Matɨyo 7:15 - Gabri Maja

¹⁵ «Ɗagɨŋ muɗɔlɛ a cay gusɨgɨŋ gɨŋ kɨya cay kalaŋ ga ka-lɔɔ gusɨge loon̰ ka-yɔɔ-kɔl-gɨ-Kumu-ba-yɔɔ. Kan kɨya ɨrga gusɨgɨŋ dan̰ hurɔmɔ hɨn̰ karɨn̰ gamge wo̰, ama a kuduroyge na kan woyge na hɨn̰ gaye ga coŋ ga geyge dogɨŋ wo̰.

Matɨyo 7:15 ပူးပေါင်းရင်းမြစ်များ

Matɨyo 10:17

Ɗagɨŋ muɗɔlɛ cay gusɨgɨŋ kɨya cay kalaŋ, kɨya wa kan kɨya se kɔl caygɨŋ tumoy ka-bɔyɛ kɔl gaŋ bɨ, kan kɨya somdɨgɨŋge duroy ƴaa-daye koge gɨŋ bɨ.

Matɨyo 16:11

Na kɔl gɨ da mapa ma maŋ yagɨŋ koldi naŋ. Kɛ kɨŋ lee na mɨna ma magɨŋ sɨla duroy kɔl gɨ kɛ le naŋ ga? Ɨŋ yəgɨŋ gɨ kɨŋ ɗɔɔ kuduroygɨŋ nargɨŋ cay subugu da kalaŋ ga ni Parɨsɨn̰a bɨ, Sadusɨn̰ɛ bɨ naŋ.»

Matɨyo 16:6

Ɨni na, Jesu yege hɨn̰: «Ɗagɨŋ muɗɔlɛ cay gusɨgɨŋ kɨya cay subugu da kalaŋ ga ni Parɨsɨn̰a bɨ Sadusɨn̰ɛ bɨ.»

Matɨyo 24:11

Ka-yɔɔ-kɔl-gɨ-Kumu-ba-yɔɔ ga cɨndi naŋ, kɨya sɔge dan̰ kondige bɨ, kɨya narege kalaŋ dan̰ kondige bɨ.

Matɨyo 7:14

Ama kɨbɨ-ƴaa gɨ sɛlgɛgɛ bɨ, gɨyəŋ gɨ jəngi bɨ le, kɨya orɨn̰ dan̰ kalaŋ na pɔɗɛ gɨŋ, ama ka-wɔɔdi na lagɨɗe wo̰.

Kɔl-gɨ-Ɗari gɨ Lug wal 12:15

Bɨ ban yen̰ dɨmdɨrdi kalaŋ le ye hɨn̰: «Ɗagɨŋ muɗɔlɛ a cay gusɨgɨŋ bɨ, orɨn̰gɨŋ dan̰ tabɨlaŋ di ni wan̰ hɨnga nɔm naŋ bɨ, kɨya wa ungo kɨya sɔmɛ-bɨra a cay gɨsəŋ gaŋ, kɨya cay hɨnga wɔɔdi ga kondi naŋ.»

Kɔl-gɨ-Ɗari gɨ Lug wal 6:26

Cɨn̰-n̰age baa caygɨŋ kɨŋ ga kalaŋ nɔm ye kɔldɨgɨŋ kuɗa le, kɨya wa na hɨn̰ wo̰ ma mon̰igɨŋ ga jɨne kalɨn̰ ma leege dan̰ ka-yɔɔ-kɔl-gɨ-Kumu-ba-yɔɔ ga leege gusɨge hɨn̰ kan na ka-yɔɔ-kɔl-gɨ-Kumu-ba-yɔɔ, ama kan na ka-poyi le.»

Kɔl-gɨ-Ɗari gɨ Ja̰ wal 10:12

Ama ungo gɨ ba sɔlɛ kardi gamge kɨya wan̰ gursu le, ban na ba sɔlɛ kardi gamge gɨ cɨndi naŋ bɨ, ban na ba-gulɔŋ gamge naŋ bɨ. Hɨn̰ gɨ ban na sɨla coo gɨ coŋ na ujayi na, ban kɨya sɔ ɗɔɔ gamge le coŋ. Bɨ coo gɨ coŋ le kɨya osɨmdɨge duroy kamdɨge bɨ, sugudɨge coŋ bɨ.

Gɨye-lɔɔ 13:40

Hɨn̰ wo̰ na ɗagɨŋ muɗɔlɛ cay gusɨgɨŋ gɨŋ ɗe hɨnga ga ka-yɔɔ-kɔl-gɨ-Kumu-ba-yɔɔ ba yege koldɨge le, ɗɔɔ loogɨŋ naŋ. Kan yege hɨn̰:

Gɨye-lɔɔ 13:6

Kan gayge hogɨwa bɨrɨŋ andɨn̰ge a Papos. Kan wayge ba-tɨmba gɨ pɨna wo̰, gɨ teeyige Bar-Jesu a nee. Ungo gɨ nee le na Jubɨ bɨ, lee gusi leen̰ na ba-yɔɔ-kɔl-gɨ-Kumu-ba-yɔɔ bɨ.

Galad 2:4

Ni ye kɔl gɨ ojɨn̰ cay wale ban̰a na kɨya gɨ karmɨni ga pɨna wo̰, ga na ka-aye kudurɔ gɨ cɨndi naŋ ga andɨgaŋge duroyni. Kan ɨrgage na wɔsɛ gɨŋ, kɨya n̰ɨlange ɔrɛ gɨ ni orɨn̰ cayni kalɨn̰ a te gɨyəŋ gɨ da bugoŋ pɨna koni gɨŋ dan̰ Jesu-Kɨris le sɔlɛ. Kɨya wa kan geyge ɗɔɔ hada di da kalaŋ ga na Jubɨ cayni, bɨrɨŋ gɨ ni na bɨləŋ gɔyɔŋ.

Epɛs 4:14

Hɨn̰ wo̰ na, na kɨya bɨləŋ wɔyɛ hɨn̰ karɨn̰aŋ ga ɨran̰ge dan̰ ƴɔmɛ kudurɔ osɨwa naŋ ɨni. Kan gɨlɨn̰ge na hɨn̰ togɨ ga n̰ən̰əŋ ga a cay kaŋ gaŋ. Kan ɨran̰ge dan̰ tɔgɨ a cay mɛw di orɨn̰ danage bɨ, nongɨldɨge jɨn̰ kɛ kɛ bɨ naŋ. Kɨradi-kɔl gɨ kɛ le, kal bɨ, mɛw bɨ le, kan na hɨnga ga ni gɨle ga dan̰ gɨyəŋdɨge naŋ, ga kalaŋ ga pɨna gɨlɨn̰ge kamdɨge bɨ, na cɨn̰-muɗɔlɛ di kan narɨn̰ge cɨn̰ kalaŋ bɨ kayɨn̰ge kalaŋ bɨ.

Epɛs 5:6

Ɗɔɔgɨŋ ungo nargɨŋ dan̰ kɔl gɨ ni poy naŋ: Kɨya wa na hɨnga ga hɨn̰ wo̰ le ba jɨbe te kuduroy-hɔmɛ di da Kumu bɔgɛ cay kalaŋ ga na ka-baadi le.

Pilib 3:2

Ɗagɨŋ muɗɔlɛ a cay gusɨgɨŋ gɨŋ ujan̰ cay kalaŋ ga woyge hɨn̰ gaye wo̰! Kan na ka-lɔɔ gɨye dan̰ ɨrɨme ga ɨsɨni. Kan solge wale ban̰a leen̰ hɨnga ga ɗari tɔgɨ bɨ, aŋ yəgɨŋ ɗaŋ coŋ ɗagɨŋ muɗɔlɛ a cay gusɨgɨŋ gɨŋ kɨya cayge.

Kɔlɔs 2:8

Ɗagɨŋ muɗɔlɛ a cay gusɨgɨŋ gɨŋ ɗe ungo gɨybɨgɨŋ dan̰ hɨnga-sɔlɛ ga poy naŋ bɨ, dan̰ kɔl poy ga kalɨn̰ wo̰ dugo dan̰ gɨyəŋ gɨ da hada da kalaŋ ga ɨndəŋ naŋ bɨ. Hɨnga ga ni gɨle ga nee le sa na gusi Kɨris naŋ bɨ, ama sayga na gusi turnɔn̰əŋ ga ɨsɨndəŋ ga di cay gɨsəŋ.

2 Timote 3:13

Ama kalaŋ ga ɨsɨndəŋ bɨ, ka-nare kɨɗɨn̰ bɨ, kɨya lɔɔge hɨnga ga ɨsɨni dan̰ cɨndɨge tumɔ tumɔ bɨ, kan kɨya nare kamdɨge bɨ, kɨya nare gusɨge koge gaŋ bɨ.

2 Timote 4:3

Kɨya wa wɔlɛ tɨlga nee gɨ kalaŋ kɨya geyege gɨle hɨnga ga cɨndi naŋ, ama kɨya lɔɔge na hɨnga ga kuduroyge gey. Lee gɨ kan kɨya daye kalaŋ ga ka-gɨlge hɨnga nɔm dan̰ kondɨwayge ga ka-gɨlge hɨnga ga kɨya mooge.

2 Pɨyɛr 3:17

Kɨŋ karmɨnɨ ga ɨŋ lee-toygɨŋ, kɨŋ sol kɔl gɨ nee le tumɔ hagɨŋ ɨni. Na toy di hɨn̰ ma ɗagɨŋ muɗɔlɛ cay gusɨgɨŋ gɨŋ bɨ, ɗɔɔgɨŋ poy di da kalaŋ ga gɨye-lɔɔ ga ɨsɨni dɨlage hɨnga naŋ orɨn̰ danagɨŋ a te gɨyəŋ koge gɨŋ naŋ bɨ, mɔndɛgɨŋ osɨwa gɨ da aye kudurɔ kogɨŋ naŋ bɨ.

1 Ja̰ 4:1

Ay, kɨŋ ga ɨŋ lee-toygɨŋ, bɔgɛgɨŋ kuduroygɨŋ a cay turnɔn̰əŋ nɔm naŋ, ama ojɨ gɨ kɨŋ gɨwasa turnɔn̰əŋ sɨlan̰ kɛ kan sayga na gusi Kumu ga? Kɨya wa ka-yɔɔ-kɔl-gɨ-Kumu-ba-yɔɔ ga cɨndi naŋ kondɨge andaŋge a cay gɨsəŋ gaŋ kɛ ɨni.

Magtubu di Jud wal 1:4

Kɨya wa kalaŋ ga pɨna andaŋge duroygɨŋ dan̰ wɔsɛ. Kalaŋ ga nee le, kɔl ƴom cayge ɨni kol gɨye-lɔɔdɨge. Tumɔ ka-yɔɔ-kɔl-gɨ-Kumu-ba-yɔɔ walge kɔl gɨ ojɨ cayge. Kan na ka-baa ga da Kumu. Kɔl gɨ ojɨ cay ɗarwa di da Kumu konagɨŋ le, kan bɨliige dɨbiige masa age na yoyɨn̰ gorɨn̰ daa. Kan kan̰ge kɔbɛ Jesu-Kɨris ba-cay nagɨŋ bɨ, Ba-gulondɨna bɨ, gɨ pɨna hayi kəɗ kəɗ le.

Wasɨn̰a 16:13

Kardi nee, ɨŋ sol turnɔn̰əŋ ga ɨsɨndəŋ ga gɨlɨn̰ge hɨn̰ gɨrna wo̰ won̰ge sɨbɨ andaŋge doŋ a kɨbɨ kɨmana gɨ teeyige dɨrago̰ le bɨ, a kɨbɨ kɨmana le bɨ, a kɨbɨ ba-yɔɔ-kɔl-gɨ-Kumu-ba-yɔɔ gɨ cɨndi naŋ le bɨ.

Wasɨn̰a 17:6

Ɨni na, ɨŋ sol tama le cɛrɛ di suru kɔyɔɔ, kɨya wa hɨndi sii na kɨbardi kalaŋ ga woyge dan̰ cɨndɨge gɨɗaŋ ga na kalaŋ ga ka-lɔɔ tɨmon̰ di da Jesu le. Kɨɗɨn̰ ga ɨŋ sɔlɔɔ na, kɔl kayaŋ yɔd.

Wasɨn̰a 19:20

Ƴomge kɨmana le bɨ, ba-yɔɔ-kɔl-gɨ-Kumu-ba-yɔɔ gɨ cɨndi naŋ le bɨ. Tumɔ, ba-yɔɔ-kɔl-gɨ-Kumu-ba-yɔɔ gɨ cɨndi naŋ gɨ nee le, lee hɨnga ga ɗɨn̰ cɨn̰-kɨɗɨn̰ tumoy kɨmana le narɨn̰ cɨn̰ kalaŋ ga tɨnda woy gusɨge bɨ, kalaŋ ga ka-n̰ɨrege turnoy kɨmana le bɨ. Kɨmana le bɨ ba-yɔɔ-kɔl-gɨ-Kumu-ba-yɔɔ gɨ cɨndi naŋ bɨ le, ƴomgege beegege dan̰ cɨndɨge duroy kuray di tɨwa da kɨrbaŋdi hɨnga ga ƴee hɨn̰ tɨwa wo̰ bɨ.

Wasɨn̰a 20:10

Haban̰ di lee gɨ kan kayaŋge le, ƴɔmɔɔge dubooge duroy kuraydi tɨwa da kɨrbaŋdi hɨnga ga ƴee hɨn̰ tɨwa wo̰ dɨŋ. Na kɨɗɨn̰ ga nee le ma, tumɔ dɨbɨge kɨmana bɨ, ba-yɔɔ-kɔl-gɨ-Kumu-ba-yɔɔ gɨ cɨndi naŋ bɨ nee le. Hɨnga ga ni mɨrɨn̰tɨn̰i kɨya looge duroy son̰do dan̰ tɨwa di ɨni, ɨlge dan̰ ɨlge.