Pilib 2:29 - Gabri Maja

²⁹ Na toy di hɨn̰ wo̰ ma, kuɗa gɨ kɨŋ ƴɨmayi gusɨgɨŋ dan̰ gusi-mɔwa gɨɗaŋ dan̰ guson̰ Ba-gulɔŋ. Aŋ yəgɨŋ, kalaŋ ga hɨn̰ wo̰ le, kuɗa gɨ kɨŋ bɨge hurɔmɔ.

Pilib 2:29 ပူးပေါင်းရင်းမြစ်များ

Kɔl-gɨ-Ɗari gɨ Lug wal 9:5

Kɨɗɨn̰ ga ka-ƴaa na ƴɨmagɨŋ gusɨge naŋ na, andaŋgɨŋ ɗagɨŋ cay ƴaa toge di gumu le coŋ ɨragɨŋ bɨ, ɗagɨdagɨŋ bundu di cay tɨbaygɨŋ dɨŋ ɗɨga ɗɨga dɨran̰gɨŋ naji togɨŋ bɨga cayge, ɗe gɨl gɨ kan leege ɨsɨna tumoy Kumu.»

Kɔl-gɨ-Ɗari gɨ Ja̰ wal 13:20

Jagɨŋ! Aŋ yəgɨŋ daa waŋ na cɨndi: «Waŋ waŋ gɨ na ƴɨma ban gɨ ɨŋ gɨyi kuɗa gusi na, ƴɔmɔŋ na ɨŋ-bandi gusi bɨ. Waŋ waŋ gɨ ƴɔmɔŋ kuɗa gusi le, ƴom na ban gɨ gɨyəŋ kuɗa gusi bɨ.»

Gɨye-lɔɔ 2:46

Kan beege noyge pɨna dayɨn̰ge dan̰ wɔlɛ pɨna pɨna duroy gulɔŋ ƴaa-di-da-Kumu dɨŋ bɨ, diige hɨnga pɨna kɨbɨ-ƴaadɨge gɨŋ bɨ, diige hɨnga dan̰ gusi-mɔwa bɨ, dan̰ kuduroy-bɛrɛ bɨ.

Gɨye-lɔɔ 28:10

Kan beenige hurɔmɔ di tɔɔ kan̰do kan̰do cayni bɨ, kɨɗɨn̰ ga tɨwa di ni nɔɔ boy koburo gɨ gumu taa taa gɨŋ ɓal ɨni na, kan bɨnige hɨnga nɔm ga ni orɨn̰ tɨrga toni bɨ.

Gɨye-lɔɔ 8:8

Lee gɨ gusi-mɔwa di gumu ƴee cay ƴaa-di-gumu di nee le.

Magtubu di Pol wal bɨn̰ kalaŋ ga Rɔm 10:15

Hɨn̰ gɨ ungo na ƴɨba kalaŋ naŋ na, kɛ kan kɨya ɔrɛ tɔgɛ bɛrnɛ Kɔl-gɨ-ɗari na mɨna ga? Kɨya wa Magtubu di da Kumu ye hɨn̰: «Sɔlɛ ka-tɔgɛ bɛrnɛ Kɔl-gɨ-Ɗari a te ɨrgadɨge gɨŋ le, naa hɨnga ga kuɗa sɔlɛ tɔgɨ.»

Magtubu di Pol wal bɨn̰ kalaŋ ga Rɔm 16:2

Ƴɨmaagɨŋ gusɨgɨŋ dan̰ guson̰ Ba-gulɔŋ bɨ, laagɨŋ tɨrga hɨn̰ gɨ ba ojɨ gɨ ni lɔɔ dan̰ kalaŋ ga woyge dan̰ cɨndɨge wo̰ bɨ. Jɨbgɨŋ tɔɔ a bon̰ hɨnga nɔm ga hɨndi orɨn̰ dan̰ n̰agedɨge a gusɨgɨŋ, kɨya wa hɨndi kalɨn̰ ma jɨbɨ te kalaŋ dan̰ kondiige bɨ, ɨŋ-bandi kalɨn̰ ma hɨndi jɨbɨ tonɨ bɨ.

1 Korɛ̰t 16:10

Hɨn̰ gɨ Timote na bugoŋ gusɨgɨŋ na, kɨŋ ɗɔɔ ba lɔɔ gɨ ɗe ban sɔmɛ a duroygɨŋ dan̰ hundɔrɔ naŋ. Kɨya wa ban lee na gɨye gɨ da Ba-gulɔŋ hɨn̰ ɨŋ-bandi wo̰ bɨ.

1 Korɛ̰t 16:18

Kan jalge ɗugonɨ hɨn̰ gɨ kan ba jalɨn̰ ɗugoygɨŋ kɨŋ-gandi wo̰ bɨ. Na kalaŋ ga hɨn̰ wo̰ le magɨŋ bɨgage hurɔmɔ cayge.

2 Korɛ̰t 10:18

Na cɨndi ungo gɨ Ba-gulɔŋ Kumu hɨramii le, ban ba-ƴɔɔ cɨn̰ Kumu. Ama ungo gɨ hɨram gusi koyi gaŋ le, ƴa cɨn̰ Kumu naŋ.

2 Korɛ̰t 7:2

Hangagɨŋ ɗugoygɨŋ bɨni! Ni laan̰ ungo pɨna hɨnga ga dan̰ gɨyəŋdɨge naŋ, naŋ bɨ, ni mɨnda hɨnga ga da ungo pɨna naŋ bɨ, ni da kardi ungo pɨna naŋ bɨ.

Pilib 2:28

Ɨŋ mal gɨ ni jɔgɛ gɨyɨn̰ danayi bɨgɨŋ haw, ɗe kɨɗɨn̰ ga ban na bugoŋ gusɨgɨŋ na, gusɨgɨŋ na moogɨŋ bɨ, ɨŋ-bandi kalɨn̰ ma ɗugonɨ na ba dugo bɨ.

Kɔlɔs 4:10

Kurɨndɨna Aristarg dan̰ Marg ga woyge dangay dɨŋ danaŋ le ləgɨŋge lapɨya. Barnabas, gɨlmii, ban gɨ ɨŋ ba yəgɨŋ kɔl gɨ ojɨ cayi tumɔ le. Hɨn̰ gɨ ban na bugoŋ na ƴɨmayigɨŋ gusɨgɨŋ kuɗa.

1 Tesalonigɨ 5:12

Karmɨnɨ ga ban̰aŋ dan̰ ga kandɨ, ni olgɨŋ gɨ kɨŋ bɨgan̰ kalaŋ ga duroygɨŋ ga gɨlalge danagɨŋ bɨ, ga Ba-gulɔŋ sige caygɨŋ bɨ, ga halgɨŋge bɨ le, kɔl nee.

1 Timote 5:17

Kan ga muɗoldoŋ ga dorge tumoy Daye kuɗa le, ɗa gɨ kalaŋ bɨge hɨnga ga ni cay kobɨge kɨɗɨn̰ sɔɔ. Ama gɨ kondi tɔgɨ na, na kan ga ɗege gusɨge kɨbɨ gɨye gɨ nɨye-tɔgɨ, gɨ na gɨye-tɔgɛ bɛrnɛ bɨ, gɨlɨn̰ kalaŋ kɔl gɨ da Kumu le bɨ.

Əbɨro 13:17

Jagɨŋ kɔl kɨbɨ ka-dɔrɛ tumoygɨŋ bɨ dɨbagɨŋ caygɨŋ dugo bɨge bɨ. Kɨya wa kan sige cɨndɨge kardɨgɨŋ dan̰ tɨwa nɔm na kɨya dorɨn̰ kardi gɨye kogɨŋ bɨn̰ Kumu. Hɨn̰ gɨ kɨŋ na ja kɔl kɨbɨge na, kan kɨya lɔɔge gɨye koge dan̰ gusi-mɔwa, ama naa hɨn̰ wo̰ naŋ na kan kɨya lɔɔ gɨye koge le dan̰ ɨle kuduroyge. Gɨ nee le kɨya ande hɨnga bɨgɨŋ naŋ.

3 Ja̰ 1:10

Na toy di hɨn̰ wo̰ ma, kɨɗɨn̰ ga ɨŋ na bugoŋ na, ɨŋ kɨya dɔrɛ te hɨnga ga ban ɨre ye kol cayna le, bɨn̰ ka-karme. Ban wadɨlde kɔl gɨ ni poy ɗe a cayna. Gɨ nee le kalɨn̰ ma ɓalayi naŋ. Ban gusi koyi gaŋ kalɨn̰ ma, kan̰ ƴɔmɛ ka-karme gusi coŋ bɨ. Kalaŋ ga geyge ƴomgege gusɨge kalɨn̰ ma, ban narge coŋ bɨ, tayge coŋ a duroy Ka-Daye bɨ.