Pilib 2:12 - Gabri Maja

¹² Ay karmɨnɨ ga ɨŋ lee-toygɨŋ, kɨŋ je kɔl kɨbɨ Kumu dan̰ wɔlɛ pɨna pɨna, hɨn̰ boy wɔlɛ gɨ ɨŋ ba won̰ duroygɨŋ le. Haw kɛ gɨ ɨŋ ba unɔ duroygɨŋ kalɨn̰ ma, kɨŋ je kɔl kɨbɨ Kumu ɗɨn̰ gɨ tumɔ coŋ. Leedɨdɨn̰ gɨye a cay pɔɗɛ kogɨŋ gɨŋ dan̰ bɔgɛ kɔl bɨ dan̰ lɔɔ pag pag bɨ.

Pilib 2:12 ပူးပေါင်းရင်းမြစ်များ

Matɨyo 11:12

An̰ toy a boy wɔlɛ gɨ Ja̰ ba-lɔɔ batɛm teen̰ bɛrnɛ gɨŋ bɨrɨŋ andɨn̰ haw kɛ le, kalaŋ ɨre gɨlalge dɔɔ-ƴaa di daa nii bɨ, kalaŋ bɔɗɔɔge na dan̰ dɔnɔ bɨ.

Matɨyo 11:29

Ayagɨŋ jugɨ hɨnge dɨbgɨŋ kordɨgɨŋ bɨlɨn̰gɨŋ ka-aye-cay-tɨbanɨ. Kɨya wa ɨŋ na ungo gɨ kalenɨ jal bɨ, ɨŋ gɨl gusɨnɨ naŋ bɨ. Na nee ma magɨŋ kɨya wɔɔ dɔrɛ gɨlale le.

Gɨye-lɔɔ 16:29

Ɨni na, ba-game ka-dangay le, ɨngɨr tɨwa bɨ, say gɨrɨn̰ daa andɨn̰ pɨla boy ƴaa dangay dɨŋ bɨ, ban̰ tumoyi Pol dan̰ Sɨlas. Hundɔrɔ leeyi gɨ ban saydɨde paɗɨ paɗɨ.

Gɨye-lɔɔ 9:6

Ama sa daa andaŋ a Damas bɨ, ungo gɨ pɨna wo̰ kɨya gɨlɨn̰ hɨnga ga ojɨ gɨ ji kɨya lɔɔ.»

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

1 Korɛ̰t 15:58

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ ga ɨŋ lee-toygɨŋ le, ɨrgɨŋ a cay tɨbaygɨŋ dɨŋ bɨ ɗɔɔgɨŋ gɨ hɨnga yɨbagdɨgɨŋ naŋ bɨ. Laagɨŋ gɨye gɨ da Ba-gulɔŋ cɨndɨgɨŋ tumɔ tumɔ dɨle ɨre dugo bɨ. Kɨya wa kɨŋ sol gɨ gɨlale gɨ kɨŋ ba gɨlal te bugoŋ pɨna kogɨŋ gɨŋ dan̰ Ba-gulɔŋ le, na gɨlale gɨ kalɨn̰ wo̰ dugo naŋ.

1 Korɛ̰t 2:3

Lee gɨ kɨɗɨn̰ ga ɨŋ ba ɨre tumoygɨŋ le, togɨnɨ unɔ bɨ, ɨŋ hɨndar bɨ, ɨŋ saydɨde paɗɨ paɗɨ bɨ.

1 Korɛ̰t 4:14

Ɨŋ wal kɔl gɨ kɛ le na kɨya dɨbɨn̰ dasi caygɨŋ naŋ, ama na kɨya halgɨŋ hɨn̰ karɨnɨ ga ɨŋ lee-toyge wo̰.

2 Korɛ̰t 7:15

Geye gɨ da Titɨ gɨ woy kol caygɨŋ kondɨ ɗɨn̰ gɨ tumɔ ƴee, kɨɗɨn̰ ga kuduroyi hɨn a cay jɔɔ gɨ kɨŋ-gandi nɔm kɨŋ je kɔl kɨbɨni bɨ, ƴɔmɛ gɨ kɨŋ ƴomni gusɨgɨŋ dan̰ bɔgɛ kɔl bɨ dan̰ lɔɔ pag pag togɨŋ bɨ na.

Epɛs 6:5

Kɨŋ ga ni gɔyɔŋ jagɨŋ kɔl kɨbɨ ka-gulondɨgɨŋ ga cay gɨsəŋ gaŋ bɨ, bɨgagegɨŋ kɔl bɨ, hurɔmɔ bɨ. Laagɨŋ gɨye bɨge dan̰ kuduroygɨŋ ga pɨna, hɨn̰ gɨ kɨŋ ba leen̰ gɨye bɨn̰ Kɨris wo̰ bɨ.

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Pilib 1:29

Kumu lee ɗarwa danagɨŋ bɨ dan̰ gɨyəŋ gɨ da ɗarwa di nee le, kɨŋ bɨga na kuduroygɨŋ cay Kɨris ƴɔbɨ naŋ, ama kɨŋ way cɨn̰-gɨle-cɨn̰ kol cayi nee bɨ.

Pilib 1:5

Gusi-mɔwa tɨnge na kɨya jɨbe gɨ kɨŋ jɨb toyni a cay gɨye tɔgɛ bɛrnɛ Kɔl-gɨ-Ɗari gɨŋ, ayɨn̰ toy a wɔlɛ gɨ cay wase cɨg cɨg gɨŋ bɨrɨŋ gɨsɨn̰ haw kɛ.

Pilib 1:6

Ɨŋ sol kuɗa, Kumu gɨ ba ɗɔɔ te gɨye gɨ kuɗa gɨ nee a kuduroygɨŋ le, kɨya orɨn̰ danayi bɨrɨŋ dɨɗe kɨbi a wɔlɛ gɨ Jesu-Kɨris kɨya cagan̰ gɨŋ.

Pilib 2:19

Kardi nee lam wo̰ na, ɨŋ sol leen̰ cɨndi gɨ Ba-gulɔŋ Jesu kɨya haŋge gɨyəŋ bəŋ gɨ ni gɨyɨn̰ Timote gusɨgɨŋ. Ɗe kɨɗɨn̰ ga ban se gusɨgɨŋ jɨge na, na dɨban̰ bandɨ kuduronɨ dan̰ kɔl kogɨŋ gɨ ban kɨya ɨrga dɔrɔŋ le.

Pilib 4:1

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ, kɨŋ ga ɨŋ lee-toygɨŋ, tabɨlaŋdi jɔgɛ solgɨŋ ləŋ tɔgɨ. Kɨŋ ga ɨŋ lee-toygɨŋ, kɨŋ na gusi-mɔwa tɨnge bɨ, jagɨwa tɨrɨmbala kange bɨ, ɨrgɨŋ usa hɨn̰ wo̰ le kɔ a te bugoŋ pɨna gɨŋ dan̰ Ba-gulɔŋ.

Pilib 4:15

Ay karmɨnɨ ga a cay ƴaa-di-gumu di Pilib, kɨŋ sol gɨ ayɨn̰ toy te tɔgɛ bɛrnɛ di da Kɔl-gɨ-Ɗari dɨm ma maŋ san̰ a cay gɨsəŋ ga Masedɨwan gaŋ orɨn̰ tumɔ le, na kɨŋ-gandi kan̰dɨgɨŋ hagɨŋ ba bɨle ka-bugoŋ danaŋ. Ka-Daye ga ɗaŋ wo̰ ga ɨŋ bɨge kɔl gɨ da Kumu ma kardi nee kan bəŋge hɨnga ga ni jɨbɨn̰ tonɨ le unɔ. Na kɨŋ-gandi ƴɔbɨ.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

2 Timote 2:10

Na toy di hɨn̰ wo̰ ma, maŋ ƴom kuduronɨ osu duroy tabɨ dɨŋ, kɨya cay kan ga Kumu torge le, ɗe gɨ kan na poɗɨn̰ge te bugoŋ pɨna dan̰ Jesu-Kɨris bɨ, wan̰ hɨnga nɔm ga na gusoŋ-tɔgɛ gɨ dan̰ cɨndi bɨ.

Əbɨro 12:1

Na-gandi kalɨn̰ ma dɨmdɨrdi tɨmon̰ dan̰ kondiige nɨwɨrege cay nagɨŋ. Na toy di hɨn̰ wo̰ ma kuɗa gɨ hɨnga nɔm ga ba narnagɨŋ ɔrɛ dan̰ cɨndɨnagɨŋ tumɔ bɨ, ɨsɨna gɨ ba nongɨrdɨnagɨŋ haw wo̰ bɨ le, ɗagenagɨŋ coŋ. Bɨ gɨre gɨ kan ba molnagɨŋ gɨredi le, ɗe gɨ ana ƴomgɨŋ kuduroynagɨŋ osu gɨrɨn̰ bɨrɨŋ dɨɗɨn̰ kɨbi.

Əbɨro 4:1

Kumu yenagɨŋ gɨ ɗi na kɨya bɨna hɨnga ga ban yena koldɨge: Na kɨya andaŋ kɨɗɨn̰ dɔrɛ gɨlale kayi gaŋ bɨ, hɨnga ga ban kɨya bɨna ga nee le, woy ban̰dɨge gaŋ jaŋ ƴee. Na toy di hɨn̰ wo̰ ma, kuɗa gɨ na ɗe cɨn̰-muɗɔlɛ cay gusɨnagɨŋ, ɗe ungo pɨna wo̰ duroygɨŋ dɔgɛ andaŋ a te gɨyəŋ gɨ ni andɨn̰ kɨɗɨn̰ dɔrɛ gɨlale gaŋ le coŋ naŋ.

Əbɨro 4:11

Naa hɨn̰ wo̰ na, kuɗa gɨ ana ongulgɨŋ gusɨnagɨŋ daa andɨn̰ a kɨɗɨn̰ dɔrɛ gɨlale ga nee gaŋ le. Laanagɨŋ ɗe gɨ ungo pɨna duroyna kayaŋ kɨya cay lɔɔ te tumɔ naŋ, hɨn̰ gɨ da mon̰iinagɨŋ wo̰ naŋ.

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

1 Pɨyɛr 2:11

Ay kɨŋ karmɨnɨ ga ɨŋ lee-toygɨŋ, kɨŋ ga kɨŋ som cay gɨsəŋ gaŋ hɨn̰ ka-dɔrɔŋ wo̰ bɨ, kɨrge wo̰ bɨ le, jagɨŋ kɔl hɨnge. Tabɨlaŋdi hɨnga ga ɨsɨni ga dɨbɨ kɨmbɨl danagɨŋ tɔgɨ le jɨbɨgegɨŋ sɛdɨ coŋ bɨ.

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!