Matɨyo 8:13 - Gabri Maja

¹³ Kardi nee ɨni na, Jesu yen̰ gumu gɨ da asɨgarn̰əŋ ga aru le hɨn̰: «Jɨga ɨra tan̰! Ɗa ɗe woy hɨn̰ wo̰ kol can̰, hɨn̰ gɨ ji ba been̰ kuduron̰ cay nee le.» Ɨni na, guyɔŋ le poɗɨ duroy tɨwado di nee dɨŋ le.

Matɨyo 8:13 ပူးပေါင်းရင်းမြစ်များ

Matɨyo 15:28

Ɨni na, Jesu duboo cay nee yoo hɨn̰: «Ay tama, aye kudurɔ kɛɛ gumu! Ɗa ɗe woy bɨne hɨn̰ gɨ me ba gey wo̰.» Kɨɗɨn̰di ga nee gaŋ le bɨ, tɨrɨmɔɔ le poɗɨ.

Matɨyo 17:20

Ɨni na, Jesu dɨbɨge cay nee yege hɨn̰: «Na kɨya gɨ aye kudurɔ kogɨŋ ɓala hɨnga naŋ. Aŋ yəgɨŋ daa waŋ na cɨndi: Hɨn̰ gɨ aye kudurɔ kogɨŋ na gumu hɨn̰ cɨn̰ hɨnga ga n̰en̰əŋ ga kan teegege naa mutardɨ na, kɨŋ kɨya yon̰ garma gɨ kɛ le hɨn̰: “Ɗɨda kɛ ɨra nii kɔ coŋ na”, kɨya ɗɔdɛ bɨ, hɨnga pɨna kɨya mɨn̰gɨŋ naŋ bɨ.

Matɨyo 8:4

Kardi nee Jesu yeyi hɨn̰: «Ja kuɗa: Yɔ koldi bɨn̰ ungo haw kɛ ɗe sol gɨ mada le na duroŋ gusɨn̰ naŋ. Ama ɨra gɨle gusɨn̰ a da ka-bɔgɛ kɨbar ɗe kan kobɨge sol kɛ mada le duroŋ gusɨn̰ leen̰ cɨndi haa bɨ ga. Ɨni na, mɨn̰ da orɨn̰ dan̰ hɨnga ga ni n̰ɨre bɨn̰ ka-bɔgɛ kɨbar, hɨn̰ gɨ gasɨn̰-kɔl gɨ da Moyis ba ye ojɨn̰ cay kalaŋ ga mada toge ba duroŋ gusɨge coŋ le, bɨ ba-bɔgɛ kɨbar le kɨya bɔgɛ kɨbar bɨn̰ Kumu. Hɨn̰ wo̰ na, kalaŋ nɔm kɨya sɔlɛge hɨn̰ gɨ mada le na duroŋ gusɨn̰ coŋ bɨ, kan kɨya ɓalege bugoŋ pɨna danan̰ bɨ.»

Matɨyo 9:22

Ama Jesu pɨlɨn̰ sɔlɔɔ bɨ yoo hɨn̰: «Turmonɨ, haya kudurɛɛ! Aye kudurɔ kɛ poɗɨne.» Ɨni na, kɨɗɨn̰di ga nee gaŋ le bɨ, te kɨbar le ayaŋ coŋ.

Marg 7:29

Ɨni na, Jesu duboo cay nee yo hɨn̰: «Jɨga hɨndi ɨni, kɨya cay kɔl kɛɛ gɨ kɛ le, turnɔ di ɨsɨni le andaŋ gusi tɨrmɛɛ coŋ ɨni.»

Marg 9:23

Jesu yeyi hɨn̰: «Na kɨya wa ma mɨn̰ yəŋ hɨn̰ gɨ ɨŋ na ɓala lɔɔ le! Ungo gɨ bee kuduroy cay Kumu le ɓal lɔɔ hɨnga nɔm.»

Kɔl-gɨ-Ɗari gɨ Ja̰ wal 4:50

Jesu yeyi hɨn̰: «Ɨra kurondɨn̰ som-bɨra ɨni.» Gɨlmi le bee kuduroyi cay kɔl gɨ Jesu ba yeyi gɨŋ le bɨ, say ba te gɨyəŋ gɨŋ or.