Gusondi ye ƴee cay gɨsəŋ ga Siri nɔm, lee gɨ kalaŋ ɨrgan̰ge dan̰ ka-hɔmɨn̰ɛ bɨ, ga hɔmɨn̰ɛ gɨ toy kan̰di kan̰di leege mɨrɨn̰tɨn̰i bɨ: Kan ga turnɔ ga ɨsɨndəŋ woy kuduroyge bɨ, ga jɨmgɨl leege bɨ, ka-mɨraye bɨ. Ban poɗɨge nɔm.
Ama kɨɗɨn̰ ga ungo le andaŋ doŋ ɨni na, ban ay te tɔgɛ bɛrnɛ a cay hɨnga le pəŋ pəŋ daa bɨ, lee gɨ kalaŋ jege a kɨɗɨn̰ gaŋ nɔm bɨ lee gɨ Jesu ɓala gɨ ni andaŋ a cay ƴaa-di-gumu dɨŋ cɨn̰ kalaŋ naŋ. Ban som doŋ kɨɗɨn̰ ga kalaŋ unɔ nee gaŋ ama kalaŋ saygage a kɨɗɨn̰ gaŋ nɔm ɨrgage gusii.
Kɨlma Ɛrɔd je kol Jesu kɨya gɨ gusondi ye ƴee kɨɗɨn̰. Lee gɨ kalaŋ yege hɨn̰: «Naa Ja̰ ba-lɔɔ batɛm naa ba bɔyɛ lɨbe, duroy kalaŋ ga madɨrdaŋ gaŋ, na toy di hɨn̰ wo̰ ma ban na orɨn̰ dan̰ dɔnɔ di ni loon̰ hɨnga ga ni beli ga nee le.»
Jesu bɨle cayi jogɨ bɨrɨŋ a cay gɨsəŋ ga Galile dan̰ dɔnɔ di da Turnɔ di da Kumu di wanɨn̰ kuduroy jɨŋ jɨŋ daa le. Gusondi ye ƴee kɨɗɨn̰ nɔm ga a cay gɨsəŋ ga Galile gaŋ dan̰ cay gɨsəŋ ga bongi nee bɨ.
Ama kalaŋ ga ba solge hɨnga ga ba pɨde le, yege Kol Jesu orɨn̰ tumɔ tumɔ. Dɨmdɨrdi kalaŋ ɨrgage wayige kɨya jɔɔge kɔl kɨbi bɨ, ɗe ban na dor hɔmɨn̰ɛ gusɨge coŋ bɨ.
Kɨlma Agɨripa sol hɨnga ga nee le, lee gɨ ɨŋ ɓal dɔrɛ koldi tumon̰ dɨle hundɔrɔ. Bɨ ɨŋ sol leen̰ cɨndi gɨ hɨnga ga nee le nɔm ban sol. Kɨya wa na hɨnga ga laa gusɨge a kɨɗɨn̰ ga wosi gaŋ naŋ.