Matɨyo 9:6 - Gabri Maja

⁶ Ama ɨŋ kɨya lɔɔ hɨnga pɨna haw kɛ gɨ kɨya gɨle hɨn̰ gɨ Kumu na bɨn̰ Kurɨn̰-ungo le dɔnɔ di ni dorɨn̰ ɨsɨna cay kalaŋ.» Ɨni na, Jesu yen̰ ba-mɨraye le hɨn̰: «Sa daa, aya gasɨlaŋ-jala kan̰ bɨ ɨra ɨndi.»

Matɨyo 9:6 ပူးပေါင်းရင်းမြစ်များ

Matɨyo 4:24

Gusondi ye ƴee cay gɨsəŋ ga Siri nɔm, lee gɨ kalaŋ ɨrgan̰ge dan̰ ka-hɔmɨn̰ɛ bɨ, ga hɔmɨn̰ɛ gɨ toy kan̰di kan̰di leege mɨrɨn̰tɨn̰i bɨ: Kan ga turnɔ ga ɨsɨndəŋ woy kuduroyge bɨ, ga jɨmgɨl leege bɨ, ka-mɨraye bɨ. Ban poɗɨge nɔm.

Matɨyo 8:20

Jesu dɨbɨn̰ ungo le cay nee yey hɨn̰: «Gajaŋ kalɨn̰ ma orɨn̰ge dan̰ umboŋdɨge nee bɨ, cɨɗəŋ ga daa orɨn̰ge dan̰ ƴaadɨge nee bɨ, ama ɨŋ-bandi Kurɨn̰-ungo le, ɨŋ wa kɨɗɨn̰ ga ni dobɨn̰ canɨ nee naŋ.»

Matɨyo 9:2

Bɨ ga ma, kalaŋ ga pɨna wo̰, ɨrgan̰ge dan̰ ba-mɨraye gɨ pɨna wo̰, gɨ dɨbiige a cay gasɨlaŋ-jala gaŋ. Kɨɗɨn̰ ga Jesu sol aye kudurɔ koge na, yen̰ ba-mɨraye le hɨn̰: «Kuronɨ, haya kuduron̰, ɨsɨnan̰əŋ kan̰ duroŋ can̰ coŋ ɨni.»

Matɨyo 9:5

Yɔ: “Ɨsɨnan̰əŋ kan̰ duroŋ can̰ coŋ le”, hɨmbaɗɨ ɗɨn̰ yɔ hɨn̰: “Sa daa bɨ ɨran̰ daa.”

Matɨyo 9:7

Ɨni na, gɨlmi le say daa bɨ, jogɨ ɨndi toyi.

Marg 2:10

Ama ɨŋ kɨya lɔɔ hɨnga pɨna haw kɛ gɨ kɨya gɨle hɨn̰ gɨ Kumu na bɨn̰ Kurɨn̰-ungo le dɔnɔ di ni dorɨn̰ ɨsɨna cay kalaŋ.» Ɨni na, Jesu yen̰ ba-mɨraye le hɨn̰:

Marg 2:7

«Kɨya wa ma gɨlmi gɨ kɛ le ye kɔl hɨn̰ wo̰ ga? Ban yagɨde na Kumu. Ungo gɨ Kumu si le kɨya ɓale dɔrɛ ɨsɨna gɨ da ungo naŋ. Na Kumu pɨna hayi kəɗ kəɗ ba orɨn̰ dan̰ dɔnɔ di ni dorɨn̰ ɨsɨna.»

Kɔl-gɨ-Ɗari gɨ Lug wal 5:21

Kalaŋ ga ka-gɨlɨn̰ kalaŋ gasɨn̰-kɔl nɔm gɨ da Moyis dan̰ Parɨsɨn̰an̰əŋ ɨrɨmge kuduroyge yege hɨn̰: «Gɨlmi le, lee gusi leen̰ na Kumu ga? Kɨya wa ban yagɨde na Kumu. Ungo gɨ Kumu si le kɨya ɓale dɔrɛ ɨsɨna gɨ da ungo naŋ. Na Kumu pɨna hayi kəɗ kəɗ ba orɨn̰ dan̰ dɔnɔ di ni dorɨn̰ ɨsɨna.»

Kɔl-gɨ-Ɗari gɨ Ja̰ wal 10:28

Ɨŋ-bandi, ɨŋ bɨge habe gɨ ni somɨn̰-bɨra dan̰ cɨndɨge, lee gɨ kan kɨya mundoŋge naŋ bɨrɨŋ. Ungo gɨ ba kɨya ɓale dorge kɔbɔŋ unɔ.

Kɔl-gɨ-Ɗari gɨ Ja̰ wal 17:2

Ji bɨn̰ dan̰ kurondɨn̰ dɔnɔ a cay kalaŋ nɔm ga cay gɨsəŋ gaŋ. Ji bii dɔnɔ di nee le, na ɗe gɨ ban na bɨn̰ kalaŋ nɔm ga ji ba bii le sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 5:27

Kɨye bayi le, bii dan̰ dɔnɔ gɨ ni bon̰ kɔl cay kalaŋ, kɨya wa ban na Kurɨn̰-ungo.

Kɔl-gɨ-Ɗari gɨ Ja̰ wal 5:8

Jesu yeyi hɨn̰: «Sa daa, aya kuyo kon̰ bɨ, ɨran̰ daa.»

Gɨye-lɔɔ 5:31

Na ban ma Kumu ayi si a cay kobi gɨ bara gɨŋ hɨn̰ kɨlma wo̰ bɨ, ba-pɔɗɛ kalaŋ bɨ, ɗe gɨ te wɨn̰je gɨ da Ɨsɨrayɛln̰əŋ na wan̰ge gɨyəŋ gɨ ni bɨlin̰ gɨye-lɔɔdɨge, ɗe Kumu na ɗen̰ kuduroyi jal a cay ɨsɨna koge bɨ.»

Gɨye-lɔɔ 9:34

Pɨyɛr yeyi hɨn̰: «Ene, Jesu-Kɨris poɗɨn̰! Sa daa bɨ, nungura kuyo kon̰ gɨ ji ba won̰ nee le.» Ɨni na, kɔl gɨ kɨbɨna kɛ bɨ, Ene jɨbɨ say daa.

2 Korɛ̰t 2:10

Waŋ waŋ gɨ kɨŋ na ɗa kuduroygɨŋ jala cayi na, ɨŋ-bandi kalɨn̰ ma ɨŋ ɗe kuduronɨ jal cayi bɨ. Waŋ waŋ gɨ ɨŋ ba ɗe kuduronɨ jal cayi, a cay hɨnga ga dan̰ gɨyəŋdɨge naŋ ga ban lee le, ojii na kuduroy jalɨwa, hɨn̰ gɨ leen̰ cɨndi, hɨnga ga dan̰ gɨyəŋdɨge naŋ na wɨya nee. Ɨŋ ɗe kuduronɨ jal cayi na kol caygɨŋ tumoy Kɨris.

2 Korɛ̰t 5:20

Na Kɨris ba gɨyni gusɨgɨŋ kɨya yon̰ kɔl danagɨŋ dan̰ gusondi. Hɨn̰ gɨ naa Kumu gusi na ba ƴɔlɛ kɨbɨni dobɨn̰ bandɨ kuduroygɨŋ wo̰. Ni lee n̰age toygɨŋ dan̰ guson̰ Kɨris kɨya cay hɨnga ga kɛ le: Kɔgɨɗɔ, kɨŋ ɗɔɔ ba kan̰e bugoŋ pɨna dan̰ Kumu naŋ.

Epɛs 4:32

Laagɨŋ ɗarwa dan̰ gusɨgɨŋ bɨ, sɨlagɨŋ cɨn̰-n̰age da gusɨgɨŋ bɨ. Ɗagɨŋ kuduroygɨŋ jala cay gusɨgɨŋ hɨn̰ gɨ Kumu ba ɗen̰ kuduroy jal caygɨŋ a te bugoŋ pɨna dan̰ Kɨris le bɨ.

Kɔlɔs 3:13

Dɨbgɨŋ ɗugoygɨŋ dan̰ wandɨ duroygɨŋ. Hɨn̰ gɨ ungo na ɨran̰ dan̰ kɔl gɨ na hɨmayi a cay kurɨndi kalɨn̰ ma ɗa kuduroyi jala a cay kurɨndi le. Hɨn̰ gɨ Ba-gulɔŋ ba ɗen̰ kuduroy jal a caygɨŋ le, laagɨŋ hɨn̰ wo̰ a duroygɨŋ bɨ.