Pilib 2:13 - Gabri Maja

¹³ Ho’o, na Kumu gusi ba lɔɔ gɨye kuduroygɨŋ bɨ, bɨgɨŋ kuduroy-geye dan̰ tɔgɨ ɗe agɨŋ na leen̰ hɨnga ga ɗari ga ban ojɨ.

Pilib 2:13 ပူးပေါင်းရင်းမြစ်များ

Kɔl-gɨ-Ɗari gɨ Lug wal 12:32

«Ay gamge kange ga lagɨɗe, hundɔrɔ gɨŋ naŋ! Kɨya wa Baygɨŋ ay noyi gɨ ɗi na kɨya bɨgɨŋ dɔɔ-ƴaa toyi.

Kɔl-gɨ-Ɗari gɨ Lug wal 2:14

«Gusoŋ-tɔgɛ na gɨ da Kumu gɨ a daa nii gɨɗɨgɨ-Kumu gɨŋ bɨ, gusi-dɔbɛ woy kɨya cay kalaŋ ga Kumu geyge tɔgɨ a cay gɨsəŋ gaŋ kɛ bɨ!»

Kɔl-gɨ-Ɗari gɨ Ja̰ wal 3:27

Ɨni na, Ja̰ jɨga dɨbɨge cay nee yege hɨn̰: «Hɨnga ga Kumu ay bɨn̰ ungo dɨm ma ban kɨya wɔɔ ƴee. Ama ungo kɨya ɓale wɔɔ dan̰ cay gusi naŋ.

Kɔl-gɨ-Ɗari gɨ Ja̰ wal 6:45

Kan walge duroy magtubu di da ka-yɔɔ-kɔl-gɨ-Kumu-ba-yɔɔ dɨŋ ye hɨn̰: “Kan nɔm Kumu ba kɨya gɨlge hɨnga.” Waŋ waŋ gɨ na ja kɔl gɨ da Bayi bɨ, ƴa kɔl gɨ ni gɨle koyi bɨ na, kɨya ɨrga gusɨnɨ.

Kɔl-gɨ-Ɗari gɨ Ja̰ wal 6:65

Ban yege ɗaŋ coŋ yege hɨn̰: «Na kɨya cay kɔl gɨ nee le ma, maŋ ni yəgɨŋ hɨn̰: “Hɨn̰ gɨ Banɨ na bɨn̰ ungo gɨyəŋ naŋ na, ungo pɨna wo̰ kɨya ɓale ɨrga gusɨnɨ naŋ.”»

Gɨye-lɔɔ 11:21

Dɔnɔ da Ba-gulɔŋ baa danage, lee gɨ kalaŋ kondɨ ayge kuduroyge bɨ, bɨlege gusɨge gusi Ba-gulɔŋ bɨ.

Magtubu di Pol wal bɨn̰ kalaŋ ga Rɔm 12:3

Dan̰ gɨyəŋ gɨ da ɗarwa di Kumu bəŋ, ɨŋ yən̰ kalaŋ ga woyge duroygɨŋ pɨna pɨna nɔm, ɗɔɔ gɨ kan orɨn̰ge dan̰ ɨrɨme gɨ ɗɨn̰ cayge naŋ, ama kuɗa gɨ kan ɨran̰ dan̰ ɨrɨme gɨ dan̰ gɨyəŋdi gɨ ɓal togɨyge gɨ or pɨna dan̰ aye kudurɔ koge gɨ Kumu bɨge.

Magtubu di Pol wal bɨn̰ kalaŋ ga Rɔm 9:11

Ama tumɔ pa dɨm ma gɨ kan kɨya woon̰ mɔgɨnɛ bɨ, tumɔ pa dɨm ma gɨ kan kɨya lɔɔ hɨnga ga ɗari naŋ le ga ɨsɨni na, Kumu ojɨ gɨ ni dɔrɛ a duroyge ungo pɨna ɗe kuduroy geye gɨ da Kumu na dɨɗɨ kɨbi dan̰ gɨyəŋ gɨ da dɔrɛ gɨ da ungo le.

Magtubu di Pol wal bɨn̰ kalaŋ ga Rɔm 9:16

Hɨn̰ wo̰ na, kɨɗɨn̰ ga Kumu dor ungo na, ban dorii na dɔrɛ ƴɔbɨ kɨya wa ban sol cɨn̰-n̰age toyi wala, na kol kuduroy-geye gɨ da ungo naŋ bɨ, na kol gɨye-lɔɔ gɨ da ungo naŋ bɨ.

1 Korɛ̰t 12:6

Gɨyəŋ gɨ kalaŋ leen̰ge gɨye toy kondɨ, ama na Kumu gɨ pɨna hayi gɨ nee le ma, mana ba lɔɔdɨge nɔm a kuduroyna nɔm.

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

2 Korɛ̰t 3:5

Ni-gandi cay gusɨni ni ɨran̰ dan̰ tɔgɨ di ojɨ ɗe ani leen̰ gɨye gɨ nee le naŋ. Ni ɓal lɔɔ gɨye gɨ nee le kɨya wa na Kumu ba bɨni tɔgɨ.

Epɛs 1:11

Na way hɨnga kana ga ni ban̰di-gulɔŋ ga ojɨ cayna na dan̰ gɨyəŋ gɨ da bugoŋ gɨ na bugoŋ pɨna te Kɨris. Kɨya wa Kumu torna tumɔ na dan̰ gɨyəŋ gɨ da gɨse koyi gɨ ban gɨsɨ le. Ban lee hɨnga nɔm hɨn̰ gɨ ban ojɨ bɨ, kuduroy gey wo̰ bɨ.

Epɛs 1:5

Kumu tumɔ ojɨ gɨ ɗi na kɨya lɔɔ gɨ na na bɨləŋ karɨndi kol cay hɨnga ga Jesu-Kɨris ba lee. Na hɨnga ga ban gey gɨ na wɨya hɨn̰ wo̰ kɨya cay ɗarwa toyi.

Epɛs 1:9

Na toy di hɨn̰ wo̰ ma, Kumu lee gɨ ɗe cɨndɨna hangaŋ cay hɨnga ga tumɔ woy kɨɗɨn̰ wɔsɛdɨge gaŋ ga ban ojɨ kɨya lɔɔ dan̰ kuduroy-ɗarwa toyi, di ban ƴom cay tɨbaa tumɔ gɨ ni lɔɔ dan̰ gɨyəŋ gɨ da Jesu-Kɨris.

Epɛs 2:8

Ho’o, Kumu poɗɨgɨŋ na kɨya kuduroy-ɗarwa toyi, dan̰ gɨyəŋ gɨ da kuduroygɨŋ ga kɨŋ bee a cay Jesu-Kɨris. Na kɨŋ ba-pɔɗɛ gusɨgɨŋ naŋ. Pɔɗɛ na hɨnga ga ni bee kalɨn̰ ga Kumu bɨgɨŋ.

2 Tesalonigɨ 1:11

Na toy di hɨn̰ wo̰ ma, ni ol Kumu cɨndɨni tumɔ tumɔ kol caygɨŋ le, ɗe ban bɨlgɨŋ agɨŋ ɓalɨn̰ somɨn̰ sɔmɛ gɨ hɨrɨwa a te gɨyəŋ gɨ ban təgɨŋ nee le. Bɨ ni olii gɨ ban na bɨgɨŋ tɔgɨ ɗe agɨŋ na leen̰ hɨnga ga ɗadɨrdaŋ nɔm ga kuduroygɨŋ gey lɔɔ bɨ, ɗe aye kudurɔ kogɨŋ lee gɨye bɨ.

2 Timote 1:9

Na Kumu ba pɔɗɨna bɨ, tɔgɨna gɨ na na bɨləŋ kalaŋ kayi bɨ. Bɨ hɨn̰ gɨ Ban na laa na, ban laa na kɨya cay gɨye-lɔɔdɨna gɨ dan̰ durɔ naŋ. Ama na kɨya gɨ ban ojɨ hɨn̰ wo̰ dan̰ kuduroy geye koyi, kɨya cay ɗarwa toyi. Ɗarwa di nee le, ban bɨna na tumɔ ɓɨragɨ pa dɨm ma ban ɗen̰ hɨnga nɔm ƴee, dan̰ bugoŋ gɨ na bugoŋgɨŋ pɨna dan̰ Jesu-Kɨris.

1 Pɨyɛr 1:3

Kuɗa gɨ ana hɨramgɨŋ Ba-gulondɨna Kumu, Jesu-Kɨris Bayi. Kɨya cay sɔlɛ cɨn̰-n̰age toyi di gumu di ban jɨga wɔɔnagɨŋ ɗaŋ dan̰ gɨyəŋ gɨ da bɔyɛ lɨbe gɨ da Jesu-Kɨris duroy kalaŋ ga madɨrdaŋ. Hɨnga ga nee le, lee gɨ ɨrɨmedɨnagɨŋ gɨ na ba bee cay nee le kɨya wɔyɛ-bɨra.