Pilib 2:5 - Gabri Maja

⁵ Kuɗa gɨ haldɨgɨŋ gɨ kɨŋ kɨya orɨn̰ le bugoŋ pɨna dan̰ hal gɨ da Jesu-Kɨris.

Pilib 2:5 ပူးပေါင်းရင်းမြစ်များ

Matɨyo 11:29

Ayagɨŋ jugɨ hɨnge dɨbgɨŋ kordɨgɨŋ bɨlɨn̰gɨŋ ka-aye-cay-tɨbanɨ. Kɨya wa ɨŋ na ungo gɨ kalenɨ jal bɨ, ɨŋ gɨl gusɨnɨ naŋ bɨ. Na nee ma magɨŋ kɨya wɔɔ dɔrɛ gɨlale le.

Kɔl-gɨ-Ɗari gɨ Lug wal 22:27

A boy ɨrɨme kogɨŋ gɨŋ na waŋ ma na gɨ gumu duroygɨŋ ga? Ban gɨ ba-sɔmɛ kɨbɨ dɔɔ gɨŋ wala ban gɨ ba bii dɔɔ ga? Dan̰ gɨre gɨ daa wo̰, kan kɨya yɔ gɨ na ban gɨ ba-sɔmɛ a kɨbɨ dɔɔ gɨŋ ma na gɨ gumu. Ama sɨlagɨŋ ɨŋ bandi kalɨn̰ ma, ɨŋ ɨre duroygɨŋ na hɨn̰ marɨna ba gɨye wo̰.

Gɨye-lɔɔ 10:38

Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

Gɨye-lɔɔ 20:35

Ɨŋ-bandi, ɨŋ gɨlgɨŋ daa daa gɨ ojɨ gɨ ni lɔɔ gɨye hɨn̰ wo̰ kɨya jɨbɨn̰ te kan ga wɔɔdɨge unɔ bɨ, agɨŋ na hɨnɨn̰ a cay kɔl gɨ Ba-gulɔŋ Jesu gusi koyi gaŋ ba ye hɨn̰: “Tumoy wolwa gɨ da ba bee hɨnga le, ɗɨn̰ gɨ da ban gɨ ba-ƴɔɔ coŋ.”»

Magtubu di Pol wal bɨn̰ kalaŋ ga Rɔm 14:15

Hɨn̰ gɨ hɨnga dɔɔdɨn̰ na bɨl te mɔndɛ kuduroy kurɨndɨn̰ na, ji ɨra na dan̰ gɨyəŋ gɨ da wandɨ naŋ. Ji ɗɔɔ hɨnga ga ni dɔɔdɨn̰ bɨle te mundoŋ gɨ da kurɨndɨn̰ gɨ Kɨris ma kol cayi le naŋ.

Magtubu di Pol wal bɨn̰ kalaŋ ga Rɔm 15:3

Na cɨndi, Kɨris kalɨn̰ ma aya gɨyəŋ gɨ kɨya ƴɔɔ cɨndi kayi ban gaŋ naŋ, ama ban lee hɨn̰ gɨ ba walge a duroy Magtubu di da Kumu dɨŋ yege hɨn̰: «Ka-yagɨdɨn̰ le yagɨde koge baa a canɨ ɨŋ-bandi bɨ.»

Magtubu di Pol wal bɨn̰ kalaŋ ga Rɔm 15:5

Kumu gɨ ba-bee haye-kudurɔ bɨ bandɨ bɨ, kuɗa gɨ ban bɨgɨŋ ɨrɨme gɨ ni somɨn̰ pɨna nɔm togɨŋ dɨŋ, agɨŋ kobɨn̰ gɨyəŋ gɨ da Jesu-Kɨris,

1 Korɛ̰t 10:33

Na toy di hɨn̰ wo̰ ma ɨŋ-bandi kalɨn̰ ma ɨŋ ƴom gusɨnɨ osu leen̰ hɨnga nɔm ɗe na mon̰ kalaŋ le. Kɨya gɨ ɨŋ mal na hɨnga ga da ɗarwa tɨnge naŋ ama na ɗarwa di da kalaŋ ga dan̰ kondiige, ɗe kan na poɗɨn̰ge.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Pilib 1:1

Na ɨŋ-bandi Pol dan̰ Timote, marɨne ka-gɨye ga da Jesu-Kɨris ba gɨyɨn̰ dan̰ lapɨya di kɛ le, bɨn̰ kalaŋ ga Pilib nɔm ga woyge dan̰ cɨndɨge bɨ, bugoŋge pɨna dan̰ Jesu-Kɨris bɨ, ka-dɔrɛ tumoyge bɨ, ka-lɔɔ gɨye game hɨnga bɨ.

1 Pɨyɛr 2:21

Na gɨyəŋ gɨ nee le ma Kumu təgɨŋ koldi. Kɨya wa Kɨris kalɨn̰ ma way cɨn̰-gɨle-cɨn̰ kol caygɨŋ bɨ, na hɨnga ga ni gɨle agɨŋ na ayɨn̰ cay tɨbayi.

1 Pɨyɛr 4:1

Cɨn̰-n̰age di Kɨris way a kuyoŋdi-gusi gɨŋ le kɨŋ sol kuɗa. Na toy di hɨn̰ wo̰ ma kɨŋ-gandi kalɨn̰ ma, kɨŋ ɗa gɨ ɨrɨme gɨ hɨn̰ wo̰ woy caygɨŋ bɨ. Kɨya wa ungo gɨ way cɨn̰-gɨle-cɨn̰ a kuyoŋdi-gusi gɨŋ le, kan puyonge coŋ dan̰ ɨsɨna.

1 Ja̰ 2:6

Ungo gɨ na ya gɨ ɗi na bugoŋ pɨna dan̰ Kumu na, ojɨ gɨ ban kɨya ɔrɛ a cay gɨsəŋ gaŋ hɨn̰ gɨ Kɨris ba orɨn̰ a cay gɨsəŋ gaŋ wo̰ bɨ.