Pilib 2:9 - Gabri Maja

⁹ Na toy di hɨn̰ wo̰ ma, Kumu ayi ɗey daa cay hɨnga nɔm bɨ, Bii gusoŋ gɨ ɗɨn̰ cay gusoŋn̰əŋ nɔm bɨ.

Pilib 2:9 ပူးပေါင်းရင်းမြစ်များ

Matɨyo 11:27

Ɨni na, ban yen̰ kalaŋ ga ɨrege nee le hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ ɨŋ dori pa dɨm ma, maŋ kɨya gɨli Banɨ ɗe ban na solii gɨ Ban naa ungo gɨ wo̰ ƴee.

Matɨyo 28:18

Jesu ɨrga mɨnde gusɨge bɨ yege hɨn̰: «Kumu bəŋ Dɔnɔ nɔm a cay hɨnga ga gɨɗɨgɨ-Kumu gaŋ bɨ, a cay hɨnga ga cay gɨsəŋ gaŋ bɨ.

Kɔl-gɨ-Ɗari gɨ Lug wal 10:22

Ɨni na, ban yen̰ kalaŋ ga ba ɨrege nee le, yege hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ Ɨŋ dorii pa dɨm ma maŋ kɨya gɨlii Banɨ, ɗe ban na solii ƴee.»

Kɔl-gɨ-Ɗari gɨ Ja̰ wal 13:3

Jesu sol gɨ Bay na ɗe hɨnga nɔm duroy kobi gɨŋ bɨ, gɨ ɗi na sayga naa gusi Kumu bɨ, ɗi na kɨya jɔgɛ ɔrɛ naa gusi Kumu bɨ.

Kɔl-gɨ-Ɗari gɨ Ja̰ wal 17:11

Haw kɛ na ɨŋ na gɨ cay gɨsəŋ gaŋ kɛ naŋ ɨni, ɨŋ kɨya jɔgɛ gusɨn̰, ama kan na, kɨya bɔɔge a cay gɨsəŋ gaŋ. Banɨ, ji gɨ ji woy dan̰ cɨndɨn̰, kalaŋ ga ji ba bəŋ danage le, ji gamage dan̰ dɔnɔ di da gusondɨn̰. Ɗe kan bugoŋge pɨna hɨn̰ gɨ na-gandi na ba bugoŋ pɨna wo̰ bɨ.

Kɔl-gɨ-Ɗari gɨ Ja̰ wal 17:12

Kɨɗɨn̰ ga ɨŋ baa danage le, ɨŋ gamge dan̰ dɔnɔ di da gusondɨn̰ di ji bəŋ. Ɨŋ gɨre cayge bɨ, ungo pɨna duroyge kayaŋ naŋ bɨ. Ama na ban gɨ gaɗ gaɗ kɨya kayaŋ le ƴɔbɨ. Ɗe kɔl gɨ kan walge duroy Magtubu di da Kumu dɨŋ le, na or kɨɗɨn̰di gaŋ.

Kɔl-gɨ-Ɗari gɨ Ja̰ wal 17:5

Haw kɛ na, Banɨ ayaŋ duroy gɨmɨn̰aw ton̰ dɨŋ, ɗe aŋ som boy gɨmɨn̰aw tɨnge di ɨŋ ba somɨn̰ nee gusɨn̰ tumɔ pa dɨm ma mɨn̰ ba ɗen̰ cay gɨsəŋ ƴee le.

Gɨye-lɔɔ 5:31

Na ban ma Kumu ayi si a cay kobi gɨ bara gɨŋ hɨn̰ kɨlma wo̰ bɨ, ba-pɔɗɛ kalaŋ bɨ, ɗe gɨ te wɨn̰je gɨ da Ɨsɨrayɛln̰əŋ na wan̰ge gɨyəŋ gɨ ni bɨlin̰ gɨye-lɔɔdɨge, ɗe Kumu na ɗen̰ kuduroyi jal a cay ɨsɨna koge bɨ.»

Epɛs 1:10

Kɨɗɨn̰ ga wɔlɛ gɨ Kumu dor kɨya bugoŋ na, kɨɗɨn̰ ga nee le, ban kɨya dɔbɛ hɨnga nɔm ga gɨɗɨgɨ-Kumu gaŋ bɨ, ga cay gɨsəŋ gaŋ bɨ, te tɨrɨmbala di da ungo pɨna nɛŋ dɨŋ, Kɨris.

Kɔlɔs 1:18

Na ban coŋ ma na ba cay Ka-Daye. Ka-Daye na kuyoŋdi-gusi. Ban na ɗɔɔ te hɨnga bɨ, Ban na ba bɔyɛ lɨbe cay wase cɨg cɨg, Duroy kalaŋ ga madɨrdaŋ bɨ. Kumu lee hɨn̰ wo̰ ɗe ban na won̰, Ba cay wase cɨg cɨg gɨ da hɨnga nɔm.

2 Tesalonigɨ 1:12

Na hɨn̰ wo̰ ma, guson̰ Ba-gulondɨna Jesu kɨya wɔɔ gusoŋ-tɔgɛ kol caygɨŋ bɨ, kɨŋ kɨya wɔɔ gusoŋ-tɔgɛ kol cayi ban bɨ. Dan̰ gɨyəŋ gɨ da ɗarwa di da Kumu kona bɨ, da Ba-gulondɨna Jesu-Kɨris bɨ.

Əbɨro 1:4

Kumu bɨn̰ kurondi gusoŋ-tɔgɛ gɨ gumu ɗɨn̰ da ka-ƴɔbɛ ga daa hen̰ coŋ, hɨn̰ gusoŋ gɨ Kumu ba bii ba ɗɨn̰ gusondɨge hen̰ coŋ wo̰ bɨ.

Əbɨro 1:9

Ji gey gɨye-lɔɔ gɨ dan̰ durɔ ɗɨngar bɨ, Ji jɨbɨ gɨye-lɔɔ gɨ ɨsɨni sɛdɨ coŋ bɨ, Na toy di hɨn̰ wo̰ ma, ay Kumu, Kumu kon̰ dorɨn̰ sɨn̰ dan̰ cɨndɨn̰, N̰ɨgɨn̰ sɔŋ gɨ ni gusi-mɔwa can̰ bɨ, Sɨn̰ jam cɨndi gaŋ a duroy ka-pogɨn̰ɨn̰ bɨ.»

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 2:9

Ama hɨnga ga na sol haw kɛ ba kɛ: Jesu le Kumu jɨgan̰ danayi dugo lee gɨ ka-ƴɔbɛ ga daa nii ɗiige gɨ ni tɨwa lam wo̰ bɨ kardi nee na, Kumu dobii jagɨwa ga ni gusoŋ-tɔgɛ bɨ, hurɔmɔ bɨ cayi, kɨya tɨma di gɨlii-cɨn̰. Na toy di hɨn̰ wo̰ ma, dan̰ gɨyəŋ gɨ da ɗarwa di da Kumu na, Jesu sol tɨma dan̰ tɨdi kol cay kalaŋ nɔm.

1 Pɨyɛr 3:22

Jesu le say or a gɨɗɨgɨ-Kumu gɨŋ bɨ, som haw kɛ durdi Kumu a cay kobi gɨ bara gɨŋ bɨ. Ban som nee din̰-ƴaa a cay ka-ƴɔbɛ ga daa nii bɨ, cay ka-dɔɔ cay ƴaa ga ɗaŋ ga a gɨɗɨgɨ-Kumu gaŋ bɨ, cay ka-dɔnɔn̰əŋ ga gɨɗɨgɨ-Kumu gaŋ bɨ.

2 Pɨyɛr 1:17

Ni ɨre nee kɨɗɨn̰ ga Bay Kumu bii hurɔmɔ bɨ gusoŋ-tɔgɛ bɨ. Te tumɔ di sayga duroy jɨran̰e dɨŋ di ɗɨn̰ hɨnga nɔm le ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi.»

3 Ja̰ 1:7

Na cɨndi, na kol tɔgɛ bɛrnɛ di da Kɨris ma kan bugoŋge gɨyəŋ orɨn̰ge kɨya loon̰ gɨye dɨle ƴon̰ hɨnga kobɨ kalaŋ ga toyge na Jubɨ naŋ, naŋ.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.

Wasɨn̰a 11:15

Kardi nee ba-ƴɔbɛ gɨ daa nii gɨ cay jurgumdɨge lɨm burun̰ji. Ɨni na, noy kalaŋ ye daa pəŋ a gɨɗɨgɨ-Kumu gɨŋ ye hɨn̰: «Haw kɛ na, na Ba-gulondɨna dan̰ Kɨris ban gɨ Kumu dorii ba dɔɔge-ƴaa a cay gɨsəŋ gaŋ. Kan kɨya dɔɔge-ƴaa ɨlge dan̰ ɨlge.»

Wasɨn̰a 19:16

Kan walge gusoŋ gɨ pɨna wo̰ a badɨge kayi ga ban dobɨ a cay kamdɨge gaŋ bɨ a ɗɨgeyi bɨ. Walge ye hɨn̰: «Kɨlma gɨ a cay kɛrɨmbɛlɛŋ bɨ, Ba-gulɔŋ gɨ som cay ba-gulɔŋn̰əŋ bɨ.»

Wasɨn̰a 3:21

«Ungo gɨ na bɨya-kɨmbɨl na, ɨŋ kɨya aye nonɨ bii ɗe som danaŋ a cay kali-tɨrɨmbala tɨnge dɨŋ. Ho’o ban kɨya lɔɔ hɨnga hɨn̰ gɨ ɨŋ-bandi kalɨn̰ ma ɨŋ ba lee wo̰ bɨ. Ɨŋ-bandi ɨŋ boy-kɨmbɨl bɨ, ɨŋ or sɔmɛ dan̰ Banɨ Kumu a cay kali-tɨrɨmbala toyi dɨŋ.

Wasɨn̰a 5:12

Kan ayge te tumoyge daa pəŋ yen̰ge hɨn̰: «Kurɨn̰-dɨmangɨ gɨ walge tumoyi le, Ɓal wɔɔ dɔnɔ bɨ, Kandi-wɔɔ bɨ, cɨn̰-muɗɔlɛ bɨ, tɔgɨ bɨ, Hurɔmɔ bɨ, gusoŋ-tɔgɛ bɨ, hɨrame bɨ!»