Matɨyo 5:22 - Gabri Maja

²² «Ama ɨŋ-bandi na ɨŋ yəgɨŋ hɨn̰: Waŋ waŋ gɨ na laa kuduroy-hɔmɛ dan̰ kurɨndi na, kɨya orɨn̰ge danayi tumoy ka-bɔyɛ kɔl gaŋ. Waŋ waŋ gɨ na yan̰ kurɨndi ji naa ba-matɨr na, kɨya orɨn̰ge danayi tumoy ka-bɔyɛ kɔl cay Jubɨn̰əŋ. Waŋ waŋ gɨ na yan̰ kurɨndi ji na ba-dɨngale na, ojɨ gɨ ni orɨn̰ge danayi duroy tɨwa di ƴee dan̰ tumɔɔ di ni gehɛn dɨŋ.

Matɨyo 5:22 ပူးပေါင်းရင်းမြစ်များ

Matɨyo 10:17

Ɗagɨŋ muɗɔlɛ cay gusɨgɨŋ kɨya cay kalaŋ, kɨya wa kan kɨya se kɔl caygɨŋ tumoy ka-bɔyɛ kɔl gaŋ bɨ, kan kɨya somdɨgɨŋge duroy ƴaa-daye koge gɨŋ bɨ.

Matɨyo 10:28

Kalaŋ ga ɓalge dɨɗege kuyoŋdi-gusɨgɨŋ, ama kɨya ɓalege dɨɗe turnoygɨŋ naŋ le, kɨŋ hundorge naŋ. Ungo gɨ ojɨ gɨ kɨŋ kɨya hɨndari le, na Kumu. Ban ba ɓale lɔɔ gɨ ɗe kuyoŋdi-gusu ungo bɨ, turnoyi bɨ, na mundoŋ ɗəndəŋ duroy tɨwa di ƴee dan̰ tumɔɔ di ni gehɛn dɨŋ.

Matɨyo 12:24

Ama Parɨsɨn̰an̰əŋ ga jege na, yege hɨn̰: «Ungo gɨ nee le, tay turnɔn̰əŋ ga ɨsɨndəŋ na dan̰ gɨyəŋ gɨ da dɔnɔ di da Bɛljebul, kɨlma gɨ da turnɔn̰əŋ ga ɨsɨndəŋ.»

Matɨyo 17:5

Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»

Matɨyo 18:21

Pɨyɛr sɨygɨ mɨnde gusi Jesu bɨ, ɨngɨri yeyi hɨn̰: «Ba-gulɔŋ, hɨn̰ gɨ kurɨnɨ na laa ɨsɨna danaŋ nee nee na, kɛ ɨŋ gɨ ɗɔɔ kuduronɨ jalɨwa cayi na tɨba mɨna ga? Na tɨba jurgum ga?»

Matɨyo 18:35

Kardi nee na, Jesu yege hɨn̰: «Kɨŋ pɨna pɨna nɔm, hɨn̰ gɨ kɨŋ na ɗa kuduroygɨŋ jala cay gusɨgɨŋ dan̰ kuduroygɨŋ ga pɨna nɛŋ naŋ na, Banɨ gɨ som a gɨɗɨgɨ-Kumu gɨŋ kɨya lɔɔ danagɨŋ na hɨn̰ wo̰ bɨ.»

Matɨyo 23:15

Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ gor tɨrga gon̰ cay kɨɗɨn̰ gaŋ nɔm ga a cay gɨsəŋ gaŋ bɨ, cay kɨɗɨn̰ gaŋ nɔm ga a cay kuray gɨ gumu taa taa gɨŋ bɨ, kɨya malɨn̰ ungo pɨna nɛŋ gɨ ɗe na bɨle Jubɨ. Bɨ kɨɗɨn̰ ga ungo le bɨləŋ Jubɨ ɨni na, kɨŋ bɨlii leen̰ ba andaŋ duroy tɨwa di ni gehɛn dɨŋ, ɗɨn̰ togɨŋ cay sɔɔ.

Matɨyo 23:33

Kɨŋ na kumbulo, te wɔɔ gɨ da karɨn̰-kari! Tɨwa di ni gehɛn na hɨnga ga ni gɨle-cɨn̰ ga kɨya loogɨŋ, kɨya cay ɨsɨna kogɨŋ le. Kɨŋ kɨya ɓale mɨn̰e na mɨna ga?

Matɨyo 25:41

«Kardi nee ɨni na, kɨlma yen̰ kan ga a cay kobi gɨ masa gɨŋ le, yege hɨn̰: “Kɨŋ ga Kumu ɓɨsɨgɨŋ le sagɨŋ gusɨnɨ coŋ. Ɨragɨŋ boy tɨwa di woy dan̰ cɨndo dɨŋ di ƴomge cay tɨbaa kɨya cay Haban̰ bɨ, ka-ƴɔbɛ kaa bɨ.

Matɨyo 26:59

Ka-cay ka-bɔgɛ kɨbar bɨ, ka-bɔyɛ kɔl cay Jubɨn̰əŋ bɨ, malge gɨyəŋ gɨ ni se kɔl gɨ dɨmbɨri cayi bɨ age na dɨɗii.

Matɨyo 3:17

Bɨ ga ma, noy ungo ye a gɨɗɨgɨ-Kumu gɨŋ hɨn̰: «Ban gɨ kɛ le na Kuronɨ, ɨŋ lee-toyi tɔgɨ, gusɨnɨ mɔŋ cayi na ase naŋ.»

Matɨyo 5:34

Ama ɨŋ-bandi na, ɨŋ yəgɨŋ dɔrɛgɨŋ gusɨgɨŋ dan̰ gɨɗɨgɨ-Kumu naŋ bɨrɨŋ, kɨya wa na kali-tɨrɨmbala da Kumu.

Matɨyo 5:44

Ama ɨŋ-bandi na, ɨŋ yəgɨŋ ye hɨn̰: “Geygɨŋ ka-baadɨgɨŋ bɨ, ulagɨŋ Kumu ka-cay kan ga ka-gɨlgɨŋ cɨn̰ bɨ.”

Marg 14:55

Ka-cay ka-bɔgɛ kɨbar bɨ ka-bɔyɛ kɔl cay Jubɨn̰əŋ ga gɨmdəŋ bɨ, malge gɨyəŋ gɨ ni se kɔl gɨ dɨmri cay Jesu age na dɨɗii, ama waage naŋ.

Marg 15:1

Dan̰ te jogɗu cururu na, ka-cay ka-bɔgɛ kɨbar bɨ, ka-muɗɔlɛ ga da Jubɨn̰əŋ bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, teege gusɨge dan̰ ka-bɔyɛ kɔl cay Jubɨn̰əŋ ga gɨmdəŋ daa nɔm. Kan saɗɨdiige bɨ orɨn̰ge danayi dobii kobɨ Piladɨ.

Kɔl-gɨ-Ɗari gɨ Lug wal 12:5

Aŋ gɨlgɨŋ na waŋ ma magɨŋ kɨya hundori leen̰ cɨndi ga: Hɨndaragɨŋ na Kumu. Ban ɓal gɨ kɨya dɨɗɨgɨŋ bɨ, ban orɨn̰ dan̰ dɔnɔ di ni dɨbɨgɨŋ duroy tɨwa di ƴee dan̰ tumɔ di ni gehɛn dɨŋ bɨ. Ho’o na ban ma, magɨŋ kɨya hundori leen̰ cɨndi.

Kɔl-gɨ-Ɗari gɨ Lug wal 22:66

Kɨɗɨn̰ ga kɨɗɨn̰ wol yarara ɨni na, ka-muɗɔlɛ ga da Jubɨn̰əŋ, dan̰ ka-cay ka-bɔgɛ kɨbar nɔm, dan̰ ka-gɨlɨn̰ kalaŋ gasɨn̰-kɔl gɨ da Moyis dayaŋge bɨ, orɨn̰ge dan̰ Jesu tumoy ka-bɔyɛ kɔl cay Jubɨn̰əŋ.

Kɔl-gɨ-Ɗari gɨ Ja̰ wal 11:47

Ɨni na, ka-cay ka-bɔgɛ kɨbar ga gɨmdəŋ bɨ, Parɨsɨn̰an̰əŋ bɨ, dayge cay ka-cay ka-bɔyɛ kɔl kage ga gɨmdəŋ daa bɨ, yege hɨn̰: «Kɛ, na kɨya lɔɔgɨŋ na mɨna ga? Kɨya wa ungo gɨ nee le, lee hɨnga ga ɗɨn̰ cɨn̰-kɨɗɨn̰ dan̰ kondiige.

Kɔl-gɨ-Ɗari gɨ Ja̰ wal 15:25

Ama na kɨya gɨ ɗe kɔl gɨ kan walge duroy magtubu gasɨn̰-kɔl koge gɨŋ ye hɨn̰: “Kan ƴɔmɔŋge dan̰ kuduroyge kalɨn̰ wo̰ dugo le”, ɗe na or kɨɗɨn̰dɨge gaŋ.

Kɔl-gɨ-Ɗari gɨ Ja̰ wal 7:20

Dɨmdɨrdi kalaŋ jɨgage dɨbige cay nee yeyige hɨn̰: «Turnɔ di ɨsɨni woy kuduron̰, na waŋ ba male gɨ ni dɨɗɨn̰ ga?»

Kɔl-gɨ-Ɗari gɨ Ja̰ wal 8:48

Jubɨn̰əŋ jɨgage dɨbɨn̰ge Jesu cay nee yeyige hɨn̰: «Kɔl gɨ ni ba ye tumɔ ye hɨn̰, ji na ungo gɨ Samari bɨ, turnɔ di ɨsɨni woy kuduron̰ bɨ le, kɛ ni ya na dan̰ gɨyəŋdi naŋ ga?»

Gɨye-lɔɔ 17:18

Ka-gɨlɨn̰ kalaŋ kɔl ga pɨna wo̰, say man̰ge kɔl dan̰ Pol. Kan na kalaŋ ka-ɨrɨme kɔl tɔgɨ cay kɔl nɔm ga da Epikursin̰ḛn̰əŋ bɨ, Ɛstoyisin̰ḛn̰əŋ bɨ, kan jege kɔl gɨ ojɨ cay Jesu bɨ, cay bɔyɛ lɨbe koyi bɨ. Ɨni na, kan ga pɨna wo̰ yege hɨn̰: «Na kɔl wa ma ba-yɔɔ kɔl tɔgɨ gɨ kɛ le ɨre ye wo̰ ga?» Bɨ kan ga ɗaŋ yege hɨn̰: «Ni sol cɨndi woy hɨn̰ gɨ da ba tɔgɛ bɛrnɛ gɨ da kulan̰əŋ ga a cay gɨsəŋ ga ɗaŋ gaŋ wo̰.»

Gɨye-lɔɔ 22:30

Wan̰dodo dɨŋ na, ba-sɔmɛ cay asɨgarn̰əŋ le gey sɔlɛ te hɨnga ga leen̰ cɨndi, ga kalaŋ ga ni Jubɨ ba sɨn̰ge kɔl a cay Pol le. Bɨ ban tor mɔrɨyɔŋ gusi coŋ bɨ. Ban te ka-cay ka-bɔgɛ kɨbar bɨ, ka-bɔyɛ kɔl cay kalaŋ ga ni Jubɨ bɨ. Ɗe kan na dayage cayge. Kardi nee na, ban ɨrgan̰ dan̰ Pol sii tumoyge.

Gɨye-lɔɔ 23:1

Pol si cɨndi a cay ka-bɔyɛ kɔl cay kalaŋ ga ni Jubɨ solge gəɗəɗə bɨ, yege hɨn̰: «Karmɨnɨ, ɔrɛnɨ gɨ ɨŋ ba or tumoy Kumu bɨrɨŋ labɨde le, kuduronɨ gɨləŋ hɨnga ga ɨsɨni dḛ wo̰ cay nee naŋ.»

Gɨye-lɔɔ 24:20

Naŋ na, hɨnga ga ɨsɨni ga ɨŋ ba lee ma koldɨge ba ƴɔmɔŋ wɔlɛdi gɨŋ gɨ ɨŋ ba ɨrɨn̰ tumoyi ka-bɔyɛ kɔl cay kalaŋ ga ni Jubɨ ga gɨmdəŋ le. Kuɗa gɨ kalaŋ ga ba ɨrege kɛ le, yage koldɨge.

Gɨye-lɔɔ 4:15

Kɨɗɨn̰di ga nee gaŋ le, kan ayge noyge gɨ kan na dɨra Pɨyɛr bɨ, Ja̰ bɨ, ba-modo bɨ, kɨɗɨn̰ bɔyɛ kɔl gaŋ coŋ ɨni na, na kan ba ɨre man̰ege kɔl dan̰ gusɨge duroyge.

Gɨye-lɔɔ 5:21

Kan jege kɔl gɨ da ba-ƴɔbɛ gɨ daa nii le, lee gɨ kan andaŋge dan̰ jogɨɗu cururu, orge ɨre duroy gulɔŋ ƴaa-di-da-Kumu dɨŋ, kɨya gɨlɨn̰ kalaŋ hɨnga. Mangɨl gɨ da ka-cay ka-bɔgɛ kɨbar ɨrga bugoŋ ɨni na, ban bɨ, kalaŋ ga danayi bɨ, teege ka-bɔyɛ kɔl ga gɨmdəŋ ga da kalaŋ ga ni Jubɨ bɨ, kan ga muɗoldoŋ ga da te wɨn̰je gɨ da Ɨsɨrayɛln̰əŋ bɨ, dayɨn̰ge cayge pɨna bɨ, gɨyge kardi ka-gɨre-gɨye ga woyge ƴaa dangay dɨŋ le, ɗe kan na ɨrgan̰ danage.

Gɨye-lɔɔ 5:27

Lee gɨ kan ɨrgan̰ge danage bɨ, orɨn̰ siige tumoyi ka-bɔyɛ kɔl ga gɨmdəŋ bɨ. Mangɨl gɨ da ka-cay ka-bɔgɛ kɨbar ɨngɨrge hɨn̰:

Gɨye-lɔɔ 6:12

Kan gosɨrge karɨn̰ Ɨsɨrayɛl bɨ, kan ga muɗoldoŋ bɨ, kan ka-gɨlɨn̰ kalaŋ gasɨn̰-kɔl gɨ da Moyis bɨ, cay Etɛn. Bɨ kardi nee ɨni na, kan andaŋge cayi dus bɨ, ƴomiige orɨn̰ge danayi tumoy ka-bɔyɛ kɔl ga da kalaŋ ga ni Jubɨ.

Gɨye-lɔɔ 6:15

Kalaŋ nɔm ga ba dayaŋge kɨɗɨn̰ bɔyɛ kɔl ga da kalaŋ ga ni Jubɨ le, sige cɨndɨge jɛr jɛr cay Etɛn, ɨni na kan solge gɨ cɨndi woy gɨlɨn̰ hɨn̰ cɨn̰ ba-ƴɔbɛ gɨ daa nii wo̰.

Gɨye-lɔɔ 7:37

Na ban Moyis ɗaŋ coŋ ba yon̰ te wɨn̰je gɨ da Ɨsɨrayɛln̰əŋ kɔl gɨ ba kɛ le. Ban yege hɨn̰: “Kumu kɨya andɨn̰ dan̰ ba-yɔɔ-kɔl-gɨ-Kumu-ba-yɔɔ gɨ hɨn̰ ɨŋ-bandi wo̰ a duroy karmɨgɨŋ gaŋ, kɨya bɨgɨŋ.”

Magtubu di Pol wal bɨn̰ kalaŋ ga Rɔm 12:10

Kuɗa gɨ kɨŋ gey gusɨgɨŋ duroygɨŋ hɨn̰ karmen̰əŋ wo̰. Kuɗa gɨ waŋ waŋ kalɨn̰ ma ungula gusi gɨ ni dɨbe hurɔmɔ cay mɨgayi.

1 Korɛ̰t 6:10

ka-hase bɨ, ka-orɨn̰ dan̰ tabɨlaŋdi wɔɔ hɨnga bɨ, ka-kɔydɛ cɛrɛ bɨ, ka-pɔyɛ kɔl bɨ, ka-bɔɗɨdɛ hɨnga bɨ, kɨya dɨbege tɨbayge a boy dɔɔ-ƴaa gɨ da Kumu gɨŋ naŋ.

1 Korɛ̰t 6:6

Lee gɨ ka-karme orɨn̰ge dan̰ kɔl koge na tumoyi ka-aye kudurɔ naŋ.

1 Tesalonigɨ 4:6

Ojɨ cay kɔl gɨ nee le na, ɗɔɔ gɨ ungo mɔndɛ kuduroy kurɨndi wala tɨmdi naŋ bɨ, nare cɨndɨgɨŋ malɨn̰ gusɨgɨŋ kardi gusɨgɨŋ naŋ bɨ. Kɨya wa Ba-gulɔŋ kɨya gɔjɛ-baa di da hɨnga nɔm ga nee le. Ni yəgɨŋ kɔl gɨ nee le tumɔ bɨ, ni gɨlgɨŋ gɨ naa cɨndi bɨ.

Titɨ 3:2

Ji hɨn kuduroyge gɨ kan naa yagɨde ungo naŋ bɨ, wɔrɨn̰dɨdɛ dan̰ kalaŋ naŋ bɨ, ɗe kan na bɨlɨn̰ge ka-kuduroy-ɗarwa bɨ, gɨlɨn̰ge gɨye-lɔɔdɨge gɨ dan̰ kaledɨge ga jal tumoy kalaŋ nɔm.

Əbɨro 12:25

Hɨn̰ wo̰ na, ɗagɨŋ muɗɔlɛ cay gusɨgɨŋ gɨŋ. Kɨŋ ɗɔɔ ba kan̰e jɔɔ kɔl gɨ da ban gɨ ba-yɔɔ kɔl danagɨŋ le naŋ. Kɨya wa Moyis sogɨ sɨmay karɨn̰ Ɨsɨrayɛl a cay gɨsəŋ gɨŋ kɛ, ama kan ga kan̰ge jɔɔ kɔl koyi le wayge hale. Koni ni-gandi na Kumu som na gɨɗɨgɨ-Kumu gɨŋ yen̰ kɔl danani. Hɨn̰ gɨ ni na bɨl kardɨni bii na, kɛ ni kɨya wɔɔ wɨdɨlde gɨ ɗɨn̰ a wɔlɛdi gɨ nee gɨŋ le naŋ ga?

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

Magtubu di Jag wal 2:20

Ji ungo gɨ ɨrɨmedɨn̰ dḛ, kɛ tɨdɨn̰ sagaŋ kə̰w cay nee naŋ ƴee ga? Aye kudurɔ gɨ gɨye-lɔɔdi unɔ le, na hɨnga ga kalɨn̰ wo̰ dugo.

Magtubu di Jag wal 3:6

Kɨləndɨna kalɨn̰ ma na tɨwa bɨ, kɨlən̰ ungo na, na ƴaa wɔyɛ gɨ da ɨsɨna nɔm. Kɨləndɨna le woy na a kuyoŋdi-gusɨnagɨŋ gɨŋ, lee gɨ kuyoŋdi-gusɨna nɔm mɨdagɨ. Tɨwa di kɨləndɨna le, ul sɔmɛ-bɨra konagɨŋ. Ayɨn̰ toy jɨne ɓɨragɨ gɨsɨn̰ labɨde. Tɨwa di nee le, sayga na duroy tɨwa guso di ƴee dan̰ tumɔɔ di a gehɛn dɨŋ.

1 Pɨyɛr 2:23

Kɨɗɨn̰ ga kan yagɨdiige le, ban jɨga yagɨdage ban̰di nee naŋ bɨ. Kɨɗɨn̰ ga kan ɗɨndɨriige le, ban jɨga tɨgage gɨm naŋ bɨ. Ama ban ɗe gusi kobɨ Kumu gɨ boy kɔl dan̰ durɔ ɗɨngar.

1 Pɨyɛr 3:9

Hɨn̰ gɨ kan na laagɨŋ hɨnga ga ɨsɨni na, kɨŋ ɗɔɔ ba jogɨn̰ dan̰ ɨsɨna ban̰di nee naŋ bɨ, hɨn̰ gɨ kan na yagɨdagɨŋ na, kɨŋ ɗɔɔ ba jogɨn̰ dan̰ yagɨde ban̰di nee naŋ bɨ. Ama kɨŋ tɨra na kɨbɨgɨŋ cayge. Kɨya wa Kumu təgɨŋ na a te gɨyəŋ gɨ ni torɨn̰-kɨbɨgɨŋ cay kalaŋ bɨ, agɨŋ na wan̰ tɔrɛ-kɨbɨ gɨ na hɨnga wɔɔ ga ni ban̰di-gulɔŋ ga Kumu kɨya bɨgɨŋ bɨ.

1 Ja̰ 2:9

Waŋ waŋ gɨ na ya gɨ ɗi na som naa asɨn̰a gɨŋ, ma na ƴɨma kurɨndi dan̰ kuduroyna, ban baa andaŋ duroy dɨlɨm dɨŋ doŋ coŋ ƴee.

1 Ja̰ 3:10

Na kɨya sɔlɛ ga ani mana karɨn̰ Kumu bɨ, ga ani mana karɨn̰ Haban̰ bɨ, na dan̰ gɨyəŋ gɨ da gɨye lɔɔdɨge. Ungo gɨ na laa hɨnga ga dan̰ durɔ ɗɨngar naŋ le, ban na gɨ da Kumu naŋ bɨ. Ungo gɨ na gey kurɨndi naŋ le, ban na gɨ da Kumu naŋ bɨ.

1 Ja̰ 5:16

Hɨn̰ gɨ ungo na sɨla kurɨndi te lɔɔ ɨsɨna gɨ kɨya pɔyɛ duroyge dan̰ Kumu bɨrɨŋ coŋ naŋ na, kuɗa gɨ ban ula Kumu kol cayi bɨ, ban kɨya bii sɔmɛ-bɨra gɨ dan̰ tumoyi bɨ. Ɨsɨna gɨ kɨya pɔyɛ ungo dan̰ Kumu bɨrɨŋ woy nee. Ama na gɨ nee le ma maŋ yəgɨŋ gɨ kɨŋ na ula Kumu kol cay ka-lɔɔdɨge naŋ.

Magtubu di Jud wal 1:9

Kɨɗɨn̰ ga Migayɛl gɨ na gumu gɨ da ka-ƴɔbɛ ga daa nii kan̰ kɔl gɨ da Haban̰ coŋ na, kan man̰ge kɔl ojɨ cay gundi Moyis. Ban dan̰ gusi koyi kalɨn̰ ma bɨya kɔl yagɨdan̰ Haban̰ naŋ. Kɔl gɨ ban ba ye ba kɛ: «Kuɗa gɨ Ba-gulɔŋ gɨlne-cɨn̰ kɨya cay gɨye-lɔɔde gɨ ɨsɨni.»

Wasɨn̰a 20:14

Ɨni na, ƴomge tɨma bɨ, dɔɔ-ƴaa da tɨma bɨ, beegege duroy kuraydi tɨwa dɨŋ. Kuraydi tɨwa le na tɨma di cay sɔɔ le.