Matɨyo 6:13 - Gabri Maja

¹³ Ji ɗɔɔ ba ɗoni ɔrɛ kɨbɨ hɨnga ga ni gɨybe gaŋ naŋ, Ama dɨrani kɨbɨ hɨnga ga ɨsɨni ga sayga gusi Haban̰. [Kɨya wa dɔɔ-ƴaa bɨ, dɔnɔ bɨ, gusoŋ-tɔgɛ bɨ, na hɨnga kan̰ ɨlge dan̰ ɨlge. Ɗa-ɗe-woy-hɨn̰-wo̰!]

Matɨyo 6:13 ပူးပေါင်းရင်းမြစ်များ

Matɨyo 26:41

Sɨmagɨŋ dan̰ toygɨŋ daa bɨ, ulagɨŋ Kumu ɗe agɨŋ ban̰ boy hɨnga ga ni gɨybe gaŋ naŋ. Kɨya wa turnoy ungo gey lɔɔ hɨnga ga kuɗa hage, ama ungo gɨ ɨndi ɨran̰ dan̰ tɔgɨ naŋ.»

Matɨyo 28:20

Kɨŋ gɨlge hɨnga nɔm ga ɨŋ gɨlgɨŋ gɨ kɨŋ na laa le. Bɨ sɨlagɨŋ gɨ ɨŋ-bandi ɨŋ na baa danagɨŋ dan̰ wɔlɛ pɨna pɨna bɨrɨŋ gɨsɨn̰ gɨ cay gɨsəŋ toyge kɨya ayaŋ.»

Matɨyo 5:37

Hɨn̰ gɨ kɔl kon̰ naa “əw” na, ya na “əw.” Naŋ le, kɔl kon̰ naa “naŋ” na, ya na “naŋ”. Kɔl ga ɗaŋ nɔm gɨ ji ba kɨya dɨbe cay nee le, sayga na gusi Haban̰ Ba-lɔɔ ɨsɨna.

Matɨyo 6:10

Laa gɨ ɗe dɔɔ-ƴaa ton̰ ɨrga bɨ, Laa gɨ ɗe kalaŋ leege hɨnga ga kuduron̰ gey a cay gɨsəŋ gaŋ kɛ Hɨn̰ gɨ kan ba leen̰ge a daa nii wo̰ bɨ.

Kɔl-gɨ-Ɗari gɨ Ja̰ wal 17:15

Ɨŋ ɨngɨrɨn̰ na gɨ ji na tɨrage coŋ duroy kalaŋ ga cay gɨsəŋ gaŋ naŋ. Ama na ɗe an̰ na cɨbɨ cɨndɨn̰ cayge ɗe bugoŋge kobi Haban̰ Ba-lɔɔ ɨsɨna naŋ.

1 Korɛ̰t 10:13

Hɨnga ga ni gɨybe ga toyge kan̰dɨge kan̰dɨge ga ba leegɨŋ le, gɨlɨn̰ na dan̰ hɨnga ga ni gɨybe ga da kamdɨgɨŋ kalaŋ ga ɨndəŋ bɨ. Kumu na ungo gɨ ɨre a cay tɨbay dɨŋ, ban kɨya ɗɔɔ hɨnga ga ni gɨybe ɗɨn̰ togɨygɨŋ naŋ. Ama kɨɗɨn̰ ga hɨnga ga ni gɨybe na andaŋ caygɨŋ na ban kɨya bɨgɨŋ tɔgɨ ɗe agɨŋ na ƴomɨn̰ kuduroygɨŋ bɨ, kɨya bɨgɨŋ gɨyəŋ ɗe agɨŋ na andɨn̰ duroy nee coŋ bɨ.

1 Korɛ̰t 14:16

Hɨn̰ gɨ ji na laan̰ Kumu ho’o naa dan̰ kɨbɨ gɨ toy kan̰di ƴɔbɨ na, ungo gɨ kalɨn̰ gɨ som duroy Ka-Daye ma sɨla duroy naŋ na kɨya dɨbɨn̰ cay nee yon̰ hɨn̰: «Ɗa-ɗe-woy-hɨn̰-wo̰» na mɨna ga?

2 Korɛ̰t 1:20

Na cɨndi, hɨnga nɔm ga Kumu ye gɨ ɗi na kɨya lɔɔ le, ban lee dan̰ gɨyəŋ gɨ da Kɨris. Dan̰ gɨyəŋ gɨ da Kɨris, Kumu ye «Əw.» Na toy di hɨn̰ wo̰ ma na yəgɨŋ «Ɗa-ɗe-woy-hɨn̰-wo̰» dan̰ gusondi bɨ, na dɨbɨn̰ gusoŋ-tɔgɛ cay Kumu bɨ.

Galad 1:4

Jesu-Kɨris, na ban gɨ ba ɗɔɔ gusi dan̰ kuduroy geye gɨ da Bayna Kumu, kɨya cay ɨsɨna konagɨŋ, ay na dornagɨŋ a duroy hɨnga ga ɨsɨni gaŋ ga cay gɨsəŋ gaŋ kɛ coŋ.

1 Tesalonigɨ 1:10

bɨ amɨn̰ Kurondi gɨ kɨya sɔ gɨɗɨgɨ-Kumu gɨŋ ɨrga le bɨ. Kurondi le na Jesu gɨ ban boyi lɨbɨ le. Kuduroy-hɔmɛ di ba kɨya caga le Kurondi gɨ nee le boɗɨni kɨbɨ nee coŋ.

2 Tesalonigɨ 3:3

Ama Ba-gulɔŋ le, na ba ɨre a cay tɨbay dɨŋ. Ban kɨya lɔɔ gɨ kɨŋ kɨya orɨn̰ dan̰ tɔgɨ bɨ, kɨya amgɨŋ ɗe Haban̰ Ba-lɔɔ ɨsɨna ay banga caygɨŋ naŋ bɨ.

1 Timote 1:17

Kɨlma gɨ ba-sɔmɛ ɨlge dan̰ ɨlge, Gɨ na Kumu gɨ kɨya mare naŋ bɨ, Ungo kɨya sɔlɛ cɨndi naŋ bɨ, Ban gɨ na pɨna hayi kəɗ kəɗ bɨ le, Kuɗa gɨ kalaŋ ayage cayi daa bɨ, Dɨbɨge gusoŋ-tɔgɛ cayi bɨ, Ɨlge dan̰ ɨlge. Ɗa-ɗe-woy-hɨn̰-wo̰.

Əbɨro 11:36

Ka-aye kudurɔ ga pɨna kan sogdɨgege bɨ, somdɨgege dan̰ bɨraw bɨ, kan ga pɨna kan saɗɨdɨgege dan̰ mɔrɨyɔŋ bɨ beegege dangay dɨŋ bɨ.

1 Pɨyɛr 5:8

Ƴɨmagɨŋ gusɨgɨŋ usa cay hɨnga nɔm bɨ, sɨmagɨŋ dan̰ toygɨŋ daa bɨ! Kɨya wa Ba-Baadɨgɨŋ haban̰ gor nɨwɨrde caygɨŋ hɨn̰ gusgo gɨ dor noyi ɨlɨn̰ malɨn̰ gɨyəŋ gɨ ni dɨn̰ ungo wo̰.

2 Pɨyɛr 2:9

Hɨn̰ gɨ na wɨya hɨn̰ wo̰ na, ni sol gɨ Ba-gulɔŋ ɓal dɔrɛ kalaŋ ka-lɔɔ hɨnga ga dan̰ durɔ ɗɨngar kɨbɨ hɨnga ga ni gɨybe gaŋ bɨ, ɓal game kalaŋ ga ka-lɔɔ hɨnga ga dan̰ durɔ ɗɨngar naŋ kɨya lɔɔge hɨnga ga homi a wɔlɛ gɨ ni bon̰ kɔl gɨŋ bɨ.

1 Ja̰ 3:8

Waŋ waŋ gɨ na laa ɨsɨna na, na ungo gɨ da Haban̰, kɨya wa Haban̰ na ɗe-lɔɔ ɨsɨna a toyi dɨŋ ɓɨrag. Na toy di hɨn̰ wo̰ ma Kurɨn̰-Kumu ɨrga a cay gɨsəŋ gaŋ kɨya mondɨn̰ gɨye-lɔɔ gɨ da Haban̰.

Wasɨn̰a 1:18

Ɨŋ-bandi le, ɨŋ na ba-sɔmɛ-bɨra. Tumɔ ɨŋ ma, ama haw kɛ na ɨŋ som-bɨra, ɨŋ kɨya mare naŋ bɨrɨŋ ɨni. Ɨŋ orɨn̰ dan̰ dɔnɔ a cay tɨma dɨŋ bɨ, a cay dɔɔ-ƴaado dɨŋ bɨ.

Wasɨn̰a 19:1

Kardi nee, ɨŋ je noy ungo ye hɨn̰ noy dɨmdɨrdi kalaŋ ga dan̰ kondige wo̰ a gɨɗɨgɨ-Kumu gɨŋ ye hɨn̰: «Aleluya! Pɔɗɛ bɨ, gusoŋ-tɔgɛ bɨ, dɔnɔ bɨ na ga da Kumu konagɨŋ.

Wasɨn̰a 19:4

Ɨni na, ka-muɗɔlɛ ga toyge-sɔɔ-cayge-poɗɨn̰ bɨ, kandi-se ga gɨɗɨgɨ-Kumu gaŋ ga poɗɨn̰ bɨ, poyge gɨbayige dugo bɨ n̰ɨrɨn̰ge Kumu gɨ som a cay kali-tɨrɨmbala dɨŋ le yen̰ge hɨn̰: «Ɗa-ɗe-woy-hɨn̰-wo̰! Aleluya!»

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.

Wasɨn̰a 21:4

Ban kɨya hane kaŋdi cɨndɨge a cɨndɨge pɨrɛd pɨrɛd coŋ bɨ, tɨma kɨya unɔ bɨ, ɨle tɨma kɨya unɔ bɨ, gɔsɛ kɨya unɔ bɨ, cɨn̰-n̰age kɨya unɔ bɨ, kɨya wa cay gɨsəŋ ga ɨlgi kaɗɨn̰ coŋ.»

Wasɨn̰a 3:10

Kɨŋ gam kɔl hɨnge ƴomɨn̰ kuduroygɨŋ. Na toy di hɨn̰ wo̰ ma ɨŋ-bandi kalɨn̰ ma ɨŋ kɨya gamgɨŋ a tɨwa di hɨnga ga ni kuduroy-hɔmɛ kɨya andaŋ a cay kalaŋ ga cay gɨsəŋ gaŋ nɔm. Hɨnga ga ni kuduroy-hɔmɛ le, kɨya gɨwase kalaŋ ga somge cay gɨsəŋ gaŋ kɛ.

Wasɨn̰a 3:14

Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Lawdise. «Ban gɨ na Amɛn bɨ, ban gɨ na tɨmon̰ gɨ ɨre a cay tɨbayidɨŋ bɨ, ban gɨ na ungo gɨ hɨnde bɨ, ban gɨ danayi le Kumu ɗen̰ hɨnga nɔm bɨ, ye hɨn̰:

Wasɨn̰a 5:13

Kardi nee na hɨnga se nɔm ga a gɨɗɨgɨ-Kumu gaŋ bɨ, ga a cay gɨsəŋ gaŋ bɨ, ga a te gɨsəŋ gaŋ bɨ, ga a cay kuray gɨ gumu taa taa gaŋ bɨ, ɨŋ je noyge ye hɨn̰: «Hɨrame bɨ, hurɔmɔ bɨ, Gusoŋ-tɔgɛ bɨ, dɔnɔ bɨ, Na gɨ da ba-sɔmɛ cay kali-tɨrɨmbala dɨŋ bɨ, Na gɨ da Kurɨn̰-dɨmangɨ bɨ, ɨlge dan̰ ɨlge.»