Pilib 2:17 - Gabri Maja

¹⁷ Ko hɨn̰ gɨ na uja gɨ kɨbarnɨ na gɨ bugoŋ dugo hɨn̰ cɛrɛ di suru gɨ kan beege a cay hɨnga ga ni bogɨn̰ kɨbar hɨn̰ gɨ kɨŋ ba leede wo̰ bɨn̰ Kumu kɨya cay aye kudurɔ kogɨŋ kalɨn̰ ma, mɔŋ bɨ, ɨŋ kɨya lɔɔ gusi-mɔwa danagɨŋ nɔm bɨ.

Pilib 2:17 ပူးပေါင်းရင်းမြစ်များ

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Gɨye-lɔɔ 21:13

Ama ban dɨbni cay nee yeni hɨn̰: «Kɨŋ ɨle bɨ, kɨŋ mal ɗe gɨ kuduronɨ na mundoŋ bɨ, na kɨya wa ga? Ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya gɨ kan na gɨ saɗɨdaŋ ƴɔbɨ naŋ, ama kɨya cay guson̰ Ba-gulɔŋ Jesu na, ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya marɨn̰ a Jerusalɛm.»

Magtubu di Pol wal bɨn̰ kalaŋ ga Rɔm 12:1

Ay karmɨnɨ ga ban̰aŋ dan̰ ga kandɨ, ɨŋ dobɨ bandɨ kuduroygɨŋ na kol sɔlɛ cɨn̰-n̰age da Kumu di kɨŋ way, waŋ waŋ kalɨn̰ ma duroygɨŋ aya gusi bɨn̰ Kumu, hɨn̰ hɨnga ga ni bogɨn̰ kɨbar ga woy bɨra bɨ, ga woy dan̰ cɨndɨge bɨ, ga ƴee cɨn̰ Kumu bɨ. Gɨ nee le mana n̰ɨre Kumu gɨ dan̰ gɨyəŋdi.

Magtubu di Pol wal bɨn̰ kalaŋ ga Rɔm 15:16

Kumu bɨləŋ marɨna ba-gɨye gɨ da Jesu-Kɨris a gusi kalaŋ ga toyge na Jubɨ naŋ. Ɨŋ ay gusɨnɨ dɨbɨ coŋ kɨbɨ gɨye gɨ ni tɔgɛ bɛrnɛ Kɔl-gɨ-Ɗari gɨ da Kumu gɨŋ, ɗe te kalaŋ ga toyge na Jubɨ naŋ na bɨlɨn̰ge wɨyan̰ge hɨn̰ hɨnga ga ni bogɨn̰ kɨbar ga woy dan̰ cɨndɨge dan̰ gɨyəŋ gɨ da Turnɔ ɗe-kuduroy-bɛrɛ bɨ, na ƴan̰ cɨn̰ Kumu bɨ.

2 Korɛ̰t 12:15

Kol caygɨŋ na, ɨŋ kɨya mɔndɛ hɨnga nɔm ga orɨn̰ dan̰ gusi-mɔwa bɨ, ɨŋ kɨya bee gusɨnɨ kol caygɨŋ nee bɨ coŋ. Hɨn̰ gɨ ɨŋ na geygɨŋ tɔgɨ hɨn̰ wo̰ na, kɛ kɨŋ kɨya geyəŋ dḛ wo̰ hagɨŋ ga?

2 Korɛ̰t 4:12

Na toy di hɨn̰ wo̰ ma, ni-gandi ni som duroy tɨma dɨŋ ɗe agɨŋ na wan̰ sɔmɛ-bɨra gɨ dan̰ tumoyi.

2 Korɛ̰t 6:10

Leenige leen̰ kalaŋ ka-n̰age, ama gusɨni moni dan̰ wɔlɛ pɨna pɨna. Leenige leen̰ kalaŋ ga wɔɔdɨge unɔ, ama ni lee gɨ kalaŋ kondɨ wayge kandi-wɔɔ. Leenige leen̰ kalaŋ ga ɨran̰ dan̰ hɨnga naŋ, ama ni orɨn̰ dan̰ hɨnga nɔm.

2 Korɛ̰t 7:4

Ɨŋ ye kɔldɨgɨŋ daa daa dan̰ gusi-mɔwa. Gusɨnɨ mɔŋ kol caygɨŋ gɨɗaŋ. Kɨŋ dobɨ bandɨ kuduronɨ dan̰ bandɨ di ɗɨn̰ cɨn̰-kɨɗɨn̰. Ɨŋ orɨn̰ dan̰ gusi-mɔwa a duroy hɨnga ga ni dɔsɛ-ɗugɔ kani nɔm ga ni ba way le.

Pilib 1:20

Kɨya wa hɨnga ga ɨŋ som gam jɨnga bɨ ga ɨŋ bee ɨrɨmenɨ cay nee bɨ le, na gɨ a wɔlɛdi gɨŋ na, hɨnga pɨna wo̰ na kɨya dɨbəŋ dasi canɨ naŋ. Ama haw kɛ na, ɨŋ sɨla hɨnga pɨna naŋ dan̰ wɔlɛ nɔm hɨn̰ gɨ tumɔ, ɗe gɨ naa sɔmɛ-bɨra wala tɨma kalɨn̰ ma, aŋ gɨlɨn̰ gɨmɨn̰aw di da Kɨris ɗe kalaŋ sol a kuyonɨ.

Pilib 2:18

Kɨŋ-gandi kalɨn̰ ma, kuɗa gɨ kɨŋ laa gusi-mɔwa bɨ, kɨŋ laa gusi-mɔwa danaŋ bɨ.

Pilib 2:30

Kɨya wa ba mɨnde gɨ ban ni kɨya mare kɨya cay gɨye gɨ da Kɨris. Ban ay gusi dɨbɨ coŋ ƴen̰ ban̰dɨgɨŋ leen̰ gɨye kɨya gɨ toygɨŋ hen̰.

Pilib 4:18

Hɨnga ga kɨŋ ba gɨyɨn̰ bəŋ le ɨŋ way nɔm. Hɨnga le ɗɨn̰ cay hɨnga ga n̰agedɨge ləŋ coŋ. Kɨɗɨn̰ ga Epapərodit bəŋ hɨnga ga kɨŋ ba bii ɗe na bəŋ le na, hɨnga nɔm ga n̰agedɨge ləŋ le ɨŋ way. Hɨnga ga kɨŋ ba bəŋ le, woy gɨlɨn̰ hɨn̰ hɨnga ga ni bogɨn̰ kɨbar ga walge bɨn̰ Kumu ga tɨnadɨge ɗo̰ kuɗa bɨ, ga Kumu gey bɨ ƴee cɨndi bɨ.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

1 Tesalonigɨ 2:8

Homni kol caygɨŋ tɔgɨ, lee gɨ ni gey gɨlgɨŋ na Kɔl-gɨ-Ɗari gɨ da Kumu ƴɔbɨ naŋ, ama aye gusɨni dɨbe coŋ kol caygɨŋ bɨ, kɨya wa kɨŋ ƴee kuduroyni gɨɗaŋ.

2 Timote 4:6

Wɔlɛ hɨnge gɨ ni ɗon̰ cay gɨsəŋ ga kɛ coŋ le, woy mɨnde. Sɔmɛ-bɨra hɨnge woy na hɨn̰ cɛrɛ di suru gɨ kan beege cay hɨnga ga ni bogɨn̰ kɨbar gaŋ wo̰.

1 Pɨyɛr 2:5

Kɨŋ-gandi kalɨn̰ ma, kɨŋ woy gɨlɨn̰ na hɨn̰ oru gɨ woy-bɨra gɨ Kumu lobɨgɨŋ leen̰ ƴaa-sɔmɛ gɨ da Turnɔ wo̰. Lee gɨ kɨŋ bɨle ka-bɔgɛ kɨbar ga woy dan̰ cɨndɨge bɨn̰ Kumu, ga kɨŋ lee gɨye n̰ɨre bii dan̰ gɨyəŋ gɨ da Turnɔ ɗe-kuduroy-bɛrɛ. N̰ɨre kogɨŋ dan̰ gɨyəŋ gɨ da Jesu-Kɨris le, kɨya mon̰ Kumu.

1 Ja̰ 3:16

Na solgɨŋ geye na dan̰ gɨyəŋ gɨ da hɨnga ga ba kɛ: Jesu-Kɨris ay gusi bɨn̰ tɨma na kol cay nagɨŋ. Naa hɨn̰ wo̰ na, ojɨ gɨ na-gandi kalɨn̰ ma, na na sɨmagɨŋ pḛḛ kɨya aye gusɨnagɨŋ bɨn̰ tɨma kɨya cay karmiinagɨŋ ga ban̰aŋ dan̰ ga kandɨ bɨ.