Pilib 1:10 - Gabri Maja

¹⁰ ɗe agɨŋ ɓalɨn̰ dorɨn̰ cɨn̰ hɨnga ga ɗari. Na toy di hɨn̰ wo̰ ma, wɔlɛ gɨ Jesu-Kɨris kɨya caga le kɨŋ kɨya duroŋ mɨra bɨ masadɨgɨŋ kɨya unɔ bɨ.

Pilib 1:10 ပူးပေါင်းရင်းမြစ်များ

Matɨyo 16:23

Ɨni na, Jesu bɨle cɨndi jɨn̰ cay Pɨyɛr bɨ yeyi hɨn̰: «Sidan aya guse sɛdɨ coŋ gusɨnɨ! Ji na gundi sɨya gɨ ba dɔgɛ tɨbanɨ. Kɨya wa ɨrɨme gɨ a kuduron̰ le, na ɨrɨme gɨ da Kumu naŋ, ama na ɨrɨme gɨ da kalaŋ ga ɨndəŋ.»

Matɨyo 26:33

Pɨyɛr ay kɔl yeyi hɨn̰: «Ko hɨn̰ gɨ te kamnɨ nɔm na hɨndarage bɨ, ɗan̰ge coŋ kalɨn̰ ma, ɨŋ-bandi na ɨŋ kɨya ɗon̰ coŋ naŋ bɨrɨŋ.»

Kɔl-gɨ-Ɗari gɨ Ja̰ wal 1:47

Jesu sol Natanɨyɛl ɨrga jɨn̰ gusi ɨni na, ban ye koldi ye hɨn̰: «Kɨye gɨ Ɨsɨrayɛl gɨ leen̰ cɨndi ba kɛ, ban na ba-nare-cɨn̰ ungo naŋ.»

Kɔl-gɨ-Ɗari gɨ Ja̰ wal 3:20

Kɨya wa waŋ waŋ gɨ na laa hɨnga ga ɨsɨni na, gey kɨɗɨn̰ ga asɨn̰ naŋ bɨrɨŋ. Lee gɨ ban kɨya ɨrga kɨɗɨn̰ ga asɨn̰ gaŋ naŋ, kɨya wa ban gey gɨ gɨye-lɔɔdi gɨ ɨsɨni na gɨ andaŋ doŋ naŋ.

Gɨye-lɔɔ 24:16

Na kɨya cay kɔl gɨ nee le ma, maŋ ƴomɨn̰ togɨnɨ dan̰ wɔlɛ pɨna pɨna ɗe gɨ ɨrɨmenɨ masadi na unɔ tumoy Kumu bɨ, tumoy kalaŋ nee bɨ.»

Magtubu di Pol wal bɨn̰ kalaŋ ga Rɔm 12:2

Kan̰agɨŋ kɔbɛ ɨrɨme gɨ da kalaŋ ga ɨndəŋ ga a cay gɨsəŋ gaŋ kɛ coŋ, ama ɗagɨŋ gusɨgɨŋ bɨn̰ hɨnga-sɔlɛ ga hɨrwa ga Kumu bɨgɨŋ le ɗe bɨlgɨŋ. Na kɨɗɨn̰dɨge ga nee gaŋ le na, kɨŋ kɨya ɓale dɔrɛ cɨn̰ hɨnga ga kuduroy Kumu gey: Gɨ na hɨnga ga ɗari bɨ, hɨnga ga ƴee cɨn̰ Kumu bɨ, hɨnga ga duroŋ cɨrɛɗ bɨ.

Magtubu di Pol wal bɨn̰ kalaŋ ga Rɔm 12:9

Kuɗa gɨ geye kogɨŋ nare cɨn̰-kɨɗɨn̰ naŋ. Gɨrgɨŋ ɗagɨŋ ɨsɨna coŋ dan̰ gɨre gɨ daa, ama lun̰doŋgɨŋ kardi hɨnga ga ɗari usa.

Magtubu di Pol wal bɨn̰ kalaŋ ga Rɔm 16:17

Ay karmɨnɨ ga ban̰aŋ dan̰ ga kandɨ, aŋ halgɨŋ cay hɨnga ga pɨna. Ɗagɨŋ muɗɔlɛ a cay gusɨgɨŋ gɨŋ, a cay kalaŋ ga ka-gɨlgɨŋ hɨnga ga woy kan̰dɨge dan̰ hɨnga ga ni gɨle ga kɨŋ ba je tumɔ. Kalaŋ ga nee le, na ka-pɔyɛ ka-aye kudurɔ duroy nee bɨ, ka-dɨbe sɨya tumon̰ ka-aye kudurɔ bɨ. Dɨragɨŋ gusɨgɨŋ sɛdɨ gusɨge coŋ.

Magtubu di Pol wal bɨn̰ kalaŋ ga Rɔm 2:18

Ji sol kuduroy geye gɨ da Kumu bɨ, gasɨn̰-kɔl gɨlɨn̰ gɨyəŋ gɨ ni dɔrɛ cɨn̰ hɨnga ga ɗari bɨ.

Magtubu di Pol wal bɨn̰ kalaŋ ga Rɔm 7:16

Hɨn̰ gɨ ɨŋ na laa naa hɨnga ga gusɨnɨ gey lɔɔ naŋ na, ɨŋ bugoŋ pɨna na dan̰ gasɨn̰-kɔl hɨn̰ gɨ gasɨn̰-kɔl le naa hɨnga ga ɗari wo̰.

Magtubu di Pol wal bɨn̰ kalaŋ ga Rɔm 7:22

A ɗugonɨ na gusɨnɨ mɔŋ a cay gasɨn̰-kɔl gɨ da Kumu gɨŋ hange,

Magtubu di Pol wal bɨn̰ kalaŋ ga Rɔm 8:7

Ɨrɨme gɨ da kuyoŋdi-gusu na ba-baa gɨ da Kumu, kɨya wa ɨrɨme gɨ da kuyoŋdi-gusu bɨga kɔl a cay gasɨn̰-kɔl gɨ da Kumu gɨŋ naŋ. Ɨrɨme gɨ da kuyoŋdi-gusu le ɓala bɔgɛ kɔl a cay gasɨn̰-kɔl gɨ da Kumu gɨŋ naŋ.

1 Korɛ̰t 1:8

Na ban ba kɨya lɔɔ ɗe toygɨŋ osu bɨrɨŋ dɨɗɨn̰ kɨbi, ɗe gɨ a wɔlɛ caga gɨ da Ba-gulondɨna Jesu-Kɨris gɨŋ na, kɨŋ na wɨyan̰ kalaŋ ga ungo ɓala dɨbe kɔl cayge naŋ.

1 Korɛ̰t 10:32

Kɨŋ ɗɔɔ ba lɔɔ hɨnga pɨna ga kɨya bɨle gundo dɔgɛ tɨban̰ Jubɨn̰əŋ naŋ le, Gɨrɛgn̰əŋ naŋ le, Ka-Daye ga da Kumu, noge.

1 Korɛ̰t 8:13

Na toy di hɨn̰ wo̰ ma, hɨn̰ gɨ hɨnga ga ni dɔɔ naa hɨnga ga kɨya lɔɔ gɨ kurɨnɨ na kɨya bɔɔ boy ɨsɨna gɨŋ na, ɨŋ kɨya dɔɔ kuyoŋ gɨ nee le naŋ bɨrɨŋ dan̰ cɨnɨ, kuɗa ɗɨn̰ gɨ ni lɔɔ gɨ kurɨnɨ gɨ bɔɔ.

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

2 Korɛ̰t 2:17

Kalaŋ kondɨ ayge kɔl gɨ da Kumu leen̰ge hɨnga ga ni gɨyaw, ama ni-gandi ni laa hɨn̰ wo̰ naŋ. Dan̰ bugoŋ gɨ ni bugoŋ pɨna dan̰ Kɨris le, ni dor kɔl gɨ sayga gusi Kumu dɨle orɨn̰ dan̰ ɨrɨme gɨ ɗaŋ a kuduroyni tumoy Kumu.

2 Korɛ̰t 6:3

Ni gey lɔɔ hɨnga ga ɨsɨni wo̰ gɨ kɨya bɨle gundi sɨya dɔgɛ tɨbay ungo nayi naŋ, kɨya wa ni gey gɨ ungo na gɨ dɔrɛ kol gɨye gɨ ni lee ɨsɨn naŋ.

2 Korɛ̰t 8:8

Ojɨn̰ cay hɔgɛ hɨnga ga ni jibe tɔɔ le, na dɔnɔ maŋ ɗa caygɨŋ naŋ. Ɨŋ yəgɨŋ na kol gusi-hɨmbalwa di da ka karme ga ɗaŋ aŋ na gɨwasɨgɨŋ. Ɨŋ bɨgɨŋ na gɨyəŋ ɗe agɨŋ na gɨlɨn̰ wandɨ togɨŋ leen̰ cɨndi.

Galad 5:11

Ay, karmɨnɨ ga ban̰aŋ dan̰ ga kandɨ, hɨn̰ gɨ ɨŋ-bandi kalɨn̰ ma, ɨŋ na ɨr tɨga bɛrnɛ bɨn̰ kalaŋ coŋ gɨ wale ban̰a na ojɨ gɨ ni lɔɔ na, kɛ na kɨya wa ma Jubɨn̰əŋ ɨrege gɨləŋge cɨn̰-gɨle-cɨn̰ coŋ ga? Hɨn̰ gɨ leen̰ cɨndi, ɨŋ na ɨr ya kɔl gɨ hɨn̰ wo̰ na, tɔgɛ bɛrnɛ di da sɨya-gɨ-dagɨli kɨya homge naŋ ɨni.

Epɛs 4:15

Ama na kɨya yɔ kɔl gɨ cɨndi dan̰ wandɨ, hɨn̰ wo̰ na na kɨya malge bɨlɨn̰ kalaŋ ga cɨndɨge nadɨrdaŋ cay hɨnga nɔm dan̰ te bugoŋ pɨna dan̰ Kɨris. Ban ma na ba-cayna.

Epɛs 5:10

Hɨnga ga mon̰ Ba-gulɔŋ le, kuɗa dɔrɛ cɨndɨge.

Epɛs 5:27

Kɨya wa ban gey ɨrgan̰ dan̰ Ka-Daye tumoy gusi koyi gaŋ, hɨn̰ tama di jɨran̰de jə̰ jə̰ bɨ, di mɨdage ɨsɨboo naŋ bɨ, di guso bɨga gangɨ naŋ bɨ, di kɨway guso gɨ mundoŋ unɔ bɨ. Ban gey gɨ Ka-Daye na wɨyage dan̰ cɨndɨge bɨ, masadɨge na unɔ bɨ.

Epɛs 6:24

Kalaŋ nɔm ga geyge Ba-gulondɨna Jesu-Kɨris dan̰ geye gɨ kagadi unɔ le, kuɗa gɨ Kumu laa ɗarwa danage.

Pilib 1:16

Kan ga teege bɛrnɛ dan̰ ɨrɨme gɨ ɗari le, leege na kɨya gɨ kan geyəŋ. Kan solge gɨ Kumu ɨrgan̰ danaŋ kɛ na kɨya ƴon̰ cay Kɔl-gɨ-Ɗari.

Pilib 1:6

Ɨŋ sol kuɗa, Kumu gɨ ba ɗɔɔ te gɨye gɨ kuɗa gɨ nee a kuduroygɨŋ le, kɨya orɨn̰ danayi bɨrɨŋ dɨɗe kɨbi a wɔlɛ gɨ Jesu-Kɨris kɨya cagan̰ gɨŋ.

Pilib 2:16

kɨya gɨlɨn̰ kɔl gɨ ni somɨn̰-bɨra. Hɨn̰ gɨ kɨŋ na bɨl wɨya hɨn̰ wo̰ na, ɨŋ kɨya ɓale aye canɨ daa a boy wɔlɛ gɨ Kɨris kɨya cagan̰ gɨŋ. Bɨ na hɨnga ga nee le ba kɨya gɨle gɨ gɨye hɨnge nɔm bɨ gɨlale hɨnge nɔm bɨ le, na hɨnga ga kɨya ban̰ gusɨnɨ naŋ.

1 Tesalonigɨ 3:13

Kuɗa gɨ ban laa gɨ ɗugoygɨŋ usa ɗe agɨŋ won̰ kalaŋ ga woy dan̰ cɨndɨge bɨ, kalaŋ ga masadɨge unɔ bɨ, tumoy Bayna Kumu, kɨɗɨn̰ ga Ba-gulondɨna Jesu kɨya ɨrga dan̰ kalaŋ kayi nɔm le. Ɗa-ɗe-woy-hɨn̰-wo̰!

1 Tesalonigɨ 5:21

ama kɨŋ kɨba te hɨnga nɔm dɨran̰gɨŋ cɨndɨge: Hɨnga ga kuɗa na kɨŋ ƴɨma usa.

1 Tesalonigɨ 5:23

Kuɗa gɨ Kumu gɨ ba bɨn̰ kalaŋ gusi-dɔbɛ dan̰ gusi koyi dɨragɨŋ sɨgɨŋ dan̰ cɨndɨgɨŋ ɗɨga kol cayi. Kuɗa gɨ ban gama turnoygɨŋ bɨ, habedɨgɨŋ bɨ, kuyoŋdi-gusɨgɨŋ bɨ dɔmɔmɔ, ɗe wɔlɛ gɨ Ba-gulondɨgɨŋ Jesu-Kɨris kɨya caga na, masadɨgɨŋ na unɔ.

1 Ja̰ 4:1

Ay, kɨŋ ga ɨŋ lee-toygɨŋ, bɔgɛgɨŋ kuduroygɨŋ a cay turnɔn̰əŋ nɔm naŋ, ama ojɨ gɨ kɨŋ gɨwasa turnɔn̰əŋ sɨlan̰ kɛ kan sayga na gusi Kumu ga? Kɨya wa ka-yɔɔ-kɔl-gɨ-Kumu-ba-yɔɔ ga cɨndi naŋ kondɨge andaŋge a cay gɨsəŋ gaŋ kɛ ɨni.

Wasɨn̰a 2:2

Ɨŋ sol hɨnga nɔm ga kɨŋ lee bɨ, ɨŋ sol leen̰ cɨndi gɨ kɨŋ gɨlal toy nee bɨ, kɨŋ ƴom kuduroygɨŋ osu bɨ. Ɨŋ sol kuɗa hɨn̰ gɨ kɨŋ kɨya ɓale bugoŋ a te ka-kuduroy-ɨndɨwa naŋ bɨ. Kɨŋ gɨwasɨ ka-lɔɔ poy ga yege gɨ ke naa ka-gɨre-gɨye bɨ, kɨŋ solge gɨ kan na ka-poy bɨ.