Pilib 3:8 - Gabri Maja

⁸ Ho’o, ɗɨn̰ gɨ nee le na, sɔlɛ Jesu-Kɨris Ba-gulonɨ say kuɗa ɗɨn̰ hɨnga nɔm bɨ, ɨŋ sol hɨnga ga ɗaŋ leen̰ hɨnga ga kalɨn̰ wo̰ dugo bɨ. Kɨya cay Kɨris na, ɨŋ ɗe hɨnga nɔm ga ɨŋ orɨn̰ coŋ. Hɨnga ga tumɔ na ga ɗari cɨnɨ le, ɨŋ solge leen̰ hɨnga ga mɨdagi ɗe aŋ na wan̰ hɨnga ga ɗari ga gumu. Hɨnga ga nee le na bugoŋ pɨna dan̰ Kɨris.

Pilib 3:8 ပူးပေါင်းရင်းမြစ်များ

Kɔl-gɨ-Ɗari gɨ Lug wal 1:43

Kɛ, ɨŋ na waŋ ma Ba-gulonɨ ƴoyi ɨrga gusɨnɨ ga?

Kɔl-gɨ-Ɗari gɨ Lug wal 11:20

Ama naa dan̰ dɔnɔ di da Kumu ma maŋ na tayan̰ turnɔn̰əŋ ga ɨsɨndəŋ na, dɔɔ-ƴaa di da Kumu ɨrga waygɨŋ ɨni.

Kɔl-gɨ-Ɗari gɨ Ja̰ wal 14:20

A boy wɔlɛdi gɨ nee gɨŋ le, kɨŋ kɨya sɔlɛ gɨ ɨŋ na woy a kuduroy Banɨ bɨ, kɨŋ kalɨn̰ ma kɨŋ na woy a kuduronɨ bɨ, ɨŋ na woy a kuduroygɨŋ bɨ.

Kɔl-gɨ-Ɗari gɨ Ja̰ wal 14:7

Hɨn̰ gɨ kɨŋ na sɨlaŋ na, kɨŋ kɨya sɔlɛ Banɨ bɨ. Ayɨn̰ toy haw kɛ na, kɨŋ solii bɨ, kɨŋ solii dan̰ cɨndɨgɨŋ ɨni bɨ.

Kɔl-gɨ-Ɗari gɨ Ja̰ wal 16:3

Kan kɨya lɔɔ hɨn̰ wo̰, na kɨya gɨ kan sɨlage Banɨ naŋ bɨ, sɨlaŋge ɨŋ-bandi naŋ bɨ.

Kɔl-gɨ-Ɗari gɨ Ja̰ wal 17:3

Sɔmɛ-bɨra gɨ dan̰ cɨndi le: Na ɗe kan na solɨn̰ge ji-bandi Kumu gɨ cɨndi gɨ pɨna hayi kəɗ kəɗ bɨ, Jesu-Kɨris gɨ ji gɨygi le bɨ.

Kɔl-gɨ-Ɗari gɨ Ja̰ wal 17:8

Kɨya wa ɨŋ-bandi, ɨŋ bɨge kɔl nɔm gɨ ji ba bəŋ le, kan ƴeege bɨ, solge leen̰ cɨndi gɨ ɨŋ na sayga naa gusɨn̰ bɨ. Kan beege kuduroyge cay kɔl gɨ nee le, gɨ ji na ba gɨyigəŋ.

Kɔl-gɨ-Ɗari gɨ Ja̰ wal 20:13

Marɨne ga sɔɔ le, ɨngɨrɨn̰ge Mari kɔl yege hɨn̰: «Tama, kɛ na kɨya wa ma me ɨle ga?» Hɨndi dɨbɨge cay nee hɨn̰: «Ɨŋ ɨle na kɨya gɨ kan dorge Ba-gulonɨ boy umboŋ kamɨn̰aŋ gaŋ coŋ. Bɨ ɨŋ sɨla kɨɗɨn̰ ga kan orɨn̰ge danayi dɨbii nee naŋ.»

Kɔl-gɨ-Ɗari gɨ Ja̰ wal 20:28

Tomas dɨbi cay nee yeyi hɨn̰: «Ba-gulonɨ bɨ, Kumu hɨnge bɨ.»

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Magtubu di Pol wal bɨn̰ kalaŋ ga Rɔm 8:18

Kɨɗɨn̰ ga ɨŋ ba ɨrɨm a cay gusoŋ-tɔgɛ gɨ Kumu ba kɨya wasɨn̰e cay bɨna kardi nee le, hɨnga ga ni gɨle-cɨn̰ ga a tɨwa di haw kɛ dɨŋ le, ɨŋ ɗongɨsɨge na dḛ wo̰ ƴɔbɨ gɨsɨn̰ danaa.

Magtubu di Pol wal bɨn̰ kalaŋ ga Rɔm 8:39

tɔgɨn̰əŋ ga a gɨɗɨgɨ-Kumu gaŋ naŋ bɨ, ga a cay gɨsəŋ gaŋ naŋ bɨ, hɨnga se ga da Kumu pɨna wo̰ naŋ bɨ, hɨnga pɨna wo̰ ga ba kɨya ɓale poyina dugo dan̰ geye gɨ Kumu gɨl doŋ kol cayna dan̰ gɨyəŋ gɨ da Jesu-Kɨris Ba-gulondɨna gɨ na bugoŋ pɨna danayi le, unɔ bɨrɨŋ.

1 Korɛ̰t 2:2

Kɨya wa ɨŋ uja gɨ ni sɔlɛ-hɨnga ga ɗaŋ kɨɗɨn̰ ga ɨŋ ban̰ duroygɨŋ le naŋ, ama na Jesu-Kɨris ƴɔbɨ, ban gɨ kan gagɨliige a cay sɨya-gɨ-dagɨli gɨŋ le.

1 Korɛ̰t 9:10

Kɛ Kumu ya kɔl gɨ nee le ujan̰ na cay na na-gandi ɗəndəŋ naŋ ga? Ho’o walge kɔl gɨ nee le ojɨn̰ na cay na. Kɨya wa naa wa wa kalɨn̰ ma ojɨ gɨ ba yage na bɨga ɨrɨmedi a cay hɨnga ga ban kɨya wɔɔ a yage gɨŋ bɨ, ba sɔmbɛ gasa na bɨga ɨrɨmedi a cay cɨn̰ gasa ga ban kɨya wɔɔ gaŋ bɨ.

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

2 Korɛ̰t 4:6

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.

Galad 1:16

Bɨ kɨɗɨn̰ ga ban wasɨn̰ cay Kurondi bəŋ, ɗe gɨ ɨŋ na tɨga bɛrnɛ kɔl koyi gɨ ɗari bɨn̰ kalaŋ ga toyge na Jubɨ naŋ le, ɨŋ ɨra gusi ungo pɨna wo̰ ɨngɨrii kɔl naŋ bɨ,

Epɛs 4:13

Na hɨn̰ wo̰ ma, ma na kɨya loon̰ gɨye bɨrɨŋ gɨsɨn̰ gɨ na-gandi nɔm, na na bugoŋgɨŋ pɨna te aye kudurɔ gɨŋ bɨ, na na sɨlan̰gɨŋ Kurɨn̰-Kumu nara bɨ. Ɨni na, na-gandi nɔm na kɨya bɨləŋgɨŋ kalaŋ ga cɨndɨge nadɨrdaŋ ga malgɨge bɨrɨŋ ɓalɨn̰ge dan̰ Kɨris ca ca.

Pilib 1:1

Na ɨŋ-bandi Pol dan̰ Timote, marɨne ka-gɨye ga da Jesu-Kɨris ba gɨyɨn̰ dan̰ lapɨya di kɛ le, bɨn̰ kalaŋ ga Pilib nɔm ga woyge dan̰ cɨndɨge bɨ, bugoŋge pɨna dan̰ Jesu-Kɨris bɨ, ka-dɔrɛ tumoyge bɨ, ka-lɔɔ gɨye game hɨnga bɨ.

Pilib 3:10

Ɨŋ wɨraŋde na ɗe gɨ aŋ na solɨn̰ Kɨris bɨ, dɔnɔ di da bɔyɛ lɨbe koyi bɨ. Ɨŋ wɨraŋde na ɗe gɨ aŋ na bugoŋ pɨna danayi boy cɨn̰-gɨle-cɨn̰ toyi dɨŋ bɨ, ɗe aŋ na gɨlɨn̰ hɨn̰ ban wo̰ boy tɨmaydi dɨŋ bɨ.

Pilib 3:12

Hɨnga ga ɨŋ ba gɨre koldɨge le ɨŋ ɨsɨma dan̰ kɔbɔŋ mɛj naŋ ƴee bɨ, ɨŋ duroŋ cɨrɛɗ naŋ ƴee bɨ. Ama ɨŋ gɨre cɨnɨ jɨn̰ cay hɨnga ga woy tumonɨ, ɗe aŋ na osɨmɨn̰ hɨnga ga ɨŋ gɨre koldɨge le dan̰ kɔbɔŋ mɛj, hɨn̰ Jesu-Kɨris kalɨn̰ ma ba ɔsɨmɔŋ dan̰ kobi wo̰ bɨ.

Pilib 3:7

Ama hɨnga ga tumɔ ɨŋ ba bee kuduronɨ cay nee kɨya won̰ hɨnga le, ɨŋ say ɗege coŋ bɨ ɨŋ solge hɨn̰ hɨnga ga kalɨn̰ wo̰ dugo kɨya cay Kɨris.

2 Timote 4:6

Wɔlɛ hɨnge gɨ ni ɗon̰ cay gɨsəŋ ga kɛ coŋ le, woy mɨnde. Sɔmɛ-bɨra hɨnge woy na hɨn̰ cɛrɛ di suru gɨ kan beege cay hɨnga ga ni bogɨn̰ kɨbar gaŋ wo̰.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

1 Pɨyɛr 2:7

Kogɨŋ kɨŋ-gandi ka-aye kudurɔ na, Kɨris na oru gɨ ƴee cɨndɨgɨŋ tɔgɨ. Ama ojɨn̰ cay kalaŋ ga na ka-aye kudurɔ naŋ na, «Oru gɨ tumɔ ka-gaɗe ƴaa tumɔ dɨbɨge pɨrɨŋ coŋ le, Say bɨle na oru gɨ kuɗa tɔgɨ ɗɨn̰ kamdi, Gɨ kan ɗege tɨbɨn̰ ƴaa dɨŋ.»

2 Pɨyɛr 1:2

Kuɗa gɨ ɗarwa bɨ, gusi-dɔbɛ bɨ, baa dan̰ kɔndɔ haa dan̰ gɨyəŋ gɨ da sɔlɛ gɨ kɨŋ sol Kumu bɨ, Ba-gulondɨna Jesu-Kɨris bɨ.

2 Pɨyɛr 1:3

Na cɨndi, Kumu bɨnagɨŋ hɨnga nɔm ga na or n̰agedɨge na kol dɔnɔ toyi, ɗe ana na somɨn̰gɨŋ-bɨra bɨ, leen̰gɨŋ gɨye lɔɔ gɨ bugoŋ pɨna dan̰ Kumu bɨ. Ban Kumu lee gɨ na solgɨŋ gɨ ban teenagɨŋ na dan̰ gɨyəŋ gɨ da gusoŋ-tɔgɛ koyi bɨ, na dan̰ gɨyəŋ gɨ da tɔgɨ toyi bɨ.

2 Pɨyɛr 1:8

Hɨnga nɔm ga nee le, ojɨ gɨ kɨŋ laa ɨran̰ dan̰ cɨndɨgɨŋ tumɔ. Ama hɨn̰ gɨ hɨnga nɔm ga nee le, kɨŋ na ɨran̰ kunda na, na kan ba kɨya lɔɔ ɗe gɨ kɨŋ na laan̰ gɨye bɨ, kɨŋ na sɨlan̰ Ba-gulondɨna Jesu-Kɨris cɨndɨgɨŋ tumɔ tumɔ bɨ.

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!

1 Ja̰ 1:3

Hɨnga ga ni ba sol dan̰ cɨndɨni bɨ, je koldɨge dan̰ sɨmayni bɨ le, ni te bɛrnɛdɨge bɨgɨŋ, kɨya gɨ ni gey gɨ kɨŋ-gandi kalɨn̰ ma kɨŋ na bugoŋ pɨna danani te bugoŋ pɨna gɨ nee gɨŋ le bɨ. Bugoŋ pɨna gɨ na ba orɨn̰gɨŋ le, na bugoŋ pɨna dan̰ Bayna bɨ, dan̰ Kurondi Jesu-Kɨris bɨ.

1 Ja̰ 2:19

Tumɔ kan na duroynagɨŋ, ma haw kɛ sayge andaŋge, ama leen̰ cɨndi na, tumɔ kalɨn̰ ma kan na karmiinagɨŋ naŋ. Tumɔ hɨn̰ gɨ kan naa karmiinagɨŋ na, kan ni kɨya sɔmɛ dananagɨŋ. Sɔ gɨ kan sayge andaŋge duroynagɨŋ doŋ coŋ le, gɨl doŋ pɨraŋ gɨ ungo pɨna wo̰ duroyge gɨ na kurɨndɨnagɨŋ le unɔ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.