Pilib 2:27 - Gabri Maja

²⁷ Na cɨndi, tumɔ hɔmɨn̰ɛ leeyi tɔgɨ, bay mɨnde gɨ ban kɨya mare. Ama Kumu sol cɨn̰-n̰age toyi, ban sɨla na cɨn̰-n̰age toyi ban kan̰di ƴɔbɨ naŋ, ama ban sol cɨn̰-n̰age tɨnge ɨŋ-bandi bɨ. Ɗe cɨn̰-kula hɨnge san̰ cay mɨgay gɨŋ coŋ naŋ.

Pilib 2:27 ပူးပေါင်းရင်းမြစ်များ

Gɨye-lɔɔ 9:37

Boy wɔlɛdi gɨ nee gɨŋ le, hɨndi baa dan̰ hɔmɨn̰ɛ bɨ ma. Kan pulooge bɨ, or dubooge duroy ƴaa di woy a cay mɨgaa dɨŋ daa.

1 Korɛ̰t 10:13

Hɨnga ga ni gɨybe ga toyge kan̰dɨge kan̰dɨge ga ba leegɨŋ le, gɨlɨn̰ na dan̰ hɨnga ga ni gɨybe ga da kamdɨgɨŋ kalaŋ ga ɨndəŋ bɨ. Kumu na ungo gɨ ɨre a cay tɨbay dɨŋ, ban kɨya ɗɔɔ hɨnga ga ni gɨybe ɗɨn̰ togɨygɨŋ naŋ. Ama kɨɗɨn̰ ga hɨnga ga ni gɨybe na andaŋ caygɨŋ na ban kɨya bɨgɨŋ tɔgɨ ɗe agɨŋ na ƴomɨn̰ kuduroygɨŋ bɨ, kɨya bɨgɨŋ gɨyəŋ ɗe agɨŋ na andɨn̰ duroy nee coŋ bɨ.

2 Korɛ̰t 2:7

Naa hɨn̰ wo̰ na, kuɗa gɨ haw kɛ kɨŋ ɗa kuduroygɨŋ jala cayi bɨ, kɨŋ jala kuduroy bɨ. Kɨŋ laa hɨn̰ wo̰ ɗe ban somɨn̰ duroy cɨn̰-kula gɨ kɨya ɗɨn̰ cayi naŋ.

Pilib 2:26

Ama tabɨlaŋdɨgɨŋ nɔm leeyi tɔgɨ bɨ, jɔɔ gɨ kɨŋ je kɔl hɔmɨn̰ɛdi le say bii ɨrɨme tɔgɨ.

Pilib 2:28

Ɨŋ mal gɨ ni jɔgɛ gɨyɨn̰ danayi bɨgɨŋ haw, ɗe kɨɗɨn̰ ga ban na bugoŋ gusɨgɨŋ na, gusɨgɨŋ na moogɨŋ bɨ, ɨŋ-bandi kalɨn̰ ma ɗugonɨ na ba dugo bɨ.

Pilib 2:30

Kɨya wa ba mɨnde gɨ ban ni kɨya mare kɨya cay gɨye gɨ da Kɨris. Ban ay gusi dɨbɨ coŋ ƴen̰ ban̰dɨgɨŋ leen̰ gɨye kɨya gɨ toygɨŋ hen̰.