Matɨyo 5:7 - Gabri Maja

⁷ Tumoy wolwa woy kol caygɨŋ, kɨŋ ga ka-sɔlɛ cɨn̰-n̰age da kalaŋ, Kɨya wa ban kɨya sɔlɛ cɨn̰-n̰age togɨŋ!

Matɨyo 5:7 ပူးပေါင်းရင်းမြစ်များ

Marg 11:25

Bɨ kɨɗɨn̰ ga kɨŋ na ɨr daa, kɨɗɨn̰ ɔlɛ gɨŋ ma hɨn̰ gɨ kɔl na dayagɨŋ dan̰ ungo na, kɨŋ ɗa kuduroygɨŋ jala cayi, ɗe Baygɨŋ gɨ som a gɨɗɨgɨ-Kumu gɨŋ ɗe kuduroyi jal cay hɨnga kagɨŋ ga dan̰ gɨyəŋdɨge naŋ bɨ.

Kɔl-gɨ-Ɗari gɨ Lug wal 6:35

Ama ƴɨmagɨŋ wandɨ dan̰ ka-baadɨgɨŋ bɨ, laagɨŋ ɗarwa bɨ, ɨban̰gɨŋ kalaŋ hɨnga dɨle ɨrɨme hɨn̰ gɨ kan na kɨya jogin̰ bɨgɨŋ daa bɨ. Hɨn̰ gɨ kɨŋ na laa hɨn̰ wo̰ na, Kumu kɨya bɨgɨŋ cay kobɨgɨŋ gɨ gumu bɨ, kan kɨya yɔ hɨn̰ gɨ kɨŋ na karɨn̰ Ban gɨ Ɗɨn̰ cay hɨnga nɔm. Kɨya wa Kumu kalɨn̰ ma, lee ɗarwa dan̰ kalaŋ ga sɨlage ɗarwa di Ban laage naŋ bɨ, dan̰ kalaŋ ga ka-lɔɔ ɨsɨna bɨ.

Magtubu di Pol wal bɨn̰ kalaŋ ga Rɔm 11:30

Jɨne naa, kɨŋ hangɨɗɨ cay kɔl kɨbɨ Kumu, ama haw kɛ na Kumu sol cɨn̰-n̰age togɨŋ, kɨya wa te wɨn̰je gɨ da Ɨsɨrayɛl hangɨɗɨ cay kɔl.

1 Korɛ̰t 7:25

Kɔl gɨ ojɨ cay kan ga sayge ma ƴage gusɨge tama dan̰ bara naŋ ƴee le, kɔl gɨ Ba-gulɔŋ yəŋ ɗe aŋ na dɨbgɨŋ cay nee unɔ, ama na ɨrɨmenɨ maŋ yəgɨŋ dan̰ gɨyəŋ gɨ da ungo gɨ Ba-gulɔŋ sol cɨn̰-n̰age toyi gɨ kɨŋ ɓal bɔgɛ kuduroygɨŋ cayi.

2 Korɛ̰t 4:1

Kumu sol cɨn̰-n̰age toni, lee gɨ ban bɨni gɨye gɨ nee le. Na toy di hɨn̰ wo̰ ma, gusɨni marani naŋ.

Epɛs 4:32

Laagɨŋ ɗarwa dan̰ gusɨgɨŋ bɨ, sɨlagɨŋ cɨn̰-n̰age da gusɨgɨŋ bɨ. Ɗagɨŋ kuduroygɨŋ jala cay gusɨgɨŋ hɨn̰ gɨ Kumu ba ɗen̰ kuduroy jal caygɨŋ a te bugoŋ pɨna dan̰ Kɨris le bɨ.

Kɔlɔs 3:12

Ay, kalaŋ ga Kumu torgɨŋ, kɨŋ bɨle na kalaŋ kayi ga woyge dan̰ cɨndɨge bɨ, ga ban geyge bɨ. Na toy di hɨn̰ wo̰ ma, kuɗa gɨ kɨŋ dɨba sɔlɛ cɨn̰-n̰age da gusɨgɨŋ a gusɨgɨŋ hɨn̰ badɨge wo̰ ɗe agɨŋ bɨlɨn̰ ka-lɔɔ ɗarwa bɨ, ka-dɔgɛ jɔrgɔ naŋ bɨ, kalaŋ ga kaledɨge jal bɨ, ka-dɨbe ɗugɔ bɨ.

1 Timote 1:13

Ɨŋ-bandi gɨ tumɔ ɨŋ na ba yagɨde Kumu bɨ, ba gɨlɨn̰ kalaŋ kayi cɨn̰ bɨ, gɨ kɨbɨnɨ mɔɔ tɔgɨ kol cayge bɨ le, Kumu sol cɨn̰-n̰age tɨnge. Kɨya wa boy wɔlɛdi gɨ nee le, ɨŋ aya kuduronɨ bɨn̰ Jesu-Kɨris naŋ ƴee. Kɨya wa ɨŋ lee hɨnga na boy sɔlɛdɨge gɨŋ naŋ.

1 Timote 1:16

Ama Kumu sol cɨn̰-n̰age hɨnge. Na toy di hɨn̰ wo̰ ma, Jesu-Kɨris gɨlɨn̰ ɗarwa toyi jɨn̰ doŋ, kɨya canɨ ɨŋ-bandi gɨ ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm. Kɨris lee wo̰ na kɨya ɗon̰ hɨnga ga ni gɨle kɨya cay kan ga kɨya bɔgɛ kuduroyge cayi gɨ ni wan̰ sɔmɛ-bɨra gɨ dan̰ cɨndi.

Əbɨro 4:16

Naa hɨn̰ wo̰ na, kuɗa gɨ na sɨye bongi kali-tɨrɨmbala di da ɗarwa dɨle hundɔrɔ coŋ bɨrɨŋ ɗe ban solɨn̰ cɨn̰-n̰age tonagɨŋ. Bɨ ana wan̰ ɗarwa di a gusii di kɨya jɨbe toyna a duroy hɨnga ga na or n̰agedɨge a boy tɨwado dɨŋ.

Əbɨro 6:10

Na cɨndi, Kumu na ba lɔɔ hɨnga dan̰ durɔ ɗɨngar dan̰ cɨndi. Kuduroyi kɨya hale gɨybəŋ a cay gɨye kogɨŋ gɨ kɨŋ lee kol cayi le naŋ bɨ, cay geye gɨ kɨŋ orɨn̰ kol cayi le naŋ bɨ. Kɨya wa kɨŋ gɨlii dan̰ hɨnga ga ni jɨbɨn̰ te karmɨgɨŋ ga woyge dan̰ cɨndɨge le bɨ. Bɨrɨŋ gɨsɨn̰ haw kɛ kalɨn̰ ma, kɨŋ woy te jɨbe toyge.

Magtubu di Jag wal 2:13

Kɨya wa ungo gɨ na sɨla cɨn̰-n̰age di da mɨgayi naŋ na, Kumu kɨya sɔlɛ cɨn̰-n̰age toyi boy wɔlɛ bɔyɛ kɔl gɨŋ naŋ bɨ. Ama sɔlɛ cɨn̰-n̰age na, na hɨnga ga ay banga a cay bɔyɛ kɔl gɨŋ.

Magtubu di Jag wal 3:17

Ama ungo gɨ orɨn̰ dan̰ cɨn̰-muɗɔlɛ gɨ sayga a daa nii le, na ba dɔrɛ gusi mɨra bɨ, na ba gusi-dɔbɛ bɨ. Na ungo gɨ kaledi jal jɔm bɨ, gey bugoŋ-dugo dan̰ kamdi haw bɨ. Sol cɨn̰-n̰age da kalaŋ tɔgɨ bɨ, wɔɔdi hɨnga ga ɗari wanɨn̰ kuduroy daa jɨŋ jɨŋ bɨ. Ban dɨra ti ungo naŋ bɨ, ya kɔl kɨbi sɔɔ sɔɔ naŋ bɨ.

1 Pɨyɛr 2:10

Tumɔ kɨŋ na te kalaŋ ga da Kumu naŋ, ama haw kɛ kɨŋ na te kalaŋ kayi. Tumɔ le Kumu sɨla cɨn̰-n̰age togɨŋ naŋ, ama haw kɛ ban sol cɨn̰-n̰age togɨŋ.