Pilib 2:8 - Gabri Maja

⁸ Ban dobɨ cayi dugo dan̰ kuduroy geye koyi, Lee gɨ jen̰ kɔl kɨbɨ Kumu bɨrɨŋ marɨn̰, Marɨn̰ tɨma di a cay sɨya-gɨ-dagɨli gɨŋ.

Pilib 2:8 ပူးပေါင်းရင်းမြစ်များ

Matɨyo 17:2

Ɨni na, cɨndi bɨle ɗaŋ tumoyge: Cɨndi ƴee tɨwa hɨn̰ tɨwa di daa wo̰ bɨ, badɨgedi bɛdɨrdɛŋ tɨrɨjɨ tɨrɨjɨ hɨn̰ kɨɗɨn̰ ga woli wo̰ bɨ.

Matɨyo 26:39

Ban dor toyi dḛ walaŋ ɨni na, ban poy gɨbayi dugo bɨrɨŋ gɨ jɨndi ɨsɨbɨ gɨsəŋ bɨ olɨn̰ Kumu ye hɨn̰: «Banɨ, hɨn̰ gɨ gɨyəŋ gɨ ni lɔɔ gɨ ɗe kobo gɨ ni son̰ hɨnga ga ni cɨn̰-n̰age ga kɛ le na ɨra sɛdɨ walaŋ gusɨnɨ coŋ, na wɨya nee na, ji laa gɨ ɗe or walaŋ sɛdɨ gusɨnɨ coŋ. Ama ɗa ɗe woy na hɨn̰ gɨ ji-bandi ji gey, wala na hɨn̰ gɨ ɨŋ-bandi ɨŋ gey wo̰ naŋ.»

Matɨyo 26:42

Jesu jogɨ dɔrɛ toyi sɛdɨ walaŋ gɨ ni cay sɔɔdi, bɨ olɨn̰ Kumu ye hɨn̰: «Banɨ, hɨn̰ gɨ gɨyəŋ gɨ ni lɔɔ gɨ ɗe kobo gɨ ni son̰ hɨnga ga ni cɨn̰-n̰age ga kɛ le, na ɨra sɛdɨ walaŋ gusɨnɨ coŋ, na wɨya nee na, ɗa ɗe woy hɨn̰ gɨ Ji-bandi ji gey wo̰.»

Kɔl-gɨ-Ɗari gɨ Lug wal 9:29

Kɨɗɨn̰ ga ban ɨre ol Kumu na, cɨndi bɨləŋ tumoyge bɨ badɨge kay bɛrɛ tɨrɨjɨ hɨn̰ wɨlɨn̰e gɨ da Kumu wo̰.

Kɔl-gɨ-Ɗari gɨ Ja̰ wal 10:18

Ungo pɨna gɨ ba ɓale dɨɗəŋ unɔ, ama na ɨŋ-bandi gusɨnɨ ba ɗɔɔ gusɨnɨ dan̰ kuduroy-geye hɨnge ɗe gɨ kan na dɨɗəŋge. Ɨŋ ɓal gɨ ni ɗɔɔ gusɨnɨ bɨ, ɨŋ ɓal gɨ ni jɔgɛ ƴɔɔ daa bɨ. Kɔl gɨ nee le, or pɨna dan̰ te tumɔ di Banɨ ay bəŋ le.»

Kɔl-gɨ-Ɗari gɨ Ja̰ wal 14:31

Ama na ɗe gɨ kalaŋ ga cay gɨsəŋ gaŋ solɨn̰ge gɨ ɨŋ na gey Banɨ bɨ, ɨŋ na lee hɨnga naa dan̰ te tumɔ di ban na ay bəŋ bɨ. Sagɨŋ daa, ana orgɨŋ ɗegɨŋ kɨɗɨn̰ ga kɛ coŋ!

Kɔl-gɨ-Ɗari gɨ Ja̰ wal 15:10

Hɨn̰ gɨ kɨŋ na aya te tumɔ tɨnge laan̰ gɨye na, Kɨŋ kɨya sɔmɛ duroy geye hɨnge gɨŋ bɨ. Hɨn̰ gɨ ɨŋ-bandi kalɨn̰ ma, ɨŋ ba ay te tumɔ nɔm di da Banɨ leen̰ gɨye, ma maŋ ba somɨn̰ duroy geye koyi gɨŋ wo̰ bɨ.

Kɔl-gɨ-Ɗari gɨ Ja̰ wal 4:34

Jesu yege hɨn̰: «Dɔɔ hɨnge na lɔɔ kuduroy-geye gɨ da ban gɨ gɨyigəŋ bɨ, dɨɗe kɨbɨ gɨye koyi bɨ.»

Gɨye-lɔɔ 8:33

Dɨbɨge dasi cayi bɨ, bɨyage kɔl koyi dan̰ gɨyəŋdi naŋ bɨ. Na waŋ ba kɨya ɓale yɔɔ kɔl gɨ da kongɨn̰ii ga? Kɨya wa kan dor habedi coŋ a cay gɨsəŋ gaŋ.»

Magtubu di Pol wal bɨn̰ kalaŋ ga Rɔm 5:19

Ɨni na, dan̰ gɨyəŋ gɨ da jɔɔ kɔl naŋ gɨ da ungo gɨ pɨna hayi nɛŋ le, kalaŋ nɔm bɨləŋge ka-lɔɔ ɨsɨna bɨ, dan̰ gɨyəŋ gɨ da jɔɔ kɔl gɨ da ungo gɨ pɨna hayi nɛŋ le, Kumu lee gɨ kalaŋ dan̰ kondiige bɨləŋge kalaŋ ga dan̰ durɔ ɗɨngar a cɨndi.

2 Korɛ̰t 8:9

Na cɨndi, kɨŋ sol ɗarwa di Ba-gulondɨna Jesu-Kɨris ƴom danana: Ban gɨ ba wɔɔ hɨnga le bɨləŋ ba-n̰age kol caygɨŋ, ɗe agɨŋ na bɨlɨn̰ ka-wɔɔ hɨnga dan̰ gɨyəŋ gɨ da n̰age di leeyi le.

Galad 3:13

Kɨris bɨləŋ ungo gɨ ɓɨse woy cayi na kol cayna na, ban dorna coŋ a te ɓɨse gɨ da gasɨn̰-kɔl gɨŋ. Kɨya wa kan walge yege hɨn̰: «Waŋ waŋ gɨ gagɨliige a cay sɨya gɨŋ na, ɓɨse woy cayi.»

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 12:4

Gɨsɨn̰ haw kɛ kalɨn̰ ma kɨŋ ƴɨma gusɨgɨŋ usa kɨbɨ kɨmbɨl gɨŋ dan̰ ɨsɨna maran̰ naŋ ƴee.

1 Pɨyɛr 2:24

Kɨris dan̰ gusi koyi gaŋ lobɨ ɨsɨna konagɨŋ cayi a cay sɨya-gɨ-dagɨli gɨŋ, ɗe ana na ɗen̰gɨŋ ɨsɨna coŋ yɔd bɨ, leen̰gɨŋ gɨye lɔɔ gɨ da kalaŋ ga dan̰ durɔ ɗɨngar. Kɨŋ way pɔɗɛ na dan̰ gɨyəŋ gɨ da ɨya di ban wayi.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.