Matɨyo 6:1 - Gabri Maja

¹ «Hɨnga ga kɨŋ kɨya lɔɔ tumɔ pa dɨm ma, ɗe gɨl gɨ kɨŋ naa kalaŋ ga dan̰ durɔ ɗɨngar tumoy Kumu na, ɗɔɔgɨŋ ba looge cɨn̰ kalaŋ. Hɨn̰ gɨ kɨŋ na laa hɨnga kɨya cɨn̰ kalaŋ na, Baygɨŋ gɨ woy a daa nii kɨya bɨgɨŋ cay kobɨgɨŋ naŋ.

Matɨyo 6:1 ပူးပေါင်းရင်းမြစ်များ

Matɨyo 16:27

Kɨya wa Kurɨn̰-ungo kɨya caga dan̰ ka-ƴɔbɛ kayi ga daa nii bɨ, dan̰ gusoŋ-tɔgɛ da Bayi bɨ. Kɨɗɨn̰di ga nee gaŋ le, ban kɨya bɨn̰ kalaŋ cay kobɨge pɨna pɨna nɔm gɨsɨn̰ cay gɨye-lɔɔdɨge lɔɔdɨge.

Matɨyo 16:6

Ɨni na, Jesu yege hɨn̰: «Ɗagɨŋ muɗɔlɛ cay gusɨgɨŋ kɨya cay subugu da kalaŋ ga ni Parɨsɨn̰a bɨ Sadusɨn̰ɛ bɨ.»

Matɨyo 23:13

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ lɨgɨ kɨbɨ dɔɔ-ƴaa di daa nii daa cay kalaŋ coŋ. Kɨŋ kalɨn̰ ma, kɨŋ andaŋ nee naŋ bɨ, kan ga geyge andaŋ nee kalɨn̰ ma, kɨŋ narge andaŋ nee coŋ bɨ.

Matɨyo 23:5

Gɨye-lɔɔdɨge nɔm le, na gɨ ni gɨlɨn̰ gusɨge cɨn̰ kalaŋ ƴɔbɨ. Na hɨn̰ wo̰ ma, gɨ ojɨ cay kɔl gɨ da Kumu gɨ woy dan̰ cɨndi gɨ kan saɗɨdege jɨndɨge naŋ le kobɨge le, kan orɨn̰ge dan̰ ƴaadi hɨnga ga gumu ɗɨn̰ ga da kamdɨge. Badɨge kage ga kan tobɨ cay kamdɨge gaŋ kalɨn̰ ma kɨbɨge wol ɗɨn̰ ga da kamdɨge bɨ.

Matɨyo 25:40

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ lee hɨnga ga nee le, dan̰ ungo pɨna gɨ a duroy karmɨnɨ ga n̰ən̰əŋ ga woyge kɛ le na, kɨŋ lee na danaŋ ɨŋ-bandi gusɨnɨ.”

Matɨyo 5:16

Ɗagɨŋ gɨ asɨn̰a kogɨŋ ɗe asɨn̰ cɨn̰ kalaŋ hɨn̰ wo̰ bɨ, ɗe gɨ kan solɨn̰ge gɨye-lɔɔdɨgɨŋ gɨ kuɗa bɨ, ɗe kan hɨramɨn̰ge Baygɨŋ gɨ som a daa nii bɨ.

Matɨyo 5:46

Hɨn̰ gɨ kɨŋ na gey naa kalaŋ ga ka-geygɨŋge jaŋ ƴɔbɨ na, cay kobɨgɨŋ gɨ kɨŋ ba kɨya wɔɔ le na wa ga? Ka-hɔgɛ lambo ga ɨsɨndəŋ kalɨn̰ ma, geyge na kalaŋ ga geyge bɨ, naŋ ga?

Matɨyo 5:48

Duroŋgɨŋ cɨrɛɗ, hɨn̰ gɨ Baygɨŋ gɨ woy a daa nii duroŋ cɨrɛɗ wo̰ bɨ.

Matɨyo 6:16

«Kɨŋ-gandi, kɨɗɨn̰ ga kɨŋ na gey haye kɨbɨgɨŋ na, kɨŋ ɗɔɔ ba lɔɔ cɨndɨgɨŋ lɔɔ cɨn̰-n̰age, hɨn̰ kalaŋ ka-yɔɔ-kɔl-kɨbɨge-sɔɔ-sɔɔ ba leen̰ge wo̰ naŋ. Kan leege cɨndɨge leen̰ cɨn̰-n̰age tɔgɨ, ɗe kalaŋ na solge gɨ ke na hay kɨbɨge. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Matɨyo 6:9

Hɨn̰ gɨ kɨŋ na gey ɔlɛ Kumu na, ulayigɨŋ na hɨn̰ wo̰: Bayni gɨ a daa nii, Laa gɨ ɗe gusondɨn̰ woy dan̰ cɨndi,

Marg 8:15

Jesu ay noy bɨge yen̰ hɨn̰: «Ɗagɨŋ muɗɔlɛ cay gusɨgɨŋ gɨŋ kɨya cay subugu di da kalaŋ ga ni Parɨsɨn̰a bɨ, kɨya cay Ɛrɔd bɨ.»

Kɔl-gɨ-Ɗari gɨ Lug wal 11:35

Naa hɨn̰ wo̰ na, ɗa muɗɔlɛ cay kuyoŋdi-gusɨn̰ gɨŋ naŋ na, asɨn̰a gɨ ji ba orɨn̰ a kuduron̰ le, kɨya bɨle dɨlɨm.

Kɔl-gɨ-Ɗari gɨ Lug wal 12:1

Wɔlɛdi gɨ nee le, dɨmdɨrdi kalaŋ ɨrgage gusi Jesu jɨn̰ nee nee, ɓalge kalaŋ aru mɔjɨ dan̰ kardɨge nee. Dayge gusii jɨŋ jɨŋ gɨ baa mɨnde gɨ kan kɨya ɗɔdɨrdɛ gusɨge dugo. Jesu ay te yon̰ ka-aye-cay-tɨbayi tumɔ pa dɨm ye hɨn̰: «Ɗagɨŋ muɗɔlɛ cay gusɨgɨŋ kɨya cay subugu di da Parɨsɨn̰an̰əŋ. Subugu di da Parɨsɨn̰an̰əŋ le, na kɔl gɨ kan ye-kɨbɨge-sɔɔ-sɔɔ.

Kɔl-gɨ-Ɗari gɨ Lug wal 12:15

Bɨ ban yen̰ dɨmdɨrdi kalaŋ le ye hɨn̰: «Ɗagɨŋ muɗɔlɛ a cay gusɨgɨŋ bɨ, orɨn̰gɨŋ dan̰ tabɨlaŋ di ni wan̰ hɨnga nɔm naŋ bɨ, kɨya wa ungo kɨya sɔmɛ-bɨra a cay gɨsəŋ gaŋ, kɨya cay hɨnga wɔɔdi ga kondi naŋ.»

Kɔl-gɨ-Ɗari gɨ Lug wal 16:15

Jesu yege hɨn̰: «Kɨŋ-gandi le, kɨŋ lee gusɨgɨŋ leen̰ kalaŋ ga ka-ɔrɛ dan̰ durɔ ɗɨngar tumoy kalaŋ. Ama kɨŋ kɨya ɓale nare Kumu naŋ, ban sol dan̰ kuduroygɨŋ. Hɨnga ga kalaŋ sol leen̰ hɨnga ga kuɗa tɔgɨ le, Kumu sol leen̰ na hɨnga ga ni bɨrane a tɨdi.

Kɔl-gɨ-Ɗari gɨ Ja̰ wal 12:43

Kɨya wa kan geyge mɨlawe gɨ da kalaŋ, ɗɨn̰ mɨlawe gɨ sayga a gusi Kumu.

Kɔl-gɨ-Ɗari gɨ Ja̰ wal 5:44

Kɨŋ ga kɨŋ gey wɔɔ gusoŋ-tɔgɛ gɨ sayga gusi kamdɨgɨŋ, ama kɨŋ mala gusoŋ-tɔgɛ gɨ sayga gusi Kumu pɨna ɗɔɔ ƴɔbɨ naŋ le, kɛ kɨŋ kɨya bɔgɛ kuduroyigɨŋ cay nee na mɨna ga?

Gɨye-lɔɔ 3:12

Kɨɗɨn̰ ga Pɨyɛr ba sol hɨn̰ wo̰ na, ban yen̰ dɨmdɨrdi kalaŋ le hɨn̰: «Kalaŋ ga Ɨsɨrayɛl, na kɨya wa ma kɔl kaygɨŋ sɛl sɛl kɨya cay pɔɗɛ gɨ da ba-modo le ga? Kɨya wa ma magɨŋ solni gəɗəɗə hɨn̰ gɨ ni na ba looyi ɗoy sɔ ɔrɛ daa dan̰ tɔgɨ toni bɨ, dan̰ gɨyəŋ ɔrɛ di ni gɨ bugoŋ pɨna dan̰ Kumu bɨ wo̰ ga?

Galad 6:12

Aŋ yəgɨŋ, kalaŋ ga malge gɨ kɨŋ na wala ban̰a dan̰ osɨwa le, na kalaŋ ga geyge gɨle gusɨge cɨn̰ kalaŋ. Leen̰ cɨndi na, kan leege hɨn̰ wo̰ ɗe gɨ kalaŋ na gɨ gɨlge cɨn̰ kɨya cay Kɨris naŋ bɨ, cay tɔgɛ bɛrnɛ tɨmay Kɨris cay sɨya-gɨ-dagɨli gɨŋ naŋ bɨ.

Əbɨro 11:26

Ban ɗe a ɨrɨmedi gɨŋ gɨ yagɨde gɨ ban na kɨya wɔɔ kɨya cay Kɨris ban gɨ Kumu dorii le, naa hɨnga ga kɨledɨge kondɨ tɔgɨ ɗɨn̰ kandi-wɔɔ ga a cay gɨsəŋ ga Ejɨpt gaŋ nɔm. Kɨya wa ban ɗe ɨrɨmedi na a cay hɨnga ga ni cay-kɔbɔ ga woy tumoyi.

Əbɨro 2:1

Na toy di hɨn̰ wo̰ ma, ojɨ gɨ kɔl gɨ tumɔ na ba jegɨŋ dan̰ sɨmaynagɨŋ le, kuɗa gɨ ana aygɨŋ leen̰ hɨnga ga ni sɔrɛ naŋ, ɗe ana curoŋgɨŋ te gɨyəŋ gɨ ɗari gɨŋ coŋ naŋ.

Əbɨro 6:10

Na cɨndi, Kumu na ba lɔɔ hɨnga dan̰ durɔ ɗɨngar dan̰ cɨndi. Kuduroyi kɨya hale gɨybəŋ a cay gɨye kogɨŋ gɨ kɨŋ lee kol cayi le naŋ bɨ, cay geye gɨ kɨŋ orɨn̰ kol cayi le naŋ bɨ. Kɨya wa kɨŋ gɨlii dan̰ hɨnga ga ni jɨbɨn̰ te karmɨgɨŋ ga woyge dan̰ cɨndɨge le bɨ. Bɨrɨŋ gɨsɨn̰ haw kɛ kalɨn̰ ma, kɨŋ woy te jɨbe toyge.

2 Ja̰ 1:8

Ɗagɨŋ muɗɔlɛ a cay gusɨgɨŋ gɨŋ ɗe agɨŋ kayɨn̰ cay kɔbɔ gɨ da gɨye-lɔɔdɨgɨŋ naŋ, ama ɗe agɨŋ wan̰ cay kobɨgɨŋ ɗəndəŋ.