Pilib 2:25 - Gabri Maja

²⁵ A boy ɨrɨme hɨnge gɨŋ na, ojɨ gɨ ɨŋ na gɨyɨn̰ dan̰ kurɨnɨ Epapərodit gɨ lee gɨye danaŋ bɨ, ni ɨre kɨbɨ wɔrɨn̰ɛ gɨŋ pɨna le bɨgɨŋ. Na cɨndi, na kɨŋ-gandi ba gɨyɨn̰ danayi bəŋ ɗe na ɨrgan̰ dan̰ hɨnga ga ɨŋ or n̰agedɨge bəŋ.

Pilib 2:25 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 13:16

Jagɨŋ! Aŋ yəgɨŋ daa waŋ na cɨndi, guyɔŋ le gumu ɗɨn̰ ba-gulondi naŋ bɨ, ba-gɨre-gɨye kalɨn̰ ma gumu ɗɨn̰ ba-gɨyii naŋ bɨ.

Kɔl-gɨ-Ɗari gɨ Ja̰ wal 17:18

Ɨŋ gɨyge duroy kalaŋ ga a cay gɨsəŋ gaŋ, hɨn̰ gɨ ji ba gɨyigəŋ tumɔ duroy kalaŋ ga a cay gɨsəŋ gaŋ bɨ.

Magtubu di Pol wal bɨn̰ kalaŋ ga Rɔm 16:3

Laan̰gɨŋ Pɨrisil dan̰ Agilas, lapɨya bəŋ. Kan na kamnɨ ka-lɔɔ gɨye pɨna danaŋ te bugoŋ pɨna gɨŋ dan̰ Jesu-Kɨris.

Magtubu di Pol wal bɨn̰ kalaŋ ga Rɔm 16:9

Laan̰gɨŋ Urbɛ̰ lapɨya bəŋ bɨ. Ban na mɨganɨ ba-lɔɔ gɨye a te bugoŋ pɨna dan̰ Kɨris gɨŋ bɨ. Laan̰gɨŋ Sɨtakis gɨ ɨŋ lee-toyi lapɨya bɨ.

1 Korɛ̰t 3:9

Kɨya wa ni lee gɨye na pɨna boy gɨye gɨ da Kumu gɨŋ bɨ, kɨŋ na yage gɨ da Kumu bɨ. Kɨŋ na ƴaa gɨ Kumu ba ɗɔɔ bɨ.

2 Korɛ̰t 2:13

Ama ɗugonɨ ba dugo naŋ, kɨya cay kurɨnɨ Titɨ gɨ ojɨ gɨ kɨya bɔgɔŋ orɨn̰ tagɨŋ le, ɨŋ wayayi naŋ. Na toy di hɨn̰ wo̰ ma ɨŋ say gusi karmɨni ga Tɨrowas, orɨn̰ cay gɨsəŋ ga Masedɨwan gaŋ.

Pilib 2:26

Ama tabɨlaŋdɨgɨŋ nɔm leeyi tɔgɨ bɨ, jɔɔ gɨ kɨŋ je kɔl hɔmɨn̰ɛdi le say bii ɨrɨme tɔgɨ.

Pilib 4:18

Hɨnga ga kɨŋ ba gɨyɨn̰ bəŋ le ɨŋ way nɔm. Hɨnga le ɗɨn̰ cay hɨnga ga n̰agedɨge ləŋ coŋ. Kɨɗɨn̰ ga Epapərodit bəŋ hɨnga ga kɨŋ ba bii ɗe na bəŋ le na, hɨnga nɔm ga n̰agedɨge ləŋ le ɨŋ way. Hɨnga ga kɨŋ ba bəŋ le, woy gɨlɨn̰ hɨn̰ hɨnga ga ni bogɨn̰ kɨbar ga walge bɨn̰ Kumu ga tɨnadɨge ɗo̰ kuɗa bɨ, ga Kumu gey bɨ ƴee cɨndi bɨ.

Pilib 4:3

Ji mɨganɨ ba-lɔɔ gɨye gɨ leen̰ cɨndi, ɨŋ olɨn̰ gɨ ji laa danage ɗe gasɨndɨge bugoŋ pɨna, kɨya wa kan ɗege gusɨge pɨna danaŋ worɨn̰in̰ge kɨya cay Kɔl-gɨ-Ɗari. Kan bee toyge pɨna dan̰ Kilima bɨ kamdi ka-lɔɔ gɨye ga ɗaŋ nɔm ga gusondɨge woy a duroy magtubu di ni pɔɗɛ dɨŋ bɨ, worɨn̰ɨn̰ge.

Kɔlɔs 1:7

Na Epapəras mɨgayni marɨna ba-gɨye gɨ ni lee-toyi ba tumɔ gɨlgɨŋ Kɔl-gɨ-Ɗari gɨ nee le. Ban na ba lɔɔ gɨye gɨ da Kɨris gɨ ɨre a cay tɨbayi dɨŋ bɨ, ƴee ban̰dɨni duroygɨŋ bɨ.

Kɔlɔs 4:11

Josɨwe gɨ kan teeyige Justus le kalɨn̰ ma ləgɨŋ lapɨya bɨ. Duroy Jubɨn̰əŋ ga ayge kuduroyge bɨn̰ Jesu le, na kan ƴɔbɨ ba lɔɔge gɨye danaŋ ojɨn̰ cay dɔɔ-ƴaa di da Kumu. Na kan ba dɔbɛge bandɨ kuduronɨ gɨɗaŋ.

1 Tesalonigɨ 3:2

ama kurɨndɨni Timote gɨ na mɨgayna ba-lɔɔ gɨye gɨ da Kumu, kɨɗɨn̰ tɔgɛ bɛrnɛ Kɔl-gɨ-Ɗari gɨ da Kɨris gɨŋ le, ni gɨyii ɗe na or bɨgɨŋ tɔgɨ ɗe agɨŋ ɨrɨn̰ osu bɨ, dobɨn̰ bandɨ kuduroygɨŋ te aye kudurɔ kogɨŋ gɨŋ bɨ.

Pilemo 1:24

Ka-lɔɔ gɨye danaŋ, Marg bɨ, Aristarg bɨ, Demas bɨ, Lug bɨ, leegɨŋge lapɨya.

Əbɨro 3:1

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, kɨŋ ga kɨŋ woy dan̰ cɨndɨgɨŋ nɔm ga Kumu təgɨŋ ɗe agɨŋ na wan̰ ɗarwa di a daa nii le sɨgɨŋ cɨndɨgɨŋ a cay Jesu. Ban na ba-gɨre-gɨye bɨ, mangɨl gɨ da ka-cay ka-bɔgɛ kɨbar gɨ da aye kudurɔ gɨ ni ba tee bɛrnɛdi le bɨ.