Pilib 3:19 - Gabri Maja

¹⁹ Kalaŋ ga nee le a dɨɗe kɨbi gɨŋ na kan kɨya mundoŋ. Kɨya wa kumu koge na kuduroyge bɨ, gusoŋ-tɔgɛ koge woy na boy hɨnga ga di dasi gaŋ bɨ, kan na hɨnga ga ƴom kuduroyge le, na hɨnga ga a cay gɨsəŋ gaŋ kɛ ƴɔbɨ.

Pilib 3:19 ပူးပေါင်းရင်းမြစ်များ

Matɨyo 16:23

Ɨni na, Jesu bɨle cɨndi jɨn̰ cay Pɨyɛr bɨ yeyi hɨn̰: «Sidan aya guse sɛdɨ coŋ gusɨnɨ! Ji na gundi sɨya gɨ ba dɔgɛ tɨbanɨ. Kɨya wa ɨrɨme gɨ a kuduron̰ le, na ɨrɨme gɨ da Kumu naŋ, ama na ɨrɨme gɨ da kalaŋ ga ɨndəŋ.»

Matɨyo 25:41

«Kardi nee ɨni na, kɨlma yen̰ kan ga a cay kobi gɨ masa gɨŋ le, yege hɨn̰: “Kɨŋ ga Kumu ɓɨsɨgɨŋ le sagɨŋ gusɨnɨ coŋ. Ɨragɨŋ boy tɨwa di woy dan̰ cɨndo dɨŋ di ƴomge cay tɨbaa kɨya cay Haban̰ bɨ, ka-ƴɔbɛ kaa bɨ.

Kɔl-gɨ-Ɗari gɨ Lug wal 12:19

Kardi nee, ɨŋ kɨya yon̰ gusɨnɨ yɔ hɨn̰: Sɨla! Hɨnga wɔɔdɨn̰ woy bajag bajag ɓal lɔɔ ɨlge kondɨwa danan̰. Jɨga sɔmɛ kɔj kɨɗɨn̰ pɨna dɨran̰ gɨlale, daa bɨ, saa bɨ, sɨman̰ laan̰ bayda bɨ.”

Kɔl-gɨ-Ɗari gɨ Lug wal 16:19

«Gɨlmi gɨ pɨna wo̰ gɨ na ba wɔɔ hɨnga woy nee. Ban tobɨde badɨge ga yɨle pɨrɨm pɨrɨm bɨ, ga kɨledɨge osɨ tɔgɨ bɨ gusi. Ban dii bɨ sii bɨ leen̰ gusi-mɔwa di gumu dan̰ wɔlɛ pɨna pɨna.

Kɔl-gɨ-Ɗari gɨ Lug wal 18:4

Lee wɔlɛ kondɨ ba bɔyɛ kɔl gɨ nee le kan̰ bɔyɛ kɔl le. Kardi nee na, ban say ɨrɨm kuduroy ye hɨn̰: “Na cɨndi, ɨŋ hɨndara Kumu naŋ bɨ, ɨŋ bɨgan̰ kalaŋ kɔl nee naŋ bɨ.

Magtubu di Pol wal bɨn̰ kalaŋ ga Rɔm 16:18

Na cɨndi, kalaŋ ga nee le, laage gɨye bɨn̰ na Ba-gulondɨna Kɨris naŋ, ama leege gɨye bɨn̰ na kuduroyge ƴɔbɨ. Kalaŋ ga hɨnga-sɔlɛ kage baa gɨyəŋ le, kan nadɨrdɨge dan̰ kɔl ga mɔɔ bɨ, ga ni narɨn̰ cɨn̰-kɨɗɨn̰ bɨ.

Magtubu di Pol wal bɨn̰ kalaŋ ga Rɔm 6:21

Kɛ wɔɔdi hɨnga ga kɨŋ ba wayi a te lɔɔ ɨsɨna gɨ da hɨnga ga tumɔ kɨŋ ba lee le ba ani ga? Na hɨnga nɔm ga haw kɛ dasi dɨgɨŋ kol cayge ɨni, kɨya wa na hɨnga ga kɨya orɨn̰ dan̰ kalaŋ na tɨma dɨŋ.

1 Korɛ̰t 3:3

Kɨya wa kɨŋ ɨre lee hɨnga na dan̰ gɨyəŋ gɨ da kuyoŋ-gusu ƴee. Kɨɗɨn̰ ga jangɨ bɨ bɔjɨn̰ɛ bɨ woy duroygɨŋ le, kɛ kɨŋ na ka-lɔɔ hɨnga dan̰ gɨyəŋ gɨ da kuyoŋ-gusu naŋ ga? Kɛ gɨye-lɔɔdɨgɨŋ gɨlɨn̰ pɨna na dan̰ gɨ da kalaŋ ga ɨndəŋ naŋ ga?

1 Korɛ̰t 5:2

Bɨ kɨŋ ɨre nee gaŋ den̰ jorgiigɨŋ hal ƴee coŋ! Ungo gɨ lee hɨnga ga hɨn̰ wo̰ le, ojɨ gɨ kuduroy-hɔmɛ ni ləgɨŋ bɨ kɨŋ ni dorii duroygɨŋ coŋ. Ama kɨŋ laa hɨnga ga nee le naŋ.

1 Korɛ̰t 5:6

Hɨnga ga kɨŋ ba de jorgiigɨŋ koldɨge le, na hɨnga ga kuɗa naŋ. Subugu di mapa di dḛ wo̰ le, lee gɨ kɨrbaŋdi gɛmɛ gɨ woŋsi sodɨ nɔm le kɛɛ, kɨŋ sɨla naŋ ga?

2 Korɛ̰t 11:12

Hɨnga ga ɨŋ ba lee ga nee le, ɨŋ kɨya wɔyɛ te lɔɔ cɨnɨ jɨn̰ tumɔ tumɔ. Hɨn̰ wo̰ na ɨŋ kɨya narɨn̰ kalaŋ ga pɨna ga somge malge gɨyəŋ gɨ ni gɨle gusɨge gɨ kan na ɓalɨn̰ danani le gɨyəŋ.

2 Korɛ̰t 11:15

Ɨni na, hɨn̰ gɨ marɨne ka-lɔɔ gɨye ga da Sidan kalɨn̰ ma na bɨlge gusɨge gɨlɨn̰ hɨn̰ ka-lɔɔ gɨye ga da hɨnga ga dan̰ durɔ ɗɨngar na, na hɨnga ga kɨya kaye ungo sɛl sɛl naŋ. Ama dɨɗe kɨbi koge kɨya wɔyɛ gɨlɨn̰a hɨn̰ gɨye-lɔɔdɨge ga ɨsɨni wo̰ bɨ.

Galad 6:13

Kan ga na kalaŋ ga walge ban̰a kalɨn̰ ma, bɨgage kɔl a cay gasɨn̰-kɔl gaŋ nɔm dan̰ gɨyəŋdi naŋ. Ama, kan geyge gɨ kɨŋ na wala ban̰a age na den̰ jorgɨyge, kɨya cay hɨnga ga kɨŋ ba lee le.

Pilib 2:21

Kalaŋ nɔm malge na hɨnga ga kɨya ɨrgan̰ dan̰ ɗarwa di da kuyoŋdi-gusɨge koge ƴɔbɨ, ama na hɨnga ga kɨya ɨrgan̰ dan̰ ɗarwa kol cay Jesu-Kɨris naŋ.

Kɔlɔs 3:2

Ɨrɨmgɨŋ a cay hɨnga ga a gɨɗɨgɨ-Kumu gaŋ, ɨrɨmegɨŋ a cay hɨnga ga a cay gɨsəŋ gaŋ kɛ naŋ.

2 Tesalonigɨ 1:9

Hɨnga ga ni gɨle-cɨn̰ ga ba kɨya looge kɨya cay ɨsɨna koge le, na mundoŋ gɨ kan kɨya mundoŋge dan̰ tumoyge muɗɔg muɗɔg coŋ, hen̰ tumoyi Ba-gulɔŋ bɨ, hen̰ dan̰ gɨmɨn̰aw di da dɔnɔ toyi bɨ.

2 Tesalonigɨ 2:12

Ɗe kan na bɨyan̰ge kɔl a cay kalaŋ nɔm ga bɨgage kuduroyge a cay kɔl gɨ cɨndi gɨŋ naŋ, ama ga hɨnga ga dan̰ durɔ ɗɨngar naŋ ba mooge.

2 Tesalonigɨ 2:8

Na wɔlɛdi gɨ nee le ma, Ba-Kuduroy-Ɨndɨwa le kɨya gɨle gusi bɨ, Ba-gulɔŋ Jesu kɨya dɨɗii dan̰ habe gɨ kɨya andaŋ kɨbi bɨ, dan̰ dɔnɔ di da cagadi bɨ.

1 Timote 6:5

dan̰ man̰e-kɔl gɨ toy ayaŋ naŋ, gɨ da kalaŋ ga ɨrɨmedɨge mundoŋ coŋ, kɨya wa kɔl gɨ cɨndi le, unɔ gusɨge. Kalaŋ ga nee le, ɨrɨmge gɨ gɨye-lɔɔ gɨ bugoŋ pɨna dan̰ Kumu le, naa gɨyəŋ gɨ ni wan̰ hɨnga.

2 Timote 3:4

kɨya bɨləŋge ka-aye cay kamdɨge bɨ, kɨya lɔɔge hɨnga dɨle ɨrɨme toyge bɨ, dɔgɛ jɔrgɔ lɨgɨde cɨndɨge bɨ, kɨya geyege Kumu naŋ ama kɨya geyege na gusi-mɔwa toge ƴɔbɨ.

Magtubu di Jag wal 4:16

Ama haw kɛ, kɨŋ say dan̰ cay gusɨgɨŋ been̰ gusɨgɨŋ kogɨŋ gaŋ tɨwan̰e den̰ jorgɨygɨŋ. Dɔgɛ jorgɨygɨŋ gɨ hɨn̰ wo̰ le kuɗa naŋ.

2 Pɨyɛr 2:1

Naa tumɔ, ka-yɔɔ-kɔl-gɨ-Kumu-ba-yɔɔ ga cɨndi naŋ woyge duroy te kalaŋ ga da Kumu. Haw kɛ kalɨn̰ ma, ka-gɨlɨn̰ kalaŋ hɨnga ga cɨndi naŋ woyge duroygɨŋ nee. Kan kɨya andaŋ duroygɨŋ dan̰ n̰ale kɨya gɨlɨn̰ kalaŋ hɨnga ga dan̰ gɨyəŋdɨge naŋ bɨ, hɨnga ga ɨsɨn tɔgɨ bɨ. Ba gɨlge hɨnga gɨ ba bɔyɛ cayge le, kan orge bɨrɨŋ kan̰ii coŋ bɨ. Kan malgage mundoŋ ɨrgan̰ a cay gusɨge koge gɨŋ gaŋ, ama mundoŋ koge le kɨya caga cɛd.

2 Pɨyɛr 2:13

Hɨnga ga ni gɨle-cɨn̰ ga kɨya looge le kɨya wɔyɛ na cay kobɨge, kɨya cay hɨnga ga dan̰ gɨyəŋdɨge naŋ ga kan leege le. Kɨya wa tabɨlaŋdi hɨnga ga woy kuduroyge le, kan leege na cɨn̰ tɨwa dɨŋ. Sɔmɛdɨge a kɨɗɨn̰ dayaŋ kagɨŋ gaŋ dii dasi bɨ, lee kɨni bɨ. Kan wayge gusi-mɔwa toge na a te lɔɔ hɨnga ga ɨsɨni ga tabɨlaŋdɨge woy kuduroyge. Kɨɗɨn̰ ga kan diidege hɨnga kagɨŋ danagɨŋ na, gusɨge mooge a cay nare cɨn̰-kɨɗɨn̰ kage.

2 Pɨyɛr 2:3

Kol lɔɔ te gursu di woy kuduroyge le, ka-gɨlɨn̰ kalaŋ hɨnga ga dan̰ gɨyəŋdɨge naŋ ga nee le, kɨya gɨlgɨŋge kɔl gɨ ni narɨn̰ cɨn̰-kɨɗɨn̰ dan̰ cɨn̰-muɗɔlɛ age na diigɨŋ. Ama kɨya bɔyɛge kɔl cayge mɨnde bɨ, kɨya mondɨgege muɗɔgɨ muɗɔgɨ mɨnde bɨ.

Magtubu di Jud wal 1:10

Ama kalaŋ ga nee le, yagɨdege hɨnga nɔm ga kan sɨla toyge naŋ. Gɨrɨn̰ cayge laa gɨye naŋ hɨn̰ kɨmɛnɛ nɔm wo̰. Kan kobɨge na te hɨnga nɔm ga ɨrga boy ɨrɨmedɨge gɨŋ, na toy di hɨn̰ wo̰ ma kan kɨya mundoŋge le.

Magtubu di Jud wal 1:16

Kalaŋ ga hɨn̰ wo̰ le gusɨge mooge naŋ bɨ, na ka-ɨle gusɨge dan̰ wɔlɛ pɨna pɨna bɨ, na ka-kɔbɛ hɨnga ga kuduroyge gey bɨ, na ka-yɔɔ-kɔl gɨ ni dogɨn̰ jɔrgɔ bɨ, na ka-nare cɨn̰ kalaŋ gɨ ni won̰ hɨnga bɨ.

Magtubu di Jud wal 1:4

Kɨya wa kalaŋ ga pɨna andaŋge duroygɨŋ dan̰ wɔsɛ. Kalaŋ ga nee le, kɔl ƴom cayge ɨni kol gɨye-lɔɔdɨge. Tumɔ ka-yɔɔ-kɔl-gɨ-Kumu-ba-yɔɔ walge kɔl gɨ ojɨ cayge. Kan na ka-baa ga da Kumu. Kɔl gɨ ojɨ cay ɗarwa di da Kumu konagɨŋ le, kan bɨliige dɨbiige masa age na yoyɨn̰ gorɨn̰ daa. Kan kan̰ge kɔbɛ Jesu-Kɨris ba-cay nagɨŋ bɨ, Ba-gulondɨna bɨ, gɨ pɨna hayi kəɗ kəɗ le.

Wasɨn̰a 18:7

Laagɨŋ hɨnga ga ni mɨrɨn̰tɨn̰i bɨ, Laagɨŋ ɗe hɨndi som duroy n̰age tɨma dɨŋ bɨ, Ɗe ɓalɨn̰ dan̰ gɨle gɨ hɨndi gɨl guso bɨ, Ɗe ɓalɨn̰ dan̰ se gɨ hɨndi si kandi-wɔɔ kaa, Ga kuɗudaŋ kɨbɨ gusɨge gaŋ doŋ bɨ. Kɨya wa hɨndi ye kudurɔ hɨn̰: “Ɨŋ som cay kali tɨrɨmbali dɨŋ bɨ, Kuduronɨ mara naŋ bɨ, Ɨŋ sɨma duroy n̰age tɨma dɨŋ naŋ bɨrɨŋ bɨ.”

Wasɨn̰a 19:20

Ƴomge kɨmana le bɨ, ba-yɔɔ-kɔl-gɨ-Kumu-ba-yɔɔ gɨ cɨndi naŋ le bɨ. Tumɔ, ba-yɔɔ-kɔl-gɨ-Kumu-ba-yɔɔ gɨ cɨndi naŋ gɨ nee le, lee hɨnga ga ɗɨn̰ cɨn̰-kɨɗɨn̰ tumoy kɨmana le narɨn̰ cɨn̰ kalaŋ ga tɨnda woy gusɨge bɨ, kalaŋ ga ka-n̰ɨrege turnoy kɨmana le bɨ. Kɨmana le bɨ ba-yɔɔ-kɔl-gɨ-Kumu-ba-yɔɔ gɨ cɨndi naŋ bɨ le, ƴomgege beegege dan̰ cɨndɨge duroy kuray di tɨwa da kɨrbaŋdi hɨnga ga ƴee hɨn̰ tɨwa wo̰ bɨ.

Wasɨn̰a 21:8

Ama ka-hundɔrɔ bɨ, ka-ɨre a cay gasɨndɨge gaŋ naŋ bɨ, kalaŋ ga haldɨge ɨsɨn tɔgɨ bɨ, ka-dɨɗe kalaŋ bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-lɔɔ tɨmba bɨ, ka-n̰ɨre kula bɨ, ka-poy nɔm bɨ le, kɨɗɨn̰ kage kɨya wɔyɛ na a duroy kuraydi tɨwa di ƴee hɨn̰ kɨrbaŋdi hɨnga ga ƴee hɨn̰ tɨwa wo̰. Hɨnga ga nee le, ma na tɨma di cay-sɔɔ.»

Wasɨn̰a 22:15

Ama gaye bɨ, ka-lɔɔ tɨmba bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-dɨɗe kɨɗɨn̰ bɨ, ka-n̰ɨre kula bɨ, ka-geye kɔl yɔ ga ni poy naŋ le, yɔɔdɔ kɔl ga ni poy dan̰ wɔlɛ pɨna pɨna bɨ le, kɨya bɔɔge doŋ.