Pilib 2:1 - Gabri Maja

¹ Hɨnga ga beena pɨna dan̰ Kɨris ga dobɨ bandɨ kuduroyna wɨya nee naŋ ga? Hɨnga ga bɨna tɔgɨ a te geye gɨŋ wɨya nee naŋ ga? Kɨŋ bugoŋ pɨna te Turnɔ di da Kumu ɗe saɗɨna pɨna le naŋ ga? Kuduroyna ga woy a cay gusɨna wɨya nee naŋ ga? Sɔlɛ cɨn̰-n̰age da gusɨna wɨya nee naŋ ga? Ho’o woy nee.

Pilib 2:1 ပူးပေါင်းရင်းမြစ်များ

Kɔl-gɨ-Ɗari gɨ Lug wal 2:25

Sɨlagɨŋ! Wɔlɛdi gɨ nee le, bara gɨ pɨna wo̰ som a cay ƴaa-di-gumu di Jerusalɛm dɨŋ gusondi na Simin̰o. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ. Ban som gam na jɨne hayi, ban gɨ Ba-jale ɗugɔ te wɨn̰je gɨ da Ɨsɨrayɛl. Turnɔ ɗe-kuduroy-bɛrɛ le baa dan̰ Simin̰o.

Kɔl-gɨ-Ɗari gɨ Ja̰ wal 14:18

Ɨŋ kɨya ɗegɨŋ magɔrnɛ naŋ, ɨŋ kɨya jɨga gusɨgɨŋ.

Kɔl-gɨ-Ɗari gɨ Ja̰ wal 14:27

Ɨŋ ɗe gusi-dɔbɛ bɨgɨŋ, ɨŋ bɨgɨŋ na gusi-dɔbɛ tɨnge. Ɨŋ bɨgɨŋ gusi-dɔbɛ na hɨn̰ gɨ kalaŋ ga a cay gɨsəŋ gaŋ kɛ ba beege le naŋ. Kɨŋ ɗɔɔ ɗugoygɨŋ algɨŋ naŋ bɨ, hundɔrɔgɨŋ naŋ bɨ.

Kɔl-gɨ-Ɗari gɨ Ja̰ wal 17:13

Haw kɛ ɨŋ jogɨ na gusɨn̰. Ama ɨŋ ye kɔl gɨ nee le hɨn̰ wo̰ kɨɗɨn̰ ga ɨŋ baa a cay gɨsəŋ gaŋ kɛ ƴee, ɗe kan wayge gusi-mɔwa tɨnge dan̰ kubo cɨrɛɗ gusɨge.

Gɨye-lɔɔ 2:46

Kan beege noyge pɨna dayɨn̰ge dan̰ wɔlɛ pɨna pɨna duroy gulɔŋ ƴaa-di-da-Kumu dɨŋ bɨ, diige hɨnga pɨna kɨbɨ-ƴaadɨge gɨŋ bɨ, diige hɨnga dan̰ gusi-mɔwa bɨ, dan̰ kuduroy-bɛrɛ bɨ.

Gɨye-lɔɔ 4:32

Kalaŋ nɔm ga ba ayge kuduroyge le, beege kuduroyge dan̰ ɨrɨmedɨge pɨna. Ungo gɨ ba-lɔɔ hɨnga wɔɔdi leen̰ kayi dan̰ cay gusi unɔ bɨ. Hɨnga nɔm na kage nɔm.

Magtubu di Pol wal bɨn̰ kalaŋ ga Rɔm 5:5

Ama ɨrɨmedɨna gɨ na ba bee a cay Kumu le, kɨya ɨrgan̰ dan̰ dasi cayna naŋ, kɨya wa Kumu gɨygɨn̰ dan̰ geye koyi a kuduroyna dan̰ gɨyəŋ gɨ da Turnɔ ɗe-kuduroy-bɛrɛ di ban bɨna.

Magtubu di Pol wal bɨn̰ kalaŋ ga Rɔm 8:26

Na toy di hɨn̰ wo̰ ma, Turnɔ di da Kumu dan̰ guso kalɨn̰ ma kɨya jɨbe toyna nee kɨya wa na-gandi tɔgɨyna wɨye. Na sɨlagɨŋ gɨyəŋ gɨ ojɨ gɨ ni olɨn̰ Kumu naŋ, ama Turnɔ di da Kumu kɨya ɔlɛ Kumu kɨya cayna dan̰ dɔrɛ ule gɨ ungo ɓala yɔ koldi naŋ.

1 Korɛ̰t 12:13

Ho’o Kumu leena batɛm nɔm na dan̰ Turnoyi di pɨna haa ɗe ana na bɨləŋ kuyoŋdi-gusu gɨ pɨna hayi gɨ na kuyoŋdi-gusu Kɨris. Ban lee hɨnga ga pɨna hage ga nee le kol cayna nɔm, ko na naa Jubɨ wala kalaŋ ga toyge na Jubɨ naŋ, ko na naa gɔyɔŋ wala kalaŋ ga cayge-kalɨn̰ kalɨn̰ ma, Kumu lee gɨ Turnoyi bɨləŋ hɨn̰ hɨnga ga ni sɔ ga pɨna hage ga na si boy nee wo̰.

1 Korɛ̰t 15:31

Ay, karmɨnɨ ga ban̰aŋ dan̰ ga kandɨ, dan̰ wɔlɛ pɨna pɨna ɨŋ ɨre kɨbɨ tɨma dɨŋ: Na cɨndi gɨ kol caygɨŋ le canɨ ayaŋ daa kol bugoŋ gɨ kɨŋ bugoŋ pɨna dan̰ Ba-gulɔŋ Jesu-Kɨris.

1 Korɛ̰t 3:16

Kɨŋ na ƴaa-di-da-Kumu, lee gɨ Turnoy Kumu som kuduroygɨŋ le kɛɛ, kɨŋ sɨla wo̰ naŋ ga?

2 Korɛ̰t 2:14

Kumu gɨ ba lɔɔ gɨ na ay banga dan̰ tɨwa nɔm kol bugoŋ gɨ na bugoŋ pɨna dan̰ Kɨris le, ɨŋ leeyi ho’o. Kumu lee gɨ ni or tɔgɛ bɛrnɛ di da Kɔl-gɨ-Ɗari a kɨɗɨn̰ gaŋ nɔm bɨn̰ kalaŋ ɗe solɨn̰ge te sarnay Kɨris. Te sarnay Kɨris gɨ kalaŋ sol le, woy gɨlɨn̰ na hɨn̰ sɔŋ ɨdɨr gɨ tɨnadi ɗɔ̰ kuɗa ƴee kɨɗɨn̰ nɔm wo̰.

Galad 4:6

Na sol gɨ na na karɨn̰ Kumu, kɨya wa Kumu ɗe Turnoy Kurondi kuduroyna bɨ, Turnɔ le lee gɨ na yen̰gɨŋ Kumu hɨn̰: «Ay, Aba Banɨ.»

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Epɛs 4:4

Kuyoŋdi Kɨris na pɨna ƴɔbɨ bɨ, Turnɔ di da Kumu kalɨn̰ ma na pɨna ƴɔbɨ bɨ. Hɨn̰ wo̰ na hɨnga ga Kumu ye gɨ kɨŋ na bɨga ɨrɨmedɨgɨŋ cay nee kɨɗɨn̰ ga ban təgɨŋ le kalɨn̰ ma na pɨna hage ƴɔbɨ bɨ.

Pilib 1:8

Kumu na tɨmon̰ hɨnge: Ɨŋ geygɨŋ na hɨn̰ gɨ Jesu-Kɨris ba geynagɨŋ wo̰ bɨ.

Pilib 3:3

Kan yege gɨ ke naa ka-wale ban̰a, ama na ni-gandi ma na ka-wale ban̰a ga leen̰ cɨndi. Kɨya wa ni-gandi ni lee gɨye bɨn̰ Kumu na dan̰ gɨyəŋ gɨ da Turnɔ ɗe-kuduroy-bɛrɛ bɨ, ni de jorgɨyni na te bugoŋ pɨna dan̰ Jesu-Kɨris bɨ, ni bɨga kuduroyni na a cay hɨnga ga uja cay kuyoŋdi-gusɨni gɨŋ naŋ bɨ.

Kɔlɔs 2:2

Wɔrɨn̰ɛ gɨ nee le, ɨŋ worɨn̰ na kɨya dobɨn̰ bandɨ kuduroyge bɨ, ɗe gɨ geye na bɨgage pɨna bɨ. Ɨŋ gey gɨ cay bɨra dan̰ hɨnga-sɔlɛ na walɨn̰a kuduroyge. Na hɨn̰ wo̰ ma kan kɨya sɔlɛge hɨnga-sɔlɛ ga da Kumu ga woy kɨɗɨn̰ wɔsɛdɨge gaŋ, gɨ na Kɨris gusi.

Kɔlɔs 3:12

Ay, kalaŋ ga Kumu torgɨŋ, kɨŋ bɨle na kalaŋ kayi ga woyge dan̰ cɨndɨge bɨ, ga ban geyge bɨ. Na toy di hɨn̰ wo̰ ma, kuɗa gɨ kɨŋ dɨba sɔlɛ cɨn̰-n̰age da gusɨgɨŋ a gusɨgɨŋ hɨn̰ badɨge wo̰ ɗe agɨŋ bɨlɨn̰ ka-lɔɔ ɗarwa bɨ, ka-dɔgɛ jɔrgɔ naŋ bɨ, kalaŋ ga kaledɨge jal bɨ, ka-dɨbe ɗugɔ bɨ.

Əbɨro 6:18

Hɨn̰ wo̰ na tumɔ dan̰ kɔl gɨ ban ye gɨ ɗi na kɨya lɔɔ bɨ, ɗaŋ coŋ dan̰ ɓɨse gɨ ban ɓɨse gusi bɨ. Hɨnga ga sɔɔ ga nee le, kɨya bɨle ɗaŋ naŋ bɨ Kumu kɨya yɔ poy cay nee naŋ bɨrɨŋ bɨ. Ɨni na, na-gandi ga ba ɗe hɨnga nɔm coŋ kɨya ƴomɨn̰ hɨnga ga na ba bee ɨrɨmedɨna cay nee gɨ ban ba ɗe tumoyna le, na orɨn̰ dan̰ hɨnga ga dobɨ bandɨ kuduroyna tɔgɨ gɨɗaŋ.

1 Pɨyɛr 1:2

Bayna Kumu tornagɨŋ dan̰ gɨyəŋ gɨ da gɨse gɨ ban gɨsɨ tumɔ hayi. Lee gɨ kɨŋ na kalaŋ kayi dan̰ gɨyəŋ gɨ da Turnɔ toyi ɗe agɨŋ na jen̰ kɔl kɨbɨ Jesu-Kɨris bɨ, ɗe kɨbardi gɨ bugoŋ dugo le na dorgɨŋ mɨra bɨ. Kuɗa gɨ ɗarwa di da Kumu bɨ, gusi-dɔbɛ toyi bɨ, baa danagɨŋ gɨɗaŋ.

1 Ja̰ 3:24

Waŋ waŋ gɨ na gama te tumɔn̰əŋ kayi na, ban bugoŋ pɨna dan̰ Kumu dan̰ wɔlɛ pɨna pɨna bɨ, Kumu bugoŋ pɨna danayi bɨ. Hɨnga ga gɨl gɨ Kumu na bugoŋ pɨna dananagɨŋ dan̰ wɔlɛ pɨna pɨna le, na Turnoyi di ban ɗoo som kuduroynagɨŋ.

1 Ja̰ 4:12

Ungo pɨna wo̰ sɨla Kumu dan̰ tɨdi naŋ bɨrɨŋ. Hɨn̰ gɨ nana gey gusɨnagɨŋ na, Kumu bugoŋ pɨna dananagɨŋ bɨ, geye koyi gɨ woy kuduroynagɨŋ le duroŋ cɨrɛɗ bɨ.

1 Ja̰ 4:16

Na-gandi na, na solgɨŋ geye gɨ Kumu geynagɨŋ bɨ, na beegɨŋ kuduroynagɨŋ cay nee bɨ. Kumu na geye, lee gɨ ungo gɨ geye na wɨya kuduroyna, ban bugoŋ pɨna dan̰ Kumu bɨ, Kumu bugoŋ pɨna danayi bɨ.