Pilib 3:1 - Gabri Maja

¹ Gɨ ojɨ cay te kɔl gɨ ba baa na, ay karmɨnɨ ga ban̰aŋ dan̰ ga kandɨ, laagɨŋ gusi-mɔwa cay bugoŋ gɨ kɨŋ bugoŋ pɨna dan̰ Ba-gulɔŋ. Jɔgɛ wale magtubu bɨgɨŋ ojɨn̰ cay hɨnga ga pɨna hage ga ɨŋ ba yəgɨŋ koldɨge tumɔ le usaŋ naŋ. Ɨŋ jɨga ye hɨn̰ wo̰ ɗaŋ, na ɗe gɨ na laa danagɨŋ.

Pilib 3:1 ပူးပေါင်းရင်းမြစ်များ

Matɨyo 5:12

Laagɨŋ gusi-mɔwa bɨ, tɨgagɨŋ pɨre bɨ, kɨya wa cay kobɨgɨŋ gɨ gumu woy gamgɨŋ a daa nii. Halegɨŋ gɨybəŋ naŋ, ka-yɔɔ-kɔl-gɨ-Kumu-ba-yɔɔ ga somge jɨne tumoygɨŋ le, gɨlgege cɨn̰-gɨle-cɨn̰ na hɨn̰ wo̰ bɨ.

Kɔl-gɨ-Ɗari gɨ Lug wal 1:47

Turnonɨ lee gɨ gusɨnɨ mɔŋ tɔgɨ Kɨya cay Ba-gulonɨ Kumu ba-pɔɗɔŋ,

Magtubu di Pol wal bɨn̰ kalaŋ ga Rɔm 5:11

Ɗɨn̰ gɨ nee le na, haw kɛ na, na ɨre lee gusi-mɔwa kɨya cay Kumu dan̰ gɨyəŋ gɨ da Ba-gulondɨna Jesu-Kɨris, kɨya wa na ban ba hangɨna gɨyəŋ gɨ da bugoŋ pɨna dan̰ Kumu.

2 Korɛ̰t 13:11

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Laagɨŋ gusi-mɔwa bɨ ɨragɨŋ tumɔ te duroŋ cɨrɛɗ gɨŋ bɨ, dɨban̰gɨŋ gusɨgɨŋ bandɨ duroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, sɨmagɨŋ dan̰ gusi-dɔbɛ bɨ. Na hɨn̰ wo̰ ma, Kumu gɨ na Ba-gulɔŋ geye bɨ, Ba-gulɔŋ gusi-dɔbɛ bɨ, kɨya bɔɔ danagɨŋ.

Epɛs 6:10

Kagadi kɔl hɨnge ba kɛ: Daragɨŋ togɨygɨŋ na duroy te bugoŋ pɨna kogɨŋ gɨŋ dan̰ Ba-gulɔŋ bɨ, a gusi tɔgɨ toyi di ɗɨn̰ hɨnga nɔm bɨ.

Pilib 3:3

Kan yege gɨ ke naa ka-wale ban̰a, ama na ni-gandi ma na ka-wale ban̰a ga leen̰ cɨndi. Kɨya wa ni-gandi ni lee gɨye bɨn̰ Kumu na dan̰ gɨyəŋ gɨ da Turnɔ ɗe-kuduroy-bɛrɛ bɨ, ni de jorgɨyni na te bugoŋ pɨna dan̰ Jesu-Kɨris bɨ, ni bɨga kuduroyni na a cay hɨnga ga uja cay kuyoŋdi-gusɨni gɨŋ naŋ bɨ.

Pilib 4:4

Laagɨŋ gusi-mɔwa dan̰ tɨwa nɔm, te bugoŋ pɨna dan̰ Ba-gulɔŋ. Ɨŋ jɨga yəgɨŋ ɗaŋ coŋ, laagɨŋ gusi-mɔwa.

Pilib 4:8

Kardi nee nɔm na, karmɨnɨ ga ban̰aŋ dan̰ ga kandɨ, kuɗa gɨ hɨnga ga leen̰ cɨndi bɨ, hɨnga ga kalaŋ hɨram bɨ, hɨnga ga dan̰ durɔ ɗɨngar bɨ, hɨnga ga duroŋ mɨra bɨ, hɨnga ga won̰ gɨ ni geye bɨ, hɨnga ga ƴee cɨn̰ kalaŋ bɨ, hɨnga ga gusondɨge ye bɨ, hɨnga ga kalaŋ jɨndalge bɨ, ba ƴɨma kuduroygɨŋ.

1 Tesalonigɨ 4:1

Ay, karmɨnɨ ga ban̰aŋ dan̰ ga kandɨ, jagɨŋ kɔl hɨnge coŋ. Gɨye-lɔɔ gɨ ƴee cɨn̰ Kumu le kɨŋ tɨrabɨ na gusɨni, lee gɨ na ban ma magɨŋ lee. Ama haw kɛ na, ni ɨngɨrgɨŋ bɨ, dobɨ bandɨ kuduroygɨŋ dan̰ guson̰ Ba-gulɔŋ Jesu, ɗe gɨ kɨŋ na ɨra cɨndɨgɨŋ tumɔ ɗɨn̰ gɨ tumɔ coŋ.

1 Tesalonigɨ 5:16

Sɨmagɨŋ dan̰ gusi-mɔwa dan̰ wɔlɛ pɨna pɨna.

Magtubu di Jag wal 1:2

Karmɨnɨ ga ban̰aŋ dan̰ ga kandɨ, hɨnga ga ni gɨwase ga dan̰ cɨndɨge cɨndɨge ga ba andɨdaŋ caygɨŋ le, kuɗa gɨ kɨŋ sɨlagegɨŋ hɨn̰ hɨnga ga ni gusi-mɔwa wo̰.

1 Pɨyɛr 3:8

Gɨ ni dɨɗɨn̰ kɨbi na, kɨŋ-gandi nɔm le, kuɗa gɨ kuduroygɨŋ bugoŋ pɨna bɨ, kuɗa ɨrɨmedɨgɨŋ gɨ ƴen̰ kuduroygɨŋ ɨra pɨna bɨ, geygɨŋ gusɨgɨŋ hɨn̰ ka-karme ga geyge gusɨge wo̰ bɨ, sɨlagɨŋ cɨn̰-n̰age di da kamdɨgɨŋ bɨ, tɨbagɨŋ caygɨŋ dugo bɨn̰ gusɨgɨŋ bɨ.

1 Pɨyɛr 4:13

Ama kɨŋ laa gusi-mɔwa kɨya cay cɨn̰-gɨle-cɨn̰ di leegɨŋ hɨn̰ gɨ ba leen̰ Kɨris wo̰ bɨ le. Ɗe wɔlɛ gɨ gusoŋ-tɔgɛ koyi na gɨl gusi doŋ na, gusɨgɨŋ kɨya moogɨŋ bɨ, kɨŋ kɨya tɔgɛ pɨre bɨ.

2 Pɨyɛr 3:1

Karmɨnɨ ga ɨŋ lee-toygɨŋ, magtubu di woy kɛ le na di ni cay sɔɔdo di ɨŋ wal gɨyɨn̰ bɨgɨŋ. Bɨ duroy magtubu nɔm ga nee le sɔɔɗɨmɔŋ na, ɨŋ mal na lɨbe ɨrɨme gɨ dan̰ durɔ ɗɨngar gɨ woy kuduroygɨŋ le, ɗe agɨŋ hɨnɨn̰ cay hɨnga ga ni gɨle le.