Matɨyo 5:20 - Gabri Maja

²⁰ Aŋ yəgɨŋ da waŋ: Hɨn̰ gɨ gɨye-lɔɔdɨgɨŋ gɨ dan̰ durɔ ɗɨngar na ɗɨn̰ da Ka-gɨlɨn̰ kalaŋ gasɨn̰-kɔl gɨ da Moyis bɨ, gɨ da Parɨsɨn̰an̰əŋ bɨ naŋ na, kɨŋ kɨya andaŋ boy dɔɔ-ƴaa di daa nii dɨŋ naŋ bɨrɨŋ.

Matɨyo 5:20 ပူးပေါင်းရင်းမြစ်များ

Matɨyo 16:12

Kɨɗɨn̰ ga nee le, kan solge gɨ ban yege gɨ kuduroyge na alage naŋ, naa cay subugu di kan dorɨn̰ge mapa naŋ. Ama na cay hɨnga ga kalaŋ ga ni Parɨsɨn̰a bɨ Sadusɨn̰ɛ bɨ, ba gɨlɨn̰ge kalaŋ le.

Matɨyo 18:5

Waŋ waŋ gɨ na ƴɨma kɨye gɨ n̰əŋ gusi, hɨn̰ ban gɨ kɛ le dan̰ gusoŋnɨ na, ƴɔmɔŋ na ɨŋ-bandi gusɨnɨ gusi bɨ.

Matɨyo 3:10

Kumu n̰an gusi kɨya bɔyɛ kɔl a cay kalaŋ nɔm ga kan̰ge tɔrɛ-kɨbɨge. Ungo gɨ na ɗa kardi ɨsɨna koyi coŋ naŋ na, Kumu kɨya dɨbii duroy tɨwa di ƴee bɨlɨm bɨlɨm dɨŋ, hɨn̰ gɨ ungo ba sɨdɨrde hayaŋ ga ɨsɨndəŋ bɨ, tal tɨwa nee ulɨn̰ gurɔɗɨ coŋ wo̰.

Matɨyo 7:21

«Na kalaŋ ga ka-tɔgɔŋge hɨn̰: “Ba-gulɔŋ, Ba-gulɔŋ!” Ba kɨya andaŋge nɔm boy dɔɔ-ƴaa di daa nii dɨŋ naŋ, ama na kan ga ka-lɔɔ hɨnga ga kuduroy Banɨ gɨ som a daa nii gey le ƴɔbɨ.

Marg 10:15

Aŋ yəgɨŋ daa waŋ na cɨndi: «Waŋ waŋ gɨ na ƴaa dɔɔ-ƴaa di da Kumu dan̰ kuduroyi hɨn̰ kɨye gɨ n̰əŋ wo̰ naŋ na, ban kɨya dɔbɛ cayi boy nee naŋ bɨrɨŋ.»

Marg 10:25

Bɨ dojɨ tɔgɨ ɗe jambal na andaŋ a boy umboŋ libɨra gɨŋ, ama ɗe ba-wɔɔ hɨnga na andaŋ a boy dɔɔ-ƴaa di da Kumu dɨŋ na, na hɨnga ga dojɨ cɨla ƴee.»

Kɔl-gɨ-Ɗari gɨ Lug wal 11:44

Cɨn̰-n̰age kɨya bɔɔ caygɨŋ! Kɨya gɨ kɨŋ woy na hɨn̰ cay kamɨn̰aŋ ga hɨnga pɨna gɨl gɨ naa cay kamɨn̰aŋ naŋ bɨ, kalaŋ gor cay nee dɨle sɔlɛ bɨ.»

Kɔl-gɨ-Ɗari gɨ Lug wal 12:1

Wɔlɛdi gɨ nee le, dɨmdɨrdi kalaŋ ɨrgage gusi Jesu jɨn̰ nee nee, ɓalge kalaŋ aru mɔjɨ dan̰ kardɨge nee. Dayge gusii jɨŋ jɨŋ gɨ baa mɨnde gɨ kan kɨya ɗɔdɨrdɛ gusɨge dugo. Jesu ay te yon̰ ka-aye-cay-tɨbayi tumɔ pa dɨm ye hɨn̰: «Ɗagɨŋ muɗɔlɛ cay gusɨgɨŋ kɨya cay subugu di da Parɨsɨn̰an̰əŋ. Subugu di da Parɨsɨn̰an̰əŋ le, na kɔl gɨ kan ye-kɨbɨge-sɔɔ-sɔɔ.

Kɔl-gɨ-Ɗari gɨ Lug wal 18:17

Aŋ yəgɨŋ daa waŋ na cɨndi: Waŋ waŋ gɨ na ƴa dɔɔ-ƴaa di da Kumu dan̰ kuduroyi hɨn̰ kɨye gɨ n̰əŋ wo̰ naŋ na, ban kɨya dɔbɛ cayi boy nee naŋ bɨrɨŋ.»

2 Korɛ̰t 3:9

Hɨn̰ gɨ gɨye gɨ lee gɨ kɔl ƴom cayi kalaŋ tumoy Kumu na ɨran̰ dan̰ asɨn̰a na, kɛ na mɨna ma gɨye gɨ lee gɨ kalaŋ bɨləŋge kalaŋ ga dan̰ durɔ ɗɨngar tumoy Kumu le, gɨ orɨn̰ dan̰ asɨn̰a di ɗɨn̰ naŋ ga?

2 Korɛ̰t 5:17

Hɨn̰ gɨ ungo na bugoŋ pɨna dan̰ Kɨris na, ban na ungo gɨ hɨrɨwa. Sɨla, hɨnga ga ɨlgi pɨde coŋ ɨni bɨ, hɨnga nɔm bɨle na ga hɨrɨwa bɨ.

Pilib 3:9

Ɨŋ gey gɨ bugoŋ hɨnge pɨna danayi na duroŋ cɨrɛɗ. Na toy di hɨn̰ wo̰ ma, ɨŋ gey lɔɔ gusɨnɨ leen̰ ungo gɨ dan̰ durɔ ɗɨngar dan̰ gɨyəŋ gɨ da lɔɔ hɨnga ga gasɨn̰-kɔl ojɨ naŋ. Ama ɨŋ gey bɨle ungo gɨ dan̰ durɔ ɗɨngar dan̰ gɨyəŋ gɨ da kuduronɨ ga ɨŋ bɨn̰ Kɨris, kɨya wa gɨyəŋ gɨ Kumu bɨlɨn̰ kalaŋ durɔ ɗɨngar le, na gɨyəŋ gɨ da aye kudurɔ.

Əbɨro 12:14

Malagɨŋ gɨyəŋ gɨ ni somɨn̰ dan̰ gusi-dɔbɛ dan̰ kalaŋ nɔm bɨ, gɨ ni somɨn̰ dan̰ kuduroy-bɛrɛ dan̰ cɨndɨgɨŋ tumɔ tumɔ bɨ. Kɨya wa dɨle hɨnga ga nee le na, ungo gɨ ba kɨya sɔlɛ cɨn̰ Ba-gulɔŋ unɔ bɨrɨŋ.

Wasɨn̰a 21:27

Hɨnga ga ni kɨni kɨya andaŋ a duroy cay ƴaa-di-gumu dɨŋ le naŋ bɨ, kalaŋ ga ka-lɔɔ bɨrane bɨ, ka-poy bɨ, kɨya andaŋge a duroy cay ƴaa-di-gumu dɨŋ le naŋ. Ama na kan ga walge gusondɨge a duroy magtubu sɔmɛ-bɨra da Kurɨn̰-dɨmangɨ dɨŋ le ƴɔbɨ, ba kɨya andaŋge a duroy cay ƴaa di nee dɨŋ le.