Pilemo 1:22 - Gabri Maja

²² Dan̰ kɔl gɨ nee le na, ɨŋ ɨngɨrɨn̰ gɨ ji na ƴɨma cay tɨbay kɨɗɨn̰ sɔmɛ kange a tan̰, kɨya wa ɨŋ kɨya sɔmɛ danan̰. Ɨŋ gam gɨ Kumu kɨya jɔɔ ɔlɛ kogɨŋ kol canɨ bɨ, kan kɨya dɨbəŋ daa mɨnde.

Pilemo 1:22 ပူးပေါင်းရင်းမြစ်များ

Gɨye-lɔɔ 27:24

bɨ yəŋ hɨn̰: “Hundɔrɔ naŋ Pol, ojɨ gɨ naa wa wa kalɨn̰ ma, ji kɨya ɨre tumoy kɨlma gɨ gumu Sejar. Bɨ Kumu kɨya pɔɗɛ kalaŋ nɔm ga ba haɗɨge danan̰ le na kɔl can̰.”

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Magtubu di Pol wal bɨn̰ kalaŋ ga Rɔm 15:24

Ɨŋ ɨrɨm gɨ ni caŋge caygɨŋ, kɨɗɨn̰ ga ɨŋ kɨya sɔ ɔrɛ a cay gɨsəŋ ga Ɛspan̰ gaŋ na, ɨŋ orɨn̰ dan̰ tabɨlaŋdi ɔrɛ gusɨgɨŋ sɔmɛ danagɨŋ lam ɗe gusɨnɨ mɔŋ. Kardi nee na, kɨŋ kɨya jɨbe tonɨ te ɔrɛ tɨrga tɨnge dɨŋ di a Ɛspan̰.

2 Korɛ̰t 1:11

Kɨŋ-gandi kalɨn̰ ma ojɨ gɨ kɨŋ na jɨbɨ toyni dan̰ ɔlɛ Kumu kogɨŋ. Kumu kɨya jɔɔ ɔlɛ kogɨŋ nɔm gɨ kondɨwadi kalaŋ olge bɨ, kol cay ɔlɛ nɔm gɨ nee le na, ban kɨya tɔrɛ kɨbi cayni bɨ kondɨwadi kalaŋ kɨya loon̰ge Kumu ho’o kol cayni bɨ.

Pilib 1:19

kɨya wa ɨŋ sol gɨ Kumu kɨya pɔɗɔŋ kol ɔlɛ gɨ kɨŋ ol Kumu kol canɨ bɨ, Turnɔ di da Jesu-Kɨris kɨya jɨbe tonɨ bɨ.

Pilib 2:24

Ɨŋ-bandi kalɨn̰ ma, ɨŋ si kuduronɨ pɨna na cay Ba-gulɔŋ, gɨ na baŋ mɨnde gɨ ɨŋ-bandi dan̰ gusɨnɨ kalɨn̰ ma, ɨŋ kɨya ɔrɛ gusɨgɨŋ.

Əbɨro 13:19

Kɔgɨɗɔ, ulagɨŋ Kumu hala ɗe aŋ jogɨ andaŋ duroygɨŋ cɛd ɗaŋ.

Əbɨro 13:23

Ɨŋ gey gɨ kɨŋ sɨla gɨ kurɨndɨna Timote le doriige dangay dɨŋ dibiige daa ɨni. Hɨn̰ gɨ ban na ɨre haw gusɨnɨ na, ni kɨya ɔrɛ pɨna solgɨŋ.

Magtubu di Jag wal 5:16

Tɨragɨŋ te ɨsɨna kogɨŋ bɨn̰ gusɨgɨŋ bɨ, ulagɨŋ Kumu kɨya cay gusɨgɨŋ ɗe gɨ hɔmɨn̰ɛ duroŋ gusɨgɨŋ coŋ bɨ. Ɔlɛ Kumu gɨ ye man̰ gɨ da ungo gɨ dan̰ durɔ ɗɨngar le, orɨn̰ dan̰ dɔnɔ tɔgɨ.

2 Ja̰ 1:12

Ɨŋ orɨn̰ dan̰ kɔl kondɨ gɨ ni yogɨŋ, ama ɨŋ gey wale nɔm a duroy magtubu dɨŋ naŋ. Ɨŋ ojɨ gɨ ni ɔrɛ gusɨgɨŋ are-kɔl wo̰ wo̰ danagɨŋ dan̰ kɨbɨnɨ, ɗe gusi-mɔwa tona duroŋ cɨrɛɗ.

3 Ja̰ 1:14

Ɨŋ ojɨ gɨ ni ɔrɛ solgɨŋ mɨnde, ɗe ana na arɨn̰ kɔl wo̰ wo̰ dan̰ kɨbɨna.