Pilib 1:12 - Gabri Maja

¹² Ay, karmɨnɨ ga ban̰aŋ dan̰ ga kandɨ, ɨŋ gey gɨ kɨŋ sɨla, hɨnga ga ni gɨle-cɨn̰ ga ba andaŋ canɨ le jɨbɨ na te Kɔl-gɨ-Ɗari ɗe na or dan̰ cɨndi tumɔ tumɔ ƴee.

Pilib 1:12 ပူးပေါင်းရင်းမြစ်များ

Kɔl-gɨ-Ɗari gɨ Lug wal 21:13

Hɨnga ga nee le, kɨya bɨgɨŋ gɨyəŋ gɨ ni yon̰ kɔl gɨ cɨndi gɨ ojɨn̰ canɨ.

Gɨye-lɔɔ 8:4

Ka-aye kudurɔ ga ba busdoŋge le orge dan̰ kɨɗɨn̰ kɨɗɨn̰ kɨya tɔgɛ bɛrnɛ Kɔl-gɨ-Ɗari.

Magtubu di Pol wal bɨn̰ kalaŋ ga Rɔm 8:28

Na sol kuɗa, gɨ kan ga geyge Kumu ga na kan ga Kumu teege dan̰ gɨyəŋ gɨ da ɔjɛ gɨ ban ba gɨse tumɔ hayi le, hɨnga nɔm ga ba leege le, Kumu kɨya lɔɔ gɨ na bɨl wɨya hɨnga ga ɗari kol cayge.

Magtubu di Pol wal bɨn̰ kalaŋ ga Rɔm 8:37

Ama ban gɨ ba geyna le, lee gɨ na ay banga di ɗɨn̰ kɨɗɨn̰ a duroy hɨnga ga nee gaŋ le nɔm.

Pilib 1:5

Gusi-mɔwa tɨnge na kɨya jɨbe gɨ kɨŋ jɨb toyni a cay gɨye tɔgɛ bɛrnɛ Kɔl-gɨ-Ɗari gɨŋ, ayɨn̰ toy a wɔlɛ gɨ cay wase cɨg cɨg gɨŋ bɨrɨŋ gɨsɨn̰ haw kɛ.

Pilib 1:7

Na gɨyəŋdi gɨ ɨŋ na ɨrɨm kol caygɨŋ nɔm hɨn̰ wo̰ le kɔ, kɨya wa ɗugonɨ woy caygɨŋ dan̰ tɨwa nɔm. Ɨŋ geygɨŋ nɔm kɨya gɨ kɨŋ ɗe gusɨgɨŋ pɨna danaŋ duroy ɗarwa di Kumu lee danaŋ dɨŋ. Dan̰ tɨwa nɔm kɨŋ ɗe gusɨgɨŋ pɨna danaŋ kɨɗɨn̰ ga ɨŋ woy dangay dɨŋ bɨ, kɨɗɨn̰ ga ɨŋ worn̰ɨn̰ ƴen̰ cay Kɔl-gɨ-Ɗari bɨ, ɨŋ leen̰ gɨ ɗe Kɔl-gɨ-Ɗari dobɨ sarnay osu dugo gag bɨ.

Pilib 2:22

Ama ban na gɨl doŋ gɨ ɗi naa ungo gɨ ɨre a cay tɨbay dɨŋ. Hɨn̰ gɨ kɨye ba ɨrɨn̰ durdi bayi leen̰ gɨye le, Timote kalɨn̰ ma ɨre a kɨbɨ gɨye gɨ da tɔgɛ bɛrnɛ Kɔl-gɨ-Ɗari gɨŋ danaŋ bɨ.

Pilib 4:15

Ay karmɨnɨ ga a cay ƴaa-di-gumu di Pilib, kɨŋ sol gɨ ayɨn̰ toy te tɔgɛ bɛrnɛ di da Kɔl-gɨ-Ɗari dɨm ma maŋ san̰ a cay gɨsəŋ ga Masedɨwan gaŋ orɨn̰ tumɔ le, na kɨŋ-gandi kan̰dɨgɨŋ hagɨŋ ba bɨle ka-bugoŋ danaŋ. Ka-Daye ga ɗaŋ wo̰ ga ɨŋ bɨge kɔl gɨ da Kumu ma kardi nee kan bəŋge hɨnga ga ni jɨbɨn̰ tonɨ le unɔ. Na kɨŋ-gandi ƴɔbɨ.

Pilib 4:3

Ji mɨganɨ ba-lɔɔ gɨye gɨ leen̰ cɨndi, ɨŋ olɨn̰ gɨ ji laa danage ɗe gasɨndɨge bugoŋ pɨna, kɨya wa kan ɗege gusɨge pɨna danaŋ worɨn̰in̰ge kɨya cay Kɔl-gɨ-Ɗari. Kan bee toyge pɨna dan̰ Kilima bɨ kamdi ka-lɔɔ gɨye ga ɗaŋ nɔm ga gusondɨge woy a duroy magtubu di ni pɔɗɛ dɨŋ bɨ, worɨn̰ɨn̰ge.

1 Timote 2:8

Lee gɨ ɨŋ gey gɨ ban̰aŋ na dɨnage kobɨge daa, ulan̰ge Kumu kɨɗɨn̰ gaŋ nɔm. Kuɗa gɨ kan ulage Kumu dan̰ kuduroyge ga bɛrɛ kən̰jəŋ, dɨle kuduroy-hɔmɛ bɨ, dɨle bɔjɨn̰ɛ bɨ.

2 Timote 2:9

Kɔl-gɨ-Ɗari gɨ nee le, ɨŋ way tabɨ kol cayi bɨrɨŋ saɗɨdaŋge haw kɛ dan̰ mɔrɨyɔŋ hɨn̰ gɨ ɨŋ naa ungo gɨ ba lɔɔ hɨnga ga ɨsɨni wo̰. Ama kɔl gɨ da Kumu le, ungo kɨya ɓale saɗɨdii naŋ bɨrɨŋ.

2 Timote 4:17

Ama Ba-gulɔŋ ɨre karɨnɨ. Ban bəŋ tɔgɨ, lee gɨ ɨŋ teen̰ bɛrnɛ Kɔl-gɨ-Ɗari ɗəndəŋ bɨn̰ kalaŋ ga toyge na Jubɨ naŋ, ɗe jege kɔldɔ pɨraŋ daa bɨ. Ban bɔɗɔŋ a kɨbɨ gusugon̰əŋ gaŋ coŋ bɨ.