Matɨyo 5:37 - Gabri Maja

³⁷ Hɨn̰ gɨ kɔl kon̰ naa “əw” na, ya na “əw.” Naŋ le, kɔl kon̰ naa “naŋ” na, ya na “naŋ”. Kɔl ga ɗaŋ nɔm gɨ ji ba kɨya dɨbe cay nee le, sayga na gusi Haban̰ Ba-lɔɔ ɨsɨna.

Matɨyo 5:37 ပူးပေါင်းရင်းမြစ်များ

Matɨyo 13:19

Waŋ waŋ gɨ na ja kɔl gɨ ojɨ cay dɔɔ-ƴaa di daa nii ma na sɨla duroy naŋ na, Haban̰ Ba-lɔɔ ɨsɨna ɨrga boɗɨ hɨnga ga kan gɨsɨge ɗugoy le coŋ, na ban ma na gasi gɨse ga bugoŋ a te gɨyəŋ gɨ gay duroy yagegɨŋ le.

Matɨyo 13:38

Yage le, na kalaŋ ga cay gɨsəŋ gaŋ. Gasi-gɨse ga kuɗa le, na kalaŋ ga a boy dɔɔ-ƴaa di daa nii dɨŋ. Tɨngɨrɨn̰ le, na kalaŋ ga da Haban̰, Ba-lɔɔ ɨsɨna.

Matɨyo 15:19

Kɨya wa ɨrɨme ga ɨsɨn bɨ, ɨrɨme gɨ ni dɨɗɨn̰ ungo bɨ, yɔyɛ tama wala bara gɨ da mɨgan̰ bɨ, gɨye lɔɔ gɨ da yɔyɛ dan̰ gangɨ caa bɨ, geye hase bɨ, pɔyɛ kɔl se cay kalaŋ bɨ, yagɨde kɨɗɨn̰ bɨ, saygage na kuduroy ungo.

Matɨyo 5:36

Dɔrɛgɨŋ gusɨŋ dan̰ teɗi caygɨŋ naŋ bɨrɨŋ, kɨya wa kɨŋ kɨya ɓale lɔɔ gɨ ɗe teɗi caygɨŋ pɨna di bɛrɛ, kɨya bɨle ɨndɨwa naŋ.

Matɨyo 6:13

Ji ɗɔɔ ba ɗoni ɔrɛ kɨbɨ hɨnga ga ni gɨybe gaŋ naŋ, Ama dɨrani kɨbɨ hɨnga ga ɨsɨni ga sayga gusi Haban̰. [Kɨya wa dɔɔ-ƴaa bɨ, dɔnɔ bɨ, gusoŋ-tɔgɛ bɨ, na hɨnga kan̰ ɨlge dan̰ ɨlge. Ɗa-ɗe-woy-hɨn̰-wo̰!]

Kɔl-gɨ-Ɗari gɨ Ja̰ wal 17:15

Ɨŋ ɨngɨrɨn̰ na gɨ ji na tɨrage coŋ duroy kalaŋ ga cay gɨsəŋ gaŋ naŋ. Ama na ɗe an̰ na cɨbɨ cɨndɨn̰ cayge ɗe bugoŋge kobi Haban̰ Ba-lɔɔ ɨsɨna naŋ.

Kɔl-gɨ-Ɗari gɨ Ja̰ wal 8:44

Baygɨŋ na Haban̰ bɨ, kɨŋ gey lɔɔ na hɨnga ga kuduroy baygɨŋ gey le bɨ. Ayɨn̰ toy gɨ Kumu ɗen̰ cay gɨsəŋ le, Haban̰ na ba dɨɗe kɨɗɨn̰. Dɨlay dan̰ kɔl gɨ cɨndi naŋ. Kɨya wa kɔl gɨ cɨndi unɔ gusi. Kɨɗɨn̰ ga ban ye kɔl gɨ ni poyi na, ban ye na kɔl gɨ ojɨ cayi toyi. Kɨya wa ban na ba-poyi bɨ, poy baa bɨ.

Epɛs 4:25

Na toy di hɨn̰ wo̰ ma, jɨbgɨŋ poy sɛdɨ coŋ, kuɗa gɨ waŋ waŋ kalɨn̰ ma yan̰ mɨgay kɔl gɨ cɨndi. Kɨya wa na-gandi nɔm le, na na kuyoŋ-gusu gɨ pɨna.

Epɛs 6:16

Ayagɨŋ mala di na aye kudurɔ kogɨŋ le, ɨrɨn̰gɨŋ cɨn̰ hɨnga nɔm. Kɨŋ kɨya bayɨn̰ tɨwadi ɗɛsɛ di sayga gusi Haban̰ Ba-lɔɔ ɨsɨna.

Kɔlɔs 3:9

Kɨŋ ɗɔɔ ba yon̰ gusɨgɨŋ poy naŋ. Kɨya wa kɨŋ dor hal gɨ da ungo gɨ ɨlgi dan̰ gɨye-lɔɔdi gɨ naa kɨŋ orɨn̰ gusɨgɨŋ coŋ ɨni.

Kɔlɔs 4:6

Ɗe gɨ kɔl yɔdɨgɨŋ wɨya na gɨ ɗari dan̰ wɔlɛ pɨna pɨna bɨ, andan̰ na dan̰ kɔl gɨ ƴogi daa daa bɨ. Ɗe agɨŋ solɨn̰ gɨyəŋ gɨ ni dɨbɨn̰ waŋ waŋ kalɨn̰ ma kɔl cay nee ojɨn̰ cay Kɔl-gɨ-Ɗari.

2 Tesalonigɨ 3:3

Ama Ba-gulɔŋ le, na ba ɨre a cay tɨbay dɨŋ. Ban kɨya lɔɔ gɨ kɨŋ kɨya orɨn̰ dan̰ tɔgɨ bɨ, kɨya amgɨŋ ɗe Haban̰ Ba-lɔɔ ɨsɨna ay banga caygɨŋ naŋ bɨ.

Magtubu di Jag wal 5:12

Tumɔ pa dɨm na, karmɨnɨ ga ban̰aŋ dan̰ ga kandɨ. Ɓɨsegɨŋ gusɨgɨŋ dan̰ gɨɗɨgɨ-Kumu naŋ bɨ, dan̰ cay gɨsəŋ naŋ bɨ, dan̰ hɨnga ga ani ani naŋ bɨ. Ama kɨɗɨn̰ ga kɨŋ na ya «əw» na əw, leen̰ cɨndi bɨ, naŋ le kɨŋ na ya «naŋ» na naŋ, leen̰ cɨndi bɨ. Na hɨn̰ wo̰ ma, bɔyɛ kɔl gɨ da Kumu kɨya ƴɔmɛ caygɨŋ naŋ.

1 Ja̰ 2:13

Ay, karɨn̰aŋ ban̰an̰ge, ɨŋ wal kɔl gɨ kɛ le bɨgɨŋ: «Kɨŋ sol ban gɨ som a toyi dɨŋ ɓɨrag. Ay, marɨne, ɨŋ wal kɔl gɨ kɛ le bɨgɨŋ: Kɨŋ boy-kɨmbɨl cay Haban̰ Ba-lɔɔ ɨsɨna.»

1 Ja̰ 3:12

Kuɗa gɨ na wɔyɛgɨŋ hɨn̰ Kayin wo̰ naŋ, ban na ungo gɨ da Haban̰, Ba-lɔɔ ɨsɨna, kɨya gɨ naa ban dɨɗɨ kurɨndi koyi gaŋ. Ban dɨɗii na kɨya wa ga? Ban dɨɗii na kɨya gɨ gɨye-lɔɔ koyi na gɨ ɨsɨni, ama gɨ da kurɨndi na gɨ dan̰ durɔ ɗɨngar.

1 Ja̰ 5:18

Na solgɨŋ gɨ kalaŋ ga Kumu bɨlge leen̰ karɨndi le, laage ɨsɨna naŋ ɨni. Kurɨn̰-Kumu gamge lee gɨ Haban̰ Ba-lɔɔ ɨsɨna ɓala ɨsɨbɨge naŋ.