Pilib 4:11 - Gabri Maja

¹¹ Ɨŋ ye kɔl hɨn̰ wo̰ na kɨya cay hɨnga ga wɨyəŋ naŋ. Kɨya wa a duroy hɨnga nɔm le, ɨŋ tɨrabɨ sɔmɛ dan̰ gusi-mɔwa dan̰ hɨnga ga woy a kɔbɔŋ.

Pilib 4:11 ပူးပေါင်းရင်းမြစ်များ

Kɔl-gɨ-Ɗari gɨ Lug wal 3:14

Asɨgarn̰əŋ kalɨn̰ ma, ɨrgage ɨngɨrige yege hɨn̰: «Kɛ, ni gɨ lɔɔ koni na mɨna bɨ ga?» Ja̰ jɨga dɨbɨge cay nee yege hɨn̰: «Ɔsɨmɛgɨŋ ungo ƴon̰ nare koyi kalɨn̰ wo̰ naŋ. Ɗagɨŋ cɨndɨgɨŋ na cay hɨnga ga ni cay kobɨgɨŋ kagɨŋ gaŋ ɗɔ ƴɔbɨ.»

2 Korɛ̰t 11:27

Ɨŋ lee gɨye ga osɨdəŋ lee gɨ gɨlale ləŋ bɨ, hɨnga ga ni gɨwase ga osɨdəŋ gɨwasaŋ bɨ, ɨŋ waa kuŋ cɨnɨ naŋ tɨba kondɨ bɨ. Kuroŋ ləŋ bɨ, gɨmase dəŋ bɨ. Ɨŋ hay kɨbɨnɨ tɨba kondɨ bɨ. Kal dəŋ bɨ, badɨge ga ni dɔbɛ gusɨnɨ wɨyəŋ bɨ.

2 Korɛ̰t 6:10

Leenige leen̰ kalaŋ ka-n̰age, ama gusɨni moni dan̰ wɔlɛ pɨna pɨna. Leenige leen̰ kalaŋ ga wɔɔdɨge unɔ, ama ni lee gɨ kalaŋ kondɨ wayge kandi-wɔɔ. Leenige leen̰ kalaŋ ga ɨran̰ dan̰ hɨnga naŋ, ama ni orɨn̰ dan̰ hɨnga nɔm.

2 Korɛ̰t 8:9

Na cɨndi, kɨŋ sol ɗarwa di Ba-gulondɨna Jesu-Kɨris ƴom danana: Ban gɨ ba wɔɔ hɨnga le bɨləŋ ba-n̰age kol caygɨŋ, ɗe agɨŋ na bɨlɨn̰ ka-wɔɔ hɨnga dan̰ gɨyəŋ gɨ da n̰age di leeyi le.

2 Korɛ̰t 9:8

Kumu ɓal ba kɨya bɨgɨŋ ɗarwa di tɔɔ kan̰do kan̰do nɔm dan̰ kɔndɔ haa, ɗe agɨŋ orɨn̰ dan̰ hɨnga nɔm ga ɓalgɨŋ dan̰ wɔlɛ pɨna pɨna bɨ, ɗe toyge ga ba kondɨ tɔgɨ le, agɨŋ leen̰ gɨye gɨ ɗari nɔm bɨ.

Pilib 3:8

Ho’o, ɗɨn̰ gɨ nee le na, sɔlɛ Jesu-Kɨris Ba-gulonɨ say kuɗa ɗɨn̰ hɨnga nɔm bɨ, ɨŋ sol hɨnga ga ɗaŋ leen̰ hɨnga ga kalɨn̰ wo̰ dugo bɨ. Kɨya cay Kɨris na, ɨŋ ɗe hɨnga nɔm ga ɨŋ orɨn̰ coŋ. Hɨnga ga tumɔ na ga ɗari cɨnɨ le, ɨŋ solge leen̰ hɨnga ga mɨdagi ɗe aŋ na wan̰ hɨnga ga ɗari ga gumu. Hɨnga ga nee le na bugoŋ pɨna dan̰ Kɨris.

Əbɨro 10:34

Kɨya wa gɨ kɨŋ sol cɨn̰-n̰age da kan ga kan ƴomgege dangay dɨŋ bɨ, kɨŋ jɨbɨ toyge daa bɨ. Kɨɗɨn̰ ga kalaŋ donge hɨnga wɔɔdɨgɨŋ na, kɨŋ lee gusi-mɔwa kɨya gɨ kɨŋ sol gɨ kɨŋ na orɨn̰ dan̰ hɨnga wɔɔ ga kuɗa cɨla ɗɨn̰ na woy tumoygɨŋ, hɨnga ga ni wɔɔ ga nee le, kɨya wɔyɛ dan̰ tumoyge.