Pilib 1:26 - Gabri Maja

²⁶ Na toy di hɨn̰ wo̰ ma, kɨɗɨn̰ ga ɨŋ na andaŋ te dangay dɨŋ jɨga ɨra gusɨgɨŋ na, kɨŋ kɨya wɔɔ gɨyəŋ gɨ ni gɨlɨn̰ gusɨgɨŋ kol canɨ te bugoŋ pɨna dan̰ Jesu-Kɨris kona.

Pilib 1:26 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 16:22

Na hɨnga ga nee le ba ləgɨŋ haw kɛ. Ama ɨŋ kɨya jɔgɛ sɔlɛ cɨndɨgɨŋ coŋ, kɨɗɨn̰ ga nee le kɨŋ kɨya lɔɔ gusi-mɔwa bɨ, gusi-mɔwa di nee le ungo kɨya ɓale dɔrɛ naŋ.

Kɔl-gɨ-Ɗari gɨ Ja̰ wal 16:24

Bɨrɨŋ gɨsɨn̰ labɨde kalɨn̰ ma kɨŋ ɨngɨr hɨnga pɨna wo̰ dan̰ gusoŋnɨ naŋ ƴee. Ɨngɨrgɨŋ bɨ kɨŋ kɨya wɔɔ, na hɨn̰ wo̰ ma gusi-mɔwa togɨŋ kɨya duroŋ dan̰ durɔ cɨrɛɗ.»

2 Korɛ̰t 1:14

Ɨŋ ye kɔl gɨ nee le kɨya wa kɨŋ ba sɔlɛ duroy kuduroy geye koni kuɗa ƴee. Hɨn̰ gɨ kɨŋ na sɨla duroy kuduroy geye koni na, wɔlɛ gɨ Ba-gulondɨna Jesu-Kɨris kɨya caga le, caygɨŋ kɨya ayaŋ daa kol cayni hɨn̰ gɨ toni ba ayaŋ daa kol caygɨŋ wo̰ bɨ.

2 Korɛ̰t 5:12

Ni-gandi, ni gey na gɨle gusɨni ɗaŋ coŋ bɨgɨŋ naŋ. Ama ni-gandi ni gey bɨgɨŋ na gɨyəŋ ɗe agɨŋ na leen̰ tɨmon̰ ojɨn̰ cayni dan̰ caygɨŋ di ayaŋ daa. Hɨn̰ wo̰ na, kɨŋ kɨya ɓale dɨbe kɔl nee bɨn̰ ka-gɨle gusɨge dan̰ hɨnga ga woy cɨn̰ kalaŋ ƴɔbɨ, wala na dan̰ hɨnga ga woy a ɗugoy ungo gaŋ naŋ.

2 Korɛ̰t 7:14

Kɨŋ lee gɨ canɨ ayaŋ daa kɨɗɨn̰ ga ɨŋ ba yen̰ Titɨ kɔldɨgɨŋ, kɔl hɨnge gɨ nee le daŋ dasi naŋ. Hɨn̰ gɨ kɔl nɔm gɨ ni ba yəgɨŋ naa cɨndi na, kɔl nɔm gɨ ɨŋ ba ye kol caygɨŋ tumoy Titɨ kalɨn̰ ma bɨle na gɨ cɨndi bɨ.

2 Korɛ̰t 7:4

Ɨŋ ye kɔldɨgɨŋ daa daa dan̰ gusi-mɔwa. Gusɨnɨ mɔŋ kol caygɨŋ gɨɗaŋ. Kɨŋ dobɨ bandɨ kuduronɨ dan̰ bandɨ di ɗɨn̰ cɨn̰-kɨɗɨn̰. Ɨŋ orɨn̰ dan̰ gusi-mɔwa a duroy hɨnga ga ni dɔsɛ-ɗugɔ kani nɔm ga ni ba way le.

2 Korɛ̰t 7:6

Ama Kumu gɨ ba dɔbɛ bandɨ kuduroy kan ga togɨyge unɔ le, dobɨ bandɨ kuduroyni dan̰ caga gɨ da kurɨndɨni Titɨ.

Galad 6:4

Ɗe gɨ waŋ waŋ kalɨn̰ ma kɨba gɨye-lɔɔdi koyi gaŋ sɨla. Hɨn̰ wo̰ na ban kɨya lɔɔ gusi-mɔwa a cay gɨye-lɔɔdi koyi gɨ ban lee bɨ, kɨya sɔlɛ gɨye-lɔɔ gɨ da ungo gɨ ɗaŋ gɨsɨn̰ dan̰ koyi naŋ.

Pilib 3:1

Gɨ ojɨ cay te kɔl gɨ ba baa na, ay karmɨnɨ ga ban̰aŋ dan̰ ga kandɨ, laagɨŋ gusi-mɔwa cay bugoŋ gɨ kɨŋ bugoŋ pɨna dan̰ Ba-gulɔŋ. Jɔgɛ wale magtubu bɨgɨŋ ojɨn̰ cay hɨnga ga pɨna hage ga ɨŋ ba yəgɨŋ koldɨge tumɔ le usaŋ naŋ. Ɨŋ jɨga ye hɨn̰ wo̰ ɗaŋ, na ɗe gɨ na laa danagɨŋ.

Pilib 3:3

Kan yege gɨ ke naa ka-wale ban̰a, ama na ni-gandi ma na ka-wale ban̰a ga leen̰ cɨndi. Kɨya wa ni-gandi ni lee gɨye bɨn̰ Kumu na dan̰ gɨyəŋ gɨ da Turnɔ ɗe-kuduroy-bɛrɛ bɨ, ni de jorgɨyni na te bugoŋ pɨna dan̰ Jesu-Kɨris bɨ, ni bɨga kuduroyni na a cay hɨnga ga uja cay kuyoŋdi-gusɨni gɨŋ naŋ bɨ.

Pilib 4:10

Ɨŋ lee gusi-mɔwa tɔgɨ te bugoŋ pɨna dan̰ Ba-gulɔŋ. Haw kɛ kuduroygɨŋ ga woy canɨ le jɨga laɗɨ ɗaŋ. Tumɔ kuduroygɨŋ woy canɨ hagɨŋ, ama kɨŋ waa na kɨɗɨn̰ ga ni gɨle gɨ kuduroygɨŋ na wɨya canɨ naŋ.

Pilib 4:4

Laagɨŋ gusi-mɔwa dan̰ tɨwa nɔm, te bugoŋ pɨna dan̰ Ba-gulɔŋ. Ɨŋ jɨga yəgɨŋ ɗaŋ coŋ, laagɨŋ gusi-mɔwa.