Pilemo 1:17 - Gabri Maja

¹⁷ Hɨn̰ gɨ ji na sɨlaŋ laan̰ kurɨndɨn̰ a te aye kudurɔ gɨŋ na, ƴɨmayi gusɨn̰ hɨn̰ ɨŋ-bandi gusɨnɨ wo̰ bɨ.

Pilemo 1:17 ပူးပေါင်းရင်းမြစ်များ

Matɨyo 10:40

«Waŋ waŋ gɨ na ƴɨmagɨŋ kuɗa gusi na, ƴɔmɔŋ na ɨŋ-bandi kuɗa gusi bɨ. Waŋ waŋ gɨ na ƴɨmaŋ kuɗa gusi na, ƴom na ban gɨ gɨygəŋ le kuɗa gusi bɨ.

Matɨyo 18:5

Waŋ waŋ gɨ na ƴɨma kɨye gɨ n̰əŋ gusi, hɨn̰ ban gɨ kɛ le dan̰ gusoŋnɨ na, ƴɔmɔŋ na ɨŋ-bandi gusɨnɨ gusi bɨ.

Matɨyo 25:40

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ lee hɨnga ga nee le, dan̰ ungo pɨna gɨ a duroy karmɨnɨ ga n̰ən̰əŋ ga woyge kɛ le na, kɨŋ lee na danaŋ ɨŋ-bandi gusɨnɨ.”

Gɨye-lɔɔ 16:15

Kan looge batɛm dan̰ ka-ƴaado pɨna bɨ, hɨndi molni, yeni hɨn̰: «Hɨn̰ gɨ kɨŋ na sɨla gɨ ɨŋ naa ɗe-aye kudurɔ bɨn̰ Ba-gulɔŋ na, kɨŋ ɨre sɨma tange.» Hɨndi loɗɨdɨde toyni bɨrɨŋ gɨ ni ɨrga som a taa.

2 Korɛ̰t 8:23

Gɨ ojɨn̰ cay Titɨ na, ban na ba-bɔgɔŋ bɨ, ba-lɔɔ gɨye danaŋ kol caygɨŋ bɨ. Ama ojɨn̰ cay karmɨni ga ɗaŋ ga orge danayi na, na kalaŋ ga Ka-Daye ba gɨyge bɨ, haldɨge kuɗa lee gɨ kalaŋ dɨbɨ gusoŋ-tɔgɛ cay Kɨris kol cayge bɨ.

Epɛs 3:6

Kɔl gɨ woy kɨɗɨn̰ wɔsɛdi gɨŋ le ba kɛ: Dan̰ gɨyəŋ gɨ da Kɔl-gɨ-Ɗari le, kalaŋ ga toyge na Jubɨ naŋ kalɨn̰ ma wayge ɗarwa dan̰ kalaŋ ga toyge na Jubɨ pɨna bɨ. Kan na kuyoŋ-gusu gɨ pɨna hayi danage bɨ, dan̰ te bugoŋ pɨna dan̰ Jesu-Kɨris kona le, hɨnga ga Kumu ye gɨ ɗi na kɨya bɨn̰ kalaŋ ga toyge na Jubɨ le, kalaŋ ga toyge na Jubɨ naŋ kalɨn̰ ma kɨya wɔɔge danage nee bɨ.

Pilib 1:7

Na gɨyəŋdi gɨ ɨŋ na ɨrɨm kol caygɨŋ nɔm hɨn̰ wo̰ le kɔ, kɨya wa ɗugonɨ woy caygɨŋ dan̰ tɨwa nɔm. Ɨŋ geygɨŋ nɔm kɨya gɨ kɨŋ ɗe gusɨgɨŋ pɨna danaŋ duroy ɗarwa di Kumu lee danaŋ dɨŋ. Dan̰ tɨwa nɔm kɨŋ ɗe gusɨgɨŋ pɨna danaŋ kɨɗɨn̰ ga ɨŋ woy dangay dɨŋ bɨ, kɨɗɨn̰ ga ɨŋ worn̰ɨn̰ ƴen̰ cay Kɔl-gɨ-Ɗari bɨ, ɨŋ leen̰ gɨ ɗe Kɔl-gɨ-Ɗari dobɨ sarnay osu dugo gag bɨ.

1 Timote 6:2

Kan ga ka-gulondɨge na ka-aye kudurɔ le, ɗɔɔ gɨ kan ɗɔɔ gusɨge kardi tɔgɛ gɨ na teen̰ gusɨnagɨŋ karme bɨ, kan̰ɨn̰ hɨndarɨn̰ turnoy ka-gulondɨge le naŋ bɨ. Ama kɨɗɨn̰ ga kan ga kan lee gɨye bɨge le, naa ka-aye kudurɔ bɨ, ka-wandɨ bɨ le, kuɗa gɨ kan laa gɨye kuɗa ɗɨn̰ gɨ tumɔ coŋ, bɨge. Na hɨnga ga nee le ma kuɗa gɨ ji tɨraban̰ kalaŋ bɨ, dɨbage bandɨ kuduroyge, ɗe ayge leen̰ gɨye bɨ.

Pilemo 1:10

ɨŋ olɨn̰ kol cay kuronɨ gɨ a te aye kudurɔ gɨŋ Onesim, gɨ ɨŋ wooyi a dangay dɨŋ.

Pilemo 1:12

Ɨŋ jogɨ gɨyɨn̰ danayi bɨn̰, ban gɨ na kɨway gusɨnɨ le.

Pilemo 1:18

Ma hɨn̰ gɨ ban na laan̰ ɨsɨna wala, tugɨla ton̰ na wɨya cayi na, ɗa a canɨ ɨŋ-bandi gusɨnɨ.

Əbɨro 3:1

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, kɨŋ ga kɨŋ woy dan̰ cɨndɨgɨŋ nɔm ga Kumu təgɨŋ ɗe agɨŋ na wan̰ ɗarwa di a daa nii le sɨgɨŋ cɨndɨgɨŋ a cay Jesu. Ban na ba-gɨre-gɨye bɨ, mangɨl gɨ da ka-cay ka-bɔgɛ kɨbar gɨ da aye kudurɔ gɨ ni ba tee bɛrnɛdi le bɨ.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.

1 Pɨyɛr 5:1

Haw kɛ na, ɨŋ gey yon̰ ka-muɗɔlɛ ga somge duroygɨŋ kɔl. Ɨŋ-bandi kalɨn̰ ma, ɨŋ na mɨgayge gɨ ba muɗɔlɛ gɨ da Ka-Daye bɨ. Ɨŋ na tɨmon̰ gɨ da cɨn̰-gɨle-cɨn̰ gɨ da Kɨris bɨ, wɔlɛ gɨ gusoŋ-tɔgɛ koyi kɨya gɨle gusi doŋ le, ɨŋ-bandi kalɨn̰ ma, ɨŋ kɨya wɔɔ hɨnge danayi bɨ. Hɨnga ga ɨŋ ɨngɨrgɨŋ kɨŋ-gandi ga muɗoldoŋ ba kɛ:

1 Ja̰ 1:3

Hɨnga ga ni ba sol dan̰ cɨndɨni bɨ, je koldɨge dan̰ sɨmayni bɨ le, ni te bɛrnɛdɨge bɨgɨŋ, kɨya gɨ ni gey gɨ kɨŋ-gandi kalɨn̰ ma kɨŋ na bugoŋ pɨna danani te bugoŋ pɨna gɨ nee gɨŋ le bɨ. Bugoŋ pɨna gɨ na ba orɨn̰gɨŋ le, na bugoŋ pɨna dan̰ Bayna bɨ, dan̰ Kurondi Jesu-Kɨris bɨ.