Pilib 1:21 - Gabri Maja

²¹ Kɨya wa hɨnge ɨŋ-bandi na, sɔmɛ-bɨra na Kɨris bɨ, tɨma na cay-kɔbɔŋ bɨ.

Pilib 1:21 ပူးပေါင်းရင်းမြစ်များ

1 Korɛ̰t 1:30

Na Kumu ba bɔgɨna pɨna dan̰ Jesu-Kɨris bɨ, ban lee Kɨris leen̰ cɨn̰-muɗɔlɛ tona di sayga gusi Kumu bɨ, hɨnga ga dan̰ durɔ ɗɨngar kana bɨ, dɔrɛ se dan̰ cɨndi kona bɨ, bɔyɛ ca tona bɨ,

1 Korɛ̰t 3:22

Hɨn̰ gɨ naa Pol, wala naa Apolos, wala naa Kepas, wala naa hɨnga ga cay gɨsəŋ gaŋ, wala naa sɔmɛ-bɨra, wala naa tɨma, wala naa hɨnga ga haw kɛ, wala naa hɨnga ga ba kɨya ɨrga ƴee, hɨnga ga nee le nɔm na kagɨŋ,

2 Korɛ̰t 5:1

Kuyoŋdi-gusɨna na ƴaa tona di a cay gɨsəŋ gaŋ kɛ di woy gɨlɨn̰ hɨn̰ dabaŋ wo̰. Ama na solgɨŋ kuɗa hɨn̰ gɨ ƴaa di nee le na mundoŋ coŋ na, na orɨn̰ dan̰ hɨndi di kɨya sɔmɛ dan̰ tumɔɔ a gɨɗɨgɨ-Kumu gɨŋ. Ƴaa di nee le, na ƴaa di ungo gɨ ɨndi ba lɔɔ dan̰ kobi naŋ, ama na Kumu ba lɔɔ kol cayna.

2 Korɛ̰t 5:6

Dan̰ wɔlɛ pɨna pɨna le na sɨla hɨnga pɨna naŋ. Ɨni na, na sol hɨn̰ gɨ na na sɨmagɨŋ a boy kuyoŋdi-gusɨna gɨ kɛ gɨŋ ƴee na, na woy na hen̰ dan̰ Ba-gulɔŋ.

2 Korɛ̰t 5:8

Ho’o, na sɨlan̰ hɨnga pɨna naŋ, hɨnga ga mona tɔgɨ na, na gɨ na na ɗa kuyoŋdi-gusɨna gɨ ba kɛ coŋ ɨran̰ sɨman̰ gusi Ba-gulɔŋ.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Galad 6:14

Ama ɨŋ-bandi na, ɨŋ de jorgɨnɨ na kɨya cay Ba-gulondɨna Jesu-Kɨris pɨna hayi ƴɔbɨ. Ban gɨ kan gagɨliige a cay sɨya-gɨ-dagɨli gɨŋ le, dan̰ gɨyəŋ gɨ da sɨya-gɨ-dagɨli le, hɨnga nɔm ga a cay gɨsəŋ gaŋ woy na hɨn̰ hɨnga ga mari wo̰, a cɨnɨ. Bɨ ɨŋ-bandi kalɨn̰ ma ɨŋ woy na hɨn̰ hɨnga ga mari wo̰ tumoy hɨnga ga nee le bɨ.

Pilib 1:20

Kɨya wa hɨnga ga ɨŋ som gam jɨnga bɨ ga ɨŋ bee ɨrɨmenɨ cay nee bɨ le, na gɨ a wɔlɛdi gɨŋ na, hɨnga pɨna wo̰ na kɨya dɨbəŋ dasi canɨ naŋ. Ama haw kɛ na, ɨŋ sɨla hɨnga pɨna naŋ dan̰ wɔlɛ nɔm hɨn̰ gɨ tumɔ, ɗe gɨ naa sɔmɛ-bɨra wala tɨma kalɨn̰ ma, aŋ gɨlɨn̰ gɨmɨn̰aw di da Kɨris ɗe kalaŋ sol a kuyonɨ.

Pilib 1:22

Hɨn̰ gɨ ɨŋ na sɨma-bɨra cay gɨsəŋ gaŋ ƴee na, ɨŋ kɨya lɔɔ gɨye gɨ kuɗa bɨn̰ Kɨris. Ama a duroy sɔmɛ-bɨra dan̰ tɨma na, ɨŋ sɨla na hɨnga ga ani ma maŋ kɨya aye duroy hɨnga ga sɔɔ kɛ le naŋ.

Pilib 1:23

Hɨnga sɔɔ dɨbəŋ duroy nee. Ɨŋ gey ɗɔɔ cay gɨsəŋ bɨ sɔmɛ pɨna dan̰ Kɨris, kɨya wa na hɨnga ga nee le ƴɔbɨ ba kuɗa ɗɨn̰ sɔmɛ-bɨra.

Pilib 2:21

Kalaŋ nɔm malge na hɨnga ga kɨya ɨrgan̰ dan̰ ɗarwa di da kuyoŋdi-gusɨge koge ƴɔbɨ, ama na hɨnga ga kɨya ɨrgan̰ dan̰ ɗarwa kol cay Jesu-Kɨris naŋ.

Kɔlɔs 3:4

Kɨɗɨn̰ ga Kɨris gɨ na sɔmɛ-bɨra kona na andaŋ na, kɨŋ-gandi kalɨn̰ ma kɨŋ kɨya andaŋ danayi pɨna duroy gusoŋ-tɔgɛ koyi gɨŋ bɨ.

Wasɨn̰a 14:13

Ɨŋ je noy ungo andɨgaŋ gɨɗɨgɨ-Kumu gɨŋ ye hɨn̰: «Wala kɔl gɨ ba kɛ: “Tumoy wolwa woy haw kɛ a cay kalaŋ ga mage a te gɨyəŋ gɨ da Ba-gulɔŋ gɨŋ, ayɨn̰ toy haw kɛ bɨrɨŋ andɨn̰ tumɔ.” Turnɔ di da Kumu dɨbii cay nee ye hɨn̰: “Ho’o, kan kɨya dɔrɛ gɨlale kɨbɨ gɨye koge gɨŋ ɨni bɨ hɨnga ga ni cay kobɨge kobɨ kardɨge bɨ.”»