Matɨyo 6:10 - Gabri Maja

¹⁰ Laa gɨ ɗe dɔɔ-ƴaa ton̰ ɨrga bɨ, Laa gɨ ɗe kalaŋ leege hɨnga ga kuduron̰ gey a cay gɨsəŋ gaŋ kɛ Hɨn̰ gɨ kan ba leen̰ge a daa nii wo̰ bɨ.

Matɨyo 6:10 ပူးပေါင်းရင်းမြစ်များ

Matɨyo 12:50

Kɨya wa waŋ waŋ gɨ na laa kuduroy-geye gɨ da Banɨ gɨ a daa nii na, ban gɨ nee le ma na kurɨnɨ bɨ, tɨmnɨ bɨ, ƴonɨ bɨ.»

Matɨyo 16:28

Aŋ yəgɨŋ daa waŋ na cɨndi: Kalaŋ ga pɨna duroy kalaŋ ga ɨrege kɛ le, kɨya sɔlɛge Kurɨn̰-ungo kɨɗɨn̰ cagadi gɨŋ hɨn̰ kɨlma wo̰ pa dɨm ma kɨya marege ƴee.»

Matɨyo 26:42

Jesu jogɨ dɔrɛ toyi sɛdɨ walaŋ gɨ ni cay sɔɔdi, bɨ olɨn̰ Kumu ye hɨn̰: «Banɨ, hɨn̰ gɨ gɨyəŋ gɨ ni lɔɔ gɨ ɗe kobo gɨ ni son̰ hɨnga ga ni cɨn̰-n̰age ga kɛ le, na ɨra sɛdɨ walaŋ gusɨnɨ coŋ, na wɨya nee na, ɗa ɗe woy hɨn̰ gɨ Ji-bandi ji gey wo̰.»

Matɨyo 3:2

«Bɨlgɨŋ gɨye-lɔɔdɨgɨŋ, kɨya wa dɔɔ-ƴaa di daa nii bugoŋ mɨnde gusɨgɨŋ ɨni.»

Matɨyo 4:17

Ayɨn̰ toy wɔlɛdi gɨ nee gɨŋ le, Jesu ay te tɔgɛ bɛrnɛ ye hɨn̰: «Bɨlgɨŋ gɨye-lɔɔdɨgɨŋ kɨya wa dɔɔ-ƴaa di daa bugoŋ gusɨgɨŋ mɨnde ɨni.»

Matɨyo 7:21

«Na kalaŋ ga ka-tɔgɔŋge hɨn̰: “Ba-gulɔŋ, Ba-gulɔŋ!” Ba kɨya andaŋge nɔm boy dɔɔ-ƴaa di daa nii dɨŋ naŋ, ama na kan ga ka-lɔɔ hɨnga ga kuduroy Banɨ gɨ som a daa nii gey le ƴɔbɨ.

Marg 11:10

Kuɗa gɨ Kumu tɨra-kɨbi cay dɔɔ-ƴaa di ba kɨya ɨrga, dɔɔ-ƴaa di da mon̰ɨna Dabid. Gusoŋ-tɔgɛ na gɨ da Kumu a gɨɗɨgɨ-Kumu gɨŋ!»

Marg 3:35

Kɨya wa waŋ waŋ gɨ na laa kuduroy geye gɨ da Kumu na, ban gɨ nee le ma na kurnɨ bɨ, tɨmnɨ bɨ, ƴonɨ bɨ.»

Kɔl-gɨ-Ɗari gɨ Lug wal 19:11

Kalaŋ si sɨmayge kɨya jon̰ kɔl gɨ da Jesu. Kɨɗɨn̰ ga kalaŋ sɨge sɨmayge kɨya jon̰ kɔl koyi na, ban ay kɨradi-kɔl yege kɨya gɨ baa mɨnde gɨ kan kɨya bugoŋ Jerusalɛm. Kɨya wa kalaŋ ɨrɨmge hɨn̰ gɨ Ban na kɨya ɗɔɔ te dɔɔ-ƴaa toyi naa kɨɗɨn̰ ga ban na kɨya bugoŋ a Jerusalɛm.

Kɔl-gɨ-Ɗari gɨ Lug wal 19:38

Kan yege hɨn̰: «Tɔrɛ-kɨbɨ wɨya kɨya cay kɨlma, Gɨ ɨrga dan̰ guson̰ Ba-gulɔŋ. Gusi-dɔbɛ wɨya kɨya cay kalaŋ ga a daa nii bɨ, Gusoŋ-tɔgɛ na gɨ da Kumu gɨ a daa gɨɗɨgɨ-Kumu gɨŋ bɨ.»

Kɔl-gɨ-Ɗari gɨ Lug wal 22:42

«Banɨ, hɨn̰ gɨ kuduron̰ na gey na, jɨbɨ kobo gɨ ni soon̰ hɨnga ga ni cɨn̰-n̰age ga kɛ le sɛdɨ walaŋ coŋ. Hɨn̰ gɨ ɨrɨme hɨnge na wɨya hɨn̰ wo̰ kalɨn̰ ma, lɔɔ kuduroy geye hɨnge naŋ, ama laa na kuduroy geye kon̰.»

Kɔl-gɨ-Ɗari gɨ Ja̰ wal 4:34

Jesu yege hɨn̰: «Dɔɔ hɨnge na lɔɔ kuduroy-geye gɨ da ban gɨ gɨyigəŋ bɨ, dɨɗe kɨbɨ gɨye koyi bɨ.»

Kɔl-gɨ-Ɗari gɨ Ja̰ wal 6:40

Əw, kuduroy geye gɨ da Banɨ le, na gɨ waŋ waŋ gɨ na sɨla kuroŋ bɨ, na bɨga kuduroyi cayi bɨ na, na sɨman̰-bɨra dan̰ cɨndi bɨ, ɨŋ kɨya boyi lɨbii a wɔlɛ kagadi gɨŋ bɨ.»

Kɔl-gɨ-Ɗari gɨ Ja̰ wal 7:17

Hɨn̰ gɨ ungo gɨ ani ani gɨ na gey lɔɔ hɨnga ga kuduroy Kumu gey na, ban kɨya sɔlɛ kɛ hɨnga ga ɨŋ ba gɨlɨn̰ kalaŋ le, sayga na gusi Kumu wala, na gusɨnɨ ɨŋ-bandi ƴɔbɨ ga.

Gɨye-lɔɔ 13:22

Kardi nee ɨni na, Kumu dorii coŋ bɨ, si kɨlma Dabid ban̰di. Ban ye kɔl gɨ ojɨ cayi hɨn̰: “Ɨŋ way Dabid kurɨn̰ Jese, ban na ungo gɨ ƴee kuduronɨ. Ban kɨya lɔɔ hɨnga nɔm ga kuduronɨ gey.”

Gɨye-lɔɔ 21:14

Hɨn̰ gɨ ban ba kan̰ jɔɔ kɔl kɨbɨni na, ni laa ləgɨnə toyi naŋ bɨ, ni yey hɨn̰: «Kuɗa gɨ Ba-gulɔŋ laa kuduroy geye koyi.»

Gɨye-lɔɔ 22:14

Ban yəŋ ɗaŋ coŋ hɨn̰: “Kumu gɨ da mon̰inagɨŋ dorɨn̰ tumɔ hayi, ɗe an̰ na solɨn̰ hɨnga nɔm ga kuduroyi gey bɨ, ɗe an̰ na solɨn̰ gɨ pɨna hayi kəɗ kəɗ gɨ ba-durɔ ɗɨngar gɨ na Jesu bɨ, ɗe gɨ ji na jan̰ tumoyi bɨ.

Magtubu di Pol wal bɨn̰ kalaŋ ga Rɔm 12:2

Kan̰agɨŋ kɔbɛ ɨrɨme gɨ da kalaŋ ga ɨndəŋ ga a cay gɨsəŋ gaŋ kɛ coŋ, ama ɗagɨŋ gusɨgɨŋ bɨn̰ hɨnga-sɔlɛ ga hɨrwa ga Kumu bɨgɨŋ le ɗe bɨlgɨŋ. Na kɨɗɨn̰dɨge ga nee gaŋ le na, kɨŋ kɨya ɓale dɔrɛ cɨn̰ hɨnga ga kuduroy Kumu gey: Gɨ na hɨnga ga ɗari bɨ, hɨnga ga ƴee cɨn̰ Kumu bɨ, hɨnga ga duroŋ cɨrɛɗ bɨ.

Epɛs 6:6

Lɔɔgɨŋ gɨye gɨ nee le na kɨya cɨndɨge ga woy kardɨgɨŋ hɨn̰ gɨ kɨŋ na mal naa gɨ ni ƴɔɔ cɨn̰ kalaŋ wo̰ naŋ. Ama kɨŋ ɗa a ɨrɨmedɨgɨŋ gɨŋ gɨ kɨŋ na gɔyɔŋ ga da Kɨris bɨ, laagɨŋ kuduroy geye gɨ da Kumu dan̰ kuyoŋdi-gusɨgɨŋ nɔm bɨ.

Kɔlɔs 1:13

Ho’o, Kumu dornagɨŋ a te dɔnɔ di da dɨlɨm dɨŋ bɨ, orɨn̰ dananagɨŋ a boy dɔɔ-ƴaa gɨ da Kurondi gɨ ban geyi gɨŋ bɨ.

Kɔlɔs 1:9

Na toy di hɨn̰ wo̰ ma, ni-gandi kalɨn̰ ma, ayɨn̰ toy a boy wɔlɛ gɨ kɔl gɨ nee le ba ba sɨmayni na, ni dɨl ɔlɛ Kumu kol caygɨŋ naŋ. Ni ol Kumu ɗe na baa danagɨŋ ɗe agɨŋ solɨn̰ hɨnga nɔm ga kuduroyi gey dan̰ gɨyəŋ gɨ ni cɨn̰-muɗɔlɛ bɨ, cay bɨra ojɨn̰ cay hɨnga nɔm ga Turnɔ ɗe-kuduroy-bɛrɛ ba bee bɨ.

1 Tesalonigɨ 4:3

Hɨnga ga Kumu gey le, na gɨ gɨye-lɔɔdɨgɨŋ na wɨya dan̰ cɨndi jɨn̰ tumɔ tumɔ bɨ, gɨ kɨŋ na ƴɨma gusɨgɨŋ na cay yɔyɛ dan̰ gangɨ caygɨŋ bɨ.

1 Tesalonigɨ 5:18

Hɨn̰ gɨ kɨɗɨn̰ na kuɗaa na ɨsɨndee kalɨn̰ ma, laan̰gɨŋ Kumu ho’o. Kɨya wa, na hɨnga ga nee le ma, Kumu gey gɨ kɨŋ-gandi ga kɨŋ bugoŋ pɨna dan̰ Jesu-Kɨris le, kɨŋ na laa.

Əbɨro 1:14

Ka-ƴɔbɛ ga daa nii nɔm na turnɔn̰əŋ ƴɔbɨ ga ka-lɔɔ gɨye gɨ da Kumu bɨ, Kumu gɨygɨge ɗe kan na laa gɨye kol cay kalaŋ ga ka-wɔɔ pɔɗɛ bɨ.

Əbɨro 10:36

Haw kɛ na, kuɗa gɨ kɨŋ ƴɨma kuduroygɨŋ usa ɗe agɨŋ leen̰ hɨnga ga Kumu gey bɨ, wan̰ hɨnga ga ban ye gɨ ɗi na kɨya bɨgɨŋ le.

Əbɨro 10:7

Ɨni na na ɨŋ ye hɨn̰: “Kumu ɨŋ ba kɛ, ɨŋ ɨrga kɨya lɔɔ hɨnga ga kuduron̰ gey le, Dan̰ gɨyəŋ gɨ walɨn̰ge ojɨn̰ canɨ, Duroy magtubu di nɔngɨri dɨŋ.”»

1 Pɨyɛr 2:15

Kɨya wa hɨnga ga Kumu gey le, na gɨ kɨŋ na laa hɨnga ga ɗari agɨŋ na ƴɔmɨn̰ kɨbɨ kalaŋ ka-sɔlɛ hɨnga naŋ bɨ, ga dɨngaldaŋ bɨ.

1 Pɨyɛr 4:2

Lee gɨ ayɨn̰ toy haw kɛ na, kɨbɨ wɔlɛ gɨ ba tumoygɨŋ gɨ ni somɨn̰-bɨra a cay gɨsəŋ gaŋ le, kuɗa gɨ kɨŋ sɨma dan̰ te gɨyəŋ gɨ da kuduroy geye gɨ da Kumu. Ama na dan̰ te gɨyəŋ gɨ da tabɨlaŋdi hɨnga ga lee kalaŋ le naŋ.

Wasɨn̰a 11:15

Kardi nee ba-ƴɔbɛ gɨ daa nii gɨ cay jurgumdɨge lɨm burun̰ji. Ɨni na, noy kalaŋ ye daa pəŋ a gɨɗɨgɨ-Kumu gɨŋ ye hɨn̰: «Haw kɛ na, na Ba-gulondɨna dan̰ Kɨris ban gɨ Kumu dorii ba dɔɔge-ƴaa a cay gɨsəŋ gaŋ. Kan kɨya dɔɔge-ƴaa ɨlge dan̰ ɨlge.»

Wasɨn̰a 12:10

Kardi nee na, ɨŋ je noy ungo ye dan̰ togii a gɨɗɨgɨ-Kumu gɨŋ hɨn̰: «Tɨwa di ni pɔɗɛ bugoŋ ɨni bɨ, Tɨwa di Kumu kɨya gɨlɨn̰ dɔnɔ bugoŋ ɨni bɨ, Tɨwa da dɔɔ-ƴaa toyi bugoŋ ɨni bɨ. Na tɨwa di dɔnɔ woy na kobɨ Kɨris. Na hɨn̰ wo̰ ma, ungo gɨ ba dɨbe kɔl A cay karmiinagɨŋ, Ga ban̰aŋ dan̰ ga kandɨ le Nongɨliige a gɨɗɨgɨ-Kumu gɨŋ, Dɨbiige dugo coŋ. Ban gɨ ba dɨbe kɔl a cayge, Duroy son̰do dan̰ tɨwa di ɨni, Tumoy Kumu konagɨŋ le.

Wasɨn̰a 19:6

Ɨni na, ɨŋ je noy hɨnga ye hɨn̰ noy dɨmdɨrdi kalaŋ ga dan̰ kondige wo̰ bɨ, hɨn̰ noy kaŋdi kuray ga dan̰ kondige wo̰ bɨ, hɨn̰ noy ale gɨ da Kumu gɨ ye dan̰ togii wo̰ bɨ. Dɨmdɨrdi kalaŋ le yege hɨn̰: «Aleluya! Ba-gulɔŋ, Kumu konagɨŋ, Gɨ dɔnɔdi ɗɨn̰ dɔnɔ nɔm, Ƴee dɔɔ-ƴaa a kobi haw kɛ ɨni.

Wasɨn̰a 20:4

Kardi nee, ɨŋ sol kali-tɨrɨmbalan̰əŋ. Kalaŋ ga somge cay nee le, kan bɨgege gɨyəŋ gɨ kan na bɨyan̰ kɔl. Ɨni na, ɨŋ sol turnoy kalaŋ ga sɨdɨrdege cayge coŋ dan̰ tuguyu kol tɨmon̰ di kan lee kɨya cay Jesu bɨ, kol bɛrnɛ di da kɔl gɨ da Kumu bɨ. Kalaŋ ga nee le na kalaŋ ga n̰ɨrge kɨmana le naŋ bɨ, turnoyi naŋ bɨ, tɨnda hɨnga wɨya a jɨndɨge naŋ bɨ, kobɨge naŋ bɨ. Kan jɨgage som-bɨra bɨ, diige cay ƴaa pɨna dan̰ Kɨris ɓal ɨlge dubu-pɨna.