Pilib 2:2 - Gabri Maja

² Hɨn̰ wo̰ na, bugoŋgɨŋ pɨna ɗe gusi-mɔwa tɨnge duroŋ cɨrɛɗ. Kuɗa gɨ geye gɨ pɨna hayi gɨ nee le, ba ƴɔmɛ kuduroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, hɨnga ga kɨŋ kɨya male lɔɔ le na bɔgɛ toygɨŋ pɨna.

Pilib 2:2 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 3:29

A kɨɗɨn̰ gɔrɛ ƴaa gaŋ le, ban gɨ kan bɨgɨgage dan̰ tama bii le, ban ma na kudurɔɔ. Ama ba-pogi ba-ƴɔɔ tama le, ɨre na durdi je dan̰ kɔl koyi bɨ, te tumoyi di ban je le, bii gusi-mɔwa di gumu tɔgɨ. Gusi-mɔwa di nee le na tɨnge bɨ, haw kɛ na gusi-mɔwa tɨnge duroŋ dan̰ durɔ cɨrɛɗ.

Gɨye-lɔɔ 1:14

Kan nɔm kɨbɨge beege kuduroyge pɨna bɨ, ƴomge kuduroyge osɨ kɨɗɨn̰ ɔlɛ Kumu gɨŋ daa daa bɨ. Kandɨ ga pɨna bɨ, Mari Jesu ƴoyi bɨ, karmii bɨ, daydaŋge danage nee bɨ.

Gɨye-lɔɔ 2:1

Kɨɗɨn̰ ga wɔlɛ gɨ ni leen̰ kɨdɨrɛ gɨ ni Pantekot ɓal ɨni na, kan nɔm dayge cayge kɨɗɨn̰ ga pɨna gaŋ.

Gɨye-lɔɔ 2:46

Kan beege noyge pɨna dayɨn̰ge dan̰ wɔlɛ pɨna pɨna duroy gulɔŋ ƴaa-di-da-Kumu dɨŋ bɨ, diige hɨnga pɨna kɨbɨ-ƴaadɨge gɨŋ bɨ, diige hɨnga dan̰ gusi-mɔwa bɨ, dan̰ kuduroy-bɛrɛ bɨ.

Gɨye-lɔɔ 5:12

Hɨnga ga ɗɨn̰ cɨn̰-kɨɗɨn̰ bɨ, hɨnga ga ni beli bɨ lee gusɨge tɔgɨ, duroy karɨn̰ Ɨsɨrayɛl dan̰ kobɨ ka-gɨre-gɨye. Kan nɔm beege kuduroyge pɨna dayɨn̰ge kɨɗɨn̰ pɨna te dabaŋ gɨ da Salomo gɨŋ, gɨ kan leege dan̰ garma le.

Magtubu di Pol wal bɨn̰ kalaŋ ga Rɔm 12:16

Sɨmagɨŋ te bugoŋ pɨna gɨŋ duroygɨŋ. Sɔlɛgɨŋ gusɨgɨŋ leen̰ kalaŋ ga gɨmdəŋ cɨn̰ kamdɨgɨŋ naŋ bɨ, gɨ ɨrɨme gɨ ni gɨlɨn̰ gusɨgɨŋ unɔ kuduroygɨŋ bɨ. Kɨŋ ɗɔɔ ba sɔlɛ gusɨgɨŋ leen̰ ka-muɗɔlɛ.

1 Korɛ̰t 1:10

Ay, karmɨnɨ ga ban̰aŋ dan̰ ga kandɨ, ɨŋ lee n̰age gusɨgɨŋ dan̰ guson̰ Ba-gulondɨna Jesu-Kɨris: Bugoŋgɨŋ pɨna nɔm bɨ, ɗa gɨ puyoŋ unɔ duroygɨŋ bɨ. Ɗa gɨ kuduroygɨŋ bɨ ɨrɨmedɨgɨŋ bɨ, bugoŋ pɨna.

2 Korɛ̰t 13:11

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Laagɨŋ gusi-mɔwa bɨ ɨragɨŋ tumɔ te duroŋ cɨrɛɗ gɨŋ bɨ, dɨban̰gɨŋ gusɨgɨŋ bandɨ duroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, sɨmagɨŋ dan̰ gusi-dɔbɛ bɨ. Na hɨn̰ wo̰ ma, Kumu gɨ na Ba-gulɔŋ geye bɨ, Ba-gulɔŋ gusi-dɔbɛ bɨ, kɨya bɔɔ danagɨŋ.

2 Korɛ̰t 2:3

Kɔl gɨ naa ɨŋ ba wal duroy magtubu dɨŋ le, ɨŋ wal na ɗe gɨ ɨŋ na bugoŋ gusɨgɨŋ na, kalaŋ ga ojɨ gɨ kan na laa ɗe gusɨnɨ na mɔŋ le na bɨlge ka-mɔndɛ kuduronɨ naŋ. Kɨya wa ɨŋ sol kuɗa gɨ kɨŋ-gandi le, hɨn̰ gɨ gusɨnɨ na mɔŋ na, kɨŋ-gandi kalɨn̰ ma gusɨgɨŋ kɨya moogɨŋ bɨ.

2 Korɛ̰t 7:7

Bandɨ di ni orɨn̰ le uja na cay caga gɨ da Titɨ ƴɔbɨ naŋ, kɔl gɨ ban yeni ojɨn̰ caygɨŋ le dobɨ bandɨ kuduroyni gɨɗaŋ. Ban dorni te gɨyəŋ gɨ kɨŋ dobɨn̰ bandɨ kuduroyi. Ban yeni gɨ tabɨlaŋdi sɔlɛnɨ na ləgɨŋ tɔgɨ bɨ, kɨŋ na ɨləŋ tɔgɨ dan̰ kandi cɨndɨgɨŋ bɨ, na homgɨŋ tɔgɨ kol canɨ bɨ, lee gɨ gusɨnɨ mɔŋ tɔgɨ koldi ƴee coŋ.

Pilib 1:4

Dan̰ wɔlɛ pɨna pɨna kɨɗɨn̰ ga ɨŋ ol Kumu hɨnge kol caygɨŋ nɔm na, ɨŋ lee na dan̰ gusi-mɔwa.

Pilib 2:16

kɨya gɨlɨn̰ kɔl gɨ ni somɨn̰-bɨra. Hɨn̰ gɨ kɨŋ na bɨl wɨya hɨn̰ wo̰ na, ɨŋ kɨya ɓale aye canɨ daa a boy wɔlɛ gɨ Kɨris kɨya cagan̰ gɨŋ. Bɨ na hɨnga ga nee le ba kɨya gɨle gɨ gɨye hɨnge nɔm bɨ gɨlale hɨnge nɔm bɨ le, na hɨnga ga kɨya ban̰ gusɨnɨ naŋ.

Pilib 2:20

Timote pɨna hayi ma na ba gɔsɨnɛ kɔl gɨ ƴom kuduronɨ danaŋ, lee gɨ ban sol kol caygɨŋ leen̰ cɨndi.

Pilib 4:2

Ebodi bɨ, Sɛ̰ntɨsə bɨ, ɨŋ olgɨŋ, kuɗa gɨ ɨrɨmedɨgɨŋ bugoŋ pɨna hɨn̰ ka-karme ga kandɨ ga bugoŋge pɨna dan̰ Ba-gulɔŋ wo̰.

Kɔlɔs 2:5

Hɨn̰ gɨ ɨŋ na unɔ duroygɨŋ dan̰ kuyoŋdi-gusɨnɨ kalɨn̰ ma ɨrɨmenɨ woy caygɨŋ. Lee gɨ kɨɗɨn̰ ga kɨŋ som dan̰ gɨyəŋdi bɨ, kɨŋ som a te Kɨris gɨŋ dan̰ aye kudurɔ ɗe osu bɨ le, gusɨnɨ mɔŋ.

2 Tesalonigɨ 2:13

Ama, kɨŋ-gandi karmɨni ga ban̰aŋ dan̰ ga kandɨ ga Ba-gulɔŋ geygɨŋ le, ojɨ gɨ ni na laan̰ Kumu ho’o jɨn̰ tumɔ tumɔ kol caygɨŋ. Kɨya wa Kumu torgɨŋ na tumɔ pa dɨm ma sɨn̰ cay gɨsəŋ ƴee ɗe gɨ ay na poɗɨgɨŋ dan̰ gɨyəŋ gɨ da Turnoyi di sɨgɨŋ dan̰ cɨndɨgɨŋ bɨ, dan̰ gɨyəŋ gɨ da aye kudurɔ bɨn̰ kɔl gɨ cɨndi bɨ.

2 Timote 1:4

Kɨɗɨn̰ ga ɨŋ hɨn a cay kaŋdi cɨndɨn̰ na, tabɨlaŋ sɔlɛdɨn̰ ləŋ gɨɗaŋ. Hɨn̰ gɨ ɨŋ na jɨga sɨlan̰ na, gusɨnɨ kɨya mɔŋ tɔgɨ.

Pilemo 1:20

Ho’o, ay kurɨnɨ, ji laa ɗarwa di nee le danaŋ kol bugoŋ gɨ na bugoŋ pɨna dan̰ Ba-gulɔŋ. Laa ɗe kuduronɨ ba-dugo kol geye gɨ da Kɨris.

2 Ja̰ 1:4

Gusɨnɨ mɔŋ tɔgɨ yɔd kɨɗɨn̰ ga ɨŋ usɨbɔŋ dan̰ karɨnde ga pɨna bɨ, ɨŋ solge te gɔrɛ a te kɔl gɨ cɨndi gɨŋ hɨn̰ gɨ Baynagɨŋ ba an̰ te tumoyi bɨnagɨŋ wo̰.

3 Ja̰ 1:4

Kɨɗɨn̰ ga ɨŋ je gɨ karmɨnɨ na gorge a te gɨyəŋ gɨ da kɔl gɨ cɨndi gɨŋ na, hɨnga ga nee le bəŋ gusi-mɔwa di ɗɨn̰ hɨnga nɔm ga a cay gɨsəŋ gaŋ.