Matɨyo 6:9 - Gabri Maja

⁹ Hɨn̰ gɨ kɨŋ na gey ɔlɛ Kumu na, ulayigɨŋ na hɨn̰ wo̰: Bayni gɨ a daa nii, Laa gɨ ɗe gusondɨn̰ woy dan̰ cɨndi,

Matɨyo 6:9 ပူးပေါင်းရင်းမြစ်များ

Matɨyo 10:29

Kɛ kan kɨlge mɔrɔŋ won̰ge sɔɔ dan̰ gursu pɨna naŋ ga? Ama na hɨn̰ wo̰ kalɨn̰ ma, pɨna duroyge na ba gɨsəŋ na, Baygɨŋ Kumu sol.

Matɨyo 23:9

Kɨŋ ɗɔɔ ba tɔgɛ ungo a cay gɨsəŋ gaŋ kɛ, “Baygɨŋ”, kɨya wa Baygɨŋ na pɨna hayi ƴɔbɨ, na ban gɨ som a gɨɗɨgɨ-Kumu gɨŋ daa nii le.

Matɨyo 26:29

Aŋ yəgɨŋ: Ɨŋ kɨya sɔ cɛrɛ di suru gɨ hɨn̰ wo̰ haw kɛ naŋ ɨni, bɨrɨŋ gɨsɨn̰ wɔlɛ gɨ ɨŋ kɨya sɔ gɨ hɨrɨwa danagɨŋ pɨna a boy dɔɔ-ƴaa di da Banɨ dɨŋ.»

Matɨyo 26:42

Jesu jogɨ dɔrɛ toyi sɛdɨ walaŋ gɨ ni cay sɔɔdi, bɨ olɨn̰ Kumu ye hɨn̰: «Banɨ, hɨn̰ gɨ gɨyəŋ gɨ ni lɔɔ gɨ ɗe kobo gɨ ni son̰ hɨnga ga ni cɨn̰-n̰age ga kɛ le, na ɨra sɛdɨ walaŋ gusɨnɨ coŋ, na wɨya nee na, ɗa ɗe woy hɨn̰ gɨ Ji-bandi ji gey wo̰.»

Matɨyo 5:16

Ɗagɨŋ gɨ asɨn̰a kogɨŋ ɗe asɨn̰ cɨn̰ kalaŋ hɨn̰ wo̰ bɨ, ɗe gɨ kan solɨn̰ge gɨye-lɔɔdɨgɨŋ gɨ kuɗa bɨ, ɗe kan hɨramɨn̰ge Baygɨŋ gɨ som a daa nii bɨ.

Matɨyo 5:48

Duroŋgɨŋ cɨrɛɗ, hɨn̰ gɨ Baygɨŋ gɨ woy a daa nii duroŋ cɨrɛɗ wo̰ bɨ.

Matɨyo 6:14

Hɨnga ga dan̰ gɨyəŋdɨge naŋ ga kamdɨgɨŋ ba lee danagɨŋ le, hɨn̰ gɨ kɨŋ na ɗa kuduroygɨŋ jala cay nee koldɨge na, Baygɨŋ gɨ som a daa nii le kalɨn̰ ma, kɨya ɗɔɔ kuduroy jalɨwa caygɨŋ bɨ.

Matɨyo 6:6

Ama kɨɗɨn̰ ga ji na gey ɔlɛ Kumu na, andaŋ duroy ƴaadɨn̰ gɨŋ bɨ, lɨgɨ kɨbɨ-ƴaa can̰ pa dɨm ma mɨn̰ olɨn̰ Ban̰ gɨ woy kɨɗɨn̰ wɔsɛdi gɨŋ pḛḛ le ƴee. Ɨni na, Ban̰ gɨ ba-sɔlɛ hɨnga ga woy kɨɗɨn̰ wɔsɛdɨge pḛḛ gaŋ le, ba kɨya bɨn̰ cay kobɨn̰.

Matɨyo 7:11

Kɨŋ ga kuduroygɨŋ ɨsɨn kalɨn̰ ma, kɨŋ sol bɨn̰ karɨndɨgɨŋ hɨnga ga ɗari. Ma na mɨna ma Baygɨŋ gɨ som a daa nii, kɨya bɨn̰ kan ga ɨngɨriige hɨnga ga ɗari ɗɨn̰ ga nee le coŋ naŋ ga?

Kɔl-gɨ-Ɗari gɨ Lug wal 15:18

Ɨŋ kɨya sɔ ɔrɛ gusi banɨ bɨ, ɨŋ kɨya yoy hɨn̰: Banɨ, ɨŋ lee ɨsɨna dan̰ Kumu bɨ, danan̰ bɨ.

Kɔl-gɨ-Ɗari gɨ Lug wal 15:21

Kɨɗɨn̰di ga nee gaŋ le bɨ, kurɔŋ le yen̰ bay hɨn̰: “Banɨ, ɨŋ lee ɨsɨna tumoy Kumu bɨ tumon̰ bɨ, ɨŋ ɓala gɨ ji kɨya sɔlɔŋ leen̰ kurondɨn̰ naŋ.”

Kɔl-gɨ-Ɗari gɨ Lug wal 2:14

«Gusoŋ-tɔgɛ na gɨ da Kumu gɨ a daa nii gɨɗɨgɨ-Kumu gɨŋ bɨ, gusi-dɔbɛ woy kɨya cay kalaŋ ga Kumu geyge tɔgɨ a cay gɨsəŋ gaŋ kɛ bɨ!»

Kɔl-gɨ-Ɗari gɨ Ja̰ wal 20:17

Jesu jɨga yoo hɨn̰: «Ɨsɨbəŋ naŋ, kɨya wa ɨŋ ɨra a gusi Banɨ naŋ ƴee. Kɛɛ me-hɨndi na, ɨra wayan̰ karmɨnɨ bɨ, yage gɨ ɨŋ or na gusi Banɨ gɨ na Baygɨŋ bɨ, gusi Kumu hɨnge gɨ na Kumu kogɨŋ bɨ le.»

Magtubu di Pol wal bɨn̰ kalaŋ ga Rɔm 1:7

Na toy di hɨn̰ wo̰ ma, ɨŋ wal magtubu di kɛ le bɨgɨŋ kɨŋ-gandi ga a Rɔm ga Kumu lee-toygɨŋ. Ban ba togɨgɨŋ gɨ kɨŋ na bɨl wɨya dan̰ cɨndɨgɨŋ. Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Magtubu di Pol wal bɨn̰ kalaŋ ga Rɔm 8:15

Kumu gɨsɨn Turnoyi caygɨŋ na kɨya loogɨŋ gɔyɔŋ ga ka-gɔrɛ dan̰ hundɔrɔ ɗaŋ coŋ naŋ ɨni. Ɨŋ’ɨ̰, Turnɔ di ban gɨsɨnoo caygɨŋ le, hɨndi na Turnɔ di ɗe bɨlgɨŋ karɨn̰ Kumu. Kɨya cay Turnɔ di nee le na, na-gandi nɔm na teeyi gɨŋ wɨlalɨn̰ hɨn̰: «Aba, Banɨ.»

Galad 1:1

Na ɨŋ-bandi Pol ba-gɨre-gɨye, ba gɨyɨn̰ dan̰ magtubu di kɛ le. Ɨŋ gɨr gɨye na dan̰ te tumɔ da kalaŋ naŋ bɨ, dan̰ kuduroy geye koge naŋ bɨ, ama na dan̰ te tumɔ da Jesu-Kɨris bɨ, da Bayna Kumu gɨ boyi lɨbii duroy kalaŋ ga madɨrdaŋ gaŋ bɨ.

Galad 4:6

Na sol gɨ na na karɨn̰ Kumu, kɨya wa Kumu ɗe Turnoy Kurondi kuduroyna bɨ, Turnɔ le lee gɨ na yen̰gɨŋ Kumu hɨn̰: «Ay, Aba Banɨ.»

1 Timote 6:16

Na Ban ƴɔbɨ ma na ungo gɨ kɨya mare naŋ. Ban som na boy kɨɗɨn̰ ga asɨn̰ ɗen̰ ɗen̰ gaŋ, Ga ungo kɨya ɓale sɔlɛ naŋ bɨ, Ɓale ɔrɛ nee naŋ bɨ. Gusoŋ-tɔgɛ na koyi bɨ, Dɔnɔ di woy dan̰ cɨndo na toyi bɨ. Ɗa-ɗe-woy-hɨn̰-wo̰.

1 Pɨyɛr 1:17

Kɨŋ ol Kumu bɨ, kɨŋ teeyi Baygɨŋ bɨ, ban dɨra cɨn̰ ungo naŋ bɨ. Ama ban boy kɔl cay ungo gɨ ani ani ojɨn̰ cay gɨye-lɔɔdi. Na toy di hɨn̰ wo̰ ma, ojɨ gɨ kɨŋ dɨbii hurɔmɔ cayi bɨ, ɗe gɨye-lɔɔdɨgɨŋ woy gɨ ɗari a boy wɔlɛ nɔm gɨ kɨŋ ban̰ a cay gɨsəŋ gaŋ kɛ.

Wasɨn̰a 4:11

«Ay Ba-gulɔŋ Kumu koni, Ji ɓal gɨ kan kɨya dɨbɨn̰ gusoŋ-tɔgɛ can̰ bɨ, Dɨbɨn̰ hurɔmɔ can̰ bɨ, ɓal wɔɔ dɔnɔ bɨ, Kɨya wa na ji-bandi ba se hɨnga nɔm. Na dan̰ kuduroy geye kon̰ ƴɔbɨ ma Hɨnga nɔm lee gusɨge bɨ woy bɨ.»

Wasɨn̰a 5:12

Kan ayge te tumoyge daa pəŋ yen̰ge hɨn̰: «Kurɨn̰-dɨmangɨ gɨ walge tumoyi le, Ɓal wɔɔ dɔnɔ bɨ, Kandi-wɔɔ bɨ, cɨn̰-muɗɔlɛ bɨ, tɔgɨ bɨ, Hurɔmɔ bɨ, gusoŋ-tɔgɛ bɨ, hɨrame bɨ!»