Pilemo 1:6 - Gabri Maja

⁶ Ji-bandi bɨ, ni-gandi bɨ, aye kudurɔ konagɨŋ toyi na pɨna, bɨ na toy di hɨn̰ wo̰ ma, ɨŋ ol Kumu ɗe aye kudurɔ gɨ nee le, lee gɨye gusɨn̰ ɗe an̰ solɨn̰ hɨnga nɔm ga ɗadɨrdaŋ jɨn̰ tumɔ tumɔ, ga na way te ɔrɛ konagɨŋ dan̰ Kɨris le.

Pilemo 1:6 ပူးပေါင်းရင်းမြစ်များ

Matɨyo 25:16

Kɨɗɨn̰di ga nee gaŋ le bɨ, guyɔŋ gɨ orɨn̰ dan̰ gursu di ni lɔr aru bay le ay orɨn̰ cɨbɨn̰-kobi bɨ, wan̰ kaŋdo aru bay cay nee.

Matɨyo 5:16

Ɗagɨŋ gɨ asɨn̰a kogɨŋ ɗe asɨn̰ cɨn̰ kalaŋ hɨn̰ wo̰ bɨ, ɗe gɨ kan solɨn̰ge gɨye-lɔɔdɨgɨŋ gɨ kuɗa bɨ, ɗe kan hɨramɨn̰ge Baygɨŋ gɨ som a daa nii bɨ.

1 Korɛ̰t 14:25

hɨnga nɔm ga woy kuduroy kɨɗɨn̰ wɔsɛdɨge gaŋ le toyge sɨɗɨge daa nɔm bɨ. Kɨɗɨn̰ ga nee le ban kɨya bɔɔ jɨbe gɨbayi dugo tumon̰ Kumu n̰ɨrii bɨ yon̰ daa waŋ hɨn̰: «Leen̰ cɨndi Kumu woy duroygɨŋ.»

1 Korɛ̰t 16:9

kɨya wa Kumu haŋgɨ kɨbɨ gɨyəŋ bəŋ bɨ ɨŋ orɨn̰ dan̰ gɨyəŋ gɨ ni loon̰ gɨye kuɗa tɔgɨ bɨ. Ama ka-baanɨ kondɨge tɔgɨ.

Pilib 4:8

Kardi nee nɔm na, karmɨnɨ ga ban̰aŋ dan̰ ga kandɨ, kuɗa gɨ hɨnga ga leen̰ cɨndi bɨ, hɨnga ga kalaŋ hɨram bɨ, hɨnga ga dan̰ durɔ ɗɨngar bɨ, hɨnga ga duroŋ mɨra bɨ, hɨnga ga won̰ gɨ ni geye bɨ, hɨnga ga ƴee cɨn̰ kalaŋ bɨ, hɨnga ga gusondɨge ye bɨ, hɨnga ga kalaŋ jɨndalge bɨ, ba ƴɨma kuduroygɨŋ.

Kɔlɔs 1:9

Na toy di hɨn̰ wo̰ ma, ni-gandi kalɨn̰ ma, ayɨn̰ toy a boy wɔlɛ gɨ kɔl gɨ nee le ba ba sɨmayni na, ni dɨl ɔlɛ Kumu kol caygɨŋ naŋ. Ni ol Kumu ɗe na baa danagɨŋ ɗe agɨŋ solɨn̰ hɨnga nɔm ga kuduroyi gey dan̰ gɨyəŋ gɨ ni cɨn̰-muɗɔlɛ bɨ, cay bɨra ojɨn̰ cay hɨnga nɔm ga Turnɔ ɗe-kuduroy-bɛrɛ ba bee bɨ.

Kɔlɔs 3:10

Ama kɨŋ dobɨ hal gɨ da ungo gɨ hɨrɨwa gusɨgɨŋ hɨn̰ badɨge wo̰ bɨ, Kumu ɨre bɨlgɨŋ ga hɨrɨwa jɨn̰ tumɔ tumɔ bɨ, bɨgɨŋ hɨnga sɔlɛ cay mɨgayge gaŋ ɗe agɨŋ na gɨlɨn̰ dan̰ Kumu gɨ ba sɨgɨŋ ca ca bɨ, solii leen̰ cɨndi bɨ.

Titɨ 3:14

Kuɗa gɨ kalaŋ kana siige cɨndɨge kardi hɨnga ga ɗari gaŋ leen̰ge gɨye gɨ ɗari jɨbɨn̰ge te kalaŋ ga orɨn̰ge dan̰ n̰agedi hɨnga leen̰ cɨndi. Hɨn̰ gɨ kan na laa hɨn̰ wo̰ na, kan kɨya wɔyɛ na kalaŋ ga bɨlege hɨnga.

Əbɨro 6:10

Na cɨndi, Kumu na ba lɔɔ hɨnga dan̰ durɔ ɗɨngar dan̰ cɨndi. Kuduroyi kɨya hale gɨybəŋ a cay gɨye kogɨŋ gɨ kɨŋ lee kol cayi le naŋ bɨ, cay geye gɨ kɨŋ orɨn̰ kol cayi le naŋ bɨ. Kɨya wa kɨŋ gɨlii dan̰ hɨnga ga ni jɨbɨn̰ te karmɨgɨŋ ga woyge dan̰ cɨndɨge le bɨ. Bɨrɨŋ gɨsɨn̰ haw kɛ kalɨn̰ ma, kɨŋ woy te jɨbe toyge.

Magtubu di Jag wal 2:14

Karmɨnɨ ga ban̰aŋ dan̰ ga kandɨ, hɨn̰ gɨ ungo na ya hɨn̰: «Ɗi naa ba-aye-kudurɔ», ama gɨye-lɔɔdi gɨ gɨl aye kudurɔ koyi na unɔ na, kɛ aye kudurɔ gɨ nee le kɨya poɗii hayi ga?

Magtubu di Jag wal 2:17

Aye kudurɔ kalɨn̰ ma, woy na hɨn̰ wo̰ bɨ, hɨn̰ gɨ gɨye-lɔɔdi na unɔ na, na aye kudurɔ di mari.

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.

1 Pɨyɛr 3:1

Kɨŋ kandɨ, kogɨŋ ba kɛ: Dɨbagɨŋ caygɨŋ dugo bɨn̰ kodɨn̰igɨŋ, ɗe hɨn̰ gɨ kan ga pɨna duroyge na kan̰age bɔgɛ kuduroyge cay kɔl gɨ da Kumu kalɨn̰ ma, na bɨgan̰ge kuduroyge cayi kol gɨye-lɔɔdɨgɨŋ dɨle gɨ kan kɨya yɔɔ kɔl.

1 Pɨyɛr 3:16

Ama gɨlgegɨŋ kardɨge dan̰ kaledɨgɨŋ ga jali bɨ, hurɔmɔ bɨ. Laagɨŋ hɨnga nɔm dan̰ ɨrɨmedɨgɨŋ gɨ arɨn̰ cərərə. Hɨn̰ wo̰ na, dasi kɨya dɔɔ kalaŋ ga ka-pɔyɛ kɔl se caygɨŋ bɨ, ga ka-yagɨdɨgɨŋ kɨya gɨye-lɔɔdɨgɨŋ gɨ ɗari gɨ kɨŋ way te bugoŋ pɨna dan̰ Kɨris le.

2 Pɨyɛr 1:8

Hɨnga nɔm ga nee le, ojɨ gɨ kɨŋ laa ɨran̰ dan̰ cɨndɨgɨŋ tumɔ. Ama hɨn̰ gɨ hɨnga nɔm ga nee le, kɨŋ na ɨran̰ kunda na, na kan ba kɨya lɔɔ ɗe gɨ kɨŋ na laan̰ gɨye bɨ, kɨŋ na sɨlan̰ Ba-gulondɨna Jesu-Kɨris cɨndɨgɨŋ tumɔ tumɔ bɨ.