Matɨyo 9:15 - Gabri Maja

¹⁵ Bɨ Jesu dɨbge cay nee yege hɨn̰: «Kalaŋ ga molgege ɨrga gɔrɛ gɨŋ dɔɔ hɨnga le, gɨ ɓalege tagɨn̰e cɨndɨge kɨɗɨn̰ ga ba-gɔrɛ ƴaa ɨre danage nee ga? Na hɨn̰ wo̰ naŋ. Ama wɔlɛ kɨya caga gɨ kan kɨya dɔrɛ ba-gɔrɛ ƴaa le duroyge. Na nee dɨm ma kan kɨya haydege kɨbɨge ƴee.

Matɨyo 9:15 ပူးပေါင်းရင်းမြစ်များ

Matɨyo 9:14

Bɨ ɨni na, ka-aye-cay-tɨbay Ja̰ ba-lɔɔ batɛm ɨrgage gusi Jesu bɨ, ɨngɨriige yege hɨn̰: «Kɛ na kɨya wa ma, ni-gandi bɨ, Parɨsɨn̰an̰əŋ bɨ, ni hayde kɨbɨni, ama ka-aye-cay-tɨban̰ kan̰ge hayde kɨbɨge coŋ ga?»

Matɨyo 9:16

«Ungo wala kɨbɨ badɨge ga hɨrɨwa dɨbɨn̰ ɓade ga ɨlgi naŋ. Kɨya wa kɨbɨ badɨge ga hɨrɨwa ga kan dɨbɨn̰ge ɓade le, kɨya sɔgɛ kɨway badɨge ga ɨlgi le dɔrɛ, lɔɔ gɨ araŋdɨge kɨya gɨmɨwa cɨla coŋ ƴee.

Marg 2:19

Jesu dɨbge cay nee yege hɨn̰: «Kɛ kalaŋ ga molgege ɨrga gɔrɛ gɨŋ dɔɔ hɨnga le gɨ kan̰ege dɔɔ hɨnga kɨɗɨn̰ ga ba-gɔrɛ ƴaa ɨre danage ga? Na hɨn̰ wo̰ naŋ. Ba-gɔrɛ ƴaa na baa duroyge ƴee na, kan kɨya ɓale haye kɨbɨge naŋ.

Marg 2:20

Ama wɔlɛ kɨya caga gɨ kan kɨya dɔrɛ ba-gɔrɛ ƴaa le duroyge, na nee dɨm ma kan kɨya haye kɨbɨge ƴee.

Kɔl-gɨ-Ɗari gɨ Lug wal 17:22

Kardi nee, Jesu yen̰ ka-aye-cay-tɨbayi ye hɨn̰: «Wɔlɛ kɨya caga gɨ kɨŋ kɨya orɨn̰ dan̰ tabɨlaŋ di sɔlɔŋ, ɨŋ-bandi Kurɨn̰-ungo le gɨ ni wɔlɛ pɨna nɛŋ ƴɔbɨ. Ama kɨŋ kɨya sɔlɔŋ dan̰ cɨndɨgɨŋ naŋ.

Kɔl-gɨ-Ɗari gɨ Lug wal 5:34

Jesu dɨbɨge nee yege hɨn̰: «Kɛ kɨŋ ɓal narɨn̰ kalaŋ ga molgege ɨrga gɔrɛ gɨŋ dɔɔ hɨnga kɨɗɨn̰ ga ba-gɔrɛ ƴaa le, ɨre danage nee ga?

Kɔl-gɨ-Ɗari gɨ Lug wal 5:35

Ama wɔlɛ kɨya caga gɨ kan kɨya dɔrɛ ba-gɔrɛ ƴaa le duroyge. Na a boy wɔlɛdi gɨ nee gɨŋ le ma kan kɨya haye kɨbɨge ƴee.»

Kɔl-gɨ-Ɗari gɨ Ja̰ wal 16:6

Ama na kɨya yɔ gɨ ɨŋ yəgɨŋ kɔl gɨ nee le ma cɨn̰-n̰age ƴee gusɨgɨŋ.

Kɔl-gɨ-Ɗari gɨ Ja̰ wal 3:29

A kɨɗɨn̰ gɔrɛ ƴaa gaŋ le, ban gɨ kan bɨgɨgage dan̰ tama bii le, ban ma na kudurɔɔ. Ama ba-pogi ba-ƴɔɔ tama le, ɨre na durdi je dan̰ kɔl koyi bɨ, te tumoyi di ban je le, bii gusi-mɔwa di gumu tɔgɨ. Gusi-mɔwa di nee le na tɨnge bɨ, haw kɛ na gusi-mɔwa tɨnge duroŋ dan̰ durɔ cɨrɛɗ.

Gɨye-lɔɔ 14:23

A duroy Ka-Daye gaŋ pɨna pɨna na, kan torge kalaŋ ga muɗoldoŋ duroy nee bɨn̰ ka-aye kudurɔ. Kardi nee ɨni na, kan hayge kɨbɨge bɨ, olge Kumu bɨ, pa dɨm ma kan beegege kobɨ Ba-gulɔŋ gɨ kan beege kuduroyge cayi le ƴee.

1 Korɛ̰t 7:5

Narɨn̰gɨŋ gusɨgɨŋ, gusɨgɨŋ naŋ. Ama hɨn̰ gɨ kɨŋ na ɗa gusɨgɨŋ dan̰ gɨyəŋ gɨ da bugoŋ pɨna gɨ ni tɨwa lam wo̰ gɨ ni ɗon̰ gusɨgɨŋ kɨbɨ ɔlɛ Kumu gɨŋ ƴɔbɨ. Bɨ kardi nee na jɨgagɨŋ bugoŋ pɨna naŋ na, ɓale ƴɔmɛ-gusɨgɨŋ naŋ, da haŋge gɨyəŋ bɨn̰ Sidan gɨ ni gɨybɨgɨŋ dan̰ hɨnga ga ni gɨybe kaa.

2 Korɛ̰t 11:27

Ɨŋ lee gɨye ga osɨdəŋ lee gɨ gɨlale ləŋ bɨ, hɨnga ga ni gɨwase ga osɨdəŋ gɨwasaŋ bɨ, ɨŋ waa kuŋ cɨnɨ naŋ tɨba kondɨ bɨ. Kuroŋ ləŋ bɨ, gɨmase dəŋ bɨ. Ɨŋ hay kɨbɨnɨ tɨba kondɨ bɨ. Kal dəŋ bɨ, badɨge ga ni dɔbɛ gusɨnɨ wɨyəŋ bɨ.

Wasɨn̰a 19:9

Ɨni na, ba-ƴɔbɛ gɨ daa nii gɨ pɨna wo̰ yəŋ hɨn̰: «Wala dugo: Tumoy wolwa woy a cay kalaŋ ga molgege a kɨɗɨn̰ gɔrɛ gɨ da Kurɨn̰-dɨmangɨ gɨŋ le.» Ban jɨga yəŋ ɗaŋ hɨn̰: «Ho’o, kɔl nɔm gɨ ba kɛ le, na kɔl gɨ da Kumu leen̰ cɨndi hage.»

Wasɨn̰a 21:2

Ɨni na, ɨŋ sol cay ƴaa-di-gumu di woy dan̰ cɨndo di na Jerusalɛm di hɨrɨwa le, sayga gɨɗɨgɨ-Kumu a gusi Kumu gɨsɨngɨ dugo. Hɨndi lee marna tɔgɨ hɨn̰ tɨmbali di n̰an guso kɨya gorɨn̰ ƴaa dan̰ kudurɔɔ wo̰.