Matɨyo 5:29 - Gabri Maja

²⁹ Hɨn̰ gɨ tɨdɨn̰ di bara na gey cangɨn̰ danan̰ gɨyəŋ gɨ ɗari gɨŋ coŋ na, dɨraa duboo hen̰ coŋ. Kɨya wa ji na kaya kɨway kuyoŋdi-gusɨn̰ pɨna duroy kamdi gɨŋ na, golgo ɗɨn̰ gɨ ni dɨbe kuyoŋdi-gusɨn̰ nɔm boy tɨwa di ƴee dan̰ tumɔɔ di ni gehɛn dɨŋ le.

Matɨyo 5:29 ပူးပေါင်းရင်းမြစ်များ

Matɨyo 10:28

Kalaŋ ga ɓalge dɨɗege kuyoŋdi-gusɨgɨŋ, ama kɨya ɓalege dɨɗe turnoygɨŋ naŋ le, kɨŋ hundorge naŋ. Ungo gɨ ojɨ gɨ kɨŋ kɨya hɨndari le, na Kumu. Ban ba ɓale lɔɔ gɨ ɗe kuyoŋdi-gusu ungo bɨ, turnoyi bɨ, na mundoŋ ɗəndəŋ duroy tɨwa di ƴee dan̰ tumɔɔ di ni gehɛn dɨŋ.

Matɨyo 11:6

Tumoy wolwa woy kol cay ungo gɨ ɨŋ bɨl gundo gɨ ba dɔgɛ tɨbayi nayi naŋ.»

Matɨyo 16:26

Hɨn̰ gɨ ungo na ɨran̰ dan̰ hɨnga wɔɔ ga a cay gɨsəŋ gaŋ nɔm ma na mɨnda gusi coŋ na, kɨya andii na wa ga? Naŋ le, na wa ma ungo kɨya bee kɨya ƴon̰ ban̰di gusi ga?

Matɨyo 17:27

Ama ɗe kuduroy kalaŋ na mundoŋ naŋ na, ɨra kɨbɨ kuray gɨ gumu taa taa gɨŋ dɨbe jungɨlɨn̰ nee. Gusa gɨ cay wase gɨ kɨya sɔyɛ jungɨlɨn̰ le, ƴɨmayi bɨ hanga kɨbi na, ji kɨya wɔɔ sɨle di ni arja̰ di ɓal bee hɔgɛ gɨ ni lambo kon̰ bɨ, hɨnge bɨ. Aya ɨran̰ bɨn̰ ka-hɔgɛ lambo kol cay na.

Matɨyo 19:12

Ƴɔɔ tama naŋ da kan ga pɨna na andɨn̰ge na kuduroy ƴoyge gɨŋ. Ga pɨna, na kan ga kan torge toyge, na kalaŋ ba lɔɔ gɨ kan ɓala ƴɔɔ kandɨ naŋ. Ga pɨna ɗaŋ coŋ, ƴage kandɨ naŋ na kɨya cay kuduroy geye koge, kɨya cay dɔɔ-ƴaa di daa nii. Ungo gɨ na ɓala sɔlɛ duroy kɔl gɨ nee le na, kuɗa gɨ ban sɨla duroy.»

Matɨyo 23:15

Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ gor tɨrga gon̰ cay kɨɗɨn̰ gaŋ nɔm ga a cay gɨsəŋ gaŋ bɨ, cay kɨɗɨn̰ gaŋ nɔm ga a cay kuray gɨ gumu taa taa gɨŋ bɨ, kɨya malɨn̰ ungo pɨna nɛŋ gɨ ɗe na bɨle Jubɨ. Bɨ kɨɗɨn̰ ga ungo le bɨləŋ Jubɨ ɨni na, kɨŋ bɨlii leen̰ ba andaŋ duroy tɨwa di ni gehɛn dɨŋ, ɗɨn̰ togɨŋ cay sɔɔ.

Matɨyo 23:33

Kɨŋ na kumbulo, te wɔɔ gɨ da karɨn̰-kari! Tɨwa di ni gehɛn na hɨnga ga ni gɨle-cɨn̰ ga kɨya loogɨŋ, kɨya cay ɨsɨna kogɨŋ le. Kɨŋ kɨya ɓale mɨn̰e na mɨna ga?

Matɨyo 5:22

«Ama ɨŋ-bandi na ɨŋ yəgɨŋ hɨn̰: Waŋ waŋ gɨ na laa kuduroy-hɔmɛ dan̰ kurɨndi na, kɨya orɨn̰ge danayi tumoy ka-bɔyɛ kɔl gaŋ. Waŋ waŋ gɨ na yan̰ kurɨndi ji naa ba-matɨr na, kɨya orɨn̰ge danayi tumoy ka-bɔyɛ kɔl cay Jubɨn̰əŋ. Waŋ waŋ gɨ na yan̰ kurɨndi ji na ba-dɨngale na, ojɨ gɨ ni orɨn̰ge danayi duroy tɨwa di ƴee dan̰ tumɔɔ di ni gehɛn dɨŋ.

Matɨyo 5:30

Hɨn̰ gɨ kobɨn̰ gɨ bara na gey dɨbɨn̰ duroy ɨsɨna gɨŋ na, walayi dɨbii hen̰ coŋ. Kɨya wa ji na kaya kɨway kuyoŋdi-gusɨn̰ pɨna duroy kamdi gɨŋ na, golgo ɗɨn̰ gɨ ni dɨbe kuyoŋdi-gusɨn̰ nɔm boy tɨwa di ƴee dan̰ tumɔɔ dɨŋ di ni gehɛn le.

Marg 8:36

Hɨn̰ gɨ ungo na ɨran̰ dan̰ hɨnga wɔɔ ga cay gɨsəŋ gaŋ nɔm, ma na mɨnda gusi coŋ na, kɨya andii na wa ga?

Kɔl-gɨ-Ɗari gɨ Lug wal 12:5

Aŋ gɨlgɨŋ na waŋ ma magɨŋ kɨya hundori leen̰ cɨndi ga: Hɨndaragɨŋ na Kumu. Ban ɓal gɨ kɨya dɨɗɨgɨŋ bɨ, ban orɨn̰ dan̰ dɔnɔ di ni dɨbɨgɨŋ duroy tɨwa di ƴee dan̰ tumɔ di ni gehɛn dɨŋ bɨ. Ho’o na ban ma, magɨŋ kɨya hundori leen̰ cɨndi.

Magtubu di Pol wal bɨn̰ kalaŋ ga Rɔm 6:6

Na sol gɨ haldɨna gɨ ɨlgi le ma dan̰ Kɨris pɨna a cay sɨya-gɨ-dagɨli gɨŋ ɨni, ɗe hal gɨ da ɨsɨna gɨ nee le mundoŋ coŋ, ɗe ana na won̰ gɔyɔŋ ga da ɨsɨna coŋ naŋ ɨni.

Magtubu di Pol wal bɨn̰ kalaŋ ga Rɔm 8:13

Hɨn̰ gɨ kɨŋ na gura naa dan̰ ɨrɨme gɨ da kuyoŋdi-gusu na, kɨŋ kɨya mare. Ama hɨn̰ gɨ kɨŋ na gura naa dan̰ gɨyəŋ gɨ da dɔnɔ di da Turnɔ di da Kumu dɨɗɨn̰ ɨsɨna nɔm gɨ woy a kuyoŋdi-gusɨgɨŋ gɨŋ na, kɨŋ kɨya sɔmɛ-bɨra.

1 Korɛ̰t 9:27

Ho’o ɨŋ lee gɨ kuyoŋdi-gusɨnɨ sunoŋ dan̰ hɨnga ga osu bɨ, ɨŋ ƴomii a te dɔnɔ tɨnge dɨŋ bɨ. Kɨya wa hɨn̰ gɨ ɨŋ na ƴɨma gusɨnɨ usa naŋ na gajanaŋ ɨŋ da tɔgɛ bɛrnɛ bɨn̰ kalaŋ ga ɗaŋ, ama hɨn̰ gɨ ɨŋ na curoŋ a te gɨyəŋ gɨ da Kɔl-gɨ-Ɗari gɨŋ na, ɨŋ kɨya wɔɔ cay kɔbɔŋ naŋ.

Galad 5:24

Kalaŋ ga da Kɨris le gagɨlge kuyoŋdi-gusɨge dan̰ tabɨlaŋdi hɨnga ga ul kuyoŋdi-gusɨge bɨ, dan̰ tabɨlaŋdi hɨnga ga da kuyoŋdi-gusɨge a cay sɨya-gɨ-dagɨli gɨŋ.

Kɔlɔs 3:5

Kuɗa gɨ kɨŋ ɗa hɨnga nɔm ga a cay gɨsəŋ gaŋ kɛ, ga woy a gusɨgɨŋ le ɗe mara coŋ: Na yɔyɛ dan̰ gangɨ caa bɨ, hɨnga ga ni dasi bɨ, kurɔŋdi hɨnga ga lee hundɔrɔ bɨ, kurɔŋdi hɨnga ga ɨsɨni dan̰ lɔɔ te gursu gɨ na n̰ɨre kula bɨ.