le, kɨya lɔɔ gɨ kalaŋ ga woyge dan̰ cɨndɨge na waage naa hɨnga ga n̰agedɨge leege ƴɔbɨ naŋ, ama kɨya lɔɔ gɨ kalaŋ kondɨ na laan̰ge Kumu ho’o bɨ.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Pilib 4:12

Ɨŋ sol sɔmɛ dan̰ hɨnga ga dḛ bɨ, ɨŋ sol sɔmɛ dan̰ hɨnga ga kondi bɨ. Ɨŋ sol sɔmɛ kɨɗɨn̰ ga ani ani gaŋ bɨ, dan̰ hal gɨ toy kan̰di kan̰di nɔm bɨ, ɨŋ tɨrabɨ sɔmɛ dan̰ sɨle bɨ, dan̰ kurɔŋ bɨ. Ɨŋ tɨrabɨ sɔmɛ dan̰ hɨnga ga kondi bɨ, dan̰ kɔbɔ gɨ wɨyii bɨ.

2 Tesalonigɨ 1:3

Karmɨnɨ ga ban̰aŋ dan̰ ga kandɨ, ojɨ gɨ ni leen̰ Kumu ho’o jɨn̰ tumɔ tumɔ kol caygɨŋ. Hɨnga ga nee le, na dan̰ gɨyəŋdɨge kɨya wa aye kudurɔ kogɨŋ or cɨndi jɨn̰ tumɔ tumɔ dan̰ togi togi bɨ, geye gɨ kɨŋ orɨn̰ duroygɨŋ le, malgɨ gusɨgɨŋ pɨna pɨna bɨ.

Əbɨro 13:16

Kɨŋ ɗɔɔ ba hale gɨybəŋ cay lɔɔ ɗarwa naŋ. Jɨbɨgɨŋ te gusɨgɨŋ duroygɨŋ bɨ, kɨya gɨ na hɨnga ga ni bogɨn̰ kɨbar ga hɨn̰ wo̰ le ba-ƴɔɔ cɨn̰ Kumu.

1 Pɨyɛr 2:5

Kɨŋ-gandi kalɨn̰ ma, kɨŋ woy gɨlɨn̰ na hɨn̰ oru gɨ woy-bɨra gɨ Kumu lobɨgɨŋ leen̰ ƴaa-sɔmɛ gɨ da Turnɔ wo̰. Lee gɨ kɨŋ bɨle ka-bɔgɛ kɨbar ga woy dan̰ cɨndɨge bɨn̰ Kumu, ga kɨŋ lee gɨye n̰ɨre bii dan̰ gɨyəŋ gɨ da Turnɔ ɗe-kuduroy-bɛrɛ. N̰ɨre kogɨŋ dan̰ gɨyəŋ gɨ da Jesu-Kɨris le, kɨya mon̰ Kumu.