Matɨyo 6:25 - Gabri Maja

²⁵ «Sɨlagɨŋ na kɨya cay kɔl gɨ nee le ma maŋ yəgɨŋ hɨn̰: Sɔlɛgɨŋ kɨya cay hɨnga ga ni dɔɔ poɗɨn̰ bɨ, sɔ poɗɨn̰ bɨ, badɨge ga ni tɔbɛ tolɨn̰ gusɨgɨŋ bɨ naŋ. Habe gɨ kɨŋ somɨn̰-bɨra le, ɗɨn̰ hɨnga ga ni dɔɔ bɨ, kuyoŋdi-gusɨgɨŋ kalɨn̰ ma, ɗɨn̰ badɨge bɨ naŋ ga?

Matɨyo 6:25 ပူးပေါင်းရင်းမြစ်များ

Matɨyo 10:19

Kɨɗɨn̰ ga kan kɨya ƴomgɨŋge orɨn̰ge danagɨŋ kɨɗɨn̰ bɔyɛ kɔl gaŋ na, ɗɔɔgɨŋ ɗugoygɨŋ algɨŋ kɛ na koldi wa ma magɨŋ kɨya yɔ ga, naŋ bɨ, cay jɨba di ni yon̰ naŋ bɨ, kɨya wa Kumu kɨya bɨgɨŋ kɔl gɨ ni yɔ a tɨwadi di nee dɨŋ le.

Matɨyo 13:22

Gasi-gɨse ga bugoŋ duroy gɨsɨmn̰əŋ gaŋ le, na kalaŋ ga jege kɔl gɨ da Kumu, ama ɨrɨme a cay hɨnga ga cay gɨsəŋ gaŋ bɨ, kurɔŋdi wɔɔ gursu bɨ ƴee cay kɔl gɨ nee le coŋ. Lee gɨ andaŋ hɨnga bɨge naŋ.

Matɨyo 6:31

Naa hɨn̰ wo̰ na, kɨŋ ɗɔɔ ba sɔlɛ yɔ hɨn̰: “Kɛ ni gɨ dɔɔ na wa ga bɨ? Sɔ na wa ga bɨ? Dɔbɛ na badɨge di wa ga bɨ naŋ?”

Matɨyo 6:34

Hɨn̰ wo̰ na, kɨŋ ɗɔɔ ba sɔlɛ kɨya cay wɔlɛ gɨ wan̰do: Wɔlɛ gɨ wan̰do le kɨya sɔlɛ cay gusi koyi gɨŋ. Tabe gɨ ojɨ cay wɔlɛ gɨ labɨde le, ɓal cay wɔlɛ gɨ labɨde.

Marg 13:11

Kɨɗɨn̰ ga kan kɨya orɨn̰ danagɨŋ dobgɨŋge kobɨ ka-bɔyɛ kɔl gaŋ na, kɨŋ ɗɔɔ ba sɔlɛ a cay kɔl gɨ kɨŋ ba kɨya yɔɔ tumɔ naŋ. A boy tɨwadi di nee dɨŋ le yagɨŋ na kɔl gɨ kɨya ɨrga caygɨŋ, kɨya wa na kɨŋ-gandi ba kɨya yɔɔ kɔl naŋ, ama na Turnɔ ɗe-kuduroy-bɛrɛ.

Marg 4:19

ama ɨrɨme gɨ da hɨnga ga a cay gɨsəŋ gaŋ bɨ, kurɔŋdi wɔɔ gursu bɨ, tabɨlaŋdi hɨnga ga toyge kan̰dɨge kan̰dɨge andaŋ kuduroyge bɨ ƴee cay kɔl gɨ da Kumu lee gɨ kɔl le andaŋ hɨnga naŋ.

Kɔl-gɨ-Ɗari gɨ Lug wal 12:11

«Kɨɗɨn̰ ga kan kɨya ƴomgɨŋge orɨn̰ danagɨŋ duroy ƴaa-daye-di-da-Jubɨn̰əŋ wala, tumoy kɛrɨmbɛlɛŋ wala, tumoy ka-dɔɔ cay ƴaa na, ɗɔɔgɨŋ ɗugoygɨŋ algɨŋ cay kɔl gɨ kɨŋ kɨya dɔrɛ gɨ ni ƴon̰ caygɨŋ naŋ bɨ, a cay kɔl gɨ kɨŋ kɨya dɨbɨge cay nee naŋ bɨ,

Kɔl-gɨ-Ɗari gɨ Lug wal 8:14

Gasi-gɨse ga bugoŋ duroy gɨsɨm gaŋ le, gɨlɨn̰ na dan̰ kan ga jege kɔl gɨ da Kumu bɨ, beege kuduroyge cay nee bɨ, ama ɨrɨme a cay hɨnga ga cay gɨsəŋ gaŋ bɨ, tabɨlaŋ wɔɔ gursu bɨ, gusi-mɔwa ga cay gɨsəŋ gaŋ bɨ, ba ƴɔmɛ kuduroyge narge malge te aye kudurɔ koge gaŋ coŋ.

Magtubu di Pol wal bɨn̰ kalaŋ ga Rɔm 8:32

Kurondi gɨ ni kuduroyi kalɨn̰ ma, Kumu gamayi a gusi naŋ, ama ban dobii a kobɨ tɨma dɨŋ kol cayna na-gandi nɔm. Kɛ ban gɨ bɨna Kurondi le, kɨya bɨna hɨnga nɔm pɨna dan̰ Kurondi naŋ ga?

1 Korɛ̰t 7:32

Ɨŋ gey gɨ kɨŋ na gɨ sɔlɛ a cay hɨnga ga a cay gɨsəŋ gaŋ kɛ naŋ. Ungo gɨ na gura ƴaa naŋ na, sol na a cay gɨye gɨ da Ba-gulɔŋ bɨ, ban mal na gɨyəŋ gɨ ni ƴɔɔ cɨn̰ Ba-gulɔŋ bɨ.

Pilib 4:6

Sɔlɛgɨŋ hɨnga pɨna naŋ, ama a duroy hɨnga nɔm na, laan̰gɨŋ Kumu ho’o bɨ, ɨren̰gɨŋ dan̰ hɨnga ga kɨŋ or n̰agedɨge a tumoyi dan̰ ɔlɛ bɨ, dan̰ lɔɗɨdɛ bɨ.

2 Timote 2:4

Asɨgar gɨ lee gɨye koyi le dɨlayi dan̰ gɨye gɨ da kalaŋ ga na asɨgarn̰əŋ naŋ le, naŋ. Ban ɗe ɨrɨmedi na cay gumu koyi gɨ ba dobii asɨgar gɨŋ bɨ, gey gɨ ban na ba geyii ƴɔbɨ.

1 Pɨyɛr 5:7

Hɨnga nɔm ga kɨŋ sol cay nee le, kɨŋ dɨra ɨrɨmedɨge caygɨŋ coŋ bɨ, kɨya gɨ ban na ba sɔlɛ kardɨgɨŋ.