Pilib 2:14 - Gabri Maja

¹⁴ Laagɨŋ hɨnga nɔm dɨle yon̰ cɔɗ cɔɗ bɨ, dɨle man̰e kɔl cay nee bɨ,

Pilib 2:14 ပူးပေါင်းရင်းမြစ်များ

Matɨyo 20:11

Kɨɗɨn̰ ga kan ƴeege gursu toge ɨni na, kan hɨragɨge dan̰ ba-gulɔŋ yage le bɨ

Marg 14:5

Hɨn̰ gɨ tumɔ kan ni na kɨl ɨdɨr gɨ nee le coŋ na, kan ni kɨya wɔɔ gursu di ɓal cay kobɨ ba-lɔɔ gɨye gɨ ni wɔlɛ aru sɨbɨ gɨ ni bɨn̰ ka-n̰age. Lee gɨ kuduroyge say tɔgɨ caa.

Marg 9:14

Jesu bɨ, Pɨyɛr bɨ, Jag bɨ, Ja̰ bɨ, kɨɗɨn̰ ga ɨrgage bugoŋ gusi ka-aye-cay-tɨbayi ga ɗaŋ ɨni na, solge dɨmdɨrdi kalaŋ nɨwɨrege cayge daa bɨ, ka-gɨlɨn̰ kalaŋ gasɨn̰-kɔl gɨ da Moyis ɨrege man̰ge kɔl danage bɨ.

Kɔl-gɨ-Ɗari gɨ Lug wal 5:30

Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis, ga duroy kan ga beege toyge pɨna, solge gɨ Jesu di dɔɔ dan̰ ka-hɔgɛ lambo bɨ, dan̰ kalaŋ ga ɗaŋ ga ka-lɔɔ ɨsɨna ga laage gasɨn̰-kɔl gɨ da Moyis naŋ bɨ. Kan yen̰ge ka-aye-cay-tɨbay Jesu yege hɨn̰: «Na kɨya wa ma magɨŋ dii bɨ sii bɨ, dan̰ ka-hɔgɛ lambo bɨ, dan̰ ka-lɔɔ ɨsɨna ga ɗaŋ bɨ ga?»

Gɨye-lɔɔ 15:2

Kardi kɔl gɨ nee le na, tumɔ di ɓalɨn̰a naŋ say woy bɨ, Pol dan̰ Barnabas man̰ge kɔl dan̰ kalaŋ ga nee le ɨl pɨvb ojɨn̰ cay kɔl gɨ nee le. Ɨni na, kalaŋ ayge noyge gɨ Pol bɨ, Barnabas bɨ, kalaŋ ga pɨna wo̰ ga Antɨyɔs bɨ, na ɨrage a cay ƴaa-di-gumu di Jerusalɛm dɨŋ, yage koldi bɨn̰ ka-gɨre-gɨye ga da Jesu bɨ, kan ga muɗoldoŋ bɨ.

Gɨye-lɔɔ 15:39

Kan̰e kɔl kɨbɨ gusɨge le say osɨ tɔgɨ lee gɨ kan cudroŋge daa. Bɨ ɨni na Barnabas say ay Marg danayi orɨn̰ge nan̰ge koburo gɨ gumu taa taa gɨŋ, orɨn̰ge cɨndɨge jɨn̰ cay ƴaa di Sɨpɨr dɨŋ bɨ,

Gɨye-lɔɔ 15:7

Kɨɗɨn̰ ga kan man̰ge kɔl ɨl pɨvb ɨni na, Pɨyɛr say daa duroyge bɨ yege hɨn̰: «Karmɨnɨ, kɨŋ sol gɨ Kumu dɔrɔŋ karɨnɨ sɨngɨɗɨ cay wase duroygɨŋ bɨ, gɨyəŋ gusi kalaŋ ga toyge na Jubɨ naŋ, ɗe gɨ kan na jan̰ bɛrnɛ di da Kɔl-gɨ-Ɗari gɨ kɨya andaŋ kɨbɨnɨ bɨ, bɨgan̰ge kuduroyge cay nee.

Gɨye-lɔɔ 6:1

Boy wɔlɛdi gɨ nee le, ka-aye-cay-tɨbay Jesu kondɨwayge say cay kamdɨge gaŋ jɨn̰ tumɔ tumɔ. Ɨni na, kɔl ba duroy kalaŋ ga ni Jubɨ ga ka-yɔɔ kɨbɨ Gɨrɛg, dan̰ Jubɨ ga ka-yɔɔ kɨbɨ əbɨro. Kɨya wa kan ga ka-yɔ kɨbɨ Gɨrɛg le, yege hɨn̰ kɨɗɨn̰ ga tɨwa di ni gosɨnɨn̰ hɨnga ga ni dɔɔ ga dan̰ wɔlɛ pɨna pɨna na ɓala ɨni na, kan na laan̰ dan̰ kandɨ kage ga kodɨn̰ige mage kuɗa naŋ.

Magtubu di Pol wal bɨn̰ kalaŋ ga Rɔm 12:18

Hɨn̰ gɨ kɨŋ na ɓala na, laagɨŋ hɨnga nɔm ga gangɨdɨge woy a kobɨgɨŋ le, ɗe agɨŋ somɨn̰ dan̰ gusi-dɔbɛ dan̰ kalaŋ nɔm.

Magtubu di Pol wal bɨn̰ kalaŋ ga Rɔm 14:1

Ungo gɨ ɨrɨmedi usa a te aye kudurɔ gɨŋ naŋ ƴee le, ƴɨmayigɨŋ gusɨgɨŋ dɨle bɔyɛ kɔl a cay ɨrɨmedi gɨŋ.

Magtubu di Pol wal bɨn̰ kalaŋ ga Rɔm 16:17

Ay karmɨnɨ ga ban̰aŋ dan̰ ga kandɨ, aŋ halgɨŋ cay hɨnga ga pɨna. Ɗagɨŋ muɗɔlɛ a cay gusɨgɨŋ gɨŋ, a cay kalaŋ ga ka-gɨlgɨŋ hɨnga ga woy kan̰dɨge dan̰ hɨnga ga ni gɨle ga kɨŋ ba je tumɔ. Kalaŋ ga nee le, na ka-pɔyɛ ka-aye kudurɔ duroy nee bɨ, ka-dɨbe sɨya tumon̰ ka-aye kudurɔ bɨ. Dɨragɨŋ gusɨgɨŋ sɛdɨ gusɨge coŋ.

1 Korɛ̰t 10:10

Kɨŋ ɗɔɔ ba n̰ame kɔl hɨn̰ kalaŋ ga pɨna duroyge ba n̰amɨn̰ge lee gɨ kan mundoŋge coŋ kobɨ ba-ƴɔbɛ gɨ daa nii gɨ ba dɨɗe kɨɗɨn̰.

2 Korɛ̰t 12:20

Haw kɛ na ɨŋ hɨndar gɨ kɨɗɨn̰ ga ɨŋ na bugoŋ gusɨgɨŋ na, kɨŋ da wɔyɛ hɨn̰ gɨ ɨŋ gey wo̰ naŋ bɨ, ɨŋ-bandi kalɨn̰ ma ɨŋ da wɔyɛ hɨn̰ gɨ kɨŋ gey wo̰ naŋ bɨ. Gajanaŋ ɨŋ da wɔɔ duroygɨŋ bɔjɨn̰ɛ bɨ, cɨn̰-pɨɗɨma bɨ, kuduroy-hɔmɛ bɨ, jangɨ bɨ, yɔdɔ kɔl gɨ ɨsɨni kardi ungo bɨ, yɨle kɨɗɨn̰ bɨ, dɔgɛ-jɔrgɔ bɨ, lɔɔdɔ hɨnga ga dan̰ gɨyəŋdɨge naŋ bɨ.

Galad 5:15

Hɨn̰ gɨ sɔmɛ cay kalɨn̰ togɨŋ na ɨran̰ danagɨŋ bɨrɨŋ gɨ kɨŋ na gɨdɨdɨn̰ gusɨgɨŋ bɨ, sagɨdan̰ gusɨgɨŋ bɨ na, ɗagɨŋ muɗɔlɛ cay gusɨgɨŋ gɨŋ naŋ na, kɨŋ kɨya mɔndɛ gusɨgɨŋ coŋ.

Galad 5:26

Ɗɔɔnagɨŋ ba dɔgɛ jorgɨynagɨŋ naŋ bɨ! Bɔjɨn̰dɛnagɨŋ dan̰ gusɨnagɨŋ naŋ bɨ, lɔɔnagɨŋ cɨn̰-pɨɗɨma dan̰ gusɨnagɨŋ naŋ bɨ.

Pilib 2:3

Lɔɔgɨŋ hɨnga pɨna wo̰ dan̰ gɨyəŋ gɨ da jangɨ naŋ bɨ, dan̰ gɨyəŋ gɨ da dɔgɛ jɔrgɔ gɨ kalɨn̰ wo̰ dugo naŋ bɨ. Ama dan̰ dɔbɛ-ca na, kuɗa gɨ waŋ waŋ kalɨn̰ ma sɨla mɨgayi hɨn̰ gɨ gumu ɗii.

1 Tesalonigɨ 5:13

Laagɨŋ toyge tɔgɨ dan̰ wandɨ kɨya cay gɨye gɨ kan lee le. Sɨmagɨŋ dan̰ gusi-dɔbɛ duroygɨŋ.

1 Tesalonigɨ 5:15

Ɗagɨŋ muɗɔlɛ a cay gusɨgɨŋ gɨŋ ɗɔɔ gɨ ungo jogɨn̰ dan̰ ɨsɨna ban̰di ɨsɨna bɨn̰ mɨgay daa naŋ, ama kɨŋ mala gɨyəŋ gɨ ni lɔɔ hɨnga ga ɗari dan̰ tɨwa nɔm duroygɨŋ bɨ, kol cay kalaŋ nɔm bɨ.

Əbɨro 12:14

Malagɨŋ gɨyəŋ gɨ ni somɨn̰ dan̰ gusi-dɔbɛ dan̰ kalaŋ nɔm bɨ, gɨ ni somɨn̰ dan̰ kuduroy-bɛrɛ dan̰ cɨndɨgɨŋ tumɔ tumɔ bɨ. Kɨya wa dɨle hɨnga ga nee le na, ungo gɨ ba kɨya sɔlɛ cɨn̰ Ba-gulɔŋ unɔ bɨrɨŋ.

Magtubu di Jag wal 1:20

Kɨya wa kuduroy-hɔmɛ da ungo, kɨya ɓale ɗeeyi lɔɔ hɨnga ga dan̰ durɔ ɗɨngar tumoy Kumu naŋ.

Magtubu di Jag wal 3:14

Ama hɨn̰ gɨ lɔɔ cɨn̰-pɨɗɨma bɨ, lɔɔ jangɨ bɨ, na ba wanɨn̰a ɗugoygɨŋ daa jɨŋ jɨŋ na, kɨŋ bogɨn̰ gusɨgɨŋ kogɨŋ gaŋ tɨwan̰e naŋ bɨ, yɔɔgɨŋ kɔl poy mondɨn̰ kɔl gɨ cɨndi naŋ bɨ.

Magtubu di Jag wal 5:9

Karmɨnɨ ga ban̰aŋ dan̰ ga kandɨ, kɨŋ na gey gɨ Kumu na kɨya bɔyɛ kɔl caygɨŋ naŋ na, ɗagɨŋ hɨrage dan̰ gusɨgɨŋ ba. Kɨya wa ba-bɔyɛ kɔl ɨre kɨbɨ gɨyəŋ gɨŋ ɨni.

1 Pɨyɛr 3:11

Kuɗa gɨ ban bɨl kardi bɨn̰ hɨnga ga ɨsɨni bɨ, Ama laa hɨnga ga kuɗa bɨ, Ƴɨma gusi usa te male gusi-dɔbɛ bɨ.

1 Pɨyɛr 4:9

Kuɗa gɨ waŋ waŋ kalɨn̰ ma duroygɨŋ, ƴɨma karmii ga ɨrgage gusi dɨle yamɨn̰-kɔl.

Magtubu di Jud wal 1:16

Kalaŋ ga hɨn̰ wo̰ le gusɨge mooge naŋ bɨ, na ka-ɨle gusɨge dan̰ wɔlɛ pɨna pɨna bɨ, na ka-kɔbɛ hɨnga ga kuduroyge gey bɨ, na ka-yɔɔ-kɔl gɨ ni dogɨn̰ jɔrgɔ bɨ, na ka-nare cɨn̰ kalaŋ gɨ ni won̰ hɨnga bɨ.